Jngo chjotaxá xi nda koatexoma | Jótso je Biblia

Je chjotaxá ñʼai kjimale nga tjíobʼéndajin kjoa xi tjíosʼe ya naxinandále. Ningalani nda tjío je chjota toxijña kjoasi sʼe xi totʼatsʼe kjoa política kʼoa kao jmeni xi sʼín je chjota.

Ya Biblia kʼoatso nga tíjna jngo chjotaxá xi nda koatexoma. Tsakui nichxin sa jekinoʼyai xi tʼatsʼe. Je Jesucristo kitsoya tʼatsʼe chjotaxá jebi.

• “Nʼainajin xi tijnai ngʼajmi, kataʼyaxkón jaʼaínli. Katjinroa kjoatéxomali. Kʼoakatasʼín josʼin nga meli, joni ya ngʼajmi kʼoatisʼin i̱ sonʼnde” (Mateo 6:9, 10).

Jótso Biblia tʼatsʼe chjotaxá jebi.

Je Chjotaxále Niná nda koatexoma

Je Chjotaxále Niná yaa tjen ngʼajmi koatexomani.

• Je Jesús “Kjoatéxomale ngʼajmi” kitsole chjotaxá jebi (Mateo 4:17; 5:3, 10, 19, 20). Kʼoa i kitsosa: “Je kjoatéxomana likui tsʼe i̱ sonʼndebi” (Juan 18:36).

Jé koatexoma ngajaole chjotaxá sonʼnde.

• Ya Biblia itso: “Chjotaxá jebi ñaki sixkoa̱ní kʼoa kjoaʼaxinní ngatsʼi chjotaxá xokjoan, kʼoa tojé kʼoéjna ngantsjai nichxin” (Daniel 2:44).

Nga je Jesús xi Rey sʼin tíjnale Chjotaxá jebi alikui kʼia tjóxin.

• Ya Biblia itso: “Jé koatexomantsjai kʼoa je xále likui kjoetʼa, kʼoa je kjoatéxomale likui kuixo̱ya” (Daniel 7:13, 14).

Nda kuiyoaa kʼianga jekoatexoma je Chjotaxále Niná.

• Je Biblia itso: “Nga jngó jngó yaa koationgi xka̱totseele kao yá higole, kʼoa liʼya xi kuinyaxkónle” (Miqueas 4:4).

Kataʼyasai tʼatsʼe Chjotaxále Niná

Nga tsakʼejna Jesús i sonʼnde kitsoya tʼatsʼe Chjotaxále Niná (Mateo 9:35). Kʼoa i kitso:

• “Kʼoa je énnda xi tʼatsʼe je kjoatéxomale ngʼajmi kuinókjoayani ngakijnda sonʼnde, nga si̱kixiyandale ngatsʼi naxinandá. Kʼia kjoaʼaí xi kjoetʼa” (Mateo 24:14).

Tsʼato 240 naxinandá tíʼmiya xi tʼatsʼe Chjotaxále Niná. Kataʼyasai xi tʼatsʼe Chjotaxále Niná kʼoa jmé kjoanda xi so̱koná kʼianga jekoatexoma.

Chótsenlai video Jméni je xi kjoatéxomale Niná tsole Biblia