Nota xi faʼaitʼa

d Lucas 10:30-37: “Jesús kitso: Jngo chjotaxʼin kijenni ya Jerusalén ʼnda Jericó. Kiskaya ntsja jngo ché xi tsakjáʼale najñole, kʼoa kisikiʼaon. Jame kisikájnakʼen. Kini ché. Tonanda jngo chjotanaʼmi ya jaʼajen je ndiaabe. Xi tsabexkon, jaʼatʼaxin xingoani. Kʼoatisʼinni jngo chjota lebita jicho ya ʼndebe, tsabexkon, jaʼatʼaxin xingoani. Tonga jngo chjota samaritano xi ya tífi, kʼia nga jaʼaitʼachrianle xi kitsiʼaon, kʼia nga tsabexkon, koanmake. Jichokonle, tsakinyásʼen siti̱ kao bino, tsakájtéjon jña nga kitsiʼaon, kisikʼéjnasonle cho̱le, kikao jña síkjáya chjota, kisikuinda nga je. Xi koan nyaonni tsʼasje jao taonbixo, kitsjoale naile ndʼia, kʼoakitsole: Tikuindalanái, kʼoa ngayije xi si̱kjesai, an kʼoechjíle kʼia nga kjoeʼenia. Jó si, ʼyáni xi jan mani, xi miyole jebe xi kiskaya ntsja je chébe. Kʼoa je kitso: Je xi koanmake. Jesús kitso: Tʼin, kʼoatʼiain nda tsa ji”.