Nota xi faʼaitʼa

b Hechos 13:44-48: “Kʼia nga nichxin nikjáya xijngo, ali tokʼoakji koanña chjota naxinandá, nga kinrʼoé je énle Niná. Tonga kjaínga koanchi̱ni̱ chjota judíos, kʼia nga tsabe nga nʼio nkjín chjota koanña. Kʼoakitso nga likui kʼoatjín je énle Pablo. Kinchjaʼaonle. Kʼia Pablo kao Bernabé koannʼiokon, kʼoakitso: Kjoakixi koanchjénkjoanla nga kinchjayajinno nga jon je énle Niná. Tonga kui nga kaino, kʼoa nikjaʼaitsjaon nga tsín kui bakinno kjoabijnachon ngantsjai, koeni, koangínchonlaijin chjota xi li judíojin. Kʼoasʼin tsakatéxomanajin Nainá, kʼoakitso: Ji tsakʼejnale xá nga niʼisenlai chjota xi li judíojin, jméni nga kʼoasʼin kuitjontjaini chjota jña saʼnda fetʼani sonʼnde. Kʼia nga je chjota xi li judíojin kinrʼoé én xo tjínbi, ali tokʼoakji koantsjoale. Tsʼasjejeya je énle Nainá. Koankjainle ngatsʼi xi kisinyanda xi tʼatsʼe kjoabijnachon ngantsjai”.