Nota xi faʼaitʼa

g Marcos 14:3-9: “Jesús tíjnaʼya niʼyale Simón ya naxinandá Betania. Simón tjínle chʼin nga tífiʼndojon yaole. Kʼia nga tíjnatʼa yámixa̱, jaʼainrʼoe jngo chjoón xi yʼa jngo tiixolo xi tjíale siti̱ nardo xi ñaki kui, xi kjaínga chjíle. Tsakakján tiixolobe, tsakʼéjtenson jko̱. 4 Tjín kʼa xi koanjtile, kitso: Ánni nga kisikitsónsíni siti̱be. 5 Koaan nga saténa tsakaini. Saʼnda tsʼato jan siento bixo kuitjo chjíle. Koaan kʼoaile chjotayo̱ma̱ tao̱nbe tsakaini. Kinchja̱tikao chjoónbe xi kʼoakisʼin. 6 Tonga Jesús kitso: Katabʼeno. Ánni nga nijtisínilao. Kjaínga tondaní nga kʼoasʼin kasíkaona. 7 Je chjotayo̱ma̱ koatiokaontsjaino. Tokʼiani meno koaanno nda si̱kao nga je. Tonga an likui ngantsjai koatejnakaono. 8 Je chjoónbe kʼoakasʼín jña saʼnda tjen kamale, nga tongini kitsjojon yaona xi tʼatsʼe nga koajnañe. 9 Xi kjoakixi xi xinno, tojñani ngakijnda sonʼnde nga kuinókjoayani énndabi, kʼoatisʼin sʼe̱ én nga kʼoasʼin kasíkaona, jméni nga kʼoasʼin kjoaʼaítsjennile chjota xi tʼatsʼe”.