Nota xi faʼaitʼa

e 1 Samuel 25:3, 23-28: “Je chjotabe, chjota calebitaní, Nabal ʼmi, kʼoa chjoónle Abigaíl ʼmi. Je chjoónle nda kosonnile jme xi sʼín kʼoa naskánakji, tonga je xʼinle nʼio tsʼen kʼoa kui kʼoasʼín xi chʼaotjín. ²³ Je Abigaíl, kʼianga tsabe David, kjitʼanangi kitjojenle je búrró kʼoa tsakjénjen jko̱ ya tʼanangi ya ngixko̱n David. ²⁴ Kʼoa kiskangi je ndso̱ko̱ kʼoa kitsole: Ji nai, an tjanenái jée. Tʼaiʼndenái nga kuinchja. Tinóʼyalai je chjoónchoʼndali. ²⁵ Sijéle kjoanda, ji nai, ali kuentajin nʼiai je Nabal. Nʼio chʼao kjoan chjota jebi kʼoa kui kʼoasʼín josʼin tsoyanile jaʼaínle. Nabal ʼmi kʼoa to chjotachininí. Tonga an, chjoónchoʼndali, alikui tsaʼbe je chjota xi kinikasáin, ji nai. ²⁶ Kʼoa ji nai, tojosʼin tíjnakon je Jeobá kʼoa tijnachuin tsanda ji, jé Jeobá tíbʼéchjoali nga tsín ji kʼoéndajin kjoa jebi kʼoa nga tsín njín kʼoéjtain. Je chjotakontrali kʼoa je xi mele josikaoli kʼoati katamatʼain jokoa̱ntʼain je Nabal. ²⁷ Kʼoa ndʼaibi ji nai, je chjota xi tjenkaoli katakjoé kjoatjao jebi je xi kafaʼaikao je chjoónchoʼndali. ²⁸ Tʼiain kjoanda tichatʼalai je chjoónchoʼndali tsa jme xi tsín nda katso. ʼBeña nga je Jeobá tondiaa sikʼéjna je ntje̱li, ji nai. Nga̱ ji, tsʼení Jeobá je kjoajchán xi tibʼejnai kʼoa jokji tse nga tijnai alijme xi chʼaotjín tinʼiai”.