Nota xi faʼaitʼa

d Ezequiel 37:15-19, 24, 25: “Je Jeobá i tikitsongánina: ¹⁶ Kʼoa ji, ʼndíle chjota, jngo yá chjóai kʼoa i̱ tso xi chjítʼai: Xi tsʼe Judá kʼoa kao chjota israelita xi ya tjíokao. Ijngo yá chjóai kʼoa i̱ tso xi chjítʼai: Xi tsʼe José, je yá xi tsʼe Efraín, kʼoa kao ngatsʼi je niʼyale Israel xi ya tjíokao. ¹⁷ Xijekoa̱n, tjayokjoai nga jao ánni nga tojngo yá koa̱nsíni ya yandsai. ¹⁸ Kʼianga i̱ tso xi skónangili je naxinandáli, a tsí kʼoakʼuínnáijin josʼin tsoyanile jebi, ¹⁹ i tʼinlai, kui jebi xi títso je Jeobá xi batéxomale ngayeje: Skoéña je yále José, xi kjiantsja je Efraín, kao ntje̱le Israel xi ya tjíokao, kʼoa kjoayokjaoña kao yá xi tsʼe Judá. Tojngoo yá sikoa nga jao; tojngo yá koa̱n ya yandsa̱. ²⁴ Jé choʼndana David xi reyle koa̱n kʼoa tojngoo koa̱n xi skóʼnda ngatsʼi. Kʼoasʼin kʼoétsoma jotso kjoatéxomana kʼoa nda sitjoson je kjoatéxomana. ²⁵ Yaa koatio ya nangi xi an kitsjoale je choʼndana, je Jacob, jñani tsakatio je chjotajchíngano. Yaa koatio ngantsjai nichxin, je kao xtile kʼoa kao xtile xtile; kʼoa jé choʼndana David koasentítjonle ngantsjai”.