Nota xi faʼaitʼa

e Daniel 2:28, 31-35: “Tonga tíjna jngo Niná ya ngʼajmi xi tsoya kjoa xi ʼma tjín, kʼoa tíbájinkon je rey Nabucodonosor jmeni xi koa̱n kʼianga to jetífikjetʼa nichxin. Kui jebi je nijñá kao sén xi tsaʼyai kʼianga tisojnai ya sonnachanli. ³¹ Ji rey, kʼianga tichotsain, jngo xkóson xi síxkónkjije tsaʼyai. Xkóson jebi, síxkónkjije kʼoa síxkónkji fate, yaa kisasenjna ngixkuin kʼoa ñaki tonokjonlee jokji. ³² Je jko̱ xkóson jebi ñaki tao̱nsinení; je ʼme̱le kao xjale tao̱nchxoaní; je tsʼoa̱ kao ngʼasole ki̱cha̱níní; ³³ ki̱chaa tʼainxkóle, ki̱chaa je ndso̱ko̱ kʼoa ndási títsʼónjin. ³⁴ Nga tichotsenlai, jngo la̱jao̱ kitjokatʼa, ali tsa ntsja chjotajin xokisikao. Kʼoa yaa kichokangi ndso̱ko̱ xkóson jebi, jñani ki̱cha̱ kʼoa ndási títsʼónjin kʼoa kisixkoaa. ³⁵ Kʼoa je ki̱cha̱, je ndási, je ki̱cha̱ní, je tao̱nchxoa kao tao̱nsine, ngayeje ki̱cha̱ xokjoan ñaki koanxkoaa, kʼoakoan joma je tjéle trigo kʼianga cha̱nndoá kʼoa kikao je ntjao̱ kʼoa nijmejinla xi tikisationi. Tonga je la̱jao̱ xi kiskatʼa xkóson jebi jngoo nindoje koan kʼoa tsakajnajtsa i̱ tʼanangi”.