Nota xi faʼaitʼa

d Isaías 30:23-26: “Kʼoa jé sikʼane jtsí je tocho xi kʼoéntjai jinnangi, kʼoa je tsojmi xi koa̱njchá jinnangi toxkia sʼee kʼoa ñaki nda koa̱nkjoan. Nga kui nichxin je cho̱ntjeli nʼio tse ʼnde sʼe̱le jña kʼoémakjen. ²⁴ Kʼoa je nra̱ja̱ kao búrró xi ya sixá jinnangi kui koakjen je li̱ji̱ xi nʼio ndakjoan xka̱ títsʼójin, xi pala bʼéngi je chjota nga síkʼa. ²⁵ Kʼoa kʼianga nʼio nkjín chjota ni̱kjeson, kʼianga kuixojen je xjáo, sʼee xo̱ngá kʼoa kjoaʼa nandá ngakjijnda jñani ngʼa nindo kʼoa ngakjijnda jñani ngʼa xi̱ngi̱. ²⁶ Kʼoa nichxin nga koajtéjon Jeobá jñani kitsiʼaon naxinandále kʼoa sindaya jñani kisikiʼaon, je sá kʼoasʼin siʼisen josʼin síʼisen je tsʼuí, kʼoa je tsʼuí ñato ya kʼoakji siʼisen, joni tsa ñato nichxin tjínni”.