Nota xi faʼaitʼa

a 1 Timoteo 3:​1-7: “Je énbi ñaki kʼoatjín: Tsa jngo xi mele xá nga sikuinda naxinandále Cristo, kjaínga nda xá xi mele. ² Machjén nga je xi síkuinda naxinandále Cristo alijme jée sʼele. Tojngo chjoón katasʼele. Chjotatojbi katama, kʼoa chjotaʼindatakon, kʼoa chjota xi nda síchoyale yaole, xi nda sísinle xi faʼaikonle, xi nda male bakóya. ³ Machjén nga tsín sísinle bino, nga tsín bʼéle chjota. Ali chjotachi̱nga̱jin ma tʼatsʼe tsojmi, nga tochjotandʼé ní, nga likui kjoasi sísin, nga likui chi̱nga̱le tao̱n. ⁴ Machjén nga nda batéxomale niʼyale, nga nda bʼénele xtile nga ñaki nda katabexkón kjoa. ⁵ (Je xi tsín tsa male batéxoma niʼyale, jósʼin sikuinda naxinandále Niná). ⁶ Ali tsa jejin xi tosʼa koankjainle, jméni nga tsín ska̱jinsíni xi tikuini kjoañʼai joni tsa na̱i, nga̱ ngʼakon koa̱n. ⁷ Kʼoati machjén nga xi kjaʼaí chjota nda kʼoa̱sje nga je, jméni nga tsín tsa ska̱jinsíni kjoasoa kao che̱nle na̱i”.