Nota xi faʼaitʼa

b Proverbios 2:​6-16: “Nga̱ jé Jeobá xi male tsjoá kjoachjine; yaa tsʼoa bitjoni je kjoankjíntokon kao kjoamajintokon. ⁷ Tsjoále kjoachjine je chjota xi kixi, síkuindaa je chjota xi kixi tjíotsoma. ⁸ Síkuindaa je ndiaa xi kixi kʼoa síkuindaa chjota xi kixi. ⁹ Kʼoa koa̱njinli josʼin tíjna je xi kixi kao xi ndatjín. ¹⁰ Kʼianga kjoaʼasʼenjin ni̱ma̱li je kjoachjine kʼoa nga tsjoacha koai̱n je kjoankjíntokon, ¹¹ koasenkaoli nga nda si̱kjaʼaitsjain kʼoa je kjoamajintokon sikuindali ¹² nga tsínkui kʼoasʼiain josʼín je chjota xi tsín kixi tíjna jmeni xi tso, ¹³ xi síkatío ndiaa xi kixi nga ya fiya ndiaa xi njion chon, ¹⁴ xi tsjoake nga kui kʼoasʼín xi chʼaotjín kʼoa xi kjoatsʼen tsjoake, ¹⁵ xi tsín nda ndiaa tjíofiya kʼoa xi tsín tinda tjíofikaoni yaole. ¹⁶ Je kjoachjine koasenkaoli nga tsín ya sisinlai je chjoón xi tsín ndasʼin tífikao yaole kʼoa nga tsín ya kʼoanachali je chjoónchajngi”.