Je Énle Niná nʼio chjíle

1. Je xo̱n xi kitsjoa Jeobá nʼio tsje tíjna.

Yaa mangósonkao joni jngo tao̱nchjí.

Nʼio naskánatjín én xi ya faʼaitʼa

kʼoa tsjoánganʼiole ngatsʼi je chjota.

Yaa masjaitʼaná kjoachjinele Niná,

kʼoa yaa kʼoatsoná jokjoan je Jeobá.

Jé tsakándiaale je chjota xi kiski,

kʼianga kitsjoale je nganʼiotsjele.

2. Ya Biblia kʼoatso nga Niná kisinda

saʼnda nga títjon tojmeni xi tjín.

Kʼoati kʼoatsoná xi tʼatsʼe jngo ánkje

xi je koanmele koatexomason.

Adán kao Eva likui kisitjoson

je kjoatéxoma xi kitso Jeobá.

Kʼoa ngatsʼiaa ndʼaibi chjotajée kitjenñá,

tonga jé Jeobá sikatíondáiná.

3. Tse kjoanda tjínná nichxin xi tiyoaa ndʼai,

je Rey sʼin tíjna je Nainá Jesús.

Ñaki kao kjoatsjoa nga kʼoaʼmilee chjota

kjoanichikontʼain xi tsjoáná Niná.

Tse kjoanda tjenkao nga bʼexkiaa je Biblia,

nga̱ nyʼán bʼé tokoán jme xi tso Niná.

Kao kjoatsjoa kʼoéxkiaa je Énle nga nyaon nyaon,

joni tsa nandá nga ʼyoá nga nyaon nyaon.