Jéní Jeobá xi koʼndana

1. Jéní Jeobá xi koʼndana,

kʼoasʼin kjuía jokuitsona.

Tojé xi be jotjín ni̱ma̱na

kʼoa nʼio nda síkuindana.

Yaa fikaona jña tjín jñá xkoén

nga bakóna kjoandale.

Kʼoa kao kjoatsjoachale bándiaanina.

Nyʼán sʼe koan kʼoa li tsokjoan.

Kao kjoatsjoachale bándiaanina.

Nyʼán sʼe koan kʼoa li tsokjoan.

2. Xi totʼatsʼe je jaʼaínli

ñaki nda tifandiaanái.

Je ndiaali ndasʼin síkʼéjnana,

ñaki kʼoasʼin tifiya.

Tsa ya tsoʼba̱ jñani njio chon,

jé yániseli mjenái.

Kʼoa ji kjuíkaole josʼin kjoándiaanái

kʼoa alikui sikjáojian.

Ji kjuíkaole josʼin kjoándiaanái

kʼoa alikui sikjáojian.

3. Tibakonái kjoatsjoachali.

Kʼoati tinikuindanái.

Lijme xi chana nga̱ tijnaní

kʼoa ñaki nʼio tsjoake̱le.

Jokji tsjoachanái sʼejngo koan,

alijme xi tsokjonle.

Kʼoa ji kʼoamjekaole ngantsjai nichxin

nga̱ nda tinikuindanái.

Ji kʼoamjekaole ngantsjai nichxin

nga̱ nda tinikuindanái.