Kjoaʼmiya 14

Je miyo le Niná likui kʼoasʼín xi chʼaotjín

Satanás batio basen jmeni kʼianga chaʼosʼian. ʼYani xi me le miyo le Niná koan, tjínne le koan jtikie jme xi jtikie Jeobá (Salmo 97:10). Kui kʼa jebi xi xín sikatió miyo le Niná:

Jée xi tsʼe kjoachajngi. “Likui tjínne li sichajngitʼai.” (Éxodo 20:14, NM.) Xi sichajngi nga kjie bixan jin kʼoati chʼaosʼin (1 Corintios 6:18).

Kjoachʼi. Xi “chʼi [...] [likui] sʼe kjoatjao le [reino, NM] le Niná” (1 Corintios 6:10).

Xi sikʼien kʼoa xi bʼetsaojen chjindé ʼndi le. “Likui tjínne li sikʼain.” (Éxodo 20:13, NM.)

Kjoaché. “Likui tjínne li sichái.” (Éxodo 20:15, NM.)

Én ndiso. Jeobá jtikie xi “ndiso nijen” (Proverbios 6:17, NM).

Kjoabixkan kʼoa kao xi nʼió síjti le yao le. Jeobá “jtikie to ʼyani xi kjoabixkan tsjoakie” (Salmo 11:5, NM). Je “kjoajtí” kui “kjoa xi sʼin yao ná” (Gálatas 5:19, 20).

Xi taon siska ni le. “Nga tsín tsa mankjintʼa lao [...] xi kʼoasʼin [...] xi xinkon”. (1 Corintios 5:11.)

Bʼasjengi xi kjaʼai sʼin tsen yao le kʼoa xi xín ʼnde le. “Katama tsjoachao xi jtikie no, tichikontʼaon xi nchjaʼaon no, nda tikao xi chʼao bekon no, tʼetsʼoantjao xi chʼao sikao no, kʼoa xi fitjengí kontra no.” (Mateo 5:43, 44.)

Kjoanda xi tsáan ñá ngayeje jme xi tso ná Niná. Likui choa ñʼai tíjna nga xín nikʼejna xi chʼaotjín, tonga kao nganʼió le Jeobá kao Testigo le koan li nga xín sikʼejnai jme xi tsín sasén le Niná (Isaías 48:17; Filipenses 4:13; Hebreos 10:24, 25).