Kjoaʼmiya 16

Takui nga tsjoachai Niná

Nga tsín sichai miyo li tjínne li nga chjakoai. Ji noʼya lai kʼoa jé nruʼe li. Xi ijngo sa ni, nda sʼin nokjoai xi tʼatsʼe. Kʼoati kui xi tjínne li sʼiain nga miyo le Niná koain. Chotsen lai jótso Biblia xi tʼatsʼe kjoa jebi.

Tʼetsʼoa ntsjai ntsjai lai Jeobá. “Tʼetsʼoa ntsjao.” (Romanos 12:12.)

Tʼexkiai Én le Niná, je Biblia. “Ngayeje xon eskritura Niná kinroani, kʼoa kjai nga nda machjén nga bakoya ná, nga nchjatikao ná, nga sichoyanda ná.” (2 Timoteo 3:16.)

Tʼin ya lai chjota jme xi je ʼyai xi tsʼe Niná. “Tangion, tinyaʼao ngatsʼi naxinandá, tikinjaon chjota tʼatsʼan [...]. Takóya lao nga katasítjoson ngayeje kjoa xi an tsakʼene no.” (Mateo 28:19, 20.)

Ya tjajtai miyo le Niná. “Je xi chjota chjine bʼamjekao chjine koan.” (Proverbios 13:20.)

Tʼín kjoajtín xi sʼe ya Ndʼia tsʼe Reino. “Sikjaʼaitsjen jin ñá xíngía nga jngo jngoa, nga sinʼiójian xíngía, nga sʼe ná kjoatjaocha, kʼoa nga kʼoasʼian xá xi nda [...], tonga kʼoene le xíngía.” (Hebreos 10:24, 25.)

Tʼainganʼui nga katafitʼa xá xi tsʼe Reino. “Nga jngo jngo katatsjoá josʼín kosón ni le nima le, a li kao kjoaba jin, ni kao kjoanʼió jin, nga Niná tsjoakie je xi kao kjoatsjoa tsjoá.” (2 Corintios 9:7.)

[Én xi ya faʼaitʼakao sén xi faʼaitʼa ya pájina 27]

NDʼIA TSʼE REINO le Testigo le Jeobá