Jméni xi mele Niná xi tʼatsaan

Je Niná kui xi mele nga tsjoa sʼe̱ tokoán kʼoa nga nyʼán kuiyoaa tokʼia saʼndani ya ʼndenaxó xi kjoaʼaíkao.

Tsakui nichxin i̱sí: “A kʼoakoa̱n tsokʼoa”. Je Biblia kʼoatso kʼianga je Gobierno xi tsʼe Niná xosʼin. Kʼoa je Niná kui xi mele nga kataʼmiyale ngatsʼi chjota xi tʼatsʼe Gobierno jebi kʼoa kao jmeni xi tjínndajinle xi tʼatsaan (Salmo 37:11, 29; Isaías 9:7).

Je Niná kui xi mele nga nda kuiyoaa.

Joni tsa jngo nʼai nga kui xi mele nga nda koatio ʼndíxtile, je Nʼainá xi tíjna ngʼajmi kʼoati kui xi mele nga tsjoa sa̱tío tokoán kʼoa nga kuiyoaa tokʼia saʼndani (Isaías 48:17, 18). Je Niná kʼoatso nga je xi sítjosonle “ñaki kʼoasʼin [kʼoé]jna ngantsjai” (1 Juan 2:17).

Je Niná kui xi mele nga ya kuitsomayaa ndiaa xi tsʼe.

Je Biblia kʼoatso nga Niná mele “koakoyaná tʼatsʼe ndiaale” ánni nga ya kuitsomayasíñá (Isaías 2:2, 3). Kʼoa ndʼaibi jngo naxinandá tíjnale xi jaʼaínle yʼa. Kui xá kiskoejinni naxinandá jebi nga katatsoya jngo tjíjtsa Sonʼnde jmeni xi tjínndajinle (Hechos 15:14, NM).

Je Niná kui xi mele nga jtín sʼin kuiyoaa kʼianga jchaxkoán.

Je xi ñaki tsje sʼin tjíobexkón Niná alikui xkoa̱ya sʼin tjío, ñaki tsjoake xínkjín (Juan 13:35). Tonga nichxin xi tiyoaa ndʼaibi, ʼyáni xi tjíotsoya ngakjijnda nga ñaki jtín sʼin katasíxále Niná je chjota. Chótʼayajin xo̱n jebi ánni nga jchasíni ʼyani.