JONʼIA XI CHJOTALE CRISTO MAA

Je Jeobá tsjoake je chjota xi tsje sʼín

Nʼio nkjín xijchá xi kʼoasʼin bakóyale je ʼndíxtile nga katabanéjon je ntsja, nga katasíndachon jña fayo, nga katabatécha kʼoa nga katabʼéjten tjé. Je xi mele nga tsje katamaa jéní Jeobá, nga̱ je tsjení (Éx 30:18-20; Dt 23:14; 2Co 7:1). Nga tsje nichoaan kʼoa kʼianga tsje nʼia, jé Jeobá chʼasjengʼaa (1Pe 1:14-16). A tsje nichoaan ya niʼyaná kʼoa tsa yaje̱ ndai ndʼianá. Tjínkʼa je chjota xi ya bʼétsao tjéle ya ndai carretera kʼoa tsa yaje̱ parque, tonga ñá xi chjotale Cristo maa bʼenelee yaoná nga tsje nichoaan (Sl 115:16; Ap 11:18). Kʼianga tsje nʼia alikui tojña bʼetsoaa xo̱nle toxi, xjoa̱ ndáxi kʼoa tsa xongó. Tojmeni xi nʼia mená koakoá nga choʼndale Niná maa (2Co 6:3, 4).

KʼIANGA JECHÓTSENLAI JE VIDEO JE NINÁ TSJOAKE JE CHJOTA XI TSJE SʼÍN, CHÓTʼAYAJIN KJOACHJONANGI JEBI:

Jméni xi tso kʼa je chjota tojoni nga tsín tsje sʼin.
Jósʼin basenkaoná je Kjoatéxomale Moisés nga ʼyaa josʼin síkjaʼaitsjen je Jeobá tʼatsʼe nga tsje nʼia.
Jósʼin koa̱n chʼa̱sjengʼaa je Jeobá ninga tsín tinokjoaa.

Jngo nʼai xi tífaʼasʼen je carrole tile xi jndí kji. Je nʼai kao tile kui tjíofáoyani je kjoafaʼaitsjen xi tsjoá je Biblia tʼatsʼe nga tsje maa. Jao naʼmi tjío ya jñani sʼetsʼoale je Jeobá. Je carrole ndsʼee jetsje kji nga tjíofitsoyason — Jósʼin koa̱n koakoa nga kʼoatisʼin sikjaʼaitsjen josʼin síkjaʼaitsjen je Jeobá tʼatsʼe nga tsje nʼia.