Kui tichjain én xi ñaki kʼoatjín

Lucas 1:3

XI BAKÓYANÁ: Kui tichjain je xo̱n xi ñaki kʼoatjín jmeni xi tso nga kuisenkoai je chjota nga katabe nga kʼoatjín jme xi tiʼmiyalai.

JÓKOA̱N SʼIAIN:

• Tichjain xo̱n kʼoa tsa én xi ñaki kʼoatjín. Kʼianga jme xi sí ya Biblia tʼexkiani kʼoa tsa maije̱ ya chʼa̱ngini. Kʼiatsa kui si̱kʼaxki̱ jmeni xi tso chjota científico, tsa jngo noticia kʼoa tsa jmesani xi kjaʼaínile, kui tichjain én xi ñaki kʼoatjín.

• Nda tichjain xo̱n jña tichʼangini. Kʼianga jngo testo kʼuínyai katamajinkjoanlali jme xi mele kuitsoyaná Jeobá kao testo jebi. Kʼoa josʼin si̱chjain tjínnele koa̱nngóson kao jme xi tso ngayeje Biblia kʼoa kao je xo̱n xi bʼasje “je choʼnda xi nʼiotʼakon, xi nda be xá” (Mat. 24:45). Kʼiatsa toxkia xo̱n si̱chjain, kuenta tʼiain jme xi tínchja̱ni kʼoa jme xá kichjini.

• Tisenkoai je xi tjíonrʼoéli nga katasínkjínle kon. Nga jekabʼexkiai jngo testole Biblia kʼoa tsa kjaʼaí xo̱n, tikatiui kjoachjonangi kʼoa tsa jngo choa̱ xi koasenkao je xi tjíonrʼoéli nga tije katasíjinnile yaole nga kʼoatjín jme xi tisi.