Nʼio tse jmeni xi kisʼin je nganʼiotsjele Niná

Tomaxkónná jmeni xi tjíosʼín je choʼndale Niná jokji tífaʼato nó xi totʼatsʼe nga je Jeobá tjíobinyakao. Kʼianga nó 1954, je naxinandále Niná kui tsakʼasje je película xi ʼmi La Sociedad del Nuevo Mundo en acción nga én inglés. Me tongatsʼi xi tsakʼénda película jebi xi tsín nanda be josʼin sʼenda película. Kuinga koan kisʼendani película jebi nga kui nganʼiotsjele Jeobá tsakinyakao je ndsʼee. Choa̱ jebi kui bakóyaná nga kuitjosonná tojme xá xi sʼe̱nená kʼiatsa je Jeobá si̱nʼiotʼaa (Zac 4:6).

KʼIANGA JECHÓTSENLAI JE VIDEO JOSʼIN KISʼENDA “LA SOCIEDAD DEL NUEVO MUNDO EN ACCIÓN”, CHÓTʼAYAJIN KJOACHJONANGI JEBI:

• Ánni nga jngo película kisʼendani tʼatsʼe jña tjen tísʼendiaanile nga tíʼmiyason Énle Niná.

• Jósʼin bakó película jebi nga mangóson josʼin kjimaxá ya Betel kao josʼin síxá yaoná (1Co 12:14-20).

• Jméni xi ñʼai koanle je ndsʼee, kʼoa jósʼin tsakʼéndajin.

• Jmé xi bakóyali jebi tʼatsʼe nganʼiotsjele Jeobá.