Isʼin sa̱tío kjoajtín je xomana xi fitsʼiani 10 sá diciembre

XOMANA XI FITSʼIANI 10 SÁ DICIEMBRE

Kjoajnda 120 kao kjoabʼetsʼoa

□ Nga chotʼaya Biblia

lv kjoaʼmiya 6 párr. 16-23 (30 min.)

□ Skuela xi síchjine choʼndale Niná

Jña koa̱nxkia Biblia: Sofonías 1–Ageo 2 (10 min.)

Núm. 1: Santiago 2:1-13 (4 min. kʼoa tsa choasa)

Núm. 2: Jósʼin ʼyañá nga tsín ni̱kjeson je xi nda chjota (gf kjoaʼmiya 7 párr. 3) (5 min.)

Núm. 3: Jókoannile nga koankjinnile Jeobá je Salomón, kʼoa jósʼin kichotsjoá (bm p. 13 párr. 5, 6) (5 min.)

□ Kjoajtín xi tsoyaná josʼin si̱xálee Niná

Kjoajnda 19

15 min. Skuela xi síchjine choʼndale Niná nó 2013. Kjoanokjoaya jebi jé kʼoakaole je ndsʼee xi kjinele skuela. Kʼoatʼinlai je xíngiaa jmeni xi ngisasa machjénle nga sixákao tojosʼin tjínndajin Skuela xi síchjine choʼndale Niná nó 2013. Kʼoatʼinlai nga tsín katasícha kʼianga je bʼakaole faʼa ya skuela, nga katatsjoá énle kʼianga chotʼaya jñani maxkia Biblia kʼoa nga katasíchjén je kjoafaʼaitsjen xi bʼaile je xíngiaa nga xki̱ xomana xi ya tjoetʼani ya libro Benefíciese.

15 min. “Nyʼán tiyokao ngatsʼi chjota.” Tochjónangilai je xíngiaa. Jao xíngiaa chjoéjin xi tosasa katafaʼachoyani. Je xíngiaa xi títjon kjoaʼa kui katabakó jmeni xi tsín koa̱n sʼiaan kʼiatsa jngo chjota ska̱jiaan xi tokoa̱njtile kʼianga tiʼmiyasoán, kʼoa je xíngiaa xi majaoni kui katabakó jmeni xi koa̱n sʼiaan.

Kjoajnda 39 kao kjoabʼetsʼoa

“Nyʼán tiyokao ngatsʼi chjota”

1. Kʼiatsa tsín sasénle chjota nga niʼyale bichonrʼoé, jmé kjoafaʼaitsjen xi kjuintjenngiaa.

¹ Ñá xi naxinandále Jeobá maa nyʼán tiyokoaa xíngiaa kʼoa kjoanyʼán tje̱nkao je én xi ʼmiyasoán (Is. 52:7). Tonga tjín chjota xi tsín sasénle nga mangínchonlee ya niʼyale. Kataʼyala jmeni xi koasenkaoná nga tsín yaoná si̱jtilee kʼoa nga tsín jokʼuínlee je chjota (Rom. 12:18).

2. Ánni nga machjénsíni nga si̱nkjínlee tokoán nga sakʼoa tomajtile chjota.

² Si̱nkjínlee tokoán. Tjínkʼa chjota xi tonchja̱ti nga̱ tsín mele nga énle Niná kʼuínyalee. Tonga kʼoati tjín xi tokui kʼoasʼínni tsa kjoa tjíofaʼatojin nga kabichoaa kʼoa tsa toje jtileje̱ kʼoa kuinga tsín nrʼoéniná. Kʼoa ninga kui én xi kabichokaolee xi tsín sasénle, tsakui nichxin kui kʼoasʼínni nga tokui fini jmeni xi tso chjota xi tʼatsaan (2 Cor. 4:4). Kʼiatsa si̱nkjínlee tokoán anni nga kʼoasʼínsíni chjota, alikui kʼoasʼin si̱kjaʼaitsjeen nga ñá xi jtikená, kʼoa jebi koasenkaoná nga tsín jokʼuínlee (Prov. 19:11).

3. Jósʼin bakolee kjoaxkóntokon je chjota xi ʼmiyalee.

³ Koakoá kjoaxkóntokon. Nʼio nkjín chjota xi nʼio batio josʼin makjainle (2 Cor. 10:4). Kʼoa jé xi kuitsoni tsa kjuinrʼoéná kʼoa tsa mai kʼianga ʼmiyalee. Alikui mená nga toxkia chja̱koaa tʼatsʼe jmeni xi makjainle kʼoa ni mejinná nga kʼoasʼin katasíkjaʼaitsjen nga ngʼa tichʼasjee yaoná jokji ʼyaa xi tʼatsʼe Biblia. Xi ngisa machjén kuinga kjuinchʼalee kjoaxkóntokon. Kʼoa tsa tokʼoetená, tosa tokoanngián.

4. Jósʼiaan nga “kao kjoanda” kuinókjoakoaa chjota.

⁴ Énsin énnda kuinókjoaa. Ninga ʼya xi chʼao kuitsoná machjénní nga ñaki “kao kjoanda” kuinókjoakoaa (Col. 4:6; 1 Ped. 2:23). ʼNdele nga cho̱batiaa, tosa kui cho̱bayañá jmeni xi koa̱nngósoán kao chjota jebi. Tojbi toʼinda chjónangilee ánni nga kʼoatsosíni. Kʼoati sakʼoa machjén nga tosi̱kjetʼaa jme xi tichobayañá ánni nga tsín tosi tonda koa̱njtisínile (Prov. 9:7; 17:14).

5. Jmé kjoanda xi sokóná nga ndʼé maa kʼianga ʼmiyasoán.

⁵ Kʼiatsa ndʼé si̱koaa je chjota xi tomajtile, tsakui nichxin kjuinrʼoéle kʼianga jekjaʼaí xi kuichokakóyale je énle Niná (Rom. 12:20, 21). Kʼoa tsakuini nichxin saʼnda ndsʼee koa̱n nga kuichoka nichxin (Gál. 1:13, 14). Ni koa̱nkjainle kʼoa ni tsín koa̱nkjainle je chjota, kʼiatsa tosi tonda ndʼé si̱koaa kʼoa likui kʼoékjaoʼakoaa, skoe̱ní nga nʼio ndatjín jmeni xi tiʼmiyaa kʼoa jé Jeobá kuitjongʼa (2 Cor. 6:3).