JONʼIA XI CHJOTALE CRISTO MAA
Jmé xi sʼiaan nga sʼe̱jngo tokoán nga kʼoatjín jmeni xi tso Biblia
Jé Énle Niná basenkaoná nga nindayaa yaoná (Heb 4:12). Tonga tsa tsín tjínjngo tokoán nga ñaki Énle Niná je Biblia alikuijin koasenkaoná je kjoatéxoma xi faʼaitʼa kao kjoafaʼaitsjen xi tsjoá (1Te 2:13). Jmé xi sʼiaan nga sʼe̱jngo tokoán nga kʼoatjín jmeni xi tso Biblia.
Nyaon nyaon kʼoéxkiaa je Biblia. Kʼianga kʼoéxkiaa, kjoásjee choa̱ xi bakó nga tʼatsʼe Jeobá jaʼaini je Biblia. Tobʼelañá, kʼianga kʼoéxkiaa je libro xi tsʼe Proverbios kuenta sʼiaan nga tojo machjénná ndʼaibi je kjoafaʼaitsjen xi faʼaitʼa (Pr 13:20; 14:30).
Kjoásjaiyaa jmeni xi bʼexkiaa. Machjén nga jchaa je choa̱ xi bakó nga je Niná xi kʼoasʼin koanmele nga kichji je Biblia. Koaan kjoásjaijiaan je Xo̱n xi síchjén je testigole Jeobá nga jme xi básjaiya jñani “Je Biblia” tso kʼoa xijekoa̱n jñani “Tʼatsʼe Niná kinroani Biblia” tso. Kʼoati sʼe̱jngo tokoán nga tsín tíbʼantjaiya jmeni xi tso Biblia kʼianga chótʼayajiaan je apéndice A3 xi tsʼe Traducción del Nuevo Mundo.
KʼIANGA JECHÓTSENLAI JE VIDEO ÁNNI NGA MAKJAINNINÁ JOTSO JE ÉNLE NINÁ, CHÓTʼAYAJIN KJOACHJONANGI JEBI:
Jmé xi koansjai ya jngo yo̱ngo̱ xi tíjna ya Karnak (Egipto) xi bakó nga ñaki kʼoatjín jmeni xi tso je Biblia.
Jmé choa̱ xi tjín nga tsín tíbʼantjaiya jmeni xi tso je Biblia.
Jméni xi bakóyaná nga tojo tíkijna je Biblia saʼnda ndʼaibi (tʼexkiai Isaías 40:8).