Jmé xi koa̱n sʼiain nga ngisa nda koa̱njinli kʼianga kʼuínyali
Nga kjesa bʼetsʼiakaojin nga chotʼayai títjonkjoanla tʼexkiai i̱bi. Xijekoa̱n, chótsenlai VIDEO.
XI TÍTJON
Kʼianga kʼuínyali, tongini tjen tʼexkiai nga toji je párrafo xi faʼaitʼa. Je kjoachjonangi xi número tjínle (A) kʼoa kao letra xi jma kjoan (B) kui tsoya jme xi tínchja̱ni párrafo. Kuenta tʼiain nga sakʼoa “tʼexkiai” tso én xi faʼaitʼa jñani tjío je texto.
XI MAJAONI
Je én xi faʼaitʼa jñani “Kataʼyasai jme xi tínchja̱ni” tso, kui tsoya jme xi kuinchja̱ni xi fisani (C). Je én xi faʼaitʼa jñani número tjínle kui tsoya xi tínchja̱ni (D). Kʼoa kʼianga tíʼmiyali, kʼoéxkianí je texto xi nroatʼa, chjónangili xi faʼaitʼa i̱bi kʼoa chótsenlai je video xi nroatʼa.
VIDEO. I̱bi kui faʼaitʼa video xi kui tínchja̱ni xi tichotʼayai. Tjínkʼa video jñani je chjota bʼéyanajmí jme kjoa xi jaʼatojin, kʼoa tjínkʼa xi totsoyacho̱ya je kjoa xi bitjatojiaan.
Chótsenlai sén xi nroatʼa kʼoa tʼexkiai je én xi ya nroatʼa (E), kʼoa tikjaʼaitsjain jósí tsa jilani xi kui tíchjonangili jñani “Tjínkʼa xi i̱ tso” tso (F).
XI MAJANNI
Xi tofetʼani, kui faʼaitʼa jme “Xi kachotʼayá” kʼoa kjonangi “Jmé xi kamajinli” (G). Koaan kʼoétʼaxuin kʼiáni chótʼayai nga jngó jngó kjoaʼmiya. Jñani faʼaitʼa xi “Kʼoatʼiain jebi” tso kui kʼoakʼuínli jme xi koasenkaoli (H). Kʼoa ya jñani “Xi koasenkaosali” tso kui faʼaitʼa jmeni xi koa̱n kʼoéxkiai kao video xi koa̱n chótsenlai (I).
Jósʼin kuijnyísjai textole Biblia
Je Biblia 66 libro tjínle. Jaoya mani. Jngoya xi Escrituras Hebreoarameas ʼmi, kʼoa Antiguo Testamento tso kʼale chjota. Kʼoa xi ijngoya Escrituras Griegas Cristianas ʼmi, kʼoa Nuevo Testamento tso kʼale chjota.
Nga texto bʼaxki̱, kui títjon faʼaitʼa joʼmi je libro (A), xijema kʼiaa faʼaitʼa capítulo (B), kʼoa xijema kui faʼaitʼa je versículo (C).
Tobʼelañá, Juan 17:3 kui xotsole “libro xi tsʼe Juan, capítulo 17, versículo 3”.