ÉN XI NʼIO CHJÍLE XI NYA BIBLIA

Tsa tse tao̱n tjínná alikui xi tsonile nga kixi maa

Je Zofar kʼoakitso nga je Niná faʼáxinle je kjoanyiná xi tjínle je chjotatsʼen, kui xi kitsoni nga tsakajngijée je Job (Job 20:5, 10, 15).

Je Job kʼoakitso ánni nga tjínni chjotatsʼen xi nyiná (Job 21:7-9).

Je Jesús kʼoakitso nga tjín chjota xi kixi fitʼale Niná xi tsín tse tsojmi tjínle (Lu 9:58).

Ya nditsin, jngo ndsʼee xi textole Biblia tíbʼéxkiale jngo familia. Je xi nʼai ma nda tíkotsenle je Bibliale nga kjimaxkia kʼoa je chjoónle kao tiʼndíle nda tjíobinyáño.

TIKJAʼAITSJENJIN JEBI: Ni tjínná tao̱n kʼoa ninga ma̱ tinijchá yaoná, jméni xi ngisa kʼoailee kjoandosin tsa mená nga kixi skoe̱konná Jeobá (Lu 12:21; w07-S 1/8 29 párr. 12).