Jmé xi koa̱n sʼiain nga ngisa nda koa̱njinli nga jngó jngó kjoaʼmiya

Machjén nga tjín xi kuitsoyali xo̱n jebi. Koaan kʼoakʼuínlai je xi kitsjoali xo̱n jebi nga je katatsoyali, kʼoa tsa maije̱ koaan si̱jái nga kataʼmiyali Biblia ya página xi tíjnanajin ya Internet, jw.org.

XI TÍTJON

Tʼexkiai ngayeje párrafo xi faʼaitʼa. Número tjínle kjoachjonangi xi faʼaitʼa (A) letra jma kjoan texto xi faʼaitʼa (B) jñani tsoya xi tínchja̱ni párrafo. Kuenta tʼiain nga sakʼoa “tʼexkiai” tso én xi faʼaitʼa jñani tjío je texto xi tjínnele kʼoéxkiai.

XI MAJAONI

Je én xi faʼaitʼa jñani “Kataʼyasai jme xi tínchja̱ni” tso, kui tsoya jme xi kuinchja̱ni xi fisani (C). Je én xi faʼaitʼa jñani número tjínle kui tsoya xi tínchja̱ni (D). Tʼexkiai texto xi nroatʼa, tijinlai yaoli jme xi kjonangi kʼoa chótsenlai video xi nroatʼa (E).

Chótsenlai sén xi nroatʼa kʼoa tʼexkiai je én xi ya nroatʼa (F), kʼoa tikjaʼaitsjain jósí tsa jilani xotíʼmili jotso xi faʼaitʼa ya jñani “Tjínkʼa xi i̱ tso” tso (G).

XI MAJANNI

Xi tofetʼani, kui faʼaitʼa jme “Xi kachotʼayá” kʼoa kjonangi “Jmé xi kamajinli” (H). Koaan kʼoétʼaxuin kʼiani kichotʼayai nga jngó jngó kjoaʼmiya. Jñani faʼaitʼa xi “Kʼoatʼiain jebi” tso kui kʼoakʼuínli jme xi koasenkaoli nga ngisa nda koa̱njinli jme xi tichotʼayai (I). Kʼoa ya jñani “Xi koasenkaosali” tso kui faʼaitʼa jmeni xi koa̱n kʼoéxkiai kao video xi koa̱n chótsenlai (J).

Josʼin kuijnyísjai textole Biblia

Je texto xi bʼaxki̱ faʼaitʼa joʼmi je libro (A), capítulo (B), kʼoa kao versículo (C). Tobʼelañá, Juan 17:3 kui xotsole “libro xi tsʼe Juan, capítulo 17, versículo 3”.