Xi ngisa tsjoachaa nga ʼmiyaa

Je Jesús kʼoakitso nga je chjota xi nda tjío ni̱ma̱le skoee nga ñaki kixi jme xi tíʼmiyale (Juan 10:​4, 27). Kuinga kui ʼmiyanilee je chjota jñanile xi choa ñʼai tjín xi faʼaitʼa Biblia. Koaan i̱ kʼuínlee nga tosʼa chja̱kaonajmiá: “A ʼyaní. . . ” kʼoa tsa maije̱ “A tjínjinli nga. . . ” kʼoa xijekoa̱n, koaan kʼia chja̱kaonajmíñá jmeni xi tso Biblia. Kʼoa koaan jngo texto kʼoéxkialee xi tsoya jme xi kaʼmilee. Kʼianga kui chjakaoñá chjota jmeni xi tso Biblia yaa ni̱ma̱le tibʼentjejiaan je Énle Niná. Kʼoa jé Niná koasenkao nga tosi tonda skoe̱sa xi tʼatsʼe (1 Cor. 3:​6, 7).

• Nichxin xi sʼa nroa

• Familia

• Niná

• Kjoabʼetsʼoa

• Jesús

• Reino de Dios

• Kjoañʼai

• Kjoabiya

• Religión

NICHXIN XI SʼA NROA

1. 1. Jmeni xi kjima ndʼai kʼoa jokjimakjoan chjota kui bakó nga jeme tjóxin jme xi chon sonʼnde (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Alikuikʼia kjoe sonʼnde (Sal. 104:5; Ecl. 1:4).

3. 3. Koa̱nndayani sonʼnde nga tíbitson (Is. 35:​1, 2; Apoc. 11:18).

4. 4. Alikui tisʼe̱ni chʼin nichxin xi sʼa nroa (Is. 33:24; 35:​5, 6).

5. 5. Koaan kuiyoaa ngantsjai nichxin i̱ Sonʼnde (Sal. 37:29; Mat. 5:​5, TNM).

FAMILIA

1. 6. Je xi xʼin tjínnele kʼoasʼin tsjoake koa̱n je chjoónle josʼin tsjoake yaole (Efes. 5:33; Col. 3:19).

2. 7. Je xi chjoón tjínnele nga koakole kjoaxkóntokon je xʼinle (Efes. 5:33; Col. 3:18).

3. 8. Je xi jechixan alikui koa̱n kʼoanachale xínkjín (Mal. 2:16; Mat. 19:​4-6, 9; Heb. 13:4).

4. 9. Je xti xi bexkón kʼoa xi sítjosonle xijchále nda batio (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NINÁ

1. 10. Je Niná tjínle jaʼaín (Sal. 83:18; Jer. 10:10).

2. 11. Je Niná tsakájnaná je Énle (2 Tim. 3:​16, 17; 2 Ped. 1:​20, 21).

3. 12. Kixi je Niná kʼoa alikui chjota faʼájin (Deut. 10:17; Hech. 10:​34, 35).

4. 13. Je Niná mele koasenkaoná (Sal. 46:1; 145:​18, 19).

KJOABʼETSʼOA

1. 14. Je Niná mele nga kʼoétsʼoalee (Sal. 62:8; 65:2; 1 Ped. 5:7).

2. 15. Je Biblia bakóyaná josʼin kʼoétsʼoalee Niná (Mat. 6:​7-13; Luc. 11:​1-4).

3. 16. Machjén nga kjitʼa kʼoétsʼoaa (Mat. 7:​7, 8; 1 Tes. 5:17).

JESÚS

1. 17. Nʼio chjine koan Jesús kʼoa basenkaoná kjoafaʼaitsjen xi kitsjoa (Mat. 6:​14, 15, 34; 7:12).

2. 18. Je Jesús tongini kʼoakitso jme xi kjima ndʼai (Mat. 24:​3, 7, 8, 14; Luc. 21:​10, 11).

3. 19. Je Jesús ʼNdíle Niná ma (Mat. 16:16; Juan 3:16; 1 Juan 4:15).

4. 20. Ali tsa Ninájin je Jesús (Juan 14:28; 1 Cor. 11:3).

Based on NASA/Visible Earth imagery

REINO DE DIOS

1. 21. Je xi Reino de Dios ʼmi Chjotaxále Ninání kʼoa yaa tíjna ngʼajmi (Dan. 2:44; 7:​13, 14; Mat. 6:​9, 10; Apoc. 11:15).

2. 22. Jé Chjotaxále Niná koatexomangajaole je chjotaxá sonʼnde (Sal. 2:​7-9; Dan. 2:44).

3. 23. Tojé Chjotaxále Niná xi koa̱nle kʼoendajin ngayeje kjoa xi tjín (Sal. 37:​10, 11; 46:9; Is. 65:​21-23).

KJOAÑʼAI

1. 24. Ali tsa jejin Niná xi kjoañʼai síkjaʼáná (Deut. 32:4; Sant. 1:13).

2. 25. Jé Na̱i kjinentsja sonʼnde (Luc. 4:​5, 6; 1 Juan 5:19).

3. 26. Je Niná be je kjoañʼai xi tichjaʼá kʼoa mele koasenkaoná (Sal. 34:​17-19; Is. 41:​10, 13).

4. 27. Jeme kjoaʼaxin Niná je kjoañʼai (Is. 65:17; Apoc. 21:​3, 4).

KJOABIYA

1. 28. Je kʼien alijme xi tibeni kʼoa alikui kjoañʼai tjíofaʼá (Ecl. 9:5; Juan 11:​11-14).

2. 29. Je kʼien alikui koa̱nle kuinyakaoná kʼoa alikui koa̱nle josikaoná (Sal. 146:4; Ecl. 9:​6, 10).

3. 30. Kjoaʼáyanile je xíngiaa xi jekʼien (Job 14:​13-15; Juan 5:​28, 29; Hech. 24:15).

4. 31. “Likui tisʼe̱ni kjoabiya” (Apoc. 21:​3, 4; Is. 25:8).

RELIGIÓN

1. 32. Alikui tongatsʼi religión xi tjín nga sasénle Niná (Jer. 7:11; Mat. 7:​13, 14, 21-23).

2. 33. Je Niná alikui sasénle tsa jaonkjaín koaan (Is. 29:13; Miq. 3:11; Mar. 7:​6-8).

3. 34. Je xi ya tjíojin religión xi kixi tsjoakengañá xínkjín (Miq. 4:3; Juan 13:​34, 35).