KJOAʼMIYA 11

Kao kjoatsjoa tinókjoai

Romanos 12:11

XI BAKÓYANÁ: Katabinyakao xi tjíonrʼoéli jmeni xi kʼuínyai.

Tongini tijnandai. Kʼianga kʼoéndai je kjoanokjoayali, tikjaʼaitsjenjin jokji kjoandosin tjínle jmeni xi kʼuínyai. Nda chótʼayai ánni nga ñaki tjínjngoni tokuin jmeni xi sí.
Je kuenta tʼiain xi tjíonrʼoéli. Tikjaʼaitsjain josʼin koasenkao je xi kjuinrʼoéli jmeni xi kʼuínyai. Tjasjailai josʼin kʼoai je kjoanokjoayali ánni nga nda koasenkaosíni je xi tjíonrʼoéli.
Jmeni xi kʼuínyai katabichókajin ni̱ma̱le xi tjíonrʼoéli. Kao kjoatsjoa tinókjoai kʼoa kʼoasʼin tikjain ndsai jonʼiai ngantsjai kʼoa jokjoái nkjain kui katabakó nga ñaki kʼoatjín jmeni xi tisi.

Ali tojngo koyajin josʼin nikjain ndsai kʼoa jofai nkjain ánni nga tsín koa̱nsinile je xi tjíonrʼoéli. Kao kjoatsjoa tʼinyai jmeni xi ngisa nʼio tjínle kjoandosin kʼoa tsa kʼiaje̱ nga meli sitjoson je xi tjíonrʼoéli jmeni xi tiʼmiyalai. Tonga tsa si̱kʼatonelai josí nga kuinókjoai, koa̱nsijinle.