Kʼoasjengʼaña je jaʼaínli Jeobá

1. Liʼya xi mangósuin Jeobá.

Liʼya xi tjín joni ji.

Jmé xi tjínna xi koa̱n tsjoale.

Jósʼin kʼoechjíña kjoandali.

Nga ʼbe jokji jeya tijnai,

tokʼoamana, ji Jeobá.

ʼYáni an nga chjí ʼyaninái

kʼoa nga ʼyama̱tokonninái.

2. Totʼatsiní nga tijnakoan.

Tseni kjoanda nga ma nchja.

Kuinga xínyanile chjota

jotso je kjoatéxomali.

Nga ji tisixále Jeobá,

kui xi tsjoa báya tokoan.

Tʼainái nganʼio xi machjénna,

kʼoa ji tjandiaanái tokʼiani.

3. Je ndáchikon kʼoa kao nindo,

je tsʼuí, sá kʼoa kao niño,

kui bakó je kjoajeyali

kʼoa jokji tsjoachanái Jeobá.

Tiʼbeña je kjoachjineli

kʼoa jokji nganʼio tjínli.

Kuinga kʼoasjejeyanile

ndʼaibi kʼoa tokʼia saʼndani.