Kʼiáni nga ʼndenaxó koa̱n Sonʼnde

Jmeni xi chon ndʼaibi kui bakóná nga jeme ʼndenaxó koa̱n Sonʼnde (Lucas 21:10, 11; 2 Timoteo 3:1-5)

Je Biblia tongini kʼoakitso jmeni xi kjima nichxin xi tiyoaa ndʼaibi. Kʼoakitso nga to tao̱n nʼio koa̱ntsjoake chjota, nga nʼio tsʼen koa̱n, nga to kjoaská koa̱ntsjoake, kʼoa nga tsín tisitjosonnile xijchále je xti.

Kʼoati kitso nga sʼe̱ cháonnʼio, kjoajchán, kjinrá kao chʼintoán. Kʼoa kʼoachon nichxin xi tiyoaa ndʼaibi.

Je Jesús kʼoati kitso nga kʼuínyason jngo tjíjtsa Sonʼnde je énnda xi tʼatsʼe kjoatéxomale ngʼajmi (Mateo 24:14).

Je Rey xi kiskoejin Niná kjoaʼaxin ngayeje kjoatsʼen xi tjín i̱ Sonʼnde (2 Pedro 3:13)

Je Jeobá jeme sikjeson ngatsʼi chjotatsʼen.

Kjoañʼai kʼoaile je Na̱i kʼoa kao ánkje xi tsʼe.

Je chjota xi kjuinrʼoéle Niná kʼoangile yaole kʼoa yaa koatio ya sonʼnde chjotse. Je chjota xi ya koatio likui titsokjonni, nʼiotʼa koa̱n xínkjín kʼoa tsjoake koa̱n xínkjín.