Xi tínchja̱ni 14

Je chjotale Cristo xi títjon tsakatio, kikaoson énnda chjotse saʼnda jña nʼiosa kjin. Jé Jesús tsakándiaale jñani kitsoyason. Kʼoati tsakasenkao nga koanle je én xi male chjota kʼianga kitsoyale je énnda chjotse. Je Jeobá kitsjoale kjoanʼiojin je chjotale Cristo nga kiskale kjoa xi jaʼatojin.

Je Jesús jngo sén tsakakóle je pastro Juan tʼatsʼe jokji jeya tíjna je Jeobá. Kʼoa ijngo sén tsakakóle jñani nga je Chjotaxále Niná síkinjele je Na̱i kʼoa jngokʼa faʼáxin. Je Juan tsabee nga rey sʼin tíjna je Jesús kao xi 144,000 mani. Kʼoati tsabe nga ʼndenaxó ma ngakjijnda Sonʼnde, nga nyʼán kʼoa jtín sʼin batio ngatsʼi chjota kʼoa nga toje Jeobá bʼétsʼoale ngatsʼi.