A jetijnanda
A jekoa̱n xínyasoan kao je jtín
Jekoa̱n publicador koai̱n…
kʼiatsa chotʼayai je Biblia, tsa bʼetsʼoai kʼoa tsa jeʼmi je kjoajtín xi satío.
kʼiatsa makjainli kʼoa tsa chjí ʼyai jmeni xi kjimajinli, kʼoa tsa jemeli kʼuínyalai je xi kjaʼaí.
kʼiatsa tsjoachai je Jeobá kʼoa tsa je tinimiyui je chjota xi tsjoake Jeobá.
kʼiatsa tsín tiya nojinni yaoli je kjoa política kʼoa kao je religión ndiso.
kʼiatsa tinitjosuin jotso je kjoatéxomale Niná, kʼoa tsa meli nga testigole Jeobá koai̱n.
Tsa jekʼoatinʼiai jebi, koaan kʼoakʼuínlai je xi títsoyali Biblia nga jemeli kʼuínyasuin, ánni nga kʼoakuitsonile je xi chjotajchínga sʼin tjío, kʼoa jé xi chjotajchínga sʼin tjío kʼoakuitsoli tsa jekoa̱n kʼuínyasuin.
A jekoa̱n kjuísʼe̱nngindá
Jekoa̱n kʼuínsʼenngindái...
kʼiatsa publicador mai.
kʼiatsa bitjokʼinyasuin jokji tjen kʼoamali.
kʼiatsa nitjosuin kʼoa ʼmitjenngi josʼin bándiaa “je choʼnda xi nʼiotʼakon, xi nda be xá” (Mateo 24:45-47).
kʼiatsa jetsakʼaitʼalai yaoli je Jeobá kʼoa tsa meli nga toje si̱xálai tokʼia saʼndani.
Tsa jekʼoatinʼiai jebi, koaan kʼoakʼuínlai je xi títsoyali Biblia nga jemeli kʼuínsʼenngindái, ánni nga kʼoakuitsonile je xi chjotajchínga sʼin tjío, kʼoa jé xi chjotajchínga sʼin tjío kʼoakuitsoli tsa jekoa̱n kʼuínsʼenngindái.