Jósʼiaan nga sʼe̱jinkoaan je textole Biblia

Tsakui nichxin sakʼoa ñʼai mali nga masjai ijngokʼali je textole Biblia xi bʼexkiai, jolani xi sínʼio tokuin, xi basenkaoli jokoa̱n sʼiain kʼianga kui xi chʼaotjín bitjokjaʼaitsjenli kʼoa tsakuije̱ texto xi meli koakolai xi kjaʼaí (Sal. 119:​11, 111). Kataʼyala jméni xi koa̱n sʼiaan nga koa̱nsjai ijngokʼaná kʼoa nga sʼe̱jinkoaan je textole Biblia.

• Tichjain etiqueta xi faʼaitʼa ya JW Library^®. Kʼiatsa meli nga ngotjo koa̱nsjai ijngokʼali je texto xi tibʼexkiai ya JW Library, tisennelai je versículo kʼoa ya tisenne ijngokʼalai jñani tíjna nota kʼoa yaa sʼe̱jnatjao jñani “Textos favoritos” tso.

• Ya tʼetʼai je textole Biblia jñani nga ngotjo jchani. Tjínkʼa ndsʼee xi xo̱n bʼétʼa je textole Biblia xi mele sʼe̱jinkon kʼoa yaa bátʼa jñani nga ngotjo skoe̱ni kʼoa tjínkʼa xi foto bʼasjele je textole Biblia kʼoa yaa batíoya ya teléfonole kʼoa tsa computadorale.

• Tarjeta tindai. Jngo textole Biblia tʼetʼai je tarjeta kʼoa ya jto̱n yátsʼi̱n chjí jotso je texto. Xijekoa̱n, chótsenlai je texto xi kabʼetʼai kʼoa tikjaʼaitsjain jotso.