¿Kjo ngeje e Jesús?

E Jehová o pejñe e Jesús kja ne Xoñijomꞹ (1 Juan 4:9)

Ma dya be mi ⱥtrʼⱥ e Jehová e Adán, o dyⱥtrʼⱥ ajensʼe na anxe kʼꞹ me ma zezhi. E Jehová me ra mⱥjⱥ ma ra kjagoji jaga nee kʼe anxe.

Ma o kjogꞹ yo paa e Jehová o pejñe kja ne Xoñijomꞹ kʼe anxe. E Jehová o tsjapꞹ ro nrrunte e María, kʼꞹ mi menzumꞹ a Belén, ngekʼua ro musʼꞹ na tsʼitrʼi. Nukʼꞹ mi ngeje kʼe anxe kʼꞹ mi bʼꞹbʼꞹ ajensʼe, o jñuspʼꞹji Jesús. (Juan 6:38).

Na punkjꞹ ntee mi jyodʼꞹji e Jesús. E Jesús mi chjenjui nzakja e Jehová: me mi sʼiya yo ntee, mi pjosʼꞹ. E Jesús dya mi su̱u̱ pje ro xipjiji yo ntee, mi zopjꞹ mi xipji ro dyⱥtⱥji e Mizhokjimi.

Zo e Jesús o tsjaa kʼo ma joo, mi bʼꞹbʼꞹ ntee kʼo mi ꞹmbꞹji (1 Pedro 2:21-24)

E Jesús mi kjapꞹ ro nrrisʼi kʼo mi sodye, xo mi kjapꞹ ro nangatrjo yo ntee kʼo ya bi ndu̱u̱.

Kʼo ntee kʼo mi otrʼꞹ axojñi kja o religión kʼo judío e Jesús o xipji mi kjaji kʼo mi neji, o xipji dya mi kjaji jama nee e Jehová. Ngekʼua kʼo bʼɇzokʼo me mi ꞹmbꞹji e Jesús.

Kʼo bʼɇzokʼo o xospꞹji bʼechjine e Jesús ngekʼua kʼo xundaro romano, o mbⱥrⱥji e Jesús ñe o mbotrʼꞹji.