BISAMU
MUKANDA WAKULIBANGA
(Bisamu 1-41)
1 Nabwahelela munu uje kesi kukabangeya kunangula kwa banu bababi,
Uje kesi kwimana mu ngila ya baka-bubi,
Co lalo kesi kutumama na baka-sembulule.
2 Oloni wazema mashiko a Yehova,
Co awatanda na kuwasinganyekesesa mutanya na butsiki.
3 Apwa ngwe muti ubanakunu ku bana ba bindonga,
Uje wima bushuka ha simbu yawo.
Maputa awo kuwajujwa,
Co byoshe byalinga bibwaha.
4 Banu bababi bakebo kubafwile ngoco,
Banapu ngwe lijungu lije lipekumuka na lihunzi.
5 Mukemwo baka-kuhengesa kubakasamba mubakabasompa,
Co baka-bubi kubakatwalelelaho kwimana kuje kunalikungulwila baka-kusungama.
6 Mwafwa Yehova azibuka ngila ya banu ba kusungama,
Oloni ngila ya banu bababi ikanyonga.
2 Bika bibanalubalela baka-mafuti,
Co banu bali na kuningitila* bika ha byuma byangoco?
2 Bimyene ba hasi banemana,
Co bamyata bakama banalikungulula*
Mangana balwise Yehova na kulwisa wakubwabesa* wendi.
3 Bali na kwendeka ngwabo: “Tubatuleni malyenge abo
Na kumbila kuti mikole yabo.”
4 Uje ali ha litanda mwilu akabajola,
Yehova akabashendumuna.
5 Ha simbu oyo akendeka nabo oku nalubala,
Co akabajujwisa oku nalubala manene,
6 Akendeka ngwendi: “Yange babenya njinaka mwene yange
Ha Siyone, munkinda wange wa kujela.”
8 Njilombe, co njikwana baka-mafuti kupwa buswana bwobe,
Na kukwana lifuti-libu lyoshe kupwa bufuko bwobe.
9 Ukabapokozola na mulamu wa cikubo,
Na kubatika ngwe ndeho ya buma.”
10 Ngeci, eni bimyene, pweni baka-kuzibisisa.
Tabeni kumyolola,* eni maako ba hasi.
11 Pangeleni Yehova na lyoba,
Co bwaheleleni oku mumujaja.
12 Singimikeni* mwana, keti ngoconi Njambi alubala,
Co munyonga na kutunda mu ngila,
Mwafwa akalubala bwasi.
Banabwahelela banu baje batewela kuli ikeye.
Mwaso wembile Devidi mwakele na kutewa munendi Abisalomu.
3 Obe Yehova, mwafwa bika bitozi bange banatumu ngacije?
Mwafwa bika banu babangi bali na kunjitengulukila?
2 Babangi bali na kwendeka hali yange* ngwabo:
“Njambi kamwobola.” (Sela)*
3 Oloni yobe, obe Yehova, yobe ntelo yange ije ikanjinyungilila,
Yobe bumpau bwange, co lalo yobe ukandula mutwe wange.
4 Njitambeka kuli Yehova,
Co anjikumbulula kutundilila ku munkinda wendi wa kujela. (Sela)
5 Njilala na kuya mu tulo,
Co njikenduka njiwalambwe,
Mwafwa Yehova atwalelelaho kunjikwasa.
6 Kunjitewe banu babangi-bangi
Baje bananjizengeleka, co bashaka kunjilwisa.
7 Katuka, obe Yehova! Njobole, obe Njambi yange!
Mwafwa ukapupa bitozi bange boshe ku bimbange,
Co ukatika mayo a banu bababi.
8 Kwoboka kwatunda kuli Yehova.
Bibezikiso byobe bili hamo na banu bobe. (Sela)
Kuli muka-kutwamenena; mwaso wa kwimba na bisanzi bya mikole. Mwaso wa Devidi.
4 Munjikusana, njikumbulule, obe Njambi yange wa kusungama.
Njisholwele ngila* njitunde mu bukalu bwange.
Njizibile ngozi na kuziba lilombelo lyange.
2 Eni bana ba banu, mwambata simbu ya kupwa hali kutengulula kasingimiko kange kupwa kushauka?
Mwambata simbu ya kupwa hali kuzema byuma byangoco na kushakezeka byuma bya makuli? (Sela)
3 Zibukeni ngweni munu uje wapwa wa kulongwa kuli Yehova, amulinga mu ngila ya kulitila.
Yehova anjiziba munjitambeka kuli ikeye.
4 Lubaleni, oloni keti mulinge bubi.
Lyendekeseni mu bimbunge byeni oku muli ha myela yeni,* co olokeni kulu. (Sela)
5 Aneni bwana bwa kusungama,
Co kulaheleni Yehova.
6 Kuli banu babangi bali na kwendeka ngwabo: “Iya atumwesa cuma cacibwa?”
Ceke ca ku cihanga cobe citutwile, obe Yehova.
7 Unashulisa mbunge yange na kubwahelela kwakama,
Kubwahelela kuje kunatubakana kwa baje banateje bimbuto byabingi na binyu byabiha.
8 Njilala na kuya mu tulo mu kwoloka,
Mwafwa yobe lika, obe Yehova, yobe ukanjinyungilila.
Kuli muka-kutwamenena baka-kwimba Nehilothi.* Mwaso wa Devidi.
5 Obe Yehova, tolilila majwi ange.
Aka mbunge ku binyengo byange.
2 Aka mbunge ku kulila kwange kwa kulomba bukwasi,
Obe Mwene yange na Njambi yange, mwafwa njili na kulombela kuli yobe.
3 Obe Yehova, ukaziba lijwi lyange mutondo,
Njikakuleka bishoti byange mutondo na kubandamena na mbunge imolika.
4 Mwafwa kuwapwile u Njambi uje washaka byuma byabibi,
Co kukwesi munu wamubi akala nobe.
5 Kukwesi munu wa kulijundula emana ku mesho obe.
Wazinda boshe baje bakalingi byabibi.
6 Ukanyongesa baje bakendeka makuli.
Yehova wazinda baka-lwozi na baka-kukwisa.*
7 Oloni yange njikakobela mu njibo yobe mwafwa ya cizemo cobe cakama cije kucesi kutenguluka.
Njikatsikama oku njinatala ku tempele yobe ya kujela,* mwafwa njikakuzibila lyoba.
8 Obe Yehova, njitwamenene mu kusungama kwobe mwafwa ya bitozi bange.
Njibwahesele mwamubwa ngila yobe.
9 Mwafwa nabimo byahi bibendeka bibasa kukulahela banu.
Muli bakebo kumwesi bubwa, oloni muli lika byuma byabibi.
Milibu yabo inapu bihilo bya kwashama.
Bali na kulikwisa kushangazala bakwabo na bindaka byabo.*
10 Oloni Njambi akabana mulonga.
Matumbe abo akabawisa.
Basheke, mwafwa banapokola manene mashiko,
Mwafwa banakutengulukila.
11 Oloni baje boshe batewela kuli yobe babwahelela.
Simbu yoshe batambeka mu kubwahelela.
Ukabanyungilila ku banu bababi,
Co baje bazema lizina lyobe bakabwahelela muli yobe.
12 Mwafwa yobe, obe Yehova, ubezikisa munu woshe wa kusungama,
Kumushaka kwobe kumunyungilila ngwe ntelo yakama.
Kuli muka-kutwamenena; mwaso wa kwimba na bisanzi bya mikole bya cilumo ca Sheminithi.* Mwaso wa Devidi.
6 Obe Yehova, keti unjendekele oku unalubala,
Co keti unjolole oku unatenuka.
2 Obe Yehova, njizibileko ngozi,* mwafwa njili na kuzeya.
Njikangwise, obe Yehova, mwafwa bitsiya byange bili na kujaja.
3 Njinalishoshomwena* manene.
Obe Yehova, njilishoshomwena simbu ya kupwa hali?
4 Obe Yehova, iluka wakunjamene,*
Njobole mwafwa ya cizemo cobe cije kucesi kutenguluka.
5 Mwafwa wahi akutumbula* nga natsi.
Iya akushangazala mu Cihilo?*
6 Njinazeye mwafwa ya kulinyenga.
Butsiki bwoshe njili na kujulisa mwela wange na misozi.
Citwamo cange* cili na kujabama mu misozi yange.
7 Mesho ange anazeye mwafwa ya busiwa,
Anatsitsibala* mwafwa ya baje bali na kunjipindisa.
8 Tundeni aha, yeni boshe mukalingi byuma byabibi,
Mwafwa Yehova aziba kulila kwange.
9 Yehova anjiziba munjimulomba ngwange anjizibile ngozi.
Yehova atambula lilombelo lyange.
10 Bitozi bange boshe bakaziba shwamwa na kulijujukila manene.
Bakeluka busetanima na shwamwa.
Mwaso wa Devidi wa busiwa wembilile Yehova kutalesa ku majwi a Kushi wa kaBenjamini.
7 Obe Yehova Njambi yange, njinatewela kuli yobe.
Njobole na kunjamena kuli baje boshe bali na kunjiyandesa.
2 Keti ngoconi banjisanyozola* ngwe mwakalingi ndumba,
Na kunjitwala kwa kujeneka wa kunjobola.
3 Obe Yehova Njambi yange, nga njili na mulonga mu ñanda ei,
Nga kunjalingile mu kusungama,
4 Nga njinabulumwina munu uje nanjilingi mwamubwa,
Nambe nga njinapukula citozi cange kwa kujeneka bimo byananjilingi,*
5 Co citozi cange anjikabe na kunjikwata,
Anjilyatangele*
Na kulingisa bumpau bwange bunyonge mu likungu. (Sela)
6 Obe Yehova, katuka na butenu,
Imana ulwise bitozi bange baje banalubala,
Induka unjamene na kushika ngwobe bakule mwamubwa.
7 Baka-mafuti bakuzengeleke,
Co ubalwisa oku uli mwilu.
8 Yehova akasompa miyati ya banu.
Obe Yehova, njisompe kwesekesa na kusungama kwange
Na kwesekesa na kulongwa kwange.
9 Shukulu-kambu, manesa bilinga byabibi bya banu bababi,
Oloni kanyamesa munu wa kusungama,
Mwafwa u Njambi wa kusungama uje akelula bimbunge na biyongola bya kuloba manene.
10 Njambi ikeye ntelo yange, ikeye Mwobole wa banu ba kusungama mu bimbunge.
11 Njambi wapwa Lyaako wa kusungama,
Co ali na kwambulula kusompa kwendi ha litangwa na litangwa.
12 Nga munu katenguluka, Njambi otola mukwale wendi,
Anana* buta bwendi bwa lusipa na kulibwahesela kwasha.
13 Abwahesa bitwa byendi bije bitsiya,
Abwahesa mikili yendi ya milangi ya tuhya.
14 Taleni munu uje ali na cikute ca bilinga byabibi,
Emita bukalu na kukita makuli.
15 Enda bwina na kubulobesa,
Oloni awila bene muje mu bwina bwanendi.
16 Bukalu bwanena bumwilukila ha mutwe wendi,
Lwozi lwakatula luwila ha cilongo ca ku mutwe wendi.
17 Njishangazala Yehova mwafwa akakula mwamubwa.
Njimba myaso ya kushangazala lizina lya Yehova Wahakamwa Manene.
Kuli Muka-kutwamenena; ha Gitithi.* Mwaso wa Devidi.
8 Obe Yehova Mwata wetu, lizina lyobe lyapwa lyakama manene hasi hoshe.
Unaka bulemu bwobe hakamwa ya melu!*
2 Unalingisa tunwa twa banike notu twa bimbututu tumwese nzili yobe
Mwafwa ya bitozi bobe,
Mangana wonowese bilinga bya citozi na muka-kulinga shambandinga.
3 Munjikamono melu obe, bipangi bya minye yobe,
Ngonde na bingongonosi biunatanga,
4 Njikalihula ngwange, “Munu wapwa iyajo mangana umwanuke,
Co muna munu wapwa iyajo mangana umunyunge?”
6 Wamwanene nzili ya kutwamenena bipangi bya maboko obe.
Unaka byuma byoshe mwisi ya mendi endi:
7 Bimanga na bimembe na bingombe boshe,
Hamolika na tusitu ba mu shwata,*
8 Tuzila ba mwilu na bisi ba mu kalunga-ndonga,
Na byoshe bije biketi mu bingila bya mu tulunga-ndonga.
9 Obe Yehova Mwata wetu, lizina lyobe lyapwa lyakama manene hasi hoshe!
Kuli muka-kutwamenena; ha Mutilabeni.* Mwaso wa Devidi.
א [Alefu]
9 Obe Yehova, njikushangazala na mbunge yange yoshe,
Njambulula bipangi byobe byoshe bya kukomokesa.
2 Njibwahelela na kulisamba mwafwa yobe,
Njimba myaso ya kushangazala lizina lyobe, obe Wahakamwa Manene.
ב [Bethi]
3 Bitozi bange mubeluka munima,
Batanuka na kunyongela halutwe lwobe.
4 Mwafwa ukanjamena, mwafwa njashaka kunjakwila mwamubwa.
Ukatumama ha litanda lyobe na kusompa mu kusungama.
ג [Gimeu]
5 Unatenukila baka-mafuti na kunyongesa banu bababi,
Unazimangana lizina lyabo myaka yoshe.
6 Citozi banamunyongesa myaka yoshe.
Unasiula binganda byabo,
Co naumo wahi akabanuka lalo.
ה [He]
7 Oloni Yehova atumama ha litanda lyendi myaka yoshe,
Nakanyamesa litanda lyendi mangana akule mwamubwa.
8 Akasompa banu ba hano hasi hoshe mu kusungama,
Akakula baka-mafuti mu kusungama.
ו [Wau]
9 Yehova apwa butewelo bwa kukola bwa baje babali na kulyatelela,
Butewelo bwa kukola ha simbu ya bukalu.
10 Baje bazibuka lizina lyobe bakukulahela.
Obe Yehova, kuukombila kuti baje bali na kukutonda-tonda.
ז [Zayini]
11 Imbeni myaso ya kushangazala Yehova uje wakala mu Siyone,
Ambululeni bilinga byendi ku miyati ya banu.
12 Mwafwa uje akalingila shambandinga maninga abo, akabanuka.
Kakebala kulila kwa baje bali na kuyanda.
ח [Hethi]
13 Obe Yehova, njizibileko ngozi. Tala mubali na kunjiyandesela baje banjizinda,
Yobe ukanjindula ku bikolo bya butsi,
14 Mangana njambulule bilinga byobe byabibwa ku bikolo bya nganda ya Siyone*
Na kubwahelela mwafwa ya bilinga byobe bya kwobola.
ט [Tethi]
15 Baka-mafuti banawila mu bwina bubanendile,
Bwanda bubanatele bunakwata mendi abo.
16 Yehova bamuzibukila ha kusompa kwendi.
Banu bababi banatsi mu muheto wa bilinga bya maboko abo.
Higayoni.* (Sela)
י [Yodi]
17 Banu bababi baya mu Cihilo,*
Baka-mafuti boshe baje bebala Njambi.
18 Oloni simbu yoshe tuhutu kubakabebala,
Co lalo lilabelelo lya banu bababotsi kulikanyongo.
כ [Kafu]
19 Katuka, obe Yehova! Keti wecelele munu akuhyane.
Baka-mafuti babasompe ku mesho obe.
20 Bajujwise, obe Yehova,
Lingisa baka-mafuti bazibuke ngwabo bapwa banu bangoco. (Sela)
ל [Lamedi]
10 Obe Yehova, bika biukemanena kulako?
Bika biukalishwekela mu simbu ya bukalu?
2 Mwafwa ya kulijundula, munu wamubi akilimisa uje kesi nou wa kumukwasa,
Oloni atsa mu muheto wa matumbe endi.
3 Mwafwa munu wamubi alishasha ha mashungu endi amabi
Co abezikisa munu wa nuna,*
נ [Nuni]
Ashaula Yehova.
4 Mwafwa ya kulyalesa kwendi, munu wamubi kesi kutondesesa bukaleho,
Ikeye asinganyeka lika ngwendi: “Njambi kakeleko.”
5 Bingila byendi bitwalelelaho kubwaha,
Oloni mashiko obe anatubakana kuzibisisa kwendi.
Ashendumuna bitozi bendi boshe.
פ [Pe]
7 Kanwa kendi kanashulu na bisingo, na makuli, na kujujwisa.
Kwisi ya ndaka yendi kuli bukalu na bushonde.
8 Abandamena banu kuyehi na membo,
Muje mwanalishweke atsiilamo munu wa kujeneka mulonga.
ע [Ayini]
Mesho endi abandamena kumona munu wa kubindama.
9 Abandamena mu mwela wendi wa kubanda ngwe ndumba.
Abandamena kukwata munu uje kesi nou wa kumukwasa.
Akwata munu uje kesi nou wa kumukwasa ha bwanda bwendi.
10 Mwakwata munu, amuwisila hasi na kumusanyozola.
Baka-lubinda bawila mu maboko endi.*
11 Endeka mu mbunge yendi ngwendi: “Njambi nebala.
Natala kweka.
Kesi kunanguka.”
ק [Kofu]
12 Katuka, obe Yehova. Obe Njambi, olola liboko lyobe.
Keti wibale baje kubesi nou wa kubakwasa.
13 Munu wamubi bika byanashawila Njambi?
Endeka mu mbunge yendi ngwendi: “Kuukanjisompesa.”
ר [Reshi]
14 Oloni yobe ukamono kayando na bukalu.
Ukabimono, co ukalingiko bimo.
Kuli yobe kukekwo kwaija munu wa kubindama,
Yobe mukwasi wa munu uje kesi na ishe.*
ש [Shini]
15 Pokola liboko lya munu wamubi uje akalingi byuma byabibi,
Mangana muukatonda bilinga byendi byabibi,
Keti ukabiwane.
16 Yehova wapwa Mwene myaka yoshe.
Baka-mafuti bananyongo ha lifuti-libu.
ת [Tau]
17 Oloni yobe, obe Yehova, utolilila ku kulomba kwa banu bababotsi.
Ukanyamesa bimbunge byabo na kubatolilila mwamubwa.
18 Wakula mwamubwa baje kubesi na baishabo na baje babanalyatelela,
Mangana munu wa hasi keti abazibise lalo lyoba.
Kuli muka-kutwamenena. Mwaso wa Devidi.
11 Njinatewela kuli Yehova.
Co bika bimunjilekela ngweni:
“Tewela ku malundu ngwe kazila!
2 Tala banu bababi mubakananela* buta bwabo bwa lusipa,
Bakaka mikili yabo ha mukole* wa buta bwa lusipa,
Mangana omwo bali mu lisusulungu bashe baje bapwa ba kusungama mu bimbunge.
3 Nga lubula* balusiula,
Bika bibasa kulinga banu ba kusungama?”
4 Yehova ali mu tempele yendi ya kujela.
Litanda lya Yehova lili mwilu.
Mesho endi ali na kumona, mesho endi aje akatono simbu yoshe* ali na kwilula bana ba banu.
5 Yehova akelula munu wa kusungama na munu wamubi.
Wazinda munu woshe uje wazema lwozi.
6 Akatela banu bababi miheto.*
Tuhya na saufa na lihunzi lya kushaluka bikebyo bikala mu nganja yabo.
7 Mwafwa Yehova wapwa wa kusungama, wazema bilinga bya kusungama.
Banu ba kusungama bakamona cihanga cendi.*
Kuli muka-kutwamenena; mwaso wa kwimba na cilumo ca Sheminithi.* Mwaso wa Devidi.
12 Obe Yehova, njobole, mwafwa kukwesi munu wa kulongwa,
Banu ba kulongwa banahu.
2 Banu bali na kwendeka makuli kuli umo na mukwabo,
Bali na kulikwisa kushangazala bakwabo na tunwa twabo na kwendeka makuli mu bimbunge byabo.
3 Yehova abatula tunwa twa banu baje balikwisa kushangazala bakwabo
Na bindaka bya banu baje balishasha,
4 Baje bendeka ngwabo: “Tuhyana na bindaka byetu.
Tupangesa tunwa twetu mwoshe mutushakela.
Iyajo apwa shukulu yetu?”
5 Yehova ngwendi: “Njimana na kulingako bimo,
Mwafwa baka-kuyanda bali na kubalyatelela,
Tuhutu bali na kulinyenga,
Njibobola kuli baje bali na kubashendumuna.”
6 Majwi a Yehova apwa a kujela,
Anapu ngwe siuva ibanabwahesa mwamubwa mu lutengo, ibanajelesa bisimbu 7.
7 Ubanyungilila, obe Yehova,
Unyungilila umo na umo wabo kushwa ku cisemwa cino kutwala ku myaka yoshe.
8 Banu bababi bali na kulyendela mwoshe mubashakela,
Mwafwa bana ba banu bali na kukundwiya bilinga byabibi manene.
Kuli muka-kutwamenena. Mwaso wa Devidi.
13 Obe Yehova, unjibala simbu ya kupwa hali? Kuma myaka yoshe ndi?
Simbu ya kupwa hali iunjishwekela cihanga cobe?
2 Njikala* na bishoti simbu ya kupwa hali,
Oku njili na busiwa mu mbunge yange ha litangwa na litangwa?
Citozi cange anjihyana simbu ya kupwa hali?
3 Obe Yehova Njambi yange, njitale na kunjikumbulula.
Twila ceke ha mesho ange mangana keti njilale tulo twa kutsa,
4 Mangana citozi cange keti endeke ngwendi: “Njinamuhyana!”
Keti wecelele baje bali na kunjilwisa babwahelele mwafwa ya kuwa kwange.
5 Ngeci mwangeni, njakulahela cizemo cobe cije kucesi kutenguluka.
Mbunge yange ibwahelela mwafwa ya bilinga byobe bya kwobola.
6 Njimbila Yehova mwafwa nanjibezikisa manene.*
Kuli muka-kutwamenena. Mwaso wa Devidi.
14 Bilema* bendeka mu bimbunge byabo ngwabo:
“Yehova kakeleko.”
Bilinga byabo byapwa byabibi, co bakalingi byuma bya bunyengwe,
Naumo wahi akalingi byabibwa.
2 Oloni Yehova ali na kutala bana ba banu hasi oku ali mwilu
Mangana amone indi kuli muka-kuzibisisa, nambe nga kuli umo atonda Yehova.
3 Boshe banatundu mu ngila,
Boshe bali na bilinga byabibi.
Wahi ali na kulinga byabibwa,
Naumo wahi.
4 Kuma hali baka-kulinga byuma byabibi naumo wahi bene muka-kuzibisisa ndi?
Bakali banu bange ngwe balya likende.
Kubesi kusana Yehova.
5 Oloni bakaziba manene lyoba,
Mwafwa Yehova ali hamo na cisemwa ca baka-kusungama.
6 Yeni baka-kulinga byuma byabibi, muli na kushaka kutanganesa matumbe a munu wa kwisi,
Oloni Yehova ikeye butewelo bwendi.
7 Cibwaha nga kwoboka kwa Isalele kutunda ku Siyone!
Yehova mwakakungulula banu bendi baje bali mu bundungo,
Jakobu abwahelele, Isalele ajolele.
Mwaso wa Devidi.
15 Obe Yehova, iya asa kupwa mungenzi mu tenti yobe?
Iya asa kukala ha munkinda wobe wa kujela?
3 Kesi kubiisa bakwabo mazina na ndaka yendi,
Kesi kulinga bakwabo mwamubi,
Co kesi kushaula* babusamba bendi.
4 Akabyana munu woshe wamubi,
Oloni akasingimika baje bazibila Yehova lyoba.
Kesi kutengulula cikulaheso cendi, nameme byuma kubimwendela mwamubwa.
5 Kesi kukongwesa bimbongo byendi mangana bamwaneneho bimbongo bya helu,
Co lalo kesi kutambula lizika-kanwa mangana alinge mwamubi munu wa kujeneka mulonga.
Woshe alinga ebi byuma kubakamuningangesa.*
Mikitamu* ya Devidi.
16 Obe Njambi, njinyungilile, mwafwa njinatewela kuli yobe.
2 Njinaleke Yehova ngwange: “Yobe Yehova, kuli yobe kukekwo kwatunda bubwa bwange.
3 Co baje bakujela bali ha lifuti-libu,
Baje babulemu, bakanjizibisa manene kubwaha.”
4 Baje bashaka manene kulemesa binjambi beka babwezelela ku busiwa bwabo.
Kunjiketila bwana bwabo bwa maninga,
Nambe kutumbula mazina abo na kanwa kange.
5 Yehova ikeye mutamba wange ubananjana, na nganja yange.
Unyungilila buswana bwange.
6 Myela ibananjana inapu yaibwa.
Eyo, njinajauka na buswana bwange.
7 Njishangazala Yehova uje nanjinangula.
Nameme mukati ka butsiki, bisinganyeka byange binjolola.
8 Njaka Yehova halutwe lwange simbu yoshe.
Kubakanjiningangesa* mwafwa ali ku liboko lyange lya cilyo.
9 Mukemwo mbunge yange ibwahelela, mwonyo wange woshe ujolela.
Co njikala mu kwoloka.
10 Mwafwa kuukanjiseze* mu Cihilo.*
Kuwecelela wakulongwa wobe atwaleleleho kukala mu bwina.*
11 Unjimwesa ngila ya kuyoya.
Kukala ku mesho obe kunjilingisa njibwahelele.
Kukala ku liboko lyobe lya cilyo kunjilingisa njibwahelele* myaka yoshe.
Lilombelo lya Devidi.
17 Obe Yehova, tolilila kulambelela kwange kwa kulomba kunjakula mwamubwa,
Tolilila mwamubwa ku kulila kwange kwa kulomba bukwasi,
Tolilila lilombelo lyange lya kujeneka makuli.
2 Njakwile mu kusungama,
Mesho obe amone byabibwa.
3 Unelula mbunge yange, unanjilula ku butsiki,
Unanjijelesa,
Muunjilula, uwana ngwobe nabumo butumbe bwabubi bunjinatumbu bwahi,
Co kanwa kange kukapokwele lishiko.
4 Kutalesa ku bipangi bya banu,
Njinabyana bingila bya lipwepwe,* kwesekesa na majwi a kutunda mu kanwa kobe.
5 Njikwase njitwaleleleho kwenda mu bingila byobe
Mangana mendi ange keti atanuke.
6 Obe Njambi, njikusana, mwafwa unjikumbulula.
Jendekela litwi lyobe* kuli yange. Ziba majwi ange.
7 Obe Mwobole wa baje batewela ku liboko lyobe lya cilyo
Kutewa baje banakutengulukila,
Mwesa cizemo cobe cije kucesi kutenguluka mu ngila ya kukomokesa.
8 Njinyungilile ngwe muñandi wa lisho lyobe,
Njishweke mu munzinze wa mambaba obe.
9 Njinyungilile ku banu bababi baje bali na kunjilwisa,
Ku bitozi bange* baje bananjizengeleka.
10 Bimbunge byabo binashiliwa,
Bali na kulijundula mu byendeka byabo,
11 Co banatushetula,
Banabandamena kuwana ngila ya kutwandumwinamo.*
12 Umo na umo wabo napu ngwe ndumba uje ashaka kupapozola kasitu,
Napu ngwe muna ndumba uje ayomba* tusitu.
13 Katuka, obe Yehova, ubalwise na kubawisila hasi,
Njamene* ku banu bababi na mukwale wobe.
14 Obe Yehova, njamene na liboko lyobe,
Ku banu ba muno mu kaye,* baje banaka mbunge ku kuyoya kwa matangwa ano,
Baje baukutisa na byuma byabibwa biukana
Baje basezela bana babo babangi buswana.
15 Oloni ngeci mwangeni, mwafwa ya kuyoya mu kusungama, njimona cihanga cobe,
Co njinajauka kwindukila ku mesho obe.*
Kuli muka-kutwamenena. Mwaso wembile Devidi ngamba ya Yehova. Wembilile Yehova ou mwaso ha litangwa lyamwamenene Yehova ku bitozi bendi boshe na kuli Saulu. Wembile ngwendi:
18 Obe nzili yange Yehova, njakuzema.
2 Yehova ikeye limanya lyange na cimpaka cange, Uje anjamena.
Njambi yange ikeye limanya lyange kunjitewela,
Ikeye ntelo yange na limbinga* lyange lya kwobola,* ikeye butewelo bwange bwa kukola.
3 Njitambeka kuli Yehova, uje ibanapande kushangazala,
Co anjobola ku bitozi bange.
4 Mikole ya kutsa yanjizengazengele,
Banalume bangoco baje bafwile ngwe mema a libazi banjijujwisile.
5 Mikole ya Cihilo* yanjizengazengele,
Miheto ya kutsa yanjikwatele.
6 Njatambekele kuli Yehova munjakele mu bukalu,
Njatwaleleleleho kulilila kuli Njambi yange mangana anjikwase.
Wazibile lijwi lyange oku ali mu tempele yendi,
Kulila kwange kwa kulomba bukwasi kwetele mu matwi endi.
7 Lifuti-libu lyaningangele na kujaja,
Lubula lwa minkinda lwajajele
Co lwaningangele noku-noku mwafwa Njambi walubalele.
8 Bwisi bwatuhukile mu majulu endi,
Tuhya tuje tunyongesa twatundile mu kanwa kendi,
Manungu a tuhya atundile kuli ikeye.
9 Wajendamesele melu mwasikumukile,
Co mwisi ya bilyato byendi mwakele lisusulungu lyakama.
10 Walondele ha kerubi na kwija oku apulula.
Wasikumukile bwasi-bwasi oku ali ha mambaba a kangelo.*
11 Walifwikile lisusulungu
Lya mema a kuzibala na mashelwa a kuhima,
Lyamuzengelekele ngwe lipapela.
12 Mu lyezi lyakele halutwe lwendi
Mwatundile nyonzi ya mamanya na manungu a tuhya, co byatubile mu mashelwa.
13 Co Yehova washangumukile kuluma mwilu.
Wahakamwa Manene walingisile lijwi lyendi balizibe,
Co kwakele nyonzi ya mamanya na manungu a tuhya.
14 Washele mikili yendi na kubashandangana.
Watumine muhyato wendi na kubatanganesa.
15 Masima a bindonga* asholokele.
Obe Yehova, lubula lwa lifuti-libu lwezile hashandangala mwafwa ya kutenuka kwobe,
Na butenu bwa lihunzi lya mu majulu obe.
16 Wolwele liboko lyendi oku ali mwilu,
Wanjikwatele na kunjijabulula ha nzinga.*
17 Wanjamenene ku citozi cange wa nzili,
Kuli baje banjizinda, baje bakele na nzili kunjitubakana.
18 Banjikatukilile ha litangwa linjakele mu bukalu,
Oloni Yehova wanjikwasele.
19 Wanjinenele mu mwela wa kujeneka bushonde,
Wanjamenene mwafwa njamubwasele.
20 Yehova anjana cikandelela kwesekesa na kusungama kwange,
Anjifweta kwesekesa na kujeneka mulonga* kwa maboko ange.
21 Mwafwa njinanyungu bingila bya Yehova,
Co kunjalingile bubi bwa kuseza Njambi yange.
22 Mashiko endi oshe ali halutwe lwange,
Kunjiyeluwisa mashiko endi.
23 Njitwalelelaho kujeneka kukala na mulonga ku mesho endi,
Na kutwalelelaho kulinyunga ku bubi.
24 Yehova anjifwete kwesekesa na kusungama kwange,
Na kwesekesa na kujeneka mulonga kwa maboko ange ku mesho endi.
25 Ku munu wa kulongwa nobe upwa wa kulongwa.
Ku munu wa kujeneka hakumupayela nobe umwesa ngwobe kuwesi naha hakukupayela.
26 Ku munu wa kujela umwesa kujela kwobe,
Oloni ku munu wa kupengapenga umwesa kunyanyama kwobe.
27 Mwafwa ukobola banu ba kwisi*
Oloni ukakehesa banu ba kulyalesa.
28 Mwafwa yobe, obe Yehova, ukashwameka ndeya yange,
Njambi yange akanjitwila ceke mu lisusulungu.
29 Njasa kuhyana cibunga ca bikenya mwafwa ya bukwasi bwobe.
Mu nzili ya Njambi njasa kulonda cibumbe.
30 Ngila ya Njambi wa busunga yapwa ya kulumbunuka,
Majwi a Yehova apwa a kujela.
Wapwa ntelo ya baje boshe batewela kuli ikeye.
31 Kuma kuli Njambi atubakana Yehova ndi?
Kuma kuli limanya litubakana Njambi yetu ndi?
32 Njambi wa busunga ikeye anjana nzili,
Na kulingisa ngila yange ipwe ya kulumbunuka.
33 Akalingisa mendi ange apwe ngwe a ntaba,
Akanjilingisa njimane ha myela ya kulunduka.
34 Akalongesa maboko ange mwakulwila nzita,
Maboko ange asa kunana* buta bwa lusipa bwa kopa.
35 Wanjana ntelo yobe ya kwobola,
Liboko lyobe lya cilyo likanjikwasa,*
Co kulikehesa kwobe kunjamesa.
36 Wamesa ngila ya myanja yange,
Mendi* ange kuwasenutuka.
37 Njikaba bitozi bange na kubakwata,
Kunjiluka, kubanga njabanyongesa boshe njwa.
38 Njikabatika mangana keti base kwimana,
Njikabalyatangela na mendi ange.
39 Ukanjana nzili ya kulwa nzita,
Ukawisila bitozi bange ku mendi ange.
40 Ukalingisa bitozi bange batewe kuli yange na kwiluka munima,*
Co njikamanesa* boshe baje banjizinda.
41 Bakalili mangana babakwase, oloni wahi akabobola,
Bakalilila na kuli Yehova, oloni kesi kubakumbulula.
42 Njibatwa bafwe ngwe likungu lili na kupekumuka na lihunzi,
Njibombila kuti bafwe ngwe mandoba ali mu bitapalo.
43 Unjamena ku banu baje bashaka kunjiwanena mulonga.
Unjangula kupwa ntwama wa baka-mafuti.
Banu baje kunjizibuka bakanjipangela.
44 Mubakaziba lika byange bakanjononoka.
Banu ba ku mafuti eka bakaija kuli yange oku bajaja.
45 Banu ba ku mafuti eka bakalijujukila,*
Bakaija oku bajaja kutunda ku myela yabo ya kubanda.
46 Yehova ali na kuyoya! Tushangazaleni Limanya lyange!
Njambi yange uje akanjobola, bamuzumbangeye.
47 Njambi wa busunga akanjilingilako shambandinga,
Akaka miyati ya banu mwisi yange.
48 Akanjamena ku bitozi bange baje banalubala.
Ukanjaka helu lya baka-kunjilwisa.
Ukanjobola ku munu wa cikenya,
49 Obe Yehova, mukemwo njikakushangazala mukati ka baka-mafuti,
Na kwimba myaso ya kushangazala lizina lyobe.
50 Akalingila mwene yendi bilinga byakama bya kwobola,
Akamwesa wakubwabesa wendi cizemo cije kucesi kutenguluka,
Akabilingila Devidi na munendi* myaka yoshe.
Kuli muka-kutwamenena. Mwaso wa Devidi.
19 Melu ali na kwambulula bumpau bwa Njambi,
Bukambwila buli na kwambulula bipangi bya maboko endi.
2 Ha litangwa na litangwa bikendeka,
Co butsiki na butsiki bikajombolola mangana endi.
3 Kubyesi kutuhula majwi, co kubyesi kutumbula majwi hawo,
Majwi abyo kuwesi kuzibika.
4 Oloni cilumo cabyo cinazibika ha lifuti-libu hoshe,
Co muzimbu wabyo unaketa na ku mamaneselelo a lifuti-libu.
Litangwa nalijangumwina tenti mwilu,
5 Linapu ngwe cambato uje atuhuka mu njibo,
Lili na kubwahelela ngwe munalume wa nzili uje ashatuka mu ngila yanezilila.
6 Lituhuka kushongo imo ya lilu,
Co lilizenga na kuya kushongo ikwabo ya lilu,
Co nacimo cahi cibanda kushaluka kwalyo.
7 Mashiko a Yehova apwa a kulumbunuka, elwisila munu nzili.*
Byanukiso bya Yehova byapwa bya busunga, bilingisa munu uje kesi na lyezi akale na mana.
8 Mashiko a kutunda kuli Yehova apwa a kusungama, alingisa mbunge ibwahelele.
Mashiko a Yehova apwa a kujela, alingisa mesho atwe ceke.
9 Kuzibila Yehova lyoba kwapwa kwakubwa,* kwapwa kwa myaka yoshe.
Mashiko a Yehova apwa a busunga, oshe apwa a kusungama.
10 Azibisa kubwaha ku mbunge kutubakana goldi,
Amabwa kutubakana goldi yaibwa manene,*
Atobala kutubakana buki, kutubakana mwenga wa buki.
11 Unanangula ngamba yobe kupangesa awa mashiko,
Mu kuwanyunga muli cikandelela cakama.
12 Iya asa kunanguka kusebuka kwendi?
Keti unjitandele milonga ya bubi buje kunjanangukile.
13 Nyungilila ngamba yobe ku bilinga bya kulyalesa,
Keti ubyecelele binjihyane.
Co njipwa nji wa mutunu,
Na kujeneka kulinga bubi bwakama.*
14 Majwi a mu kanwa kange na bisinganyeka bya mu mbunge yange
Bikuzibise kubwaha, obe Yehova, Limanya lyange na Muka-kunjipatula.
Kuli muka-kutwamenena. Mwaso wa Devidi.
20 Yehova akukumbulule ha litangwa lya bukalu.
Lizina lya Njambi ya Jakobu likunyungilile.
2 Akutumine bukwasi oku ali mu mwela wa kujela
Na kukukanyamesa oku ali mu Siyone.
3 Anuke bwana bwobe bwoshe,
Atambule mwamubwa bwana bwobe bwa kwenyeka. (Sela)
4 Akwane biishungwiya mbunge yobe
Na kulingisa matumbe obe ende mwamubwa.
5 Tukatambeka mu kubwahelela mwafwa ya bilinga byobe bya kwobola,
Tukajundula bipandela byetu bya kuhyana mu nzita mu lizina lya Njambi yetu.
Yehova ashulisilile byoshe biulomba.
6 Njazibukoni ngwange Yehova akobola wakubwabesa wendi.
Akamukumbulula oku ali mu melu endi a kujela
Akamwobola na liboko lyendi lya cilyo lya nzili.
7 Bamo banakulahela matemba, bakwabo tubalu,
Oloni yetu tusana ha lizina lya Yehova Njambi yetu.
8 Banandumuka na kuwa,
Oloni yetu tunemana, co tuli lalo na nzili.
9 Obe Yehova, obola mwene!
Tukumbulule ha litangwa litukulomba bukwasi.
Kuli muka-kutwamenena. Mwaso wa Devidi.
21 Obe Yehova, mu nzili yobe mwene abwahelela,
Abwahelela manene mwafwa ya bilinga byobe bya kwobola!
2 Unamwana biishungwiya mbunge yendi,
Co kuwamuminine bikanalombo kanwa kendi. (Sela)
3 Mwafwa umwana bibezikiso byabingi,
Waka cilongo ca goldi yaibwa* ku mutwe wendi.
4 Wakulombele kuyoya, co wamwaneneco,
Wamwanene kuyoya matangwa amangi, kulumbununa kuyoya myaka yoshe.
5 Bilinga byobe bya kwobola bimunenela bumpau bwakama.
Kasingimiko na bulemu ubyaka hali ikeye.
6 Umulingisa apwe wa kubwahelela myaka yoshe.
Umulingisa apwe wa kubwahelela na kujolela mwafwa uli nendi.
7 Mwafwa mwene nakulahela Yehova,
Kubakamuningangesa* mwafwa ya cizemo cije kucesi kutenguluka ca Wahakamwa Manene.
8 Liboko lyobe liwana bitozi bobe boshe.
Liboko lyobe lya cilyo liwana baje bakuzinda.
9 Ubapwisa ngwe litende lya tuhya ha simbu iunangula, muukasholoka.
Yehova abalehula mu butenu bwendi, co tuhya tubanyongesa.
10 Unyongesa batekulwila babo ha lifuti-libu,
Na kunyongesa bana babo hakati ka bana ba banu.
11 Mwafwa banayongola kulinga byuma byabibi kuli yobe,
Banatumbu butumbe, oloni kububwaha.
12 Mwafwa ukabalingisa batewe na kwiluka munima
Muukabasungamesa buta bwobe bwa lusipa.
13 Katuka, obe Yehova, umwese nzili yobe.
Twimba myaso ya kushangazala nzili yobe.
Kuli muka-kutwamenena; Cilumo ca mwaso cibasana ngwabo “Mbambi wa Lwabo wa Mutondo.”* Mwaso wa Devidi.
22 Njambi yange, Njambi yange, bika biunanjisezela?
Bika biunemanena kulako kwa kujeneka kunjobola,
Kulako kuje kuwasa kuziba miteto yange?
2 Njambi yange, njili na kutwalelelaho kutambeka ku mutanya, oloni kuwesi na kukumbulula.
Co ku butsiki kunjesi na kwoloka.
3 Oloni yobe u wa kujela,
Majwi a Isalele a kukushangazala anakuzengeleka.
4 Yobe ibakulahelele batatetu.
Bakukulahelele, co watwaleleleleho kubamena.
5 Balililile kuli yobe, co wabobwele.
Bakukulahelele, co kuwabazibisile shwamwa.
6 Yange nji libuno, keti nji munu.
Banu bali na kunjishendumuna* na kunjombwanesa.
7 Boshe banjimona banjishendumuna,
Banjombwanesa na kulipika ku mitwe oku banjishendumuna ngwabo:
8 “Nalyanene kuli Yehova. Amwamene!
Amwobole, mwafwa Njambi wamuzema manene.”
9 Yobe wanjitundisile mwimo lya banana,
Yobe wanjilingisile njilizibe ngwange bananjinyungilila munjakele na kujamwa ku mabele a banana.
10 Bananjaka mu maboko obe* kutunda hanjasemukilile,
Unapu Njambi yange kutunda hanjatundilile mwimo lya banana.
11 Keti ukale kulako nange mwafwa bukalu buli hayehi.
Kunjesi na mukwasi weka lalo kubanga yobe.
12 Bingombe babangi bananjizengeleka,
Bingombe ba nzili ba ku Bashani bananjaka mukati.
13 Bananjashamena tunwa twabo
Ngwe ndumba uje ali na kubuluma, uje ali na kupapozola kasitu.
14 Bananjitila ngwe mema,
Bitsiya byange byoshe binatundu mu ngangu yabyo.
Mbunge yange inapu ngwe sela,
Ili na kusangunuka mukati kange.
15 Nzili yange inominina ngwe mbazubwila ya ndeho ya buma,
Ndaka yange inakakateya mu ndakwilo yange,
Unjinena mu cina njakutse.
16 Tutali bananjizengeleka,
Bananjishetula ngwe cibunga ca baka-kulinga byuma byabibi,
Bali na kunjishuma ku maboko na ku mendi ngwe ndumba.
17 Njasa kutanda bitsiya byange byoshe.
Bali na kunjitala na kunjiyongola.
18 Balipangela bizalo byange mukati kabo,
Co batela biñela cizalo cange.
19 Oloni yobe, obe Yehova, keti ukale kulako.
Yobe nzili yange, zambula mangana wakunjikwase.
21 Njobole ku kanwa ka ndumba na ku mambinga a bingombe ba mu shwata,
Njikumbulule na kunjobola.
22 Njambulula lizina lyobe ku bandolome bange,
Njikushangazala mukati ka cikungulukilo.
23 Yeni mukazibila Yehova lyoba, mushangazaleni!
Yeni bana* boshe ba Jakobu, mwaneni bumpau!
Yeni bana* boshe ba Isalele, muzibileni lyoba.
24 Mwafwa kombwanesele nambe kuyengula kayando ka munu ibali na kulyatelela,
Co kamushwekelele cihanga cendi.
Mwanatambekele kuli ikeye kulomba bukwasi, namuzibile.
25 Njikushangazala mu cikungulukilo cakama.
Njilinga binjinalikumiiya ku mesho a baje bamuzibila lyoba.
26 Banu bababwa bakali na kukuta.
Baje bashakezeka Yehova bakamushangazala.
Likuweni kuyoya* myaka yoshe.
27 Banu boshe ba hasi bakanuka Yehova na kwiluka kuli ikeye.
Binaanga byoshe bya baka-mafuti bikatsikama halutwe lwobe.
28 Mwafwa bumwene bwapwa bwa Yehova,
Ayula baka-mafuti boshe.
29 Baka-kufuka ba hasi boshe bakalya na kutsikama,
Boshe baje bali na kuya ku likungu bakatsikama halutwe lwendi,
Naumo wahi asa kunyungilila mwonyo* wendi.
30 Batekulwila* babo bakamupangela.
Bisemwa bija kulutwe bakabileka bya Yehova.
31 Bakambulula bya kusungama kwendi.
Bakaleka banu baje bakasemuka byanalingi.
Mwaso wa Devidi.
23 Yehova ikeye kanyungi kange.
Nacimo cahi cinjijeneka.
2 Akanjilingisa njishulubale mu mwila wawingi wa kuzibalela.
Akanjitwamenena ku myela yaibwa ya kuhwimina ije ili na mema.*
Akanjitwamenena mu bingila bya kusungama mwafwa ya lizina lyendi.
4 Nameme njenda mu cinema ca lisusulungu lyakama,
Kunjitewe kubulumuka,
Mwafwa uli nange,
Mbweti yobe na mulamu wobe binjikanyamesa.*
5 Unjibwahesela mesa ku mesho a bitozi bange.
Unjikwita mazi ku mutwe.
Nganja yange inashulu, yoshe yobwa.
6 Cili bene, bubwa na cizemo cije kucesi kutenguluka binjikabangeya ha matangwa oshe a kuyoya kwange.
Co njikakala mu njibo ya Yehova ha matangwa ange oshe.
Mwaso wa Devidi.
24 Lifuti-libu na byoshe byakalaho byapwa bya Yehova,
Lifuti na baje batungaho.
2 Mwafwa nalizameka mu kukanyama ha tulunga-ndonga
Na kulishimbika ha bindonga.
3 Iya asa kukanduka ha munkinda wa Yehova,
Co iya asa kwimana ha mwela wendi wa kujela?
4 Woshe uje ali na maboko a kujeneka mulonga na mbunge ya kujela,
Uje kalisingile mu kulikwisa ha lizina lyange,*
Nambe kulinga cikumiiyo ca makuli.
5 Atambula bibezikiso kutunda kuli Yehova
Na kusungama* kuli Njambi wa kwobola.
6 Eci cikeco cisemwa ca baje bamutonda,
Baje batonda cihanga cobe, obe Njambi ya Jakobu. (Sela)
7 Anduleni mitwe yeni, eni bikolo,
Shokolokeni,* eni bikolo bya kusañulu,
Mangana Mwene wa bumpau akobele!
8 Iya bene owo Mwene wa bumpau?
Yehova uje wapwa wa kukanyama na nzili,
Yehova uje wakala na nzili mu nzita.
9 Anduleni mitwe yeni, eni bikolo,
Shokolokeni, eni bikolo bya kusañulu,
Mangana Mwene wa bumpau akobele!
10 Iya bene owo Mwene wa bumpau?
Yehova wa maswalale ikeye Mwene wa bumpau. (Sela)
Mwaso wa Devidi.
א [Alefu]
25 Obe Yehova, njija kuli yobe.
ב [Bethi]
2 Njambi yange, njakulahela yobe,
Keti unjecelele banjizibise shwamwa.
Keti wecelele bitozi bange babwahelele ha bukalu bwange.
ג [Gimeu]
3 Naumo wahi nakukulahela akaziba shwamwa,
Oloni shwamwa inabandamena baje bakwisa bakwabo kwa kujeneka bibanabalingi.
ד [Dalethi]
4 Obe Yehova, njikwase njizibuke bingila byobe,
Njilongese bingila byobe.
ה [He]
5 Njikwase njende mu busunga bwobe, co njilongese.
Mwafwa yobe Njambi yange uje anjobola.
ו [Wau]
Njakulahela yobe litangwa lyoshe lya mutunu.
ז [Zayini]
6 Obe Yehova, anuka kutetela kwobe na cizemo cobe cije kucesi kutenguluka,
Bije biunamwesa simbu yoshe.
ח [Hethi]
7 Keti wanuke bubi bunjalingile ku bukwenje bwange na milonga yange.
Njanuke kwesekesa na cizemo cobe cije kucesi kutenguluka,
Mwafwa ya bubwa bwobe, obe Yehova.
ט [Tethi]
8 Yehova wapwa wamubwa, co lalo wa kusungama.
Mukemwo akalongesa baka-bubi mubanapande kuyoyela.
י [Yodi]
9 Atwamenena banu bababotsi ku byuma byabibwa,
Co alongesa banu bababotsi ngila yendi.
כ [Kafu]
10 Bingila byoshe bya Yehova byapwa bya cizemo cije kucesi kutenguluka na kulongwa
Kuli baje banyunga cikumiiyo cendi na byanukiso byendi.
ל [Lamedi]
11 Obe Yehova, mwafwa ya lizina lyobe
Njikonekele bubi bwange nameme bunapu bwakama.
מ [Memu]
12 Iya azibila Yehova lyoba?
Njambi amulongesa ngila yanapande kwangula.
נ [Nuni]
13 Akawana byuma byabibwa,
Co batekulwila* bendi bakaswana lifuti-libu.
ס [Sameki]
14 Baje bazibila Yehova lyoba, bakebo bapwa babusamba bendi ba ha mbunge,
Co abaleka cikumiiyo cendi.
ע [Ayini]
15 Simbu yoshe mesho ange anatala kuli Yehova,
Mwafwa azitula mendi ange ha bwanda.
פ [Pe]
16 Njitale na kunjizibila ngozi
Mwafwa njili likalyange, co kunjesi nou wa kunjikwasa.
צ [Sade]
17 Bukalu bwa mu mbunge yange bunalibwezelela,
Njobole ku kayando kange.
ר [Reshi]
18 Tala kayando kange na bukalu bwange,
Co njikonekele bubi bwange bwoshe.
19 Tala mubanatumu bitozi bange
Na kwama kwa cizindo cibali naco hali yange.
ש [Shini]
20 Nyungilila kuyoya* kwange na kunjobola.
Keti unjecelele banjizibise shwamwa, mwafwa njinatewela kuli yobe.
ת [Tau]
21 Kulongwa na kusungama binjinyungilile
Mwafwa yobe injinakulahela.
22 Obe Njambi, amena* Isalele ku bukalu bwendi bwoshe.
Mwaso wa Devidi.
26 Njakule, obe Yehova, mwafwa njinende mu kulongwa.
Njakulahela Yehova kwa kujeneka kuuwasana.
2 Njilule, obe Yehova, na kunjeseka.
Jelesa bisinganyeka byange bya kuloba, na mbunge yange.
3 Mwafwa cizemo cobe cije kucesi kutenguluka cili halutwe lwange simbu yoshe
Co njenda mu busunga bwobe.
5 Njazinda kulikuta busamba na baka-kulinga byuma byabibi.
Co njikabyana kulikwatasana* na banu bababi.
6 Njitana ku maboko ange kumwesa ngwange kunjesi na mulonga,
Co njikazenguluka mutula wobe, obe Yehova.
7 Mangana kukandelela cange bacizibe
Co njambulule bipangi byobe byoshe bya kukomokesa.
8 Obe Yehova, njazema mu njibo muwakala,
Mu mwela muje mwakala bumpau bwobe.
9 Keti unjinyongesele kumo na baka-bubi
Nambe kunyongesa kuyoya kwange hamo na baka-lwozi.*
10 Maboko abo analikobelesa mu kulinga bilinga bya shwamwa,
Co liboko lyabo lya cilyo linashulu na mazika-kanwa.
11 Oloni ngeci mwangeni, njenda mu kulongwa.
Njamene* na kunjizibila ngozi.
12 Lindi lyange linemana ha mwela wa kusalama.
Njishangazala Yehova mu cikungulukilo cakama.
Mwaso wa Devidi.
27 Yehova ikeye ceke cange na mwobole wange.
Iya injitewa?
Yehova ikeye cimpaka ca kuyoya kwange.
Iya injitewa?
2 Baka-kulinga byuma byabibi mubanjilwisile ngwabo balye situ yange,
Baka-kunjilwisa na bitozi bange bakebo batanukile na kuwa.
3 Nameme maswalale banjitungila cilombo,
Mbunge yange kuizibi lyoba.
Nameme baka-nzita banjikatukila
Anga bene njiwa mbunge.
4 Cuma cimo cinjinalombo Yehova,
Cikeco cinjitonda:
Ngwange njikale mu njibo ya Yehova ha matangwa a kuyoya kwange oshe,
Njiyongole bubwa bwa Yehova
Na kutala tempele yendi* mu kukandelela.
5 Anjishweka mu mwela wendi ha litangwa lya bukalu.
Anjishweka mu mwela wa bushweke mu tenti yendi.
Anjaka helu ya limanya.
6 Mutwe wange uli helu kutubakana bitozi bange baje bananjizengeleka.
Njikana milambu ku tenti yendi oku njitambeka mu kubwahelela.
Njikembila Yehova myaso ya kumushangazala.
7 Obe Yehova, njizibe munjitambeka,
Njizibile ngozi na kunjikumbulula.
8 Mu mbunge yange njanuka muwendekele ngwobe:
“Tonda cihanga cange.”
Obe Yehova, njitonda-tonda cihanga cobe mangana njiciwane.
9 Keti unjishwekele cihanga cobe.
Keti unakwile kumukulo ngamba yobe oku unatenuka.
Yobe mukwasi wange,
Njambi yange uje akanjobola, keti unjumbile nambe kunjiseza.
10 Nameme batate na banana banjumbila kuti,
Yehova anjitambula.
11 Njilongese ngila yobe, obe Yehova,
Njitwamenene mu ngila ya kusungama mwafwa ya bitozi bange.
12 Keti unjane mu maboko a bitozi bange
Mwafwa bakaleho ba makuli banakatukila kunjilwisa,
Co banashungwiya kunjibulumuna.
13 Ngwe kunjesi na likulahelo
Lya kumona bubwa bwa Yehova ha simbu injili na kuyoya, ngwe njili kuli?
14 Kulahela Yehova,
Simpa, kanyamesa mbunge yobe.
Mukemwo, kulahela Yehova.
Mwaso wa Devidi.
28 Njili na kutwalelelaho kutambeka kuli yobe, obe Yehova Limanya lyange,
Keti unjizikile litwi lyobe.
Nga woloka kulu,
Co njifwa ngwe baje bali na kusikumuka mu bwina.*
2 Ziba kulambelela kwange munjitambeka kuli yobe kulomba bukwasi,
Munjolola maboko ange na kuwatalesa ku mulili wobe wa mukati wa kujela.
3 Keti unjikokolwele kumo na banu bababi baje bakalingi byuma byabibi,
Baje bakendeka majwi a kwoloka na bakwabo okuni mu bimbunge byabo muli bubi.
4 Basompe kwesekesa na bilinga byabo,
Kwesekesa na bilinga byabo byabibi.
Basompe mwafwa ya bipangi bya maboko abo,
Kwesekesa na byuma bibanalingi.
5 Mwafwa kubesi na kwaka mbunge ku bipangi bya Yehova
Nambe ku bipangi bya maboko endi.
Abasiula, co kabatungu lalo embwe.
6 Yehova bamushangazale
Mwafwa nazibi kulambelela kwange kwa kulomba bukwasi.
7 Yehova ikeye nzili yange na ntelo yange,
Mbunge yange inakulahela ikeye.
Njinatambula bukwasi bwendi, co mbunge yange inabwahelela.
Ngeci njimushangazala na mwaso wange.
8 Yehova ikeye nzili ya banu bendi,
Ikeye cimpaka, obola wakubwabesa wendi.
9 Obola banu bobe na kubezikisa buswana bwobe.
Banyunge na kubambata mu maboko obe myaka yoshe.
Mwaso wa Devidi.
29 Aneni Yehova binamupande, eni bana ba baka-nzili.
Aneni Yehova binamupande mwafwa ya bumpau bwendi na nzili yendi.
2 Aneni Yehova bumpau bunapande lizina lyendi.
Tsikameneni* Yehova na bizalo bya kujela.*
3 Lijwi lya Yehova lili na kuzibika hakamwa ya mema,
Njambi wa bumpau ali na kuluma.
Yehova ali hakamwa ya mema amangi.
4 Lijwi lya Yehova lyakala na nzili,
Lijwi lya Yehova lyapwa lya bulemu.
5 Lijwi lya Yehova lili na kupokozola miti ya sida,
Yehova ali na kusanyozola miti ya sida ya ku Lebanoni.
6 Akalingisa Lebanoni* ijombozoke ngwe muna ngombe
Na Silioni ijombozoke ngwe muna ngombe wa nkomba wa mu shwata.
7 Lijwi lya Yehova likatuhuka na milangi ya tuhya.
8 Lijwi lya Yehova likalingisa mambo ijaje,
Yehova akalingisa mambo ya Kadeshi ijaje.
9 Lijwi lya Yehova likalingisa ntaba ajaje na kusema
Co likolumuna maputa a miti ya mu shwata.*
Co banu boshe mu tempele yendi ngwabo: “Bumpau!”
10 Yehova natumama ha litanda helu lya mema amangi,*
Yehova natumama ha litanda ha kupwa Mwene myaka yoshe.
11 Yehova ana banu bendi nzili.
Yehova abezikisa banu bendi ha kubana kwoloka.
Samu ya Devidi. Mwaso wa kukundika njibo.
30 Njikuzumbangeya, obe Yehova, mwafwa unanjijundula,*
Kuwatabesele bitozi bange babwahelele ha tuyando twange.
2 Obe Yehova Njambi yange, njatambekele kuli yobe kulomba bukwasi, co wanjikangwisile.
3 Obe Yehova, unanjikoko* kunjitundisa mu Cihilo.*
Unanjinyungu mangana njitwaleleleho kuyoya. Unanjinyungilila mangana keti njiwile mu bwina.*
4 Imbileni Yehova myaso ya kumushangazala eni banu bendi ba kulongwa.
Shangazaleni lizina lyendi lya kujela,
5 Mwafwa kukala mwisi ya butenu bwendi kunapu kwa kasimbu kakandondo lika,
Oloni kukala mu ngozi yendi kunapu kwa simbu yoshe.
Kulila kunasa kwija ku mangwezi, oloni ku mutondo kuli bingunda bya kubwahelela.
6 Ha simbu kunjakele mu bukalu njendekele ngwange:
“Kubakanjiningangesa.”*
7 Obe Yehova, muwanjishakele wanjikanyamesele ngwe munkinda.
Oloni muwanjishwekelele cihanga cobe, njazibile manene lyoba.
8 Obe Yehova, njatwaleleleleho kutambeka kuli yobe,
Co njatwaleleleleho kulambelela Yehova ngwange anjizibileko ngozi.
9 Bubwa muka buuwana ha kutsa kwange,* ha kusikumuka mu bwina* kwange?
Kuma likungu likushangazala ndi? Kuma lyendeka kulongwa kwobe ndi?
10 Njizibe, obe Yehova na kunjimwesa ngozi.
Obe Yehova, pwa mukwasi wange.
11 Unatengulula kulila kwange na kucipwisa kukina.
Unanjishulula cikeleya na kunjizika kubwahelela,
12 Mangana njikwimbile myaso ya kukushangazala na kujeneka kwoloka kulu.
Obe Yehova Njambi yange, njikushangazala myaka yoshe.
Kuli muka-kutwamenena. Mwaso wa Devidi.
31 Obe Yehova, njinatewela kuli yobe.
Keti bakanjizibiseho shwamwa.
Njamene mwafwa ya kusungama kwobe.
2 Jendekela litwi lyobe* kuli yange.
Ija bwasi wakunjamene.
Pwa munkinda wange wa kubanda.
Pwa mwela wa kukola mangana unjobole.
3 Mwafwa yobe limanya lyange na cimpaka cange.
Unjitwamenena na kunjimwesa ngila mwafwa ya lizina lyobe.
4 Unjipatula mu bwanda bubananjitela mu bushweke,
Mwafwa yobe mwela wange wa kubanda wa kukola.
5 Njaka sipilitu yange mu maboko obe.
Unanjipatula, obe Yehova, Njambi wa busunga.*
6 Njazinda baje bakapangela tumponya bangoco ba kujeneka seho,
Oloni yange njakulahela Yehova.
7 Njibwahelela manene mwafwa ya cizemo cobe cije kucesi kutenguluka,
Mwafwa unamono kayando kange.
Uzibuka bukalu bwange bwakama.
8 Kuwanjanene mu maboko a citozi cange,
Oloni unanjilingisa njimane mu mwela wa kunyungilila.
9 Njizibileko ngozi, obe Yehova, mwafwa njili mu bukalu.
Kayando kakama kanatsitsibalesa mesho ange na kuzeyesa mubila wange woshe.
10 Buyoye bwange bunashulu na busiwa,
Co myaka yange inashulu na miteto.
Nzili yange ili na kutepuluka mwafwa ya bubi bwange.
Bitsiya byange bili na kuzeya.
11 Bitozi bange bali na kunjishendumuna,
Maneneni baje banjatunga nabo.
Banu banjalizilila nabo bali na kunjijujwisa.
Mubanjimona ku mbunga banjijenjuka.
12 Bananjiyengula na kunjibala ngwe njinatsi.
Njinapu ngwe njaba ya kutsa.
13 Njinazibi mizimbu yaingi yaibi.
Lyoba linanjizengeleka.
Mubanjikungulukila mangana banjilwise,
Bayongola kunjitsiya.
14 Oloni njakulahela yobe, obe Yehova.
Njendeka ngwange: “Yobe Njambi yange.”
15 Matangwa ange ali mu liboko lyobe.
Njamene ku bitozi bange na kuli baje bali na kunjiyandesa.
16 Lingisa cihanga cobe citwile ceke ngamba yobe.
Njobole na cizemo cobe cije kucesi kutenguluka.
17 Obe Yehova, keti unjecelele banjizibise shwamwa munjitambeka kuli yobe.
Lingisa baka-bubi bazibe shwamwa.
Bolwese kulu mu Cihilo.*
18 Tunwa tuje tukwisa twoloke kulu,
Kulumbununa tunwa tuje twendeka hali baka-kusungama mu kulijundula na kulyalesa na kushaula.
19 Bubwa bwobe bwapwa bwakama manene.
Unabutulikila baje bakakuzibila lyoba
Co unabumwesa banu boshe mwafwa ya baje bali na kutewela kuli yobe.
20 Ubashweka mu mwela wa bushweke muyehi nobe
Mangana ubanyungilile ku matumbe a banu.
Ubashweka mu tenti yobe
Mangana ubanyungilile kuli baje babendeka mwamubi.
21 Yehova bamushangazale
Mwafwa nanjimwesa cizemo cendi cije kucesi kutenguluka mu ngila ya kukomokesa mu nganda ibanazengeleka bitozi.
22 Oloni yange njalishoshomwenene na kwendeka ngwange:
“Njinyonga halutwe lwobe.”
Oloni yobe wazibile kulambelela kwange kwa kulomba bukwasi omwo njatambekele kuli yobe.
23 Zemeni Yehova yeni boshe bakulongwa.
Yehova akanyungilila banu ba kulongwa.
Oloni ana kashitiko kakama woshe uje alyalesa.
24 Simpeni, co bimbunge byeni bikanyame,
Yeni boshe muli na kubandamena Yehova.
Mwaso wa Devidi. Masikiu.*
32 Nabwahelela munu uje ibanakonekela mulonga wendi, uje ibanafwikila* bubi bwendi.
2 Nabwahelela munu uje Yehova kawanene na mulonga,
Uje mbunge yendi kuyesi kukwisa.
3 Munjolokele kulu kwa kujeneka kwendeka bubi bwange, bitsiya byange byazeyele mwafwa ya kuteta litangwa lyoshe lya mutunu.
4 Mwafwa mutanya na butsiki liboko lyobe* lyanjilemenene.
Nzili yange yahwile ngwe mema akakumuka na litanya lya ntondwe. (Sela)
5 Kumamaneselelwoni, njendekele bubi bwange kuli yobe.
Kunjashwekele bubi bwange.
Njendekele ngwange: “Njendeka milonga yange kuli Yehova.”
Co wanjikonekelele kusebuka kwange na bubi bwange. (Sela)
6 Mukemwo munu woshe wa kulongwa alombela kuli yobe
Simbu banu bacasa kukuwana.
Nameme mema a libazi kuwamuwana.
7 Yobe mwela wange wa kubanda.
Unjinyungilila ku bukalu.
Unjilingisa njikale mukati ka banu baje bali na kutwa bingunda bya kubwahelela mwafwa ya kwoboka. (Sela)
8 Wendekele ngwobe: “Njikwana kuzibisisa na kukulongesa ngila iunapande kwenda.
Njikunangula oku mesho ange anakutala.
9 Keti ufwe ngwe kabalu nambe donki* uje kesi kuzibisisa.
Uje alinga kubanga kumukoka na mukole
Asina ashwene kuyehi nobe.”
10 Kuli byuma byabingi bizibisa munu wamubi kubabala.
Oloni cizemo ca Njambi cije kucesi kutenguluka cizengeleka uje nakulahela Yehova.
11 Bwaheleleni muli Yehova na kujolela, yeni bakusungama.
Tambekeni mu kubwahelela yeni boshe bakusungama mu bimbunge.
33 Tambekeni mu kubwahelela mwafwa ya Yehova, eni banu ba kusungama.
Banu ba kusungama banapande kumushangazala.
2 Kandeleleni Yehova na kalyalya.
Mwimbileni myaso ya kumushangazala, na cisanzi ca mikole 10.
3 Mwimbileni mwaso wauha.
Imbeni mu butongwe na mikole hamolika na myaso ya kubwahelela.
4 Mwafwa lijwi lya Yehova lyapwa lya kusungama,
Co byuma byoshe byakalingi byapwa bya busunga.
5 Wazema kusungama na kwakula mwamubwa.
Lifuti-libu lyoshe linashulu na cizemo ca Yehova cije kucesi kutenguluka.
6 Melu bawatangele na lijwi lya Yehova,
Co byoshe byakalamo babitangele na sipilitu* ya mu kanwa kendi.
7 Akakungulwila mema a mu kalunga-ndonga mu mashali
Na kukungulwila mema a cingungumuta* mu bishete.
8 Lifuti-libu lyoshe lizibile Yehova lyoba.
Baje batunga ha lifuti-libu bamuzibile lyoba.
9 Mwafwa wendekele, co byuma byoshe byakeleko.
Washikile, co byoshe byalingiwile.
10 Yehova nazeyesa matumbe* a baka-mafuti.
Natanganesa biyongola* bya miyati ya banu.
11 Byuma byanayongola* Yehova bikalako myaka yoshe.
Bisinganyeka bya mu mbunge yendi bikalako kutunda ku cisemwa cimo kuya ku cisemwa cikwabo.
12 Unabwahelela muyati uje Yehova napu Njambi yawo,
Banabwahelela banu baje banangula Njambi kupwa buswana bwendi.
13 Yehova akatala hasi oku ali mwilu,
Akamono bana ba banu boshe.
14 Akamono banu baje batunga hasi
Oku ali mu mwela wendi mwakala.
15 Ikeye akamungu bimbunge bya banu boshe.
Akelula bipangi byabo byoshe.
16 Kukwesi mwene oboka mwafwa ya kukala na maswalale babangi.
Munalume wa nzili koboka mwafwa ya nzili yendi yakama.
17 Kukulahela ngwobe kabalu akwobola* kunapu kulikwisa.
Nzili yendi kuyasa kulingisa munu oboke mu nzita.
18 Lisho lya Yehova linatala hali baje bakamuzibila lyoba,
Baje bali na kubandamena cizemo cendi cije kucesi kutenguluka,
19 Mangana abamene* ku kutsa
Na kubalingisa batwaleleleho kuyoya, mu simbu ya njala yakama.
20 Tunabandamena* Yehova.
Ikeye mukwasi wetu na ntelo yetu.
21 Njambi nalingisa bimbunge byetu bibwahelele
Mwafwa twakulahela lizina lyendi lya kujela.
22 Cizemo cobe cije kucesi kutenguluka cikale hali yetu, obe Yehova,
Oku tutwalelelaho kukubandamena.
Mwaso wa Devidi wembile mwalikwisile kuzaluka ku mesho a Abimeleki. Co wamushekele, ngeci waile.
א [Alefu]
34 Njishangazala Yehova simbu yoshe.
Njimushangazala na kanwa kange kushwa kumo.
ב [Bethi]
2 Njilishasha mwafwa ya Yehova.
Banu bababotsi bakaziba, co bakabwahelela.
ג [Gimeu]
3 Tubaboshe tuzumbangeyeni Yehova,
Tuzumbangeyeni lizina lyendi.
ד [Dalethi]
4 Njalombelele kuli Yehova, co wanjikumbulwile.
Wanjamenene ku byuma byoshe bije byanjizibisile lyoba.
ה [He]
5 Baje batalele kuli ikeye babwahelelele,
Kubazibile shwamwa.
ז [Zayini]
6 Ou munu wa kwisi wasanene, co Yehova wamuzibile.
Wamwobwele ku bukalu bwendi bwoshe.
ח [Hethi]
7 Kangelo ka Yehova nazengeleka baje bazibila Njambi lyoba,
Co abamena.
ט [Tethi]
8 Makeleni mangana mumone ngweni Yehova wapwa wamubwa.
Nabwahelela munu uje atewela kuli ikeye.
י [Yodi]
9 Zibileni Yehova lyoba yeni banu boshe ba kujela,
Mwafwa baje bamuzibila lyoba, nacimo cibakajeneka cahi.
כ [Kafu]
10 Nameme bana ba bindumba* ba nzili bali na njala,
Oloni baje bashakezeka Yehova, nacimo cuma cacibwa cibakajeneka cahi.
ל [Lamedi]
11 Ijeni bana bange mwakunjitolilile.
Njakumilongesa mwakuzibila Yehova lyoba.
מ [Memu]
12 Iya washaka kuyoya hakati keni
Uje ashaka kumona matangwa amangi amabwa?
נ [Nuni]
13 Nga ngoconi, co nyunga ndaka yobe ku byuma byabibi,
Na kanwa kobe ku kwendeka makuli.
ס [Sameki]
14 Tunda ku byuma byabibi, co linga byuma byabibwa.
Shakezeka kwoloka na kucikabangeya.
ע [Ayini]
15 Mesho a Yehova anatala banu ba kusungama,
Co matwi endi ali na kutolilila ku kulila kwabo kwa kulomba bukwasi.
פ [Pe]
16 Oloni cihanga ca Yehova cinalubalela baje bali na kulinga byuma byabibi,
Mangana keti bakabanuke lalo ha lifuti-libu.
צ [Sade]
17 Batambekele, co Yehova wabazibile.
Wabamenene ku bukalu bwabo bwoshe.
ק [Kofu]
18 Yehova ali muyehi na baje banapokoka bimbunge.
Akobola baje banombwa.*
ר [Reshi]
19 Tuyando* twa munu wa kusungama twatwingi.
Oloni Yehova amwamena ku tuyando twoshe otu.
ש [Shini]
20 Ali na kunyungilila bitsiya byendi byoshe,
Nacimo cibanapokola cahi.
ת [Tau]
21 Bukalu bukatsiya banu bababi.
Baje bazinda munu wa kusungama bakabawana na mulonga.
22 Yehova ali na kupatula myonyo* ya bangamba bendi.
Naumo wahi atewela kuli ikeye ibakawana na mulonga.
Mwaso wa Devidi.
35 Obe Yehova, njimanene mu ñanda yange injili nayo na baka-kunjilwisa.
Lwisa baje bali na kunjilwisa.
2 Ambata ntelo yobe yaindondo* nei yakama,
Co katuka unjilwile.
3 Ambata likunga lyobe na mutaka* wobe mangana ulwise baje bali na kunjisheka.
Njileke ngwobe: “Yange kwoboka kwobe.”
4 Baje bali na kuyomba mwonyo* wange bazibe shwamwa, co bashauke.
Baje bali na kuyongola kunjinyongesa beluke busetanima na shwamwa.
5 Bafwe ngwe lijungu lije lili na kupekumuka na lihunzi.
Kangelo ka Yehova abashekele kulako.
6 Kangelo ka Yehova mwabasheka,
Mu ngila yabo mukale lisusulungu, co lalo musenete.
7 Mwafwa bananjitela bwanda okuni nebi binjinabalingi byahi.
Bananjindila* bwina kwa kujeneka binjinabalingi.
8 Bukalu bubawane mu kukasumuna.
Bwanda bubanashweke bubakwate,
Batsemo na kunyonga.
9 Oloni yange* njibwahelela mwafwa ya Yehova.
Njibwahelela mwafwa ya bilinga byendi bya kwobola.
10 Bitsiya byange byoshe bikendeka ngwabyo:
“Obe Yehova, iya alifwa nobe?
Baje kubesi nou wa kubakwasa, ukabamena kuli baje bali na nzili kubatubakana,
Na kwamena baje kubesi nou wa kubakwasa na tuhutu kuli baje bakabebila.
11 Bakaleho ba makuli baija kuli yange
Na kunjibangeya byuma bije kunjizibuka.
12 Bakanjilingi mwamubi ha byuma byabibwa binjikabalingila
Na kunjilingisa* njizibe busiwa.
13 Oloni mubabinjile, njazalele cikeleya.
Njayandesele mwonyo wange ha kulibindika kulya.
Co lilombelo lyange mulyelukile kuli yange kwa kujeneka kulikumbulula,
14 Njakele na kwendangana oku njilila, ngwe njilila kabusamba kange nambe ndolome yange.
Njakulamene mu busiwa ngwe uje alila baina.
15 Oloni yange munjatanukile, babwahelelele na kulikungulula hamolika.
Balikungulwile hamolika na kunjibandelela mangana banjindyange hasi.
Banjisanyozwele sanyu-sanyu, co kubolokele kulu.
16 Banu baje kubazibila Njambi lyoba bali na kunjishendumuna.*
Bali na kulishuma ku mayo mu kunjilwisa.
17 Obe Yehova, wambata simbu ya kupwa hali oku unatalelela lika?
18 Co njikakukandelela mu cikungulukilo cakama.
Njikakushangazala mukati ka mbunga ya banu.
19 Keti wecelele baje bapwa bitozi bange kwa kujeneka bimo binjinabalingi babwahelele ha bukalu bwange.
Keti wecelele baje banjizinda kwa kujeneka mulonga balinyateye na mesho mu kushaka kunjilinga mwamubi.
20 Mwafwa kubesi kwendeka majwi a kwoloka,
Oloni bakatumbu butumbe mu busebuse bwa kulwisa banu ba kwoloka bali mu lifuti.
21 Bashama mu tunwa twabo hululu, na kunjibangeya ngwabo:
“Ewa! Ewa! Mesho etu analimwena.”
22 Unalimwena ebi byuma, obe Yehova. Keti woloke kulu.
Obe Yehova, keti ukale kulako nange.
23 Induka na kukatuka mangana unjamene,
Yehova Njambi yange, njamene mu ñanda yange.
24 Njisompe kwesekesa na kusungama kwobe, obe Yehova Njambi yange.
Keti ubatabese babwahelele ha bukalu bwange.
25 Keti balyendekese ngwabo: “Ewa! Tunawana bitunatondele.”
Keti balyendekese ngwabo: “Tunamulehula.”
26 Boshe bazibise shwamwa na kubashaula.
Boshe baje bakabwahelela ha bukalu bwange.
Boshe baje bali na kulishasha ngwabo bananjitubakana babazike shwamwa na kushauka.
27 Oloni lingisa baje bakabwahelela ha kusungama kwange batambeke mu kubwahelela.
Batwaleleleho kwendeka ngwabo:
“Yehova bamwamese, uje akabwahelela ha kukala mu kwoloka kwa ngamba yendi.”
28 Co ndaka yange ikendeka* bya kusungama kwobe
Na kukushangazala litangwa lyoshe lya mutunu.
Kuli muka-kutwamenena. Mwaso wa Devidi ngamba ya Yehova.
36 Kupokola mashiko kuli na kutwamenena mbunge ya munu wamubi,
Co kesi kuzibila Njambi lyoba.
2 Mwafwa walimona kupwa wa seho manene,
Co kesi kunanguka bubi bwendi na kubuzinda.
3 Majwi a mu kanwa kendi azibisa kubabala ku mbunge, co apwa a makuli.
Kesi kuzibisisa mwakulingila byuma byabibwa.
4 Akayongola kulinga byuma byabibi nameme ali ha mwela wendi.
Ali na kwenda mu ngila yaibi.
Kesi kubyana byuma byabibi.
5 Obe Yehova, cizemo cobe cije kucesi kutenguluka cinete na mwilu.
Kulongwa kwobe kunete na mu mashelwa.
6 Kusungama kwobe kunapu ngwe minkinda yakama.
Kusompa kwobe kunapu ngwe nzinga* ya mema amangi.
Obe Yehova, ukanyungu* munu na kasitu.
7 Cizemo cobe cije kucesi kutenguluka capwa ca seho manene, obe Njambi!
Bana ba banu batewela mu munzinze wa mambaba obe.
8 Banwa byuma byabingi byabibwa bya mu njibo yobe na kupwisamo.
Co ubalingisa banwe byuma byobe byabibwa bije byapwa byabingi ngwe mema a mu muta.
9 Yobe nsina ya kuyoya.
Tumona ceke mwafwa ya ceke cobe.
10 Twalelelaho kumwesa cizemo cobe cije kucesi kutenguluka kuli baje bakuzibuka.
Na kumwesa kusungama kwobe kuli baje bapwa ba kusungama mu bimbunge.
11 Keti utabese lindi lya munu wa kulyalesa linjilyatangele
Nambe liboko lya munu wamubi linjisheke.
12 Baka-kulinga byuma byabibi baje banawila haje,
Banabalindumwina hasi, co kubasa kwimana.
Mwaso wa Devidi.
א [Alefu]
37 Keti ulubale mwafwa ya banu bababi
Nambe kuzibila cipululu baka-kulinga byuma byabibi.
2 Bajujwama bwasi ngwe mwila.
Balyosa ngwe mwila wa kutonola.
ב [Bethi]
3 Kulahela Yehova na kulinga byuma byabibwa.
Kala ha lifuti-libu na kulinga byuma mu kulongwa.
4 Bwahelela manene* mwafwa ya Yehova,
Co akwana biishungwiya mbunge yobe.
ג [Gimeu]
5 Kundika ngila yobe* kuli Yehova.
Mukulahele, co akukwasa.
6 Alingisa kusungama kwobe kutwe ceke ngwe kutuhuka kwa litangwa,
Na kwakula mwamubwa kwobe kutwe ceke ngwe mutanya-mwelu.
ד [Dalethi]
7 Twalelelaho kwoloka kulu ku mesho a Yehova.
Bandamena kuli ikeye na mbunge imolika.
Keti ulubale mwafwa ya munu
Uje matumbe endi amabi ali na kubwaha.
ה [He]
8 Likele kulubala, co umbila kuti kutenuka.
Keti ulubale na kulinga byuma byabibi.*
9 Mwafwa banu bababi bakabanyongesa,
Oloni baje bakulahela Yehova bakaswana lifuti-libu.
ו [Wau]
10 Kunasala lika kasimbu kakandondo, co banu bababi kubakakalako.
Ukatala haje habakele,
Oloni kuukabawanaho.
11 Oloni banu bababotsi bakaswana lifuti-libu,
Co bakabwahelela manene mwafwa bakalikuwa kwoloka kwakama.
ז [Zayini]
12 Munu wamubi atumba butumbe bwa kulwisa munu wa kusungama.
Alishuma na ku mayo mwafwa yendi.
13 Oloni Yehova amujola
Mwafwa azibuka ngwendi litangwa lya kumunyongesa lija.
ח [Hethi]
14 Banu bababi bashomona mikwale yabo na kunana* mata abo a lusipa
Mangana bandumune banu babanalyatelela, na tuhutu
Na kutsiya baje bali na kulinga byuma mu kusungama.
15 Oloni mikwale yabo itiba bimbunge byabo babenya.
Mata abo a lusipa apokoka.
ט [Tethi]
16 Byuma byabindondo bya munu wa kusungama binapu byabibwa
Kutubakana byuma byabingi bya banu babangi bababi.
17 Mwafwa maboko a banu bababi bakawapokola,
Oloni Yehova akwasa banu ba kusungama.
י [Yodi]
18 Yehova azibuka bibakaliwana nabyo banu ba kujeneka hakubapayela,
Co buswana bwabo bukalako myaka yoshe.
19 Kubakazibi shwamwa ha simbu ya bukalu.
Ha simbu ya njala yakama bakakala na byakulya byabingi.
כ [Kafu]
20 Oloni banu bababi bakanyonga.
Bitozi ba Yehova bakahwa ngwe mwila waubwa wa mu bulilo.*
Bakahwa ngwe bwisi.
ל [Lamedi]
21 Munu wamubi akolota, oloni kafwete.
Oloni munu wa kusungama wakala na ngozi, co wapwa muka-kwana.
22 Baje babanabezikisa kuli Njambi bakaswana lifuti-libu,
Oloni baje banasingi bakanyonga.
מ [Memu]
23 Nga munu ayoya mu ngila ije izibisa Yehova kubwaha,
Co Njambi atwamenena* bilinga byendi.
24 Nameme atanuka, oloni kawila hasi
Mwafwa Yehova amukwata ku liboko.*
נ [Nuni]
25 Njapwile nji mwanike, co hano njinakolo.
Oloni kanda njimoneho munu wa kusungama bamumbila kuti,
Nambe kumona bana bendi baya na kuhelyangela kuya na kutonda byakulya.*
26 Simbu yoshe wakala na ngozi ya kukolotesa bakwabo,
Co bana bendi, Njambi ababezikisa.
ס [Sameki]
27 Tunda ku byuma byabibi, linga byuma byabibwa,
Co ukalako myaka yoshe.
28 Mwafwa Yehova wazema kwakula mwamubwa,
Co kombila kuti banu bendi ba kulongwa.
ע [Ayini]
Abanyungilila simbu yoshe.
Oloni batekulwila ba banu bababi bakahwa.
29 Banu ba kusungama bakaswana lifuti-libu,
Co bakakalamo myaka yoshe.
פ [Pe]
30 Kanwa ka munu wa kusungama kana mana,
Co ndaka yendi yendeka byuma byabibwa.
31 Mashiko a Njambi yendi ali mu mbunge yendi.
Bilyato byendi kubisenutuka.
צ [Sade]
32 Munu wamubi akatalesesa munu wa kusungama
Mangana amutsiye.
33 Oloni Yehova kecelela munu wa kusungama mu liboko lya munu wamubi
Nambe kumuwana na mulonga omwo amusompa.
ק [Kofu]
34 Kulahela Yehova na kukabangeya ngila yendi.
Co akakujundula na kukulingisa uswane lifuti-libu.
Ukalimwena mubakanyongesa banu bababi.
ר [Reshi]
35 Njalimwena munu wamubi wa kukenyuka,
Byuma bimwendela mwamubwa ngwe muti wa kuzibalela uli ha libu lya bwilo.
36 Oloni watsile mu kukasumuna, co kakeleko lalo.
Njatwaleleleleho kumutonda, oloni kunjamuwanene.
ש [Sini]
37 Nanguka munu uje kesi na hakumupayela*
Na kutalesesa munu wa kusungama,
Mwafwa kulutwe akakala mu kwoloka.
38 Oloni baka-kupokola mashiko boshe bakabanyongesa.
Kulutwe, banu bababi kubakakalako.
ת [Tau]
39 Kwoboka kwa banu ba kusungama kutunda kuli Yehova.
Ikeye mwela wabo mubabanda ha simbu ya bukalu.
40 Yehova abakwasa na kubamena.
Abamena ku banu bababi na kubobola.
Mwafwa banatewela kuli ikeye.
Mwaso wa Devidi wa kwanukisa.
38 Obe Yehova, keti unjendekele oku unalubala
Nambe kunjisungamesa oku unatenuka.
2 Mwafwa mikili yobe inanjitubu kuketa na mukati,
Co liboko lyobe linanjisindakana.
3 Mubila wange woshe uli na kubinja* mwafwa ya butenu bwobe.
Mu bitsiya byange kumwesi kwoloka mwafwa ya bubi bwange.
4 Mwafwa bubi bwange buli na kulizenga helu lya mutwe wange.
Bunanjilemena manene ngwe citele ca kulema.
5 Bimbandu byange binabolo, co bili na kunika
Mwafwa ya bulema bwange.
6 Njili mu bukalu, co njinazeye manene.
Njili na kwenda oku njinombwa litangwa lyoshe lya mutunu.
7 Mu mubila wange mwoshe hyanguu ngwe muje muli tuhya.*
Mubila wange woshe uli na kubinja.
8 Mubila wange unambumbula na kusanyozoka sanyu-sanyu.
Njili na kulitetela mwafwa mbunge yange ili mu busiwa bwakama.
9 Obe Yehova, uzibuka mashungu ange oshe,
Co ukazibi binyengo byange.
10 Mbunge yange ili na kulupozoka, na nzili bene kunjesi nayo,
Co mesho ange anatsitsibala.
11 Babusamba bange bananjijenjuka mwafwa ya bukalu bwange.
Co bandambo bange bananjiyengula.
12 Baje batonda mwonyo* wange bali na kunjitela miheto.
Baje bashaka kunjibulumuna bali na kwendeka bya kunjinyongesa,
Bali na kuningita byuma bya makuli litangwa lyoshe lya mutunu.
13 Oloni kunjesi kubaziba ngwe mwa kasindamatwi.
Kunjesi kubakumbulula ngwe mwa kabebebe.
14 Njinapu ngwe munu uje kazibi
Na munu uje kasa kulyamena na kanwa kendi.
15 Mwafwa njabandamenene ngwange unjikwase, obe Yehova,
Co wanjikwasele, obe Yehova Njambi yange.
16 Mwafwa njendekele ngwange: “Keti babwahelele ha bukalu bwange
Nambe kulijundula, lindi lyange mulisenutuka.”
17 Mwafwa njakele muyehi na kuwa,
Co njakele na kuziba kubabala simbu yoshe.
18 Njendekele mulonga wange,
Co njakele na kuziba kubihya ku mbunge mwafwa ya bubi bwange.
19 Oloni bitozi bange bapwa ba kukanyama,* co lalo bali na nzili.*
Baje banjizinda kwa kujeneka mulonga banatumu manene.
20 Munjabalingilile byuma byabibwa, bakebo banjilingilile byuma byabibi.
Banjilwisile mwafwa ya kulinga byuma byabibwa.
21 Keti unjumbile kuti, obe Yehova.
Obe Njambi, keti ukale kulako nange.
22 Zambula wakunjikwase,
Obe Yehova muka-kunjobola.
Kuli muka-kutwamenena. Imbisi ya Jeduthani.* Mwaso wa Devidi.
39 Njendekele ngwange: “Njinyunga bilinga byange
Mangana keti njilinge bubi na ndaka yange.
Njikuta ku kanwa kange
Nga muka-bubi ali ku mesho ange.”
2 Kunjendekele nameme lijwi limo, co njolokele kulu.
Kunjendekele nameme byuma byabibwa,
Oloni njazibile manene kubabala.
3 Mbunge yange yashalukile mu nulo yange.
Munjakele na kusinganyekesesa,* tuhya twatwaleleleleho kushukuma.
Co ndaka yange yendekele ngwayo:
4 “Obe Yehova, njikwase kuzibuka mamaneselelo a kuyoya kwange,
Na ha hawanapu matangwa ange
Mangana njizibuke ngwange kuyoya kwange kwapwa kwa simbu yaindondo.
5 Cili bene unakehesa matangwa ange,
Co myaka ya kuyoya kwange inapu yangoco kuli yobe.
Cili bene munu woshe nameme asholoke ngwe banamunyungilila, napu lika muku. (Sela)
6 Cili bene munu woshe akende ngwe munzinzime.
Akashatozoka* kwa kujeneka seho.
Akalundika bufuko, oloni kazibuka baje bakabulya.
7 Bikoni binjinapande kulabelela, obe Yehova?
Yobe lika lilabelelo lyange.
8 Njobole ku milonga yange yoshe.
Keti utabese cilema anjishaule.
9 Njolokele kulu.
Kunjasele kufukula mu kanwa kange
Mwafwa yobe walingile ebi byuma.
10 Njitundise aka kashitiko kaunanjana.
Njinajuka mwafwa liboko lyobe lili na kunjipupanga.
11 Ukana munu kashitiko mwafwa ya bubi bwendi mangana umusungamese.
Ukali bufuko bwendi ngwe tulongolo.
Cili bene munu woshe wapwa lika muku. (Sela)
12 Ziba lilombelo lyange, obe Yehova.
Tolilila ku kulila kwange kwa kulomba bukwasi.
Keti uyengule misozi yange
Mwafwa kuli yobe njinapu nji munu wa ku lifuti lyeka,
Nji muka-kwenda* uje aita lika ngwe mubakele na kulinga bakukulwila bange boshe.
13 Talesa kweka cihanga cobe ca butenu
Mangana njibwahelele, simbu kanda njitse na kuzimangana.”
Kuli muka-kutwamenena. Mwaso wa Devidi.
40 Njalabelelele kuli Yehova na mbunge yange yoshe,*
Co wajendekelele litwi lyendi* kuli yange na kuziba kulila kwange kwa kulomba bukwasi.
2 Wanjitundisile mu bwina muje mwakele na kucuma mema.
Wanjitundisile mu mandoba
Na kunjimika ha limanya.
Wakanyamesele mendi ange.
3 Co naka mwaso wauha mu kanwa kange.
Bashangazale Njambi yetu.
Babangi bakatala byanalingi Njambi mu kukomoka,
Co bakakulahela Yehova.
4 Nabwahelela munu uje akulahela Yehova,
Co kesi kukulahela banu ba kujeneka kwononoka nambe baka-makuli.*
5 Byuma biunalingi byabingi,
Obe Yehova Njambi yange,
Kulumbununa bipangi byobe bya kukomokesa na biyongola biuli nabyo hali yetu.
Naumo wahi alyesekesa kuli yobe.
Nga njeseka kubilumbununa na kubyendeka,
Kunjibyasa mwafwa byabingi manene.
6 Kuwashungwiiye* mulambu na bwana,
Oloni washokolwele matwi ange mangana njizibe.
Kuwalombele bwana bwa kwenyeka na bwana bwa kufwika bubi.
7 Co njendekele ngwange: “Tala, njinaija.
Banasoneka byange mu libulu lya kuzenga.
8 Kulinga cizango cobe, obe Njambi yange, cikeco cuma cinjashaka.
Mashiko obe ali mu mbunge yange.
9 Njili na kwambulula muzimbu waubwa wa kusungama mu cikungulukilo cakama.
Tala! Kunjoloka kulu,
Obe Yehova, ngwe muuzibukila.
10 Kunjishweke kusungama kwobe mu mbunge yange.
Njambulula kulongwa kwobe na kwobola kwobe.
Kunjishweke cizemo cobe cije kucesi kutenguluka na busunga bwobe mu cikungulukilo cakama.”
11 Obe Yehova, keti unjumine kutetela kwobe.
Cizemo cobe cije kucesi kutenguluka na busunga bwobe binjinyungilile simbu yoshe.
12 Bukalu bunanjizengeleka bwabwingi manene, kunjasa kubutanda.
Co bubi bwange bunanjilemena, kunjasa kumona na ngila yange.
Bwabwingi kutubakana na binkambu bya ku mutwe wange,
Co njinombwa.
13 Shukulu-kambu, lyane obe Yehova, mangana unjobole.
Obe Yehova, zambula mangana wakunjikwase.
14 Boshe baje bashakezeka mwonyo wange
Bazibise shwamwa na kubashaula.
Baje babwahelela mwafwa ya bukalu bwange
Beluke munima oku banashauka.
15 Baje bendeka kuli yange ngwabo: “Ewa! Ewa!”
Bakasame mwafwa ya kuziba shwamwa.
16 Oloni baje bakushakezeka
Balisambe na kubwahelela mwafwa yobe.
Baje bazema bilinga byobe bya kwobola, simbu yoshe bendeke ngwabo:
“Yehova bamwamese.”
17 Oloni yange kunjesi nou wa kunjikwasa, co nji kahutu.
Obe Yehova, njake mbunge.
Yobe mukwasi wange na muka-kunjamena.
Obe Njambi yange, keti wishwale.
Kuli muka-kutwamenena. Mwaso wa Devidi.
41 Nabwahelela munu uje aka mbunge munu wa kwisi.
Yehova akamwamena ha litangwa lya bukalu.
2 Yehova amunyunga na kumulingisa atwaleleleho kuyoya.
Banu boshe mu lifuti bakamwendeka ngwabo wapwa wa kubwahelela.
Kuukamwaka mu maboko a bitozi bendi.
3 Yehova akamukwasa ha mwela wendi hali na kubinjila.
Ha simbu yabinja ukamunyunga.
4 Mwafwa njendekele ngwange: “Obe Yehova, njizibileko ngozi.
Njikangwise* mwafwa njinalingi bubi ku mesho obe.”
5 Oloni bitozi bange bali na kwendeka byabibi hali yange ngwabo:
“Atsa tangwa lika mangana lizina lyendi lizimangane?”
6 Nga umo wabo aija na kunjimona, endeka majwi a kunjikwata-kwata lika ha mesho.
Akungulula biñanda bya makuli,
Co mwaya, aya na kubishandola.
7 Boshe baje banjizinda baliyebetela umo na mukwabo.
Batumba butumbe bwa kunjilinga mwamubi ngwabo:
8 “Cuma cacibi manene cinalingiwa kuli ikeye,
Co mwanau ngacije kemana lalo.”
9 Nameme munu uje injakele nendi mu kwoloka, injakulahelele,
Uje wakele na kulya byakulya byange nanjitengulukila.
10 Oloni yobe, obe Yehova, njizibile ngozi, njikatule
Mangana njibane kashitiko mwafwa ya byuma bibanalingi.
11 Nga bitozi bange kubanjihyana,
Co njizibuka ngwange njakuzibisa kubwaha.
12 Oloni yange unanjikwasa mwafwa ya kulongwa kwange.
Unjishaka myaka yoshe.
13 Yehova Njambi ya Isalele bamushangazale
Myaka yoshe.*
Ameni, Ameni.
MUKANDA WAMUCIBALI
(Bisamu 42-72)
Kuli muka-kutwamenena. Masikiu* a bana ba Kola.
42 Ngwe ntaba mwakashungwiya mema a mu ndonga,
Nange* mukemwo munjitondela yobe, obe Njambi.
2 Njili na lihwila lya kushaka Njambi, Njambi wa kuyoya, ngwe munu uje natsi lihwila.
Tangwa lika njikaija na kusholoka ku mesho a Njambi?
3 Misozi yange ikeyo byakulya byange mutanya na butsiki.
Litangwa lyoshe lya mutunu banu bali na kunjishendumuna ngwabo: “Njambi yobe ali kuli?”
4 Njanuka ebi byuma, co njikuleka mwoshe munjili na kulizibila*
Mwafwa simbu imo njakele hamo na mbunga ya banu.
Njakele na kwenda nabo kamandondo-kamandondo oku tuya ku njibo ya Njambi.
Twakele na kukuwa mu kubwahelela na kukandelela
Ngwe mbunga ya banu baje balinga cilika.
5 Njinombwela* bika?
Bika binjinalishoshomwena ngacije?
Njibandamena Njambi mwafwa njikamushangazala lalo
Ha kupwa Mwobole wange Wakama.
6 Obe Njambi yange njinombwa.*
7 Nzinga* isana nzinga ikwabo
Mwafwa ya cilumo ca bipupa byobe byoshe.
Co mankimba obe akama oshe ananjifwiki.
8 Mutanya Yehova anjimwesa cizemo cendi cije kucesi kutenguluka.
Co ku butsiki njimba mwaso uje wendeka byendi. Mwaso wa kulomba Njambi uje nanjana kuyoya.
9 Njileka Njambi uje wapwa limanya lyange ngwange:
“Bika biunanjibalela?
Bika binjendela oku njinombwa mwafwa ya kunjilyatelela ku citozi cange?
10 Bitozi bange banjishendumuna mwafwa ya cizindo cabo cakama kuli yange.*
Litangwa lyoshe lya mutunu banjishendumuna ngwabo: “Njambi yobe ali kuli?”
11 Njinombwela* bika?
Bika binjinalishoshomwena ngacije?
Njibandamena Njambi mwafwa njikamushangazala lalo
Ha kupwa Mwobole wange Wakama na Njambi yange.
43 Njisompe, obe Njambi,
Njamene mu ñanda yange injili nayo na mbunga ya banu ba kujeneka kulongwa.
Njamene kuli muka-makuli uje wapwa lalo wa kujeneka kusungama.
2 Mwafwa yobe Njambi yange, yobe mwela wange wa kubanda wa kukola.
Bika biunanjumbilila kuti?
Kuma njinapande kwenda oku njinombwa mwafwa ya kunjilyatelela ku citozi cange ndi?
3 Tuma ceke cobe na busunga bwobe
Mangana binjitwamenene,
Binjitwamenene ku munkinda wobe wa kujela na tabanakele yobe yakama.
4 Co njikaija ku mutula wa Njambi,
Njambi uje wapwa kubwahelela kwange kwakama.
Co njikakushangazala na kalyalya, obe Njambi, Njambi yange.
5 Njinombwela* bika?
Bika binjinalishoshomwena ngacije?
Njibandamena Njambi mwafwa njikamushangazala lalo
Ha kupwa Mwobole Wange Wakama manene na Njambi yange.
Kuli muka-kutwamenena. Mwaso wa bana ba Kola. Masikiu.*
44 Obe Njambi, tunalizibila na matwi etu.
Bakukulwila betu batulekele
Byuma biwalingile mu matangwa abo,
Mu matangwa a kusañulu.
2 Washekele baka-mafuti na liboko lyobe
Na kwana bakukulwila betu lifuti lyabo.
Wahyanene baka-mafuti na kubasheka.
3 Mukwale wabo keti ukewo wabalingisile baswane lifuti,
Co lalo nzili yabo keti ikeyo yabalingisile bahyane.
Oloni balingile ngoco mwafwa ya liboko lyobe lya cilyo na nzili yobe na ceke ca cihanga cobe,
Mwafwa wabashakele.
4 Yobe Mwene yange, obe Njambi.
Shika ngwobe Jakobu ahyane.*
5 Mu nzili yobe tusheka bitozi betu.
Mu lizina lyobe tulyatangela baje batulwisa.
6 Mwafwa kunjikulahela buta bwange bwa lusipa,
Co mukwale wange kuwasa kunjobola.
7 Yobe watwobwele ku bitozi betu,
Yobe wakehesele baje batuzinda.
8 Tushangazala Njambi litangwa lyoshe lya mutunu,
Co tukandelela lizina lyobe myaka yoshe. (Sela)
9 Oloni unatumbila kuti na kutukehesa,
Co kuwesi na kutwamenena maswalale betu.
10 Uli na kutwalelelaho kutulingisa tutewe ku bitozi betu.
Baje batuzinda bali na kwambata byoshe bibashaka.
11 Unatwana mu maboko a bitozi betu mangana batulye ngwe bimanga.
Unatushandwela mukati ka baka-mafuti.
12 Ulandesa banu bobe ha ndando ya kwisi manene,
Co na profiti iuwanaho yahi.
13 Utulingisa tupwe cuma cibashaula baje batwatunga nabo,
Tupwe cuma cibashendumuna na kujola baje boshe banatuzengeleka.
14 Utulingisa tupwe cuma cibajola mukati ka baka-mafuti,
Cuma cilingisa miyati ya banu balipike ku mitwe.
15 Litangwa lyoshe lya mutunu njili na kuziba shwamwa,
Co shwamwa ili na kunjilya,
16 Mwafwa ya cilumo ca kushendumuna kwabo na matuka abo,
Mwafwa ya citozi cetu uje ali na kulinga shambandinga.
17 Ebi byoshe binaija hali yetu, oloni kutwakwibalele,
Co kutwapokwele cikumiiyo cobe.
18 Bimbunge byetu kubyatangukile.
Myanja yetu kuitundu mu ngila yobe.
19 Oloni unatutikila kuje kwakala bimbanje.
Unatufwiki mu lisusulungu lyakama.
20 Nga tunebala lizina lya Njambi yetu
Nambe kujangumuna maboko etu na kulombela njambi weka,
21 Kuma Njambi kazibuka ndi?
Azibuka byuma bya kushweka bya mu mbunge.
22 Tuli na kulitala na kutsa simbu yoshe* mwafwa yobe.
Banu bali na kutumona ngwe bimanga baje babali na kutwala na kutsiya.
23 Induka. Bika biucinalalela, obe Yehova?
Tona! Keti utwaleleleho kutumbila kuti myaka yoshe.
24 Bika biukashwekela cihanga cobe?
Bika biukebalela tuyando twetu nomwo mubali na kutulyatelela?
25 Banatukehesa, co tunapu ngwe likungu.
Mibila yetu banaisindakanena hasi.
26 Katuka utukwase!
Twamene* mwafwa ya cizemo cobe cije kucesi kutenguluka!
Kuli muka-kutwamenena. Cilumo ca mwaso cibasana ngwabo “Bintemo.” Mwaso wa bana ba Kola. Masikiu.* Mwaso wa cizemo.
45 Mbunge yange inashulu byuma byabibwa.
Njendeka ngwange: “Mwaso wange wendeka bya mwene.”
Ndaka yange ipwe ngwe cisonekeso* ca muka-kusononona* wa mutongwe.
2 Yobe wamubwa manene mukati ka bana ba banu.
Mu kanwa kobe mukatundu majwi amabwa.
Mukemwo Njambi nakubezikisa myaka yoshe.
3 Shwelela mukwale wobe ha mbunda yobe, obe muka-nzili,
Mu bumpau bwobe na bulemu bwobe.
4 Ya na bulemu bwobe, co uhyane.
Londa kabalu kobe mangana ulwile banu ba kulikehesa na kulwila busunga na kusungama,
Co liboko lyobe lya cilyo likalinga byuma bya kukomokesa.
5 Mikili yobe yabambuka, co ikalindumuna banu ha mesho obe.
Ikatubu bimbunge bya bitozi ba mwene.
6 Njambi ikeye litanda lyobe myaka yoshe.
Mulamu wa bumwene bwobe unapu mulamu wa kusungama.*
7 Wazemene kusungama, co wazindile byuma byabibi.
Mukemwo Njambi, Njambi yobe nakubwabesa mazi na kukulingisa ubwahelele manene kutubakana babusamba bobe.
8 Bizalo byobe byoshe bili na lwengo lwa mira na aloi na kashia.
Myaso ya ha bisanzi bya mikole ibali na kwimba ku lipela libanataleka na mambinga a binjamba ili na kukuzibisa kubwaha.
9 Bana ba banakazi ba bimyene bali hakati ka banakazi ba bulemu ba mu lipela lyobe.
Lishano nemana ku liboko lyobe lya cilyo, nazala bizalo bya goldi ya ku Ofiya.
10 Tolilila, Obe munange wa munakazi. Tolilila mwamubwa na kujendeka litwi lyobe.
Ibala banu bobe na njibo ya isho.
11 Co mwene ashungwiya bubwa bwobe
Mwafwa ikeye mwata wobe.
Ngeci mutsikamene.
12 Mwana wa munakazi wa ku Tile akaija na bwana.
Baka-kufuka manene bakashakezeka ngozi yobe.
13 Mukati ka lipela* muna mwene wa munakazi napu wamubwa manene.
Bizalo byendi binapu bya goldi.
14 Bamunena kuli mwene oku nazala bizalo bya kutonga mwamubwa.
Babusamba bendi ba bambanda baje kanda balilaleho laja na banalume, baje bali na kumukaba munima babanena ku mesho obe.
15 Bakabanena mu kulisamba na kubwahelela.
Bakakobela mu lipela lya mwene.
16 Bana bobe ba banalume bakainga mu mwela wa bakukulwila bobe.
Ukabangula kupwa bamyata ha lifuti-libu hoshe.
17 Njikalingisa lizina lyobe balizibuke ku bisemwa byoshe bije bija kulutwe.
Mukemwo miyati ya banu bakakushangazala myaka yoshe.
Kuli muka-kutwamenena. Mwaso wa bana ba Kola. Kwesekesa na imbisi ya Alamothi.*
46 Njambi ikeye butewelo bwetu na nzili yetu.
Nalibwahesela kutukwasa simbu yoshe ituliwana na bukalu.
2 Mukemwo kutuzibi lyoba nameme lifuti-libu litenguluka,
Nameme minkinda ilundumukila kwisi ya kalunga-ndonga.
3 Nameme mema a mu kalunga-ndonga acuma na kutuhula lifulu,
Nameme minkinda ininganga mwafwa ya kutenuka kwa kalunga-ndonga. (Sela)
4 Kuli ndonga ije bana bayo balingisa nganda ya Njambi ibwahelele,
Kulumbununa tabanakele yakama ya kujela ya Wahakamwa Manene.
5 Njambi ali omu mu nganda, kubasa kuihyana.
Njambi ayamena mutondo-tondo.
6 Baka-mafuti bakele mu ciluwaluwa, bumwene babuhyanene.
Wendekele na lijwi lyakama, co lifuti-libu lyasangunukile.
7 Yehova wa maswalale ali netu.
Njambi ya Jakobu ikeye butewelo bwetu bwa kukola. (Sela)
8 Ijeni mwakumone bipangi bya Yehova,
Mwakumone mwanalingila byuma bya kukomokesa ha lifuti-libu.
9 Amanesa binzita ha lifuti-libu hoshe.
Apokola buta bwa lusipa na kutika makunga.
Enyeka matemba* a nzita na tuhya.
10 “Lyononweseni na kuzibuka ngweni yange Njambi.
Bakanjizumbangeya mukati ka baka-mafuti.
Bakanjizumbangeya ha lifuti-libu.”
11 Yehova wa maswalale ali netu.
Njambi ya Jakobu ikeye butewelo bwetu bwa kukola. (Sela)
Kuli muka-kutwamenena. Mwaso wa bana ba Kola.
47 Eni miyati ya banu boshe, kandeni maboko eni.
Tweni bingunda bya kubwahelela kuli Njambi mwafwa munahyana.
2 Mwafwa Yehova Wahakamwa Manene azibisa lyoba.
Ikeye Mwene wakama hasi hoshe.
3 Akalingisa miyati ya banu balyake kwisi yetu.
Akatulingisa tuhyane baka-mafuti.
4 Akatwangwila buswana bwetu,
Buje bwakalishashela Jakobu uje yazema. (Sela)
5 Njambi nakanduka oku banu bali na kutambeka mu kubwahelela.
Yehova nakanduka na cilumo ca lupembo.*
6 Imbileni Njambi myaso ya kumushangazala, imbeni myaso ya kumushangazala.
Imbileni Mwene yetu myaso ya kumushangazala, imbeni myaso ya kumushangazala.
7 Mwafwa Njambi ikeye Mwene wa hasi hoshe.
Imbeni myaso ya kumushangazala na kumwesa kuzibisisa.
8 Njambi napu Mwene wa baka-mafuti.
Njambi natumama ha litanda lyendi lya kujela.
9 Bantwama ba miyati ya banu banalikungulwila hamo
Na banu ba Njambi ya Abrahamu
Mwafwa baka-kuyula* ba ha lifuti-libu bapwa ba Njambi.
Njambi banamuzumbangeya manene.
Mwaso. Samu ya bana ba Kola.
48 Yehova wapwa wakama, co ikeye ibanapande kushangazala manene
Mu nganda ya Njambi yetu ha munkinda wendi wa kujela.
2 Munkinda wa Siyone uje wakala ku mamaneselelo a kunto*
Wapwa waubwa, waulaha. Ukazibisa kubwaha lifuti-libu lyoshe.
Ukewo nganda ya Mwene Wakama.
3 Njambi namwesa ngwendi ikeye butewelo bwa kukola
Mu tuposhi twayo twa kukola.
4 Taleni! Bimyene balikungulwile hamo.*
Boshe baile hamo na kulwisa ije nganda.
5 Oloni mubaimwene bakasamene.
Co balijujukilile na kutewa mwafwa ya lyoba.
6 Munjunju wabawanene,
Bazibile kubabala ngwe mwakazibi munakazi uje ali na kupapa.
7 Upangesa lihunzi lya ku butuhukilo bwa litangwa mu kutabozola mato a ku Tashishi.
8 Byuma bitwazibile tunalimwenabyo
Mu nganda ya Yehova wa maswalale, mu nganda ya Njambi yetu.
Njambi akaikanyamesa, myaka yoshe. (Sela)
9 Tusinganyekesesa ha cizemo cobe cije kucesi kutenguluka, obe Njambi,
Mu tempele yobe.
10 Lizina lyobe, obe Njambi na kukushangazala
Binete na ku mamaneselelo a lifuti-libu.
Liboko lyobe lya cilyo linashulu na kusungama.
11 Munkinda wa Siyone ulisambe.
Bimbongi* bya Juda bibwahelele mwafwa ya kusompa kwobe.
12 Zengulukeni Siyone, Izengulukeni.
Tandeni tuposhi twayo.
13 Akeni bimbunge byeni ku bibumbe byayo bya kukola.
Iluleni tuposhi twayo twa kukola
Mangana mukambulule byayo ku bisemwa bya kulutwe.
14 Mwafwa ou Njambi ikeye Njambi yetu myaka yoshe.
Atutwamenena myaka yoshe.*
Kuli muka-kutwamenena. Mwaso wa bana ba Kola.
49 Zibeni ebi byuma eni miyati ya banu boshe.
3 Kanwa kange kendeka byuma bya mana,
Co byuma binjisinganyeka mu mbunge yange bimwesa kuzibisisa.
4 Njitolilila mwamubwa ku cisimo.
Njilumbununa kasau kange na kalyalya.
5 Kunjizibi lyoba mu simbu ya bukalu,
Bubi bwa baje bashaka kunjilwisa mubunjizengeleka.
6 Baje banakulahela bufuko bwabo
Na kulishashela bufuko bwabo bwabwingi,
7 Naumo wahi asa kupatula ndolome yendi
Nambe kwana Njambi ndando ya kupatula ndolome yendi,
8 (Ndando ya kupatula* myonyo* yabo yapwa yakama manene
Co nalimo litangwa lyahi libakasa kuifweta.)
9 Mangana ayoye myaka yoshe na kujeneka kumona bwina.*
10 Bakamono ngwabo banu ba kunyanyama nabo bakatsi.
Bilema na banu ba kujeneka kuzibisisa boshe bakanyongo
Co bakasezela bakwabo bufuko bwabo.
11 Mu bimbunge byabo bashungwiya ngwabo binjibo byabo bikaleko myaka yoshe,
Bitenti byabo bikaleko ku bisemwa byoshe.
Banaluku mitamba yabo mazina abo.
12 Oloni munu nameme bamusingimika, kakalako myaka yoshe.
Nendi atsa ngwe mubakatsi tusitu.
13 Ei ikeyo ngila ya bilema
Na baje bakabakabangeya, baje bakazibi kubwaha majwi abo angoco. (Sela)
14 Bakabapangwila ku Cihilo* ngwe mubakapangwila bimanga babaya na kutsiya.
Kutsa cikeco cikabanyunga.
Banu ba kusungama bakabayula ku mutondo.
Bakabazimangana.
Cihilo* cikeco cikapwa limbo lyabo, keti lipela embwe.
16 Keti uzibe lyoba nga munu afuka,
Nga bumpau bwa njibo yendi bulibwezelela,
17 Mwafwa mwatsa nacimo cahi cambata.
Bulemu bwendi kubumukaba mu cihilo.
18 Mwafwa mu kuyoya kwendi kwoshe alizumbangeya ikeye babenya.*
(Banu bakushangala nga biuli na kulinga bili na kubwaha.)
19 Mamaneselelo nendi atsa ngwe mubanatsila bakukulwila bendi.
Kubakamono lalo ceke.
20 Munu uje kazibisisa ebi byuma nameme bamusingimika,
Nendi atsa ngwe mubakatsi tusitu.
Mwaso wa Asafu.
50 Njambi ya binjambi, Yehova,* nendeka.
Asana baje batunga ha lifuti-libu
Kutunda ku butuhukilo bwa litangwa kutwala ku bulahukilo bwa litangwa.
2 Njambi ali na kutwila ceke mu Siyone, nganda yaibwa manene.
3 Njambi yetu aija, co kasa kwoloka kulu.
Halutwe lwendi hali tuhya tuje tunyongesa,
Co lihunzi lyakama lya kutenuka linamuzengeleka.
4 Asana lilu na lifuti-libu
Mangana asompe banu bendi ngwendi:
5 “Njikungulwileni banu bange ba kulongwa,
Baje banalikumiiya nange ha kwana mulambu.”
6 Melu ali na kwambulula kusungama kwendi,
Mwafwa Njambi ikeye Lyaako. (Sela)
7 “Tolilileni eni banu bange, co njendeka.
Obe Isalele, njana bukaleho bwa kukuhisa.
Yange Njambi, Njambi yobe.
8 Kunjikwendekela mwafwa ya milambu yobe
Nambe mwafwa ya bwana bwobe bwa mutunu bwa kwenyeka buje buli ku mesho ange simbu yoshe.
9 Kunjapandele kwambata ngombe wa nkomba mu njibo yobe
Nambe bimembe* mu limba lyobe.
10 Mwafwa tusitu boshe ba mu shwata bapwa bange
Nameme bikashama ba ha malundu oshe bange.
11 Njizibuka tuzila boshe ba ha malundu.
Tusitu babangi-bangi ba mu shwata bapwa bange.
12 Nga njinatsi njala kunjikuleke,
Mwafwa lifuti-libu na byoshe byakalaho byapwa byange.
13 Kuma njilya situ ya bingombe
Na kunwa maninga a bimembe ndi?
14 Mweseni kukandelela kuli Njambi mangana kupwe mulambu weni kuli ikeye.
Lingeni bimunalikumiiya kuli Wahakamwa Manene.
15 Njisaneni mu simbu ya bukalu.
Njikamyamena, co mukanjishangazala.”
16 Oloni Njambi akaleka munu wamubi ngwendi:
“Iya nakwana lisesa lya kwendeka bya mashiko ange
Nambe kwendeka bya cikumiiyo cange?
18 Muukamono mwizi ukazibi kubwaha,*
Co ukalikwatasana na baka-bukoi.
19 Ukapangesa kanwa kobe mu kushandola biñanda byabibi,
Co makuli analamama ku ndaka yobe.
20 Ukatumama na kwendeka mwamubi ndolome yobe.
Ukajombolola tupenga twendi.*
21 Muwalingile ebi byuma njolokele kulu.
Ngeci wasinganyekele ngwobe njifwa ngwe yobe.
Oloni hano njikwendekela,
Co njikuleka mulonga wobe.
22 Shukulu-kambu anukeni ebi byuma, yeni muli na kwibala Njambi
Mangana keti njimisanyozole sanyu-sanyu kwa kujeneka nou amyamena.
23 Uje amwesa kukandelela kupwa mulambu wendi anjishangazala,
Co uje atwalelelaho kukabangeya ngila ya kusungama
Njimulingisa amone kwobola kwa Njambi.”
Kuli muka-kutwamenena. Mwaso wembile Devidi, kapolofweto Nathani mwezile kuli ikeye omwo Devidi walilalele na Batisheba.
51 Njizibileko ngozi, obe Njambi kwesekesa na cizemo cobe cije kucesi kutenguluka.
Zimangana milonga yange kwesekesa na kutetela kwobe kwakama.
2 Njijwelese manene ku milonga yange,
Na kunjijelesa ku bubi bwange.
3 Mwafwa njizibuka bwino milonga yange,
Co bubi bwange buli halutwe lwange* simbu yoshe.
4 Yobe injinabulumwina. Yobe* injinabulumwina manene.
Njinalingi byuma byabibi ku mesho obe.
Ngeci mwesa ngwobe u wa kusungama nga wendeka
Na kusompa mu kusungama.
5 Tala! Njasemuka na mulonga,
Banana banjimitilile mu bubi.*
6 Tala! Ukabwahelela na busunga bwa mu mbunge ya munu.
Longesa mbunge yange mana a busunga.
7 Njijelese ku bubi bwange na hisopu* mangana njipwe wa kujela.
Njijwelese mangana njitoke kutubakana mema a kukonda.
8 Njitabese njizibe cilumo ca kubwahelela na kulisamba,
Mangana njibwahelele nameme watikile bitsiya byange.
9 Keti utale bubi bwange,
Co tundisa* milonga yange yoshe.
10 Tanga mbunge ya kujela muli yange, obe Njambi,
Njane sipilitu yaiha ya kwimana mbe.
11 Keti unjisheke ku mesho obe.
Co keti utundise sipilitu yobe ya kujela kuli yange.
12 Njilwisile kubwahelela cinjazibile muwanjobwele.
Njilingise njikale na lishungu lya ku kwononoka.
13 Njilongesa baka-kupokola mashiko bingila byobe,
Mangana aba baka-bubi beluke kuli yobe.
14 Njobole ku mulonga wa maninga, obe Njambi, Njambi muka-kunjobola
Mangana ndaka yange yambulule kusungama kwobe mu kubwahelela.
15 Obe Yehova, njitabese njendeke
Mangana kanwa kange kambulule bya kukushangazala.
16 Kulingila lika kuutondo mulambu ngwe njakwanawo.
Kuubwahelela na bwana bwa mutunu bwa kwenyeka.
17 Milambu ya munu uje nabihilila mwafwa ya bubi bwanalingi ikazibisa Njambi kubwaha.
Obe Njambi, kuubyana* mbunge ije inapokoka, na kulikehesa.
18 Lingila Siyone byuma byabibwa, mwafwa ya ngozi yobe.
Tunga bibumbe bya Jelusalema.
19 Co ukabwahelela na milambu ya kusungama,
Kulumbununa milambu ya kwenyeka na bwana bwa mutunu.
Co bakana bingombe ha mutula wobe.
Kuli muka-kutwamenena. Masikiu.* Mwaso wembile Devidi, Doegi wa Kaedomo mwalekele Saulu ngwendi Devidi naija mu njibo ya Ahimeleki.
52 Bika biulishashela mwafwa ya bilinga byobe byabibi obe muka-nzili?
Cizemo ca Njambi cije kucesi kutenguluka cikalako litangwa lyoshe lya mutunu.
2 Ndaka yobe ya kubambuka ngwe kabemba,
Itumba matumbe amabi na kupanga bipangi bya makuli.
3 Wazema manene bubi kutubakana bubwa
Na kukwisa kutubakana kwendeka busunga. (Sela)
4 Wazema majwi oshe aje azibisa bakweni kubabala ku mbunge.
Yobe wakala na ndaka ikendeka makuli.
5 Bikebyo bilingisa Njambi akundyange hasi na kukunyongesa.
Akucapulula mu tenti yobe na kukusanyozola.
Akutukula mu lifuti lya baka-kuyoya. (Sela)
6 Baka-kusungama mubakabimona bakakasama,
Co bakakujola.
7 “Ou ikeye munu uje kapwisile Njambi kupwa butewelo bwendi,*
Oloni wakulahelele bufuko bwendi bwabwingi
Na kukulahela* matumbe endi amabi.”
8 Oloni yange njipwa ngwe muti wa olive wa kuzibalela mu njibo ya Njambi.
Myaka yoshe, njikulahela cizemo ca Njambi cije kucesi kutenguluka.
9 Njikushangazala myaka yoshe mwafwa ya byuma biunalingi.
Njikulahela lizina lyobe ku mesho a bakulongwa bobe
Mwafwa lyapwa lyalibwa.
Kuli muka-kutwamenena. Kwesekesa na imbisi ya Mahalathi.* Masikiu.* Mwaso wa Devidi.
53 Bilema* bendeka mu bimbunge byabo ngwabo:
“Yehova kakeleko.”
Bilinga byabo byapwa byabibi, co bakalingi byuma bya bunyengwe,
Naumo wahi akalingi byabibwa.
2 Oloni Njambi ali na kutala bana ba banu hasi oku ali mwilu
Mangana amone indi kuli muka-kuzibisisa, nambe nga kuli umo atonda Yehova.
3 Boshe banatundu mu ngila,
Boshe bali na bilinga byabibi.
Wahi ali na kulinga byabibwa,
Naumo wahi.
4 Kuma hali baka-kulinga byuma byabibi naumo wahi bene muka-kuzibisisa ndi?
Bakali banu bange ngwe balya likende.
Kubesi kusana Yehova.
5 Oloni bakaziba manene lyoba,
Lyoba lije kanda bazibeho laja,*
Mwafwa Njambi akashandola bitsiya bya baje bali na kulwisa yobe Isalele.*
Ukabazibisa shwamwa mwafwa Yehova nababyana.
6 Cibwaha nga kwoboka kwa Isalele kutunda ku Siyone!
Yehova mwakakungulula banu bendi baje bali mu bundungo,
Jakobu abwahelele, Isalele ajolele.
Kuli muka-kutwamenena. Mwaso wa kwimba na bisanzi bya mikole. Masikiu.* Mwaso wembile Devidi, baZifu mubezile na kuleka Saulu ngwabo: “Devidi nalishweke kuli yetu.”
54 Obe Njambi, linga kwesekesa na lizina lyobe na kunjobola,
Co njamene na nzili yobe.
2 Obe Njambi, ziba lilombelo lyange.
Aka mbunge ku majwi atunda mu kanwa kange.
3 Mwafwa banu baje kunjizibuka, bananjikatukila mangana banjilwise,
Co banu ba kukenyuka bali na kushakezeka mwonyo* wange.
Kubesi kusingimika Njambi.* (Sela)
4 Taleni! Njambi ikeye mukwasi wange,
Yehova ali hamo na baje bali na kunjikwasa.
5 Elwisila bitozi bange bubi bwabo.
Bamanese,* mwafwa u wa kulongwa.
6 Njikana milambu kuli yobe na mbunge imolika.
Njikashangazala lizina lyobe, obe Yehova, mwafwa lyapwa lyalibwa.
7 Mwafwa akanjobola ku bukalu bwoshe,
Co njikalisamba munjikamona bitozi bange banalundumuka.
Kuli muka-kutwamenena. Mwaso wa kwimba na bisanzi bya mikole. Masikiu.* Mwaso wa Devidi.
55 Tolilila ku lilombelo lyange, obe Njambi,
Co keti uyengule kulomba kwange kwa kulomba kunjitetela.*
2 Njitolilile na kunjikumbulula.
Bishoti byange bili na kunjonowesa kumona tulo,
Co njinombwa,
3 Mwafwa ya byuma byali na kwendeka citozi cange
Na bishoti byali na kunjinenela munu wamubi.
Mwafwa bali na kulundika bukalu hali yange,
Co banalubala na kunjitulikila nkulundundu.
4 Mbunge yange ili na kubabala,
Co njili na kuziba manene lyoba lya kutewa kutsa.
5 Lyoba na kujaja binanjiwana,
Co munjunju unanjikwata.
6 Njatwalelelaho kwendeka ngwange: “Ngwe njakele na mambaba ngeci mwa liyembe
Ngwe njapulwila kweka mangana njikakale mu kwoloka.
7 Taleni! Ngwe njinatewela kulako.
Ngwe njinakakala mu mambo. (Sela)
8 Ngwe njinazambwila ku mwela wa kubanda,
Kulako na lihunzi lya kutenuka, kulako na nyonzi ya lihunzi lyakama.”
9 Bake mu ciluwaluwa, obe Yehova, na kutanganesa matumbe abo,*
Mwafwa njinamono lwozi na mpindangano mu nganda.
10 Butsiki na mutanya bali na kwenda ha bibumbe byayo.
Mukati kayo muli bukenya na bukalu.
11 Kunyonga kuli hakati kayo.
Kulyatelela na kukwisa kubikatundu mu mwela wa mbunga.
12 Mwafwa keti citozi ali na kunjishendumuna.
Ngwe mukemwo, ngwe njinakolesa.
Keti citozi nanjikatukila mangana anjilwise.
Ngwe mukemwo, ngwe njinalishweke.
13 Oloni yobe unalingimo, yobe mukwetu munu ngwe yange,*
Kabusamba kange injizibuka mwamubwa.
14 Twapwile babusamba bakama
Twakele na kuya hamo na mbunga ku njibo ya Njambi.
15 Kunyonga cibawane.
Basikumukile mu Cihilo* oku bayoya
Mwafwa bubi buli hakati kabo na mu bimbunge byabo.
16 Oloni yange njitambeka kuli Njambi,
Co Yehova anjobola.
17 Mutondo na mutanya na mangwezi, njili na kulishoshomwena na kuteta,
Co ali na kuziba lijwi lyange.
18 Anjamena* na kunjana* kwoloka ha kunjitundisa kuli baje bali na kunjilwisa,
Mwafwa mbunga ya banu bali na kwija na kunjilwisa.
19 Njambi aziba, co abakumbulula,
Uje natumama ha litanda kushwa kusañulu. (Sela)
Baje kubazibilile Njambi lyoba,
Bakabyana kutenguluka.
20 Nalwisile* baje banakele nendi mu kwoloka.
Napokwele cikumiiyo cendi.
21 Majwi endi apwa amabotsi kutubakana barta,
Oloni mu mbunge yendi muli bicokota.
Majwi endi apwa amabotsi kutubakana mazi,
Oloni apwa a kubambuka ngwe mikwale.
22 Umbila citele cobe hali Yehova,
Co akukwasa.
Katabesa munu wa kusungama awe.*
23 Oloni yobe, obe Njambi, ubasikumwisa mu bwina bwa kuloba.
Baje bali na mulonga wa maninga, co lalo baka-kukwisa kubete nameme hakati ka matangwa abo a kuyoya.
Oloni yange njikukulahela.
Kuli muka-kutwamenena. Cilumo ca mwaso cibasana ngwabo: “Liyembe wa Kwoloka wa Kulako.” Mikitamu.* Mwaso wembile Devidi mubamukwatele baFilistiya mu Gathi.
56 Njizibile ngozi, obe Njambi, mwafwa munu ali na kunjilwisa.
Litangwa lyoshe lya mutunu ali na kutwalelelaho kunjilwisa na kunjilyatelela.
2 Bitozi bange bali na kutwalelelaho kunjilwisa litangwa lyoshe lya mutunu.
Babangi bali na kunjilwisa.
3 Munjikazibi lyoba, njikakulahela yobe.
4 Njishangazala lijwi lya Njambi.
Njakulahela Njambi, kunjizibi lyoba.
Munu asa kunjilinga bikajo?
5 Litangwa lyoshe lya mutunu ali na kulwisa byuma byoshe binjilinga.
Biyongola byabo binapu lika bya kunjibulumuna.
6 Banjibandelela mangana banjilwise,
Banjendesa kwoshe kunjiya
Mangana banjitsiye.
7 Babyane mwafwa ya bilinga byabo byabibi.
Andumuna baka-mafuti na butenu bwobe, obe Njambi.
8 Uzibuka mwamubwa kuyebangela kwange.
Kungulwila misozi yange mu ngonga yobe ya cilambu.
Kuma kuwaisonekele mu libulu lyobe ndi?
9 Bitozi bange bakeluka munima ha litangwa linjikalomba bukwasi.
Njakulahela bene ngwange Njambi ali ku mutamba wange.
10 Njakulahela Njambi, njishangazala lijwi lyendi.
Njakulahela Yehova, njishangazala lijwi lyendi.
11 Njakulahela Njambi, kunjizibi lyoba.
Munu asa kunjilinga bikajo?
12 Bikumiiyo byange kuli yobe, binanjikutu obe Njambi.
Njikakwana bwana bwa kukandelela.
13 Unanjamena ku kutsa,
Co unanyungilila mendi ange mangana keti atanuke,
Ngeci njase kutwalelelaho kuyoya na kwenda halutwe lwobe.
Kuli muka-kutwamenena. Cilumo ca mwaso cibasana ngwabo: “Keti Unyongese.” Mikitamu.* Mwaso wembile Devidi mwatewele Saulu na kukalishweka mu bwina bwa mu limanya.
57 Njizibileko ngozi, obe Njambi, njizibileko ngozi
Mwafwa njinatewela kuli yobe.
Co njinatewela mu munzinze wa mambaba obe kweta noho habukahwila bukalu.
2 Njitambeka kuli Njambi Wahakamwa Manene,
Kuli Njambi wa busunga uje amanesa bukalu bwange.
3 Atuma bukwasi bwendi kutunda mwilu na kunjobola.
Atanganesa uje ali na kunjilwisa. (Sela)
Njambi amwesa cizemo cendi cije kucesi kutenguluka na kulongwa kwendi.
4 Bindumba bananjizengeleka,
Njinalala mukati ka banu baje bashaka kunjilya,
Baje mayo abo anapu ngwe makunga na mikili,
Co bindaka byabo binapu ngwe mukwale wa kubambuka.
5 Mwesa bukama bwobe helu lya melu, obe Njambi.
Bumpau bwobe bukale ha lifuti-libu hoshe.
6 Bananjitela bwanda mangana mendi ange atsemo.
Bukalu bunanjitumina.
Banendi bwina halutwe lwange,
Oloni banawilamo bakebo babenya. (Sela)
7 Mbunge yange inakanyama, obe Njambi,
Mbunge yange inakanyama.
Njimba myaso na kukushangazala.
8 Induka, obe bumpau bwange.
Induka, obe cisanzi ca mikole nobe kalyalya.
Njinduka mutondo-tondo.
9 Njikushangazala mukati ka miyati ya banu, obe Yehova,
Njikwimbila myaso ya kukushangazala mukati ka baka-mafuti.
10 Mwafwa cizemo cobe cije kucesi kutenguluka cakama, cinaketa na mwilu,
Co kulongwa kwobe kunaketa na mu bukambwila.
11 Mwesa bukama bwobe helu lya melu, obe Njambi.
Bumpau bwobe bukale ha lifuti-libu hoshe.
Kuli muka-kutwamenena. Cilumo ca mwaso cibasana ngwabo: “Keti Unyongese.” Mikitamu.* Mwaso wa Devidi.
58 Kuma mwasa kwendeka bya kusungama nga munoloka ndi?
Kuma mwasa kusompa mu kusungama yeni bana ba banu ndi?
2 Oloni yeni muli na kuyongola byuma bya kujeneka kusungama mu bimbunge byeni,
Co maboko eni ali na kunena lwozi mu lifuti.
3 Banu bababi bapwa ba kungumuka* kutunda ha kusemuka.*
Ba kulumbuka, baka-makuli kutunda bene ha kusemuka kwabo.
4 Bushungu bwabo bunapu ngwe bushungu bwa manyoka.
Banapu tusindamatwi ngwe lishuko mwakaziki matwi endi.
5 Kakatolilila ku lijwi lya baka-kushasheya,
Nameme bakale na butongwe bwa kwelema.
6 Obe Njambi, tsekula mayo a mu tunwa twabo.
Pokola bimbange byaba bindumba,* obe Yehova.
7 Bahwe ngwe mema aje oma cau.
Anane buta bwendi bwa lusipa na kubawisa na mikili yendi.
8 Bafwe ngwe liñofwi uje asangunuka oku ali na kwenda.
Keti bamone litangwa ngwe mbututu uje natsila mwimo lya ina.
9 Simbu kanda bikuni bya mingonga bishalwise bindeho byeni,
Njambi apangesa lihunzi lyakama mu kupekumuna minango ya kutonola na ije inakwata tuhya.
10 Munu wa kusungama abwahelela mwamona banu bababi babalinga shambandinga.
Mendi endi ajabama mu maninga a banu bababi.
11 Co banu boshe bakendeka ngwabo: “Cili bene munu wa kusungama awana cikandelela.
Cili bene kwakala Njambi uje akasompo banu ba ha lifuti-libu.”
Kuli muka-kutwamenena. Cilumo ca mwaso cibasana ngwabo: “Keti Unyongese.” Mikitamu.* Mwaso wembile Devidi, Saulu mwatumine banu bakabandamene ku njibo ya Devidi mangana bamutsiye.
59 Njamene ku bitozi bange, obe Njambi.
Njinyungilile kuli baje bashaka kunjilwisa.
2 Njamene kuli banu baka-kulinga byabibi,
Na kunjobola ku banu baka-lwozi.
3 Tala! Bananjibandelela.
Banalume ba nzili bashaka kunjilwisa,
Oloni keti ngwabo njinapokola mashiko nambe kulinga bubi, obe Yehova.
4 Nameme kunjabiisile, oloni bali na kulibwahesela bwasi kunjilwisa.
Katuka omwo njikusana mangana umone.
5 Mwafwa yobe, obe Yehova Njambi wa maswalale, yobe Njambi ya Isalele.
Katuka mangana wilule bibali na kulinga baka-mafuti.
Keti utetele muka-bungungu wa kukenyuka woshe-woshe. (Sela)
6 Mangwezi na mangwezi beluka,
Bonena* ngwe tutali na kulizenga mu nganda oku balibemba.
7 Tala bili na kutuhuka* mu tunwa twabo.
Tunwa twabo tunapu ngwe mikwale,
Mwafwa bali na kwendeka ngwabo: “Iyajo azibuka ngwendi yetu tunendekamo?”
8 Oloni yobe, obe Yehova, ubajola.
Ushendumuna baka-mafuti boshe.
9 Obe nzili yange, njitwalelelaho kutalelela kuli yobe,
Mwafwa Njambi ikeye butewelo bwange bwa kukola.
10 Njambi uje akanjimwesa cizemo cije kucesi kutenguluka anjikwasa.
Njambi anjilingisa njilisambe munjitala bitozi bange.
11 Keti ubatsiye mangana banu bange keti bebale.
Mwafwa ya nzili yobe balingise bayebangele,
Balingise bawe, obe Yehova ntelo yetu.
12 Bubi bwa mu tunwa twabo na lijwi lya mu tunwa twabo,
Na kusinga na makuli abali na kwendeka,
Bibakwate mwafwa ya kulyalesa kwabo.
13 Bamanese na kulubala kwobe.
Bamanese mangana keti bakaleko.
Balingise bazibuke ngwabo Njambi ali na kuyula batekulwila ba Jakobu kweta na ku mamaneselelo a lifuti-libu. (Sela)
14 Beluke ku mangwezi.
Bonene* ngwe tutali na kulizenga mu nganda oku balibemba.
15 Bayebangele kutonda bibalya.
Keti ubatabese bakute nambe kuwana mwakulala.
16 Oloni ngeci mwange, njikemba bya nzili yobe.
Mutondo njambulula mu kubwahelela bya cizemo cobe cije kucesi kutenguluka.
Mwafwa yobe butewelo bwange bwa kukola
Na mwela unjitewela mu simbu ya bukalu.
17 Obe nzili yange, njikwimbila myaso ya kukushangazala,
Mwafwa Njambi ikeye butewelo bwange bwa kukola, Njambi uje akanjimwesa cizemo cije kucesi kutenguluka.
Kuli muka-kutwamenena. Cilumo ca mwaso cibasana ngwabo: “Ntemo ya Kwanukisa.” Mikitamu.* Mwaso wembile Devidi wa kulongesa, mwalwile na Alamu-nahalaimu na Alamu-Zoba, co Joabu welukile na kutsiya baEdomu 12,000 mu Cinema ca Mwongwa.
60 Obe Njambi, watubyanene, watushandanganene,
Watulubalelele. Oloni hano tutambule lalo!
2 Waningangesele lifuti-libu. Walitabwile hakati.
Zika myanzi yalyo mwafwa libujuka.
3 Walingisile banu bobe bayande.
Watulingisile tunwe binyu na kutulingisa tutalyangele.
5 Mangana wamene banu bobe bawazema.
Twobole na liboko lyobe lya cilyo na kutukumbulula.
6 Njambi nendeka mwafwa ya kujela kwendi* ngwendi:
“Njibwahelela munjana banu bange Shekemu kupwa buswana bwabo.
Co njitepa Cinema* ca Sukothi.
7 Giliyadi napu wange ngeci mwa Manase,
Co Efremu napu tepa ya ku mutwe wange.
Juda napu mulamu wa kapitau kange.
8 Mowabi ikeye lilonga lyange lya kutanena.
Njasha lisanda lyange hali Edomu.
Njitambeka mu kulisamba hali Filistiya.”
9 Iya anjitwala ku nganda ibanazengeleka?*
Iya anjitwamenena kuketa na ku Edomu?
10 Kuma keti yobe, obe Njambi, uje natubyana,
Njambi yetu uje nalikele kuya na maswalale betu ndi?
11 Tukwase mu bukalu bwetu,
Mwafwa kwobola kwa banu kwapwa kwangoco.
12 Njambi atwana nzili,
Co alyatangela bitozi betu.
Kuli muka-kutwamenena. Mwaso wa kwimba na bisanzi bya mikole. Mwaso wa Devidi.
61 Obe Njambi, ziba kulila kwange kwa kulomba bukwasi.
Aka mbunge ku lilombelo lyange.
2 Njitambeka kuli yobe oku njili ku mamaneselelo a lifuti-libu
Omwo mbunge yange inazeye.
Njitwamenene ha limanya lyalilaha kunjitubakana.
3 Mwafwa yobe butewelo bwange,
Yobe kaposhi ka kukola kaje kanjinyungilila ku citozi.
4 Njikala* mu tenti yobe myaka yoshe.
Njitewela mwisi ya mambaba obe. (Sela)
5 Mwafwa yobe, obe Njambi unazibi binjinalikumiiya.
Unanjana buswana buje buukana baje bakazibila lizina lyobe lyoba.
6 Ubwezelela ku matangwa a kuyoya kwa mwene,
Co atwalelelaho kuyoya kutunda ku cisemwa cimo kuya ku cisemwa cikwabo.
7 Atumama ha litanda myaka yoshe ku mesho a Njambi.
Mwane cizemo cije kucesi kutenguluka na kulongwa mangana bimunyungilile.
8 Co njikemba myaso ya kushangazala lizina lyobe myaka yoshe
Oku njilinga binjinalikumiiya, litangwa na litangwa.
Kuli muka-kutwamenena. Imbisi ya Jeduthani.* Mwaso wa Devidi.
62 Cili bene, njibandamena* Njambi na mbunge imolika.
Kwoboka kwange kutunda kuli ikeye.
2 Cili bene, ikeye limanya lyange na kwoboka kwange, butewelo bwange bwa kukola.
Kubakanjiningangesa manene.
3 Mwambata simbu ya kupwa hali kubulumuna munu mangana mumutsiye?
Mubaboshe mutewesa ngwe cibumbe ca kujendama, cibumbe ca mamanya cije cishaka kuwa.
4 Mwafwa bali na kuliyongola mubamuwisila ha citwamo cendi ca helu.*
Bazema kukwisa.
Tunwa twabo tubezikisa, oloni mu bimbunge byabo basinga. (Sela)
5 Cili bene, njibandamena Njambi na mbunge imolika.
Mwafwa lilabelelo lyange litunda kuli ikeye.
6 Cili bene, ikeye limanya lyange na kwoboka kwange, butewelo bwange bwa kukola.
Kubakanjiningangesa.
7 Kwoboka kwange na bumpau bwange binemana hali Njambi.
Njambi ikeye limanya lyange lya kukola na butewelo bwange.
8 Eni banu, mukulaheleni simbu yoshe.
Mulekeni byoshe bili mu bimbunge byeni.
Njambi ikeye butewelo bwetu. (Sela)
9 Bana ba banu bapwa lika muku.
Bana ba banu bapwa bangoco.
Nga boshe babaka ha cipeseleso, babehu kutubakana muku.
10 Keti ukulahele kulyapula
Nambe kukulahela kwiba.
Nga bufuko bwobe bulibwezelela, keti wakeko mbunge.
11 Njinazibi Njambi endeka lubali ngwendi:
Nzili yapwa ya Njambi.
12 Co lalo cizemo cije kucesi kutenguluka capwa cobe, obe Yehova,
Mwafwa ukelwisila munu na munu kwesekesa na bilinga byendi.
Mwaso wembile Devidi mwakele mu mambo ya Juda.
63 Obe Njambi, yobe Njambi yange. Njitwalelelaho kukutonda.
Njili na lihwila lya kushaka yobe ngwe munu uje natsi lihwila.
Njinalezumuka mwafwa ya kushungwiya yobe
Muno mu lifuti lya kuma cau, mwa kujeneka mema.
2 Ngeci, njakumono mu mwela wa kujela.
Njamono nzili yobe na bumpau bwobe.
3 Tunwa twange tukushangazala
Mwafwa cizemo cobe cije kucesi kutenguluka capwa cacibwa manene kutubakana kuyoya.
4 Ngeci njikushangazala mu kuyoya kwange kwoshe.
Njijundula maboko ange mwafwa ya lizina lyobe.
5 Njajauka* na byuma byabibwa biunanjangwila,
Ngeci kanwa kange kakushangazala mu kubwahelela.
6 Njikwanuka ha simbu injili ha mwela wange.
Njisinganyekesesa hali yobe mukati ka butsiki.
7 Mwafwa yobe mukwasi wange,
Njitambeka mu kubwahelela mu munzinze wa mambaba obe.
8 Njikakateya kuli yobe.
Liboko lyobe lya cilyo lyanjikwatelela.
9 Oloni baje bashaka kunyongesa mwonyo wange*
Basikumuka mu libu.
10 Bakabanyongesa na mukwale.
Bakapwa byakulya bya bimbanje.
11 Oloni mwene akabwahelela mwafwa ya Njambi.
Munu woshe uje alisinga hali Njambi akalisamba*
Mwafwa kanwa koshe kaje kendeka makuli bakakolwesa.
Kuli muka-kutwamenena. Mwaso wa Devidi.
64 Ziba lijwi lyange, obe Njambi, omwo njilambelela.
Nyungilila mwonyo wange kuli citozi uje ali na kunjijujwisa.
2 Njinyungilile ku matumbe akushwekesa a banu bababi,
Ku mbunga ya banu baka-kulinga byuma byabibi.
3 Botola bindaka byabo ngwe mukwale.
Basungamesa majwi abo amabi ngwe mikili,
4 Mangana bashe munu wa kujeneka mulonga oku bali mu myela yabo ya kulishweka.
Bamwasha mu kukasumuna kwa kujeneka kuziba lyoba.
5 Bakakateya biyongola byabo byabibi.*
Basimutwiya mubashwekela miheto yabo.
Bendeka ngwabo: “Iyajo aimona?”
6 Batonda-tonda bingila byabiha bya kulingilamo bubi.
Batumba butumbe bwabo bwa linyanyamena ku bushweke.
Bisinganyeka bya mu mbunge ya umo na umo wabo hahi habyasikisila.
7 Oloni Njambi abasha.
Babulumuka na mukili mu kukasumuna.
8 Bindaka byabo bibalingisa bawe.
Boshe baje babamona balipika ku mitwe.
9 Co banu boshe bakaziba lyoba,
Co bakambulula byuma byanalingi Njambi
Na kuzibisisa bilinga byendi.
10 Munu wa kusungama akabwahelela mwafwa ya Yehova na kutewela kuli ikeye.
Banu boshe ba kusungama mu bimbunge bakalisamba.*
Kuli muka-kutwamenena. Samu ya Devidi. Mwaso.
65 Kukushangazala cinakubandamena mu Siyone.
Obe Njambi, tulinga bitunalikumiiya kuli yobe.
2 Obe Muka-kuziba lilombelo, banu ba miyati yoshe bakaija kuli yobe.
3 Bubi bwange bunanjilemena,
Oloni yobe ufwika milonga yetu.
4 Nabwahelela uje iwangula na kumunena kuyehi nobe
Mangana akale mu malapa obe.
Tujauka na bubwa bwa ku njibo yobe,
Tempele yobe ya kujela.*
5 Utukumbulula na bilinga byobe bya kukomokesa bya kusungama,
Obe Njambi muka-kutwobola.
Yobe ibanakulahela banu boshe ba ku mamaneselelo a lifuti-libu
Na baje bali kulako, mu sambwa lya kalunga-ndonga.
6 Unazameka minkinda na nzili yobe.
Unazala nzili.
7 Ukolwesa tulunga-ndonga ba kutenuka,
Ukolwesa kalwa ka mankimba atwo na mpindangano ya baka-mafuti.
8 Baje batunga ku myela ya kulako bakaziba lyoba mwafwa ya bizibukiso byobe.
Ukalingisa baje bakala ku butuhukilo bwa litangwa kutwala na ku bulahukilo bwa litangwa batambeke mu kubwahelela.
9 Waka mbunge lifuti-libu
Na kulilingisa likale manene na bwilo na kwima manene.
Ndonga ya kutunda kuli Njambi yapwa ya kushula ya mema.
Ukabwahesela banu byakulya
Mwafwa mukemwo muwabwaheselele lifuti ngacije.
10 Ujulisa mu myonzongolo* yalyo na kusalamesa haje habanakekela.*
Ulibotsiisa na nyonzi ya busukumbundu. Ubezikisa bije bikamenaho.
11 Uzika mwaka na bubwa bwobe ngwe cilongo.
Muje muuketi mwa kushula mwa bubwa.
12 Bulilo* bwa mu mambo buli na mwila wawingi wa kutonola,
Co malundu banawaziki kubwahelela.
13 Bulilo buli na matanga amangi,
Co mu binema munashulu bimbuto.
Bili na kutambeka mu kubwahelela, eyo, bili na kwimba.
Kuli muka-kutwamenena. Mwaso. Samu.
66 Yeni boshe mwatunga ha lifuti-libu, tambekeni kuli Njambi mu kulisamba.
2 Imbeni myaso ya kushangazala lizina lyendi lya bumpau.
Mushangazaleni na kumwana bumpau.
3 Lekeni Njambi ngweni: “Bipangi byobe byapwa bya kukomokesa.
Mwafwa ya nzili yobe yakama,
Bitozi bobe bakaziba lyoba ku mesho obe.
4 Banu boshe ba ha lifuti-libu bakakutsikamena.
Bakemba myaso ya kukushangazala.
Bakemba myaso ya kushangazala lizina lyobe.” (Sela)
5 Ijeni mwakumone bipangi bya Njambi.
Byuma byanalingila bana ba banu bikomokesa.
6 Watengulwile kalunga-ndonga kupwa libu lya kuma.
Bajabukile ndonga na mendi.
Co twabwahelelele mwafwa yendi.
7 Ayula myaka yoshe mwafwa ya nzili yendi.
Mesho endi atwalelelaho kutala baka-mafuti.
Banu ba kutindibala keti balijundule bakebo babenya. (Sela)
8 Shangazaleni Njambi yetu eni banu,
Co majwi a kumushangazala anapande kuzibika.
9 Akatunyungilila mangana tutwaleleleho kuyoya.*
Kesi kutabesa mendi etu atanuke.*
10 Mwafwa unatwilula, obe Njambi.
Unatujelesa ngwe mubakajelesela siuva.
11 Watujebelele mu bwanda.
Watutwikile citele ca kulema manene.
12 Watabesele banu batulyatangele.
Twetile mu tuhya na mu mema,
Co watunenele ku mwela wa kuhwimina.
13 Njikaija mu njibo yobe na bwana bwa mutunu bwa kwenyeka.
Njikalinga binjinalikumiiya kuli yobe,
14 Kulumbununa bikakulahesele kanwa kange
Nebi bikendekele kanwa kange munjakele mu bukalu.
15 Njikwana bwana bwa kwenyeka bwa tusitu ba kununa
Na bwisi bwa mulambu wa bimanga ba nkomba.
Njana bwana bwa bingombe ba nkomba hamolika na bimembe ba bizamba. (Sela)
16 Ijeni mwakuzibe, yeni boshe mukazibila Njambi lyoba,
Co njakumileka byananjilingila.
17 Njatambekele kuli ikeye na kanwa kange
Na kumwana bumpau na ndaka yange.
18 Ngwe njatulikile cuma cimo cacibi mu mbunge yange,
Ngwe Yehova kanjizibile.
19 Oloni Njambi wanjizibile,
Watolililile mwamubwa ku lilombelo lyange.
20 Shangazaleni Njambi uje kabyanene lilombelo lyange
Nambe kujeneka kunjimwesa cizemo cendi cije kucesi kutenguluka.
Kuli muka-kutwamenena. Mwaso wa kwimba na bisanzi bya mikole. Samu. Mwaso.
67 Obe Njambi tuzibile ngozi na kutubezikisa.
Tumwese bubwa bwobe (Sela)
2 Mangana ngila yobe baizibuke ha lifuti-libu hoshe,
Baka-mafuti boshe bazibuke bilinga byobe bya kwobola.
3 Miyati ya banu boshe bakushangazale, obe Njambi,
Miyati ya banu boshe bakushangazale.
4 Baka-mafuti babwahelele na kutambeka mu kubwahelela,
Mwafwa wakula mwamubwa miyati ya banu.
Utwamenena baka-mafuti ba ha lifuti-libu. (Sela)
5 Miyati ya banu boshe bakushangazale, obe Njambi,
Miyati ya banu boshe bakushangazale.
6 Lifuti-libu limenesa bimbuto byalyo.
Njambi uje wapwa Njambi yetu atubezikisa.
7 Njambi atubezikisa,
Banu boshe ba ha lifuti-libu bamuzibila lyoba.*
Kuli muka-kutwamenena. Samu ya Devidi. Mwaso.
68 Njambi akatuke, bitozi bendi balishandangane,
Co baje bamuzinda batewe ku mesho endi.
2 Ngwe bwisi mubukapekumuka, nabo bapekumune.
Ngwe sela muikasangunuka ku tuhya,
Banu bababi nabo banyonge ku mesho a Njambi.
3 Oloni banu ba kusungama babwahelele.
Babwahelele manene ku mesho a Njambi.
Balisambe mu kubwahelela.
4 Imbileni Njambi, imbeni myaso ya kushangazala lizina lyendi.
Imbileni uje aita mu byana bya mu mambo.*
Jah* likelyo lizina lyendi. Bwaheleleni ku mesho endi!
5 Njambi, uje wakala mu mwela wendi wa kujela
Ikeye ishe ya baje kubesi na baishabo na muka-kunyungilila* bifwile.
6 Njambi ana baje bali likalyabo limbo lya kukala.
Apatula mapanditi na kulingisa byuma bibendele bwino.
Oloni baje bakatindibala* banapande kukala mu lifuti lya kuma cau.
7 Obe Njambi, muwatwamenenene banu bobe,
Muwetile mu mambo, (Sela)
8 Lifuti-libu lyajajele,
Lilu lyanyokesele nyonzi yakama mwafwa ya Njambi,
Sinai yajajele mwafwa ya Njambi, Njambi ya Isalele.
9 Wanyokesele nyonzi yaingi, obe Njambi.
Wakanyamesele banu* bobe baje bajukile.
10 Bakele mu cilombo cobe ca bitenti.
Mwafwa ya bubwa bwobe, wanene tuhutu byuma bibatondele, obe Njambi.
11 Yehova nana lishiko.
Banakazi baje bali na kwambulula muzimbu waubwa banapu mbunga yakama.
12 Bimyene na maswalale babo batewa, batewa!
Munakazi uje nasala ha njibo nendi awanako mutamba ku byuma bibanapukula.
13 Nameme yeni banalume mwalalele mukati ka tuhya twa mu cilombo,*
Mukatambula liyembe wa mambaba a siuva
Na mambaba a goldi yaibwa.
14 Muka-nzili Yoshe mwashandanganene bimyene ba muje mu lifuti,
Mema a kukonda anyokele mu Zaumoni.*
15 Munkinda wa Bashani wapwa munkinda wa Njambi.*
Munkinda wa Bashani wapwa munkinda wa mitwe yaingi.
16 Eni minkinda ya mitwe yaingi, bika bimutalela na cipululu
Munkinda wanangula* Njambi ngwendi akaleho?
Cili bene Yehova akalaho myaka yoshe.
17 Matemba a Njambi a nzita anapu makulukazi a makulukazi.
Yehova naija mu mwela wa kujela kutunda ku Sinai.
18 Wakandukile.
Waile na bafunge.
Wambatele banalume kupwa bwana,
Eyo, nameme bene banu ba kutindibala mangana ukale mukati kabo, obe Jah, Njambi.
19 Yehova bamushangazale uje akambata citele cetu litangwa na litangwa,
Njambi wa busunga, mwobole wetu. (Sela)
20 Njambi wa busunga wapwa Njambi uje akatwobola
Co Yehova, Mwata Wahakamwa ya Byoshe akobola banu ku kutsa.
21 Eyo, Njambi atika mitwe ya bitozi bendi,
Atika cikola ca munu woshe uje atwalelelaho kukala* na mulonga.
22 Yehova nendeka ngwendi: “Njibatundisa ku Bashani.
Njibatundisa ku masima a kalunga-ndonga,
23 Mangana lindi lyobe licabwangele mu maninga a bitozi bobe
Na bindaka bya tutali bobe bikape maninga a bitozi.”
24 Bamona byendo bya banu bobe, obe Njambi,
Byendo bya banu ba Njambi yange, banu ba Mwene yange, baya mu mwela wa kujela.
25 Kulutwe kuli baka-kwimba myaso, co kunima kuli baka-kwimba bisanzi bya mikole,
Hakati hali bambanda baje bali na kwimba tungoma.
26 Shangazaleni Njambi mu mbunga ije inalikungulula.
Shangazaleni Yehova, yeni boshe mwatunda kuli Isalele.
27 Benjamini, uje wapwa mutinikila ali na kubayula,
Hamolika na bamyata ba Juda na mbunga yabo ije ili na kuliuya,
Na bamyata ba Zebuloni na bamyata ba Nafutali.
28 Njambi nashiki ngwendi ukala na nzili.
Mwesa nzili yobe, obe Njambi, yobe unatukwasa.
29 Bimyene bakanena bwana kuli yobe,
Mwafwa ya tempele yobe ili mu Jelusalema.
30 Tenukila bikashama ba mu mahongo,
Cibunga ca bingombe ba nkomba na bana babo,
Kweta noho miyati ya banu bakatsikama na kunena* bimbongo bya siuva.
Oloni ashandangana miyati ya banu baje bazema nzita.
31 Byuma bya kopa bakabinena* kutunda ku Ijipiti.
Kushi akalusuka kwana bwana kuli Njambi.
32 Bumwene bwa hasi bwimbile Njambi,
Imbileni Yehova myaso ya kumushangazala. (Sela)
33 Imbileni uje akendela ha lilu lya melu lya kusañulu.
Taleni! Aluma na lijwi lyendi, lijwi lyendi lya nzili.
34 Shangazaleni Njambi mwafwa ya nzili yendi.
Bukama bwendi buli helu lya Isalele,
Co nzili yendi ili mu bukambwila.*
35 Njambi wapwa wa kukomokesa mu mwela wendi wa kujela, wa kukomokesa wakama.
Ikeye Njambi ya Isalele,
Uje akakanyamesa banu bendi na kubana nzili.
Shangazaleni Njambi.
Kuli muka-kutwamenena. Cilumo ca mwaso cibasana ngwabo: “Bintemo.” Mwaso wa Devidi.
69 Njobole, obe Njambi, mwafwa mema ashaka kwitula mwonyo wange.
2 Njinandipukila mu mandoba a kuloba muje kumwesi naha ha kulyata.
Njakobela ha nzinga,
Co ndonga ya cingungumuta* inanjungumuna.
3 Njajuka mwafwa ya kutambeka.
Ha milibu yange hoshe shoo.
Mesho ange anazeye mwafwa ya kubandamena Njambi yange.
4 Baje banjizinda kwa kujeneka mulonga
Babangi manene kutubakana binkambu bya ku mutwe wange.
Baje bashaka kunjitsiya,
Bitozi bange ba bingungu, banapu babangi.
Banjisindiiye kwilwisa bije kunjebile.
5 Obe Njambi, uzibuka bulema bwange,
Co milonga yange kuyalishwekele ku mesho obe.
6 Baje bakukulahela keti bazibe shwamwa mwafwa yange,
Obe Mwata Wahakamwa ya Byoshe, Yehova wa maswalale.
Baje bakutonda, keti bashauke mwafwa yange,
Obe Njambi ya Isalele.
7 Bali na kunjishaula mwafwa yobe.
Kushauka cinafwiki cihanga cange.
8 Njinapu nji mungenzi ku bandolome bange,
Nji munu wa kutunda ku lifuti lyeka ku bana ba banana ba banalume.
9 Ntwima injili nayo ha njibo yobe inanjili,
Co kushaula kubali na kukushaula kunaija hali yange.
10 Munjalibindikile kulya mangana njimwese kulikehesa kwange,*
Banjishawile,
11 Munjakele na kuzala cikeleya,
Bakele na kunjijola.
12 Yange ibasimutwiya baje banatumama ku cikolo ca nganda,
Co bitakwa bali na kunjimba mu myaso yabo.
13 Oloni lilombelo lyange lyete kuli yobe, obe Yehova,
Ha simbu iunjizibila ngozi.
Mwafwa ya cizemo cobe cakama cije kucesi kutenguluka, obe Njambi,
Njikumbulule na bilinga byobe bya kwobola.
14 Njitundise mu mandoba.
Keti unjecelele njimbwitamemo.
Njamene kuli baje banjizinda
Na kunjamena ha nzinga.*
15 Keti wecelele mema a libazi a cingungumuta* anjungumune,
Nambe nzinga* injingumbule
Nambe lisima* linjifwike.
16 Njikumbulule, obe Yehova, mwafwa cizemo cobe cije kucesi kutenguluka capwa cacibwa.
Njitale kwesekesa na kutetela kwobe kwakama,
17 Co keti ushwekele ngamba yobe cihanga cobe.
Njikumbulule bwasi mwafwa njili mu bukalu.
18 Njishwene na kunjamena.
Njipatule ku bitozi bange.
19 Uzibuka mubali na kunjishawila na kunjombwanesa na kunjizibisa shwamwa.
Ukamono bitozi bange boshe.
20 Kunjishaula kunapokola mbunge yange, co mbandu yange kuyolo.*
Njinasinganyekele ngwange kukala umo anjizibilako mema ku mbunge, oloni wahi,
Ngwange hamo kuli bamo banjizembeleka, oloni bahi.
21 Kutubakana kunjana byakulya bananjanene bushungu,*
Co munjinatsile lihwila bananjanene vinega ngwabo njinwe.
22 Mesa yabo ipwe nganjo kuli bakebo,
Co kubezika kwabo kupwe muheto.
23 Mesho abo azibale mangana keti bamone,
Co lingisa bintungi byabo bijaje simbu yoshe.
24 Bamwese kulubala* kwobe,
Co butenu bwobe bwakama bubawane.
25 Cilombo* cabo cipwe ngundu.
Mu bitenti byabo keti mukale munu.
26 Mwafwa bali na kusheka uje iunapupu
Na kutwalelelaho kwanuka kubabala kwa baje bawabulumwine.
27 Bwezelela milonga ku milonga yabo,
Co keti ubamone ngwobe banapu baka-kusungama.
28 Batundise mu libulu lya baka-kuyoya,*
Co keti ubasoneke hamo na baka-kusungama.
29 Oloni njili na kuyanda na kuziba kubabala.
Nzili yobe ya kwobola injinyungilile, obe Njambi.
30 Njimba myaso ya kushangazala lizina lya Njambi,
Co njimwamesa oku njimukandelela.
31 Kulinga ngoco kuzibisa Yehova kubwaha kutubakana kumwana ngombe wa nkomba,
Kutubakana kumwana muna ngombe wa nkomba uje ali na mambinga na bimbemba.
32 Banu bababotsi bakamona nzili ya Njambi ya kwobola, co bakabwahelela.
Yeni muli na kutonda Njambi, bimbunge byeni bikanyame.
33 Mwafwa Yehova ali na kutolilila ku tuhutu,
Co kayengula banu bendi baje bali mu bundungo.
34 Lilu na lifuti-libu bimushangazale,
Tulunga-ndonga na byoshe bili na kwendamo bimushangazale.
36 Batekulwila ba bangamba bendi bakaiswana,
Co baje bazema lizina lyendi bakakalamo.
Kuli muka-kutwamenena. Mwaso wa Devidi wa kwanukisa.
70 Obe Njambi, njobole.
Obe Yehova, zambula unjikwase.
2 Baje bashakezeka mwonyo* wange
Bazibise shwamwa na kubashaula.
Baje babwahelela mwafwa ya bukalu bwange
Beluke munima oku banashauka.
3 Baje bendeka ngwabo: “Ewa! Ewa!”
Beluke oku baziba shwamwa.
4 Oloni baje bakushakezeka
Balisambe na kubwahelela mwafwa yobe.
Baje bazema bilinga byobe bya kwobola, simbu yoshe bendeke ngwabo:
“Njambi bamuzumbangeye!”
5 Oloni yange kunjesi nou wa kunjikwasa, co nji kahutu.
Obe Njambi, njikwase bwasi.
Yobe mukwasi wange na muka-kunjamena.
Obe Yehova, keti wishwale.
71 Obe Yehova, njatewela kuli yobe.
Keti banjizibise shwamwa.
2 Njobole na kunjamena mwafwa ya kusungama kwobe.
Jendekela litwi lyobe* kuli yange na kunjobola.
3 Pwa mwela wange wa kukola wa mu limanya
Muje munjasa kukobela simbu yoshe.
Shika ngwobe banjobole
Mwafwa yobe limanya lyange na cimpaka cange.
4 Obe Njambi yange, njamene mu liboko lya munu wamubi,
Mu liboko lya muka-kulyatelela.
5 Mwafwa yobe lilabelelo lyange, obe Yehova, Mwata Wahakamwa ya Byoshe.
Njinakulahela yobe kushwa ku bukwenje bwange.
6 Njakukulahela kushwa ha kusemuka kwange.
Yobe wanjitundisile mwimo lya banana
Njikushangazala simbu yoshe.
7 Njinapu ngwe cikomokeso ku banu babangi,
Oloni yobe butewelo bwange bwa kukola.
8 Mu kanwa kange munashulu majwi a kukushangazala.
Litangwa lyoshe lya mutunu, njendeka bya bulemu bwobe.
9 Keti unjumbile kuti munjikulubala.
Keti unjiseze, nzili yange muihwa.
10 Bitozi bange bali na kunjendeka mwamubi,
Co baje bashaka kunjitsiya,* bali na kuliyongola
11 Ngwabo: “Njambi namumbila kuti.
Mushekeni mumukwate mwafwa kesi nou wa kumwobola.”
12 Obe Njambi, keti ukale kulako nange.
Zambula wakunjikwase, obe Njambi yange.
13 Baje banjilwisa*
Bazibe shwamwa, co banyonge.
Baje bashaka ngwabo njikobele mu bukalu
Bafwike shwamwa na kushauka.
14 Oloni yange njitwalelelaho kubandamena.
Njikushangazala manene.
15 Kanwa kange kendeka bya kusungama kwobe.
Litangwa lyoshe lya mutunu njendeka bilinga byobe bya kwobola
Nameme kunjasa kubizibisisa* mwafwa byabingi manene.
16 Njiya na kwendeka bilinga byobe bya nzili,
Obe Yehova, Mwata Wahakamwa ya Byoshe.
Njikendeka kusungama kwobe lika.
17 Obe Njambi, unanjilongesa kutunda ku bukwenje bwange,
Co njili na kutwalelelaho kwambulula bipangi byobe bya kukomokesa kweta na simbu ino.
18 Nameme munjikola na kutoka bwele, keti unjumbile kuti, obe Njambi.
Njitabese njileke cisemwa cinatako bya nzili yobe
Na kuleka baje baija kulutwe bya bukama bwobe.
19 Kusungama kwobe, obe Njambi, kunete na mwilu.
Unalingi byuma byakama.
Obe Njambi, iya nalifu nobe?
20 Nameme unanjilingisa njiliwane na bukalu bwabwingi na tuyando,
Njikanyamese lalo.
Njitundise kwisi* ya lifuti-libu.
21 Bwezelela ku kasingimiko kange,
Co njinyungilile na kunjizembeleka.
22 Co njikushangazala na cisanzi ca mikole
Mwafwa ya kulongwa kwobe, obe Njambi yange.
Njikwimbila myaso ya kukushangazala na kalyalya,
Obe Wakujela wa Isalele.
23 Kanwa kange katambeka mu kubwahelela munjikwimbila myaso ya kukushangazala,
Mwafwa unobola mwonyo wange.*
24 Ndaka yange yendeka bya kusungama kwobe litangwa lyoshe lya mutunu,
Mwafwa baje bashaka ngwabo njinyonge ubazibisa shwamwa na kubashaula.
Mwaso wa kutalesa kuli Solomoni.
72 Obe Njambi, lingisa mwene asompe ngwe muukasompela,
Co ana mwene* kusungama kwobe.
2 Emanene banu bobe mu kusungama,
Na kwakula mwamubwa banu bobe ba kwisi.
3 Minkinda inene kwoloka ku banu
Na malundu anene kusungama.
5 Bakuzibila lyoba simbu yoshe ilikalako litangwa
Na simbu yoshe iikalako ngonde,
Kutunda ku cisemwa cimo kuya ku cisemwa cikwabo.
6 Akapwa ngwe nyonzi ije inyokela ha mwila ubanakamba,
Ngwe nyonzi ya busukumbundu ije ijulisa libu.
7 Mu matangwa akayula, munu wa kusungama akasikima.
Co kukakala kwoloka kwakama myaka yoshe ngwe ngonde muyakalako myaka yoshe.
8 Akakala na banu bakayula* kutunda ku kalunga-ndonga kuketa ku kalunga-ndonga mukwabo.
Na kutunda ku Ndonga* kuketa ku mamaneselelo a lifuti-libu.
9 Baje batunga mu mambo bakamutsikamena,
Co bitozi bendi bakakubila likungu.
10 Bimyene ba ku Tashishi naba ba ha mañanda bakamwana mitelo.
Bimyene ba ku Sheba na ba ku Seba bakamwana bwana.
11 Bimyene boshe bakamutsikamena
Na baka-mafuti boshe bakamupangela.
12 Mwafwa akamena kahutu uje alomba bukwasi,
Co lalo akamena munu wa kwisi uje kesi nou wa kumukwasa.
13 Akazibila ngozi munu wa kwisi na kahutu
Na kwobola myonyo* ya tuhutu.
14 Akabamena* ku baka-kulyatelela na baka-lwozi,
Co maninga abo akapwa a seho mu mesho endi.
15 Ayoye simbu yailaha, co bamwane goldi ya ku Sheba.
Bamulombelele simbu yoshe
Na kumubezikisa litangwa lyoshe lya mutunu.
16 Bimbuto bikatuma ha lifuti-libu.
Bikashula na ha malundu hoshe.
Bushuka bwendi bukakoyoka ngwe bushuka bwa mu Lebanoni.
Co banu ba mu nganda bakatuma ngwe bimena bya ha lifuti-libu.
17 Lizina lyendi likaleko myaka yoshe.
Co litwaleleleho kukalako ngwe litangwa.
Banu bapwe ba kubezika mwafwa yendi.
Baka-mafuti boshe bamwendeke ngwabo wa kubwahelela.
18 Yehova Njambi bamushangazale, Njambi ya Isalele
Uje ikeye lika akalingi byuma bya kukomokesa.
19 Lizina lyendi lya bumpau balishangazale myaka yoshe,
Co bumpau bwendi bushule ha lifuti lyoshe.
Ameni, Ameni.
20 Aha hakeho hawanahwila malombelo a Devidi muna Jesi.
MUKANDA WAMUCITATU
(Bisamu 73–89)
Mwaso wa Asafu
73 Cili bene Njambi wapwa wamubwa kuli Isalele, kuli baje banajele mu mbunge.
2 Ngeci mwangeni, mendi ange ashakele kupyansuka.
Bilyato byange hahandende lika ngwe byasenutukile.
3 Mwafwa njazibilile cipululu banu ba kulijundula*
Munjamwene banu bababi byuma bibendela bwino.
4 Mwafwa kubesi kuziba kubabala mubakatsi.
Mibila yabo yapwa ya kulikangula.*
5 Kubesi kuliwana na bukalu bubakaliwana nabwo bakwabo banu
Nambe kuyanda ngwe mwa bakwabo banu.
6 Ngeci kulyalesa kunapu lilyenge* lyabo lya mu singo.
Banazala bukenya ngwe cizalo.
7 Kuyoya bwino* kunalingisa na mu mesho abo mupwe mwamundondo.
Banawana byuma byabingi kutubakana bibinashungwiiye bimbunge byabo.
8 Bakashendumuna bakwabo na kwendeka byuma byabibi.
Bakajujwisa banu mu kulijundula ngwabo babalyatelela.
9 Bakalijundula mwafwa bakasinganyeka ngwabo bali helu ngwe lilu.
Bakendangana ha lifuti-libu hoshe na kwendeka mwoshe mubashakela.
10 Ngeci, banu ba Njambi bakatengulukila kuli bakebo,
Na kunwa mu mema abo amangi.
11 Bakendeka ngwabo: “Njambi azibuka bati?
Kuma Wahakamwa Manene azibuka byuma byoshe ndi?”
12 Eyo aba bakebo banu bababi babikendela mwamubwa byuma byoshe.
Bali na kutwalelelaho kubwezelela ku bufuko bwabo.
13 Cili bene njinalisini ngoco kutwalelelaho kujelesa mbunge yange
Na kujelesa maboko ange mangana keti njikale na mulonga.
14 Co njakele mu bukalu litangwa lyoshe lya mutunu.
Mutondo na mutondo Njambi wakele na kunjolola.
15 Oloni ngwe njendekele ebi byuma,
Ngwe njendele bungungu banu bobe.
16 Munjakele na kusinganyekesesa ha ñanda ei,
Njazibile kubabala ku mbunge.
17 Kubanga munjakobelele mu mwela wakama wa kujela wa Njambi,
Na kunanguka byuma bikalingiwa kuli bakebo kulutwe.
18 Cili bene unabaka ha mwela wa kuseneta.
Ubalingisa bawe mangana banyonge.
19 Banyonga bwasi-bwasi!
Kuhwa kwabo kupwa kwa kukasumuna, co lalo kwakubi manene!
20 Ngwe bilota bibakebala banu mubenduka, obe Yehova,
Nobe ubabyana* muwimana.
21 Oloni mbunge yange yalubalele,
Co bilyo byange bya mukati* byazibile manene kubabala.
22 Kunjakele na kusinganyeka mwamubwa, co njajenekele kuzibisisa.
Njafwile ngwe kasitu wa kujeneka mana mu mesho obe.
23 Oloni hano njili nobe simbu yoshe.
Unanjikwata ku liboko lyange lya cilyo.
24 Unjitwamenena muunjinangula,
Co kutundaho unjitwamenena ku bumpau.
25 Iya wa seho manene kuli yange mwilu kutubakana yobe?
Kukwesi cuma ceka cinjishungwiya hano hasi, kubanga yobe.
26 Mubila wange na mbunge yange byasa kuzeya,
Oloni Njambi ikeye limanya lya mbunge yange na mutamba wange myaka yoshe.
27 Cili bene, baje batwalelelaho kukala kulako nobe bakanyonga.
Ukanyongesa* munu woshe uje akuseza mwafwa ya kujeneka kupwa wa kulongwa kuli yobe.*
28 Oloni yange, kushwena kuyehi na Njambi cikeco cuma cacibwa kuli yange.
Njinapwisa Yehova, Mwata Wahakamwa ya Byoshe, butewelo bwange.
Mangana njambulule bipangi byendi byoshe.
Masikiu.* Mwaso wa Asafu.
74 Obe Njambi, bika unatubyanena myaka yoshe?
Mwafwa bika butenu bwobe bunaija ha butanga bwa mu bulilo* bwobe?
2 Anuka banu bobe baje bawangwile kunima,
Muyati uwapatwile kupwa buswana bwobe.
Anuka Munkinda wa Siyone haje hawakala.
3 Ya ku mwela uje upwa ngundu ha myaka yaingi.
Citozi nabiisa byuma byoshe bya mu mwela wa kujela.
4 Bitozi bobe batambekele mukati ka mwela wobe wa kuliwanena.
Banakamo bizibukiso byabo.
5 Bapwile ngwe banalume baje banambata bingimbu babwabwanganya shwata ya kuzika.
6 Byuma byoshe bya mu mwela wa kujela babipujozwele na bingimbu na bikubo.
7 Benyekele mwela wobe wa kujela.
Bashawile tabanakele haje hakele lizina lyobe na kuilundumwina hasi.
8 Bakebo na bana babo banalyendekesa mu bimbunge byabo ngwabo:
“Myela yoshe ya Njambi ya kuliwanena* ili mu lifuti inapande kwenya.”
9 Kukwesi bizibukiso bitumona.
Kutwesi lalo na kapolofweto nambe umo.
Co naumo wahi mukati ketu azibuka simbu ibwambata obu bukalu.
10 Obe Njambi, citozi cobe akushendumuna simbu ya kupwa hali?
Kuma citozi cobe ashaula lizina lyobe myaka yoshe ndi?
11 Bika biunetekela liboko lyobe, liboko lyobe lya cilyo?
Lyolole mangana ubamanese.
12 Oloni Njambi ikeye Mwene yange kushwa kusañulu,
Uje ali na kupanga bipangi bya kwobola hano hasi.
13 Waningangesele kalunga-ndonga na nzili yobe.
Watikile mitwe ya bikashama mu kalunga-ndonga mu mema.
14 Watikile mitwe ya Leviatani.*
Wamwanene banu baje batunga mu bimambo mangana bamulye.
15 Wazikwile tubwelu-bwelu na bana ba bindonga.
Womisile bindonga bije byakele na mema simbu yoshe.
16 Mutanya wapwa wobe na butsiki bwapwa bwobe.
Wapangele ceke na litangwa.
17 Wakele binginga byoshe bya lifuti-libu.
Walingisile kukale ntondwe na cisika.
18 Anuka mwali na kukushendumwina citozi, obe Yehova
Na bilema mubali na kushawilamo lizina lyobe.
19 Keti wane bikashama mwonyo* wa katela kobe.
Keti wibale mwonyo wa banu bobe ba kuyanda, myaka yoshe.
20 Anuka cikumiiyo ciwalikumiiye nabo,
Mwafwa myela ya lisusulungu ya ha lifuti-libu inapu myela ya bikenya.
21 Uje napokoka mbunge keti azibe shwamwa.
Munu wa kwisi na kahutu bashangazale lizina lyobe.
22 Katuka obe Njambi, mangana wimanene lizina lyobe mu nkuta.
Anuka cilema mwali na kukushendumwina litangwa lyoshe lya mutunu.
23 Keti wibale bibali na kwendeka bitozi bobe.
Kuliuya kwa baje bali na kukushaula kuli na kukanduka mwilu simbu yoshe.
Kuli muka-kutwamenena. Cilumo ca mwaso cibasana ngwabo “Keti Unyongese.” Mwaso wa Asafu.
75 Tukukandelela, obe Njambi, tukukandelela.
Lizina lyobe lili hayehi netu,
Co banu bambulula bipangi byobe bya kukomokesa.
2 Unendeka ngwobe: “Munjangula simbu ya kusompa,
Njisompa mwamubwa.
3 Lifuti-libu na byoshe byakalaho mubyasangunukile,
Yange njakanyamesele bingunzi byalyo.” (Sela)
4 Njileka munu wa kulijundula ngwange, “Keti ulijundule,”
Na munu wamubi ngwange, “Keti ulijundule mwafwa ya nzili* yobe.
5 Keti ulimwese ngwobe uli manene na nzili*
Nambe kwendeka mu kulijundula.
6 Mwafwa kwamesa kucitundu
Ku butuhukilo bwa litangwa nambe ku bulahukilo bwa litangwa nambe ku mbwela.*
7 Mwafwa Njambi ikeye Lyaako.
Akehesa umo na kwamesa mukwabo.
8 Mwafwa mu liboko lya Yehova muli nganja.
Binyu bili na kututumuka, co banabishingasana mwamubwa.
Cili bene akabitila hasi,
Co banu boshe ba hano hasi bakabinwa, kunwila kumo bene na bije binalikendeka ha masima a nganja.”*
9 Oloni yange njambulula ebi byuma myaka yoshe.
Njimbila Njambi ya Jakobu myaso ya kumushangazala.
10 Mwafwa nendeka ngwendi: “Njikamanesa nzili* ya banu bababi
Oloni njikamesa nzili* ya munu wa kusungama.
Kuli muka-kutwamenena. Mwaso wa kwimba na bisanzi bya mikole. Samu ya Asafu. Mwaso.
76 Njambi bamuzibuka mu Juda.
Lizina lyendi lyapwa lyakama mu Isalele.
2 Tenti yendi ili mu Salema,
Co wakala mu Siyone.
3 Kuje, wapokwele mikili ya tuhya ya buta bwa lusipa
Na ntelo na mukwale na bitwa bya nzita. (Sela)
4 Utwa manene ceke.*
Wakala na bulemu kutubakana minkinda haje hakala bikashama.
5 Banalume ba bimbunge bya kusimpa banabapukula.
Banalala tulo.
Baka-kulwa nzita ba nzili kubasele kulilwila.
6 Mwafwa ya kutenuka kwobe, obe Njambi ya Jakobu,
Kabalu na muka-kwendesa litemba banalala tulo.
7 Yobe lika uzibisa lyoba.
Iya asa kwimana nga watenuka?
8 Wasompele bitozi bobe oku uli mwilu,
Lifuti-libu lyazibile lyoba na kwoloka kulu
9 Njambi mwakatukile na kusompa,
Mangana obole banu boshe bababotsi ba ha lifuti-libu. (Sela)
10 Butenu bwa munu bukulingisa bakushangazale.
Butenu bwendi bwa mamaneselelo ubupangesa mu kulyana bumpau yobe babenya.
11 Likumiiyeni na Yehova Njambi yeni na kulinga bimunalikumiiya,
Boshe baje banamuzengeleka banene bwana oku bamuzibila lyoba.
12 Akamanesa kulyalesa kwa bantwama
Na kuzibisa lyoba bimyene ba ha lifuti-libu.
Kuli muka-kutwamenena. Imbisi ya Jeduthani.* Mwaso wa Asafu.
77 Njitambeka kuli Njambi na lijwi lyange.
Njitambeka kuli Njambi, co anjiziba.
2 Ha litangwa lya bukalu njitonda Yehova.
Ku butsiki, njitwalelelaho kwolwela maboko ange kuli ikeye.
Naumo wahi asa kunjizembeleka.*
3 Munjanuka Njambi, njilitetela.
Njilishoshomwena na kuzeya. (Sela)
4 Unanjilingisa njilale cilabulabu.
Njinalishoshomwena, co kunjasa kwendeka.
5 Njanuka matangwa a kunima,
Myaka ya kusañulu.
6 Ku butsiki, njanuka mwaso wange.
Njisinganyekesesa mu mbunge yange.
Njitondesesa mwamubwa.
7 Kuma Yehova atumbila kuti myaka yoshe ndi?
Kakatuzibilaho lalo ngozi ndi?
8 Kuma cizemo cendi cije kucesi kutenguluka cinahu myaka yoshe ndi?
Kuma bisemwa byoshe kubikamono cikulaheso cendi mucikalishulisilila ndi?
9 Kuma Njambi nebala kumwesa ngozi ndi?
Kuma kulubala kwendi kunamanesa kutetela kwendi ndi? (Sela)
10 Njili na kutwalelelaho kwendeka ngwange: “Njili mu busiwa*
Mwafwa Wahakamwa Manene necela kutukwasa.”
11 Njanuka bipangi bya Jah.
Njanuka bilinga byobe bya kukomokesa bya kusañulu.
12 Co njisinganyekesesa ha bipangi byobe byoshe
Na kusinganyekesesa ha byuma biunalingi.
13 Obe Njambi, bingila byobe byapwa bya kujela.
Njambi muka wakama ngwe yobe, obe Njambi?
14 Yobe Njambi wa busunga uje akalingi byuma bya kukomokesa,
Unasholola nzili yobe ku miyati ya banu.
16 Mema akumwene, obe Njambi,
Mema akumwene, co abundukile,
Co nzinga yatenukile.
17 Mashelwa etilile mema.
Mwilu muje mwakele mashelwa a kuzibala mwalumine,
Co mikili yobe yaile noku-noku.
18 Cilumo ca cililimo cobe capwile ngwe ca mawili a litemba.
Mihyato yahyahyatele na kuteteka ha lifuti-libu.
Lifuti-libu lyajajele na kuninganga.
19 Ngila yobe yetile mu kalunga-ndonga,
Ngila yobe yetile ha mema amangi,
Oloni myanja yobe kubasele kuilandula.
20 Watwamenenene banu bobe ngwe uje atwamenena butanga,
Kupangesa* Mosesa na Aloni.
Masikiu.* Mwaso wa Asafu.
78 Eni banu bange, tolilileni ku lishiko* lyange.
Jendekeleni litwi lyeni ku majwi a mu kanwa kange.
2 Njashama mu kanwa kange na kuta cisimo.
Njilumbununa tusau twa kusañulu.
3 Byuma bitunazibi nebi bituzibuka,
Bibanatuleke batatetu,
4 Kutubishwekela batekulwila babo.
Tuleka bisemwa bili na kwija kulutwe
Bilinga bya Yehova bibanapande kushangazala, na nzili yendi,
Byuma bya kukomokesa byanalingi.
5 Wanene bana ba Jakobu byanukiso.
Watungile lishiko mu Isalele.
Washikile bakukulwila betu
Baleke bana babo ebi byuma
6 Mangana cisemwa cinatako,
Kulumbununa bana baje bacisemuka, babizibuke,
Mangana nabo babileke bana babo.
7 Co bakulahele Njambi.
Kubebala bipangi bya Njambi,
Oloni banyunga mashiko endi.
8 Co kubalifu na bakukulwila babo,
Baje bapwile cisemwa ca baka-kutengulukila, ba kutindibala,
Cisemwa cije bimbunge byabo byongumukile,*
Co bimbunge byabo kubyapwile bya kulongwa kuli Njambi.
9 BaEfremu bakele na buta bwa lusipa,
Oloni batewele na kwiluka munima ha litangwa lya nzita.
10 Kubanyungile cikumiiyo cabo kuli Njambi,
Co kubononokele mashiko endi.
11 Bebalele lalo byuma byalingile,
Bipangi byendi bya kukomokesa byabamwesele.
12 Walingile byuma bya kukomokesa ha mesho a bakukulwila babo
Mu lifuti lya Ijipiti, mu mutambela wa Zoani.
13 Wangunwine kalunga-ndonga mangana base kwita,
Co walingisile mema emane hwo ngwe cibumbe.
14 Wabatwamenenene kupangesa lishelwa mutanya,
Co butsiki bwoshe wabatwamenenene kupangesa ceke ca tuhya.
15 Watabwile mamanya mu mambo,
Wabanene mema amangi, co banwile ngwe baje banwa mema a ha nzinga.
16 Walingisile bana ba bindonga batunde mu limanya,
Co walingisile mema amangi angongomoke ngwe bindonga.
17 Oloni batwaleleleleho kulinga bubi ku mesho endi
Batengulukilile Wahakamwa Manene mu mambo.
18 Besekele Njambi mu bimbunge byabo
Mubamutatokesele ngwabo abane byakulya bibashungwiiye.
19 Ngeci bashawile Njambi mubendekele ngwabo:
“Kuma Njambi asa kubwahesa mesa mu mambo ndi?”
20 Taleni! Wapupile ha limanya,
Co mema angongomokele na bana ba bindonga bashulile.
“Kuma asa kutwana byakulya*
Nambe kwana banu bendi situ ndi?”
21 Yehova mwabazibile, walubalele manene.
Watuminine Jakobu tuhya.
Co butenu bwendi bwepukilile Isalele
22 Mwafwa kubakulahelele Njambi.
Kubakulahelele ngwabo asa kubobola.
23 Ngeci washikile mashelwa
Na kushokolola bikolo bya mwilu.
24 Watwaleleleleho kubanyokesela manna mangana balye.
Wabanene binona bya mwilu.
25 Banu balile byakulya* bya baka-nzili.*
Wabanene byakulya byabingi mangana bakute.
26 Wakatwile lihunzi lya ku butuhukilo bwa litangwa mwilu,
Co mu nzili yendi walingisile lihunzi lya ku mbwela* lihuwe.
27 Co wabanyokeselele situ ngwe likungu.
Wabanyokeselele tuzila ngwe mushekesheke wa ku ngenge ya kalunga-ndonga.
28 Wabalingisile bawile mukati ka cilombo cendi,
Ku bitenti byendi kwoshe.
29 Co balile na kukutilila.
Wabanene bibashungwiiye.
30 Oloni simbu lishungu lyabo kanda licibahwe,
Simbu byakulya byacikele mu tunwa twabo,
31 Butenu bwa Njambi bwabepukilile.
Watsiile banalume ba nzili manene.
Wandumwine bakwenje ba mu Isalele.
32 Nameme ngoco, batwaleleleleho kulinga bubi,
Co kubakulahelele bipangi byendi bya kukomokesa.
33 Ngeci wamanesele matangwa abo a kuyoya ngwe muku.
Co myaka yabo waimanesele na bukalu bwa kukasumuna.
34 Oloni simbu yoshe mwakele na kutsiyako bamo, bakele na kumutonda-tonda.
Bakele na kwiluka na kutonda Njambi.
35 Bakele na kwanuka ngwabo Njambi ikeye Limanya lyabo
Na kwanuka ngwabo Njambi Wahakamwa Manene ikeye Muka-kubapatula.*
36 Oloni bamukwisile na tunwa twabo
Na kwendeka makuli kuli ikeye na bindaka byabo.
37 Bimbunge byabo kubyakakateyeye kuli ikeye,
Co kubanyungile cikumiiyo cendi.
38 Oloni wakele na kubatetela.
Wakele na kukonekela* milonga yabo, co kakele na kubanyongesa.
Kakangi wakele na kukwata mbunge
Kutubakana kubajukwila butenu bwendi bwoshe.
39 Mwafwa wanukile ngwendi bapwile banu bangoco.*
Bapwile ngwe lihunzi lije likahuwu, co kulyesi kwiluka.*
40 Bamutengulukilile kushwa kumo mu mambo
Na kumuzibisa kubabala ku mbunge.
41 Belukilile-ilukilile kweseka Njambi.
Balubalesele* Wakujela wa Isalele.
42 Kubanukile nzili yendi,*
Bebalele litangwa lyabamenene* ku citozi,
43 Mwasholwelele bizibukiso byendi mu Ijipiti
Na bikomokeso byendi mu mutambela wa Zoani,
44 Nomu mwatengulwilile mema a mu tupila twa Nailo kupwa maninga,
Co kubasele kunwa mema a mu bana ba bindonga byabo.
45 Watumine binjame bya mazimbe mangana babalye
Na mambotwe mangana babanyongese.
46 Wanene bimbuto byabo ku bimbimba baje batsile manene njala,
Wanene byuma bibondanganene ku binjame bya bimbimba.
47 Wabiisile miti yabo ya binyu
Na miti yabo ya sikamole na nyonzi ya mamanya.
48 Watsiile tusitu babo ba kwambatela bitele na nyonzi ya mamanya,
Co watsiile bimuna babo na mihyato.*
49 Wabamwesele butenu bwendi bwakama,
Kulubala, matoto na bukalu.
Bibunga bya tungelo banenele bukalu.
50 Wamwesele kulubala kwendi.
Kabatetelele, oloni wabatsiile
Na kubanenela mushongo wa kulitambwisa.
51 Mamaneselelo watsiile bantwatwa boshe ba mu Ijipiti,
Mashangumukilo a nzili yabo ya kukita mu bitenti bya Hamu.
52 Watuwisile banu bendi mu Ijipiti ngwe bimanga
Na kubatwamenena mu mambo ngwe butanga.
53 Wabatwamenenene na kubanyungilila,
Co kubazibile lyoba.
Kalunga-ndonga wangumbwile bitozi babo.
54 Co wabanenele mu mwela wendi wa kujela,
Mu mutambela wa minkinda wafungulwile na liboko lyendi lya cilyo.
55 Washekele baka-mafuti ku mesho abo.
Wabapangezelele buswana kupangesa mukole wa kusetekesa.
Walingisile miyati ya Isalele itunge membo ayo.
56 Oloni batwaleleleleho kweseka Njambi Wahakamwa Manene na kumutengulukila.
Kubakele mbunge ku byanukiso byendi.
57 Batundile mu ngila, co bapwile baka-kukwisa ngwe bakukulwila babo.
Kubabakulahelele ngwe buta bwa lusipa bwa kumbwembwela.
58 Batwaleleleleho kumulubalesa na myela yabo ya kulunduka,
Co bakatwile butenu bwendi na tumponya babo ba kushonga.
59 Njambi wazibile, co walubalele manene.
Ngeci wabyanene Isalele, kumubyanenena.
60 Mamaneselelo wombilile kuti tabanakele ya mu Shilo,
Tenti muje mwakele na kukala hakati ka banu.
61 Watabesele cimweso ca nzili yendi ciye mu bufunge.
Wanene bulemu bwendi mu liboko lya citozi.
62 Watabesele banu bendi babatsiye na mukwale,
Co walubalelele manene buswana bwendi.
63 Tuhya twanyongesele bakwenje bendi,
Co bambanda bendi kubabembilile myaso ha bilika bya bulo.*
64 Tupilistu bendi babatsiile na mukwale,
Co bifwile babo kubalilile.
65 Co Yehova wendukile ngwe uje atunda ha tulo
Ngwe munalume wa nzili uje atunda ha tulo mwafwa ya kunwa manene bwala.
66 Co wanyongesele bitozi bendi.
Wabashawile myaka yoshe.
67 Wabyanene tenti ya Jozefu.
Kangwile muyati wa Efremu.
68 Oloni wangwile muyati wa Juda,
Munkinda wa Siyone uje wazema.
69 Walingisile mwela wendi wa kujela ukaleko myaka yoshe ngwe melu,
Ngwe lifuti-libu lije lyakalako myaka yoshe.
70 Wangwile ngamba yendi Devidi,
Co wamutundisile ku limba lya bimanga.
71 Wamutundisile ku kunyunga bimanga baje bajamwesa
Na kumupwisa kanyungi wa Jakobu, kulumbununa banu bendi,
Na kanyungi wa Isalele, buswana bwendi.
72 Wabanyungile na mbunge ya kulongwa
Na kubatwamenena na maboko a butongwe.
Mwaso wa Asafu.
79 Obe Njambi, baka-mafuti banajemukila buswana bwobe.
Banajwalesa tempele yobe ya kujela.
Jelusalema banaipwisa mutumbo wa mamanya.
2 Banatsii bangamba bobe na kubana ku tuzila ngwabo bapwe byakulya byabo.
Banatsii bangamba bobe ba kulongwa na kubana ku bikashama ba mu shwata ngwabo babalye.
3 Banetila maninga abo mu Jelusalema mwoshe ngwe mema,
Co naumo wahi nasalako wa kubatsinda.
4 Baje batwatunga nabo bali na kutushaula.
Baje banatuzengeleka bali na kutushendumuna na kututomba.
5 Obe Yehova, ulubala simbu ya kupwa hali? Myaka yoshe ndi?
Butenu bwobe bushukuma ngwe tuhya simbu ya kupwa hali?
6 Itila butenu bwobe hali baka-mafuti baje kubakuzibuka
Na bumwene buje kubwesi na kusana ha lizina lyobe.
7 Mwafwa bananyongesa Jakobu
Na kupwisa limbo lyendi ngundu.
8 Keti ututandele milonga ya bakukulwila betu.
Tutetele bwasi-bwasi,
Mwafwa banatukehesa manene.
9 Tukwase, obe Njambi muka-kutwobola
Mwafwa ya lizina lyobe lya bumpau.
Twamene na kutukonekela ku* bubi bwetu mwafwa ya lizina lyobe.
10 Bika bibendekela baka-mafuti ngwabo: “Njambi yabo ali kuli?”
Tulingise tulimwene muumwesa baka-mafuti
Ngwobe maninga a bangamba bobe aje anetika banawalingi shambandinga.
11 Ziba binyengo bya lipanditi.
Pangesa nzili* yobe mangana unyungilile* baje babanasompela kubatsiya.
12 Obe Yehova, ilwisila baje batwatunga nabo lwa kupwa 7
Mwafwa ya kushendumuna kubanakushendumuna.
13 Co yetu banu bobe na butanga bwa mu bulilo* bwobe,
Tukakukandelela myaka yoshe
Na kukushangazala kutunda ku cisemwa cimo kuya ku cisemwa cikwabo.
Kuli muka-kutwamenena. Cilumo ca mwaso cibasana ngwabo: “Bintemo.” Kwanukisa. Mwaso wa Asafu.
80 Obe kanyungi ka Isalele, tolilila,
Yobe uli na kutwamenena Jozefu ngwe uje atwamenena butanga.
2 Mwesa nzili yobe
Ku mesho a Efremu na Benjamini na Manase.
Ija wakutwobole.
3 Obe Njambi, twilwise.
Cihanga cobe citwile ceke hali yetu mangana twoboke.
4 Obe Yehova Njambi wa maswalale, wambata simbu ya kupwa hali oku unalubalela banu bobe na kubyana kutolilila ku malombelo abo?
5 Ubana misozi kupwa byakulya byabo,
Co ubanwisa misozi yaingi manene.
6 Unatabesa baje batwatunga nabo balizungisile yetu.
Bitozi betu bali na kutwalelelaho kutujola mwoshe mubashakela.
7 Obe Njambi wa maswalale, twilwise.
Cihanga cobe citwile ceke hali yetu mangana twoboke.
8 Walingisile muti wa binyu utunde mu Ijipiti.
Washekele baka-mafuti mu lifuti lyabo na kuukunamo.
9 Waubwaheselele mwela,
Co ou muti washimbikile mizi na kujalakana mu lifuti lyoshe.
10 Minkinda yakele mu munzinze wawo,
Co minango yawo yafwikile miti ya Njambi ya sida.
11 Minango yawo yetele na mu kalunga-ndonga,
Co mizi yawo yetele na ku Ndonga.*
12 Bika biunasiwila cibumbe cije cinazengelekele muti wa binyu?
Mwafwa banu boshe bali na kwita bali na kupotola bushuka bwawo.
13 Byombo bali na kuubiisa,
Co tusitu ba mu shwata bali na kuulya.
14 Obe Njambi wa maswalale, iluka.
Tala hasi oku uli mwilu na kumona.
Nyunga ou muti wa binyu,
15 Nsina* ilyakunine liboko lyobe lya cilyo,
Tala munobe* uje iwalikanyameselele yobe babenya.
16 Banawenyeka na tuhya, banautete.
Bananyongo mwafwa ya kutenuka kwobe.*
17 Liboko lyobe likwase munu uje ali ku liboko lyobe lya cilyo,
Likwase muna munu uje iunalikanyamesela yobe babenya.
18 Co kututundu kuli yobe.
Tunyunge mangana tusane ha lizina lyobe.
19 Obe Yehova Njambi wa maswalale, twilwise.
Cihanga cobe citwile ceke hali yetu mangana twoboke.
Kuli muka-kutwamenena. Ha Gitithi.* Mwaso wa Asafu.
81 Tambekeni mu kubwahelela kuli Njambi uje wapwa nzili yetu.
Tambekeni mu kulisamba kuli Njambi ya Jakobu.
2 Shangumukeni kwimba mwaso na kwambata kangoma.
Ambateni lalo kalyalya na cisanzi ca mikole.
3 Imbeni lupembo ngonde muitenama
Nomu muituhuka ya mutunu, ha litangwa lya cilika cetu.
4 Mwafwa linapu lishiko libanana Isalele,
Lishiko lya Njambi ya Jakobu.
5 Walyakeleko mangana lipwe canukiso kuli Jozefu
Mwaile na kulwisa lifuti lya Ijipiti.
Njazibile lijwi* lije kunjazibukile lyendeka ngwalyo:
6 “Njatundisile citele ha bitsili byabo.
Njatundisile cizuma mu maboko abo.
7 Mumwakele mu bukalu mwatambekele, co njamyamenene,
Njamikumbulwile oku njili mu lishelwa lya cililimo.*
Njamyesekele ku mema a ku Meliba.* (Sela)
8 Zibeni eni banu bange, co njana bukaleho bwa kumilwisa.
Eni baIsalele ngwe mucinjitolililako tahi.
9 Mukati keni kumukakala Njambi uje kumuzibuka,
Co kumukatsikamena Njambi weka.
10 Yange Yehova, Yange Njambi yeni.
Uje wamitundisile mu lifuti lya Ijipiti.
Ashameni manene mu tunwa tweni, co njishulisamo na byakulya.
11 Oloni banu bange kubatolililile ku lijwi lyange.
BaIsalele kubanjononokele.
12 Ngeci njabecelele bakabangeye bimbunge byabo bya kutindibala.
Balingile byuma bibamwene ngwabo byabibwa.*
13 Ngwe bana bange bacinjitolililako tahi,
Ngwe baIsalele bacendako mu bingila byange,
14 Ngwe njihyana bitozi babo bwasi-bwasi,
Ngwe liboko lyange litengulukila bitozi babo.
15 Baje bazinda Yehova bakaziba lyoba ku mesho endi.
Kashitiko kabo kakapwa ka myaka yoshe.
16 Oloni akamyana tiliku yaibwa manene kupwa byakulya byeni
Na kumikutisa na buki bwa mu limanya.”
Mwaso wa Asafu.
82 Njambi nemana mu mwela wendi mwakulikungulwila.
Ali na kusompa hakati ka binjambi.*
2 Mwambata simbu ya kupwa hali oku mutwalelelaho kusompa mu kuhengesa
Na kwimanena banu bababi? (Sela)
3 Imaneneni* banu ba kwisi na baje kubesi na baishabo.
Akuleni mwamubwa baje kubesi nou wa kubakwasa na baje bali mu bujene bwakama.
4 Ameneni banu ba kwisi na tuhutu,
Boboleni mu maboko a banu bababi.
5 Kubazibuka nambe kuzibisisa.
Bali na kwenda mu lisusulungu.
Lubula lwoshe lwa lifuti-libu bali na kuluningangesa.
6 “Njinendeka ngwange, ‘Mu binjambi.*
Mubaboshe mu bana ba Wahakamwa Manene.
7 Oloni mutsa ngwe mubakatsi banu boshe.
Co muwa ngwe mwakau mwata woshe-woshe.’”
8 Katuka, obe Njambi, usompe lifuti-libu,
Mwafwa baka-mafuti boshe bapwa bobe.
Mwaso. Samu ya Asafu.
83 Obe Njambi, keti woloke kulu.
Keti utwaleleleho kwoloka kulu nambe kutumama lika, obe Njambi.
2 Mwafwa tala! Bitozi bobe bali mu mpindangano.
Baje bakuzinda bali na kulinga byuma mu kulijundula.
3 Mu busebuse batumba butumbe ku bushweke bwa kulwisa banu bobe.
Baliyongola mwakulwisila banu bobe ba seho.
4 Bendeka ngwabo: “Ijeni tubanyongese.
Tunyongese muyati woshe mangana lizina lya Isalele keti balyanuke lalo.”
5 Banalizibasana kutumba butumbe bumolika,
Banalikumiiya kukulwisa,
6 Baje batunga mu bitenti bya Edomu na baIshimaele, Mowabi na baHagirite,
7 Gebo na Amone na Amaleki,
Filistiya hamolika na baje batunga mu Tile.
8 Asiria nendi nalikwatasana nabo.
Boshe bali na kukwasa* bana ba Lote. (Sela)
9 Balinge ngwe muwalingile Midiani,
Ngwe muwalingile Sisela na Jabini ku ndonga ya Kishoni.
10 Babanyongesele ku Eni-dori.
Bapwile bwilo bwa libu.
11 Lingisa banu babo ba bulemu bapwe ngwe Olebu Zebu,
Co bamyata* babo bapwe ngwe Zeba na Zaumuna.
12 Mwafwa bendekele ngwabo: “Tuswaneni mu lifuti muje mwali Njambi.”
13 Obe Njambi yange, balingise bapwe ngwe ciputa ca mingonga cije ciya na kungalumuka na lihunzi,
Ngwe bishati bije bipekumuka na lihunzi.
14 Bafwe ngwe tuhya tuje twenyeka shwata,
Ngwe mulangi wa tuhya uje ubabula minkinda.
15 Ngeci, basheke na lihunzi lyobe lyakama lya kutenuka
Na kubazibisa lyoba na lihunzi lyobe lyakama.
16 Obe Yehova, bashaule,
Mangana batonde lizina lyobe.
17 Bazibise shwamwa na kubajujwisa myaka yoshe.
Bashaule na kubanyongesa.
18 Banu bazibuke ngwabo yobe wa lizina lya Yehova,
Yobe lika Wahakamwa Manene hasi hoshe.
Kuli muka-kutwamenena; ha Gitithi.* Mwaso wa bana ba Kola.
84 Njazema manene tabanakele yobe yakama,
Obe Yehova wa maswalale!
Mbunge yange na situ yange bitambeka mu kubwahelela kuli Njambi wa kuyoya.
3 Nameme kazila akalamo,
Co kambyasa atungamo lishwa,
Muje mwanyungila bana bendi
Kuyehi na mutula wobe wakama, obe Yehova wa maswalale,
Mwene yange na Njambi yange.
4 Banabwahelela baje bali mu njibo yobe.
Batwalelelaho kukushangazala. (Sela)
5 Banabwahelela baje bawana nzili kuli yobe,
Bimbunge byabo bili ku bitapalo bije biya ku njibo yobe.
6 Mubaita mu Cinema ca Bakka,*
Bacilingisa cipwe mwela wa tubwelubwelu,
Co nyonzi yakulibanga ibezikisa eci cinema.
7 Batwalelelaho kwenda, oloni kubajuka.
Umo na umo wabo asholoka ku mesho a Njambi mu Siyone.
8 Obe Yehova Njambi wa maswalale, ziba lilombelo lyange,
Tolilila, obe Njambi ya Jakobu. (Sela)
9 Tala, obe ntelo yetu na Njambi yetu,*
Tala cihanga ca wakubwabesa wobe.
10 Mwafwa kukala mu malapa obe litangwa limo kwakubwa kutubakana kukala kweka matangwa 1,000.
Njalyangwila kwimana ku cikolo ca njibo ya Njambi yange
Kutubakana kukala mu bitenti bya banu bababi.
11 Mwafwa Yehova Njambi wapwa litangwa na ntelo.
Akazibila banu ngozi na kubana bumpau.
Yehova komina cuma cacibwa
Baje benda mu kulongwa.
12 Obe Yehova wa maswalale,
Nabwahelela munu uje akukulahela.
Kuli muka-kutwamenena. Mwaso wa bana ba Kola.
85 Obe Yehova, unazibila lifuti lyobe ngozi.
Unelwisa bana ba Jakobu baje bakele mu bundungo.
2 Unakonekela milonga ya banu bobe.
Wazimanganene* bubi bwabo bwoshe. (Sela)
3 Wakwatele butenu bwobe.
Watulile matoto obe.
4 Twilwise,* obe Njambi muka-kutwobola,
Co keti utulubalele.
5 Kuma utulubalela myaka yoshe ndi?
Kuma butenu bwobe butwalelelaho kutunda ku cisemwa cimo kuya ku cisemwa cikwabo ndi?
6 Kuma kuutukanyamesa lalo
Mangana banu bobe babwahelele mwafwa yobe ndi?
7 Obe Yehova, tumwese cizemo cobe cije kucesi kutenguluka,
Na kutwobola.
8 Njitolilila ku byuma byendeka Njambi wa busunga Yehova
Mwafwa endeka byuma bya kwoloka ku banu bendi, ku bakulongwa bendi.
Oloni keti balikulahele lalo bakebo babenya.
9 Cili bene ololo obola baje bamuzibila lyoba
Mangana bumpau bwendi bukale mu lifuti lyetu.
10 Cizemo cije kucesi kutenguluka na kulongwa bilibumbateya.
Kusungama na kwoloka bilitsemba.
11 Kulongwa cikamena ha lifuti-libu,
Co kusungama cikaija hasi kutunda mwilu.
12 Eyo, Yehova akatwana byuma byabibwa,
Co banu mu lifuti lyetu bakatejela hakama.
13 Kusungama cikenda halutwe lwendi
Na kutuba ngila ya myanja yendi.
Lilombelo lya Devidi.
86 Jendeka litwi lyobe,* obe Yehova na kunjikumbulula,
Mwafwa bali na kunjiyandesa, co lalo nji kahutu.
2 Nyungilila mwonyo* wange mwafwa nji wa kulongwa.
Obola ngamba yobe uje nakukulahela
Mwafwa yobe Njambi yange.
3 Njizibile ngozi, obe Yehova
Mwafwa njili na kutambeka kuli yobe litangwa lyoshe lya mutunu.
4 Lingisa ngamba yobe abwahelele,
Mwafwa njitengulukila kuli yobe, obe Yehova.
5 Mwafwa yobe, obe Yehova uwamubwa, co walibwahesela kukonekela.
Ukamwesa manene cizemo cije kucesi kutenguluka kuli baje bali na kutambeka kuli yobe.
6 Obe Yehova, tolilila lilombelo lyange.
Tolilila mwamubwa ku kulambelela kwange kwa kulomba bukwasi.
7 Njitambeka kuli yobe ha litangwa linjikala mu bukalu
Mwafwa unjikumbulula.
8 Kukwesi Njambi wa kulifwa nobe, obe Yehova,
Kukwesi bipangi bya kulifwa nebi byobe.
9 Baka-mafuti boshe bawatangele
Bakaija na kukutsikamena, obe Yehova,
Na kwana bumpau ku lizina lyobe.
10 Mwafwa uwakama, co ukalingi byuma bya kukomokesa.
Yobe lika wapwa Njambi.
11 Njilongese ngila yobe, obe Yehova.
Njenda mu busunga bwobe.
Lingisa mbunge yange ipwe imolika* mangana njizibile lyoba lizina lyobe.
12 Obe Yehova Njambi yange, njikushangazala na mbunge yange yoshe
Na kwana bumpau lizina lyobe, myaka yoshe.
13 Mwafwa cizemo cobe cije kucesi kutenguluka cakama manene kuli yange,
14 Obe Njambi, banu ba kulyalesa bananjikatukila mangana banjilwise.
15 Oloni yobe, obe Yehova, u Njambi muka-kutetela na mema ku mbunge,*
Kuwesi kulubala bwasi, wakala manene na cizemo cije kucesi kutenguluka, co u wa kulongwa manene.*
16 Tengulukila kuli yange na kunjizibila ngozi.
Ana ngamba yobe nzili,
Co obola mwana wa munalume wa ndungo yobe wa munakazi.
17 Njimwese cizibukiso* ca bubwa bwobe,
Mangana baje banjizinda bacimone, co bazibe shwamwa.
Mwafwa yobe, obe Yehova, yobe mukwasi wange na muka-kunjizembeleka.
Samu ya bana ba Kola. Mwaso.
87 Lubula lwa nganda ya Njambi luli mu minkinda ya kujela.
2 Yehova wazema bikolo bya Siyone
Kutubakana bitenti byoshe bya Jakobu.
3 Bali na kwendeka byuma byabibwa hali yobe, Obe nganda ya Njambi wa busunga. (Sela)
4 Rahabu na Babiloni njikabatandela ku banu baje bananjizibuka
Hamolika na Filistiya na Tile na Kushi.
Njikendeka hali umo na umo wabo ngwange: “Ou ikeye wasemukilile kuje.”
5 Co hali Siyone bakendeka ngwabo:
“Umo na umo wabo wasemukililemo.”
Co Wahakamwa Manene akaikanyamesa.
6 Yehova mwakasoneka miyati ya banu akendeka ngwendi:
“Ou ikeye wasemukilile kuje.” (Sela)
7 Baka-kwimba na baje bakina oku balizenga bakendeka ngwabo:
“Tubwelubwelu twoshe tuli muli yobe.”*
Samu. Mwaso wa bana ba Kola. Kuli muka-kutwamenena. Imbisi ya Mahalathi,* mwaso wa kulitabeya. Masikiu* ya Hemani wa kaEzrahite.
88 Obe Yehova Njambi muka-kunjobola,
Mutanya njitambeka kuli yobe,
Co butsiki njija kuli yobe.
2 Lilombelo lyange lyete kuli yobe,
Jendeka litwi lyobe* mangana uzibe kulila kwange kwa kulomba bukwasi.
4 Bananjitandela laja ku banu baje basikumuka mu bwina.*
Njinapu nji kangumu.*
5 Njinapu ngwe munu uje ibanaseze mukati ka bibimbi
Ngwe banu baje banalala mu cihilo
Baje kuwanuka lalo,
Co lalo kuubanyungu.
6 Unanjaka mu bwina bwa kwisi manene
Mu myela ya lisusulungu, mu mbulu* yakama.
7 Butenu bwobe bunanjilemena manene,
Co unanjilemuwisa na mankimba obe akama. (Sela)
8 Unashekela banu banjinalizilila nabo kulako nange.
Unanjilingisa njipwe cuma ca bunyengwe kuli bakebo.
Njinatsi mu muheto, co kunjasa kushomokamo.
9 Mesho ange anatsitsibala mwafwa ya kayando kange.
Obe Yehova, njitambeka kuli yobe litangwa lyoshe lya mutunu.
Njolwela maboko ange kuli yobe.
10 Kuma ulingila batsi byuma bya kukomokesa ndi?
Kuma baje banatsi, baje kubasa kulinga cuma nambe cimo, basa kwinduka mangana bakushangazale ndi? (Sela)
11 Kuma cizemo cobe cije kucesi kutenguluka bacambulula mu cihilo ndi?
Kuma kulongwa cobe bacambulula mu mwela wa kubolela* ndi?
12 Kuma bipangi byobe bya kukomokesa babizibuka mu lisusulungu ndi?
Nambe kusungama cobe bacizibuka mu lifuti lya banu babanebala ndi?
13 Oloni anga njitambeka kuli yobe kulomba bukwasi, obe Yehova.
Mutondo na mutondo lilombelo lyange lyeta kuli yobe.
14 Obe Yehova, bika biunjibyanena?*
Bika biunjishwekela cihanga cobe?
15 Kushwa ku bukwenje bwange
Njinayanda, co njinelukila ha cala.
Mubila wange unambumbula mwafwa ya byuma byabibi biunatabesa ngwobe binjiyandese.
16 Butenu bwobe bwa kushukuma bunanjilemena.
Unanjizibisa manene lyoba, ngeci njishaka kutsa.
17 Bananjizengeleka ngwe mema litangwa lyoshe lya mutunu.
Bananjishetula noku-noku.*
18 Unashekela babusamba bange kulako nange.
Lisusulungu likelyo linapu kabusamba kange.
Masikiu.* Mwaso wa Ethani wa kaEzrahite.
89 Myaka yoshe njimba bya cizemo ca Yehova cije kucesi kutenguluka.
Kanwa kange kendeka kulongwa kwobe ku bisemwa byoshe.
2 Mwafwa njinendeka ngwange: “Cizemo cobe cije kucesi kutenguluka cikalako* myaka yoshe.
Co unazameka kulongwa kwobe mwilu.”
3 “Njinalingi cikumiiyo nou injinangula.
Njinalisingi kuli ngamba yange Devidi ngwange:
4 ‘Njikazameka bana* bobe myaka yoshe,
Co njikazameka litanda lyobe ku bisemwa byoshe.’” (Sela)
5 Melu ali na kushangazala bipangi byobe bya kukomokesa, obe Yehova,
Eyo, cikungulukilo ca bakujela cili na kushangazala kulongwa kwobe.
6 Mwafwa mwilu, iya asa kulyesekesa kuli Yehova?
Mukati ka bana ba Njambi, iya nalifu na Yehova?
7 Njambi wapwa wa kutewesa mu mbunga ya bakujela.
Wapwa wakama na kukomokesa kuli baje boshe banamuzengeleka.
8 Obe Yehova Njambi wa maswalale,
Iya ali na nzili ngwe yobe, Obe Jah?
Kulongwa kwobe kunakuzengeleka.
9 Yobe ukayulu kalunga-ndonga wa kutenuka.
Nga mankimba endi anakatuka ukawolwesa.
10 Unatiki Rahabu ngwe munu uje ibanatsii.
Unashandangana bitozi bobe na liboko lyobe lya nzili.
11 Melu apwa obe, na lifuti-libu lyapwa lyobe.
Lifuti-libu na byoshe byakalaho yobe unabizameka.
12 Yobe watangele kunto* na mbwela.*
Munkinda wa Taboli na munkinda wa Hemoni ili na kushangazala lizina lyobe mu kubwahelela.
13 Liboko lyobe lyakala na nzili.
Liboko lyobe lyapwa lya kukanyama.
Liboko lyobe lya cilyo likahyana.
14 Kusungama na kwakula mwamubwa byapwa lubula lwa litanda lyobe.
Cizemo cije kucesi kutenguluka na kulongwa byakala ku mesho obe.
15 Banabwahelela baje bakushangazala na lijwi lya kubwahelela.
Batwalelelaho kwenda mu ceke ca ku cihanga cobe, Obe Yehova.
16 Babwahelela mwafwa ya lizina lyobe litangwa lyoshe lya mutunu.
Co mwafwa ya kusungama kwobe, babazumbangeya.
17 Mwafwa yobe bumpau bwa nzili yabo,
Co mwafwa ya kutuzibila kubwaha, nzili yetu ipwa yakama.
18 Mwafwa ntelo yetu yatunda kuli Yehova,
Mwene yetu watunda kuli uje Wakujela wa Isalele.
19 Ha simbu ije wendekele mu cimona kuli bakulongwa bobe ngwobe:
“Njinana nzili ku munu wa nzili.
Njinajundula uje ibanangula mukati ka banu.
20 Njinawana ngamba yange Devidi.
Njinamubwabesa na mazi ange a kujela.
21 Liboko lyange limukwasa,
Co liboko lyange limukanyamesa.
22 Kukwesi citozi akamutelesa mutelo,
Co kukwesi munu wa kujeneka kusungama akamulyatelela.
23 Njikatikila bitozi bendi ha mesho endi
Co njikatsiya baje bamuzinda.
24 Kulongwa kwange na cizemo cange cije kucesi kutenguluka bili nendi.
Co nzili* yendi ikapwa yakama mwafwa ya lizina lyange.
25 Njikaka liboko lyendi* helu lya kalunga-ndonga,
Co liboko lyendi lya cilyo njikalyaka helu lya bindonga.
26 Akanjisana ngwendi: ‘Yobe Tate,
Njambi yange na limanya lyange lya kunjobola.’
27 Njikamupwisa ntwatwa wa hakamwa
Kutubakana bimyene ba hasi.
28 Njitwalelelaho kumumwesa cizemo cange cije kucesi kutenguluka, myaka yoshe,
Co cikumiiyo cange nendi kucikahu.
29 Njikazameka bana* bendi myaka yoshe
Na kulingisa litanda lyendi litwaleleleho kukalako ngwe lilu.
30 Nga bana bendi baseza lishiko lyange
Na kujeneka kwenda kwesekesa na mashiko ange,
31 Nga bapokola binangulo byange
Na kujeneka kunyunga mashiko ange,
32 Co njipangesa mbweti mu kubana kashitiko mwafwa ya kujeneka kwononoka* kwabo,
Na kubatatula mwafwa ya milonga yabo.
33 Oloni kunjikalikele kumumwesa cizemo cange cije kucesi kutenguluka
Nambe kujeneka kushulisilila cikulaheso cange.
34 Kunjipokola cikumiiyo cange
Nambe kutengulula bikanendeka kanwa kange.
35 Ha kupwa wa kujela, njinalisingi lumolika.
Kunjikendeka makuli kuli Devidi.
36 Bana* bendi bakalako myaka yoshe.
Ngwe litangwa mulyakalako myaka yoshe, litanda lyendi likalako myaka yoshe ku mesho ange.
37 Balizameka myaka yoshe ngwe ngonde mwilu
Ije yapwa ngwe mukaleho wa kulongwa.” (Sela)
38 Oloni yobe babenya unamumbila kuti na kumubyana.
Unalubalela wakubwabesa wobe.
39 Unabyana cikumiiyo ciwalikumiiye na ngamba yobe.
Unashaula cilongo cendi muunacumbila hasi.
40 Unasiula bibumbe byendi byoshe bya mamanya.
Unabiisa bimpaka byendi.
41 Baka-kwita mu ngila boshe banamupukula.
Baje batunga nabo bali na kumushaula.
42 Unalingisa bitozi bendi boshe bahyane.*
Unalingisa bitozi bendi boshe babwahelele.
43 Unazeyesa mukwale wendi,
Co unamwonowesa kuhyana mu nzita.
44 Unamanesa bulemu bwendi
Na kumbila hasi litanda lyendi.
45 Unakehesa matangwa a bukwenje bwendi.
Unamuzibisa shwamwa. (Sela)
46 Obe Yehova, ulishweka simbu ya kupwa hali? Myaka yoshe ndi?
Butenu bwobe butwalelelaho kushukuma ngwe tuhya ndi?
47 Anuka bwihi bwa kuyoya kwange.
Kuma nabimo byahi biwatangelele banu boshe ndi?
48 Iya asa kutwalelelaho kuyoya kwa kujeneka kutsa?
Kuma asa kulyobola ikeye babenya ku nzili ya Cihilo* ndi? (Sela)
49 Obe Yehova, bilinga byobe bya kunima bya cizemo cije kucesi kutenguluka bili kuli,
Bije biwalisingile kuli Devidi mwafwa ya kulongwa kwobe?
50 Obe Yehova, anuka majwi a kushendumuna abanamyasheka bangamba bobe.
Nomu munjinakolesela majwi a kushendumuna a miyati yoshe ya banu.
51 Obe Yehova, anuka bitozi bobe mubanashuwilila matuka.
Anuka mubanatukila mwoshe mwanalyata wakubwabesa wobe.
52 Yehova bamushangazale myaka yoshe. Ameni, Ameni.
MUKANDA WAMUCIWANA
(Bisamu 90-106)
Lilombelo lya Mosesa, munu wa Njambi wa busunga.
90 Obe Yehova, yobe unapu butewelo bwetu* ku bisemwa byoshe.
2 Simbu kanda minkinda ikaleko
Nambe simbu kanda utange lifuti-libu na kaye,
Kushwa okwo kwa kujeneka mashangumukilo kuya kwa kujeneka mamaneselelo,* yobe wapwa Njambi.
3 Ukalingisa banu beluke ku likungu.
Ukendeka ngwobe: “Eni bana ba banu, ilukeni ku likungu.”
4 Myaka 1,000 mu mesho obe inapu ngwe izau,
Inapu lika ngwe cilo cimolika ca butsiki.
5 Ubakomba. Bafwa ngwe tulo.
Ku mutondo bafwa ngwe mwila uje umena.
6 Ku mutondo ukajobelela na kusholoka mwamubwa,
Oloni ku mangwezi ukajujwama na kuma cau.
7 Tuli na kuhwa na butenu bwobe
Na kuziba lyoba mwafwa ya bukalu bwobe.
8 Waka milonga yetu halutwe lwobe.*
Ujombolola byuma byetu bya kushwekesa na ceke ca cihanga cobe.
9 Matangwa etu* ali na kuhwa mwafwa ya butenu bwobe,
Co myaka yetu ili na kuhwa bwasi ngwe kututumwisa.
10 Myaka yetu ya kuyoya inapu 70
Nambe 80, maneneni nga munu nakanyama.
Oloni yashulu na bukalu na busiwa.
Ihwa bwasi-bwasi, co tunyonga.
11 Iya asa kuzibisisisa nzili ya butenu bwobe?
Butenu bwobe bwakama, co na lyoba litunapande kukuzibila linapande kupwa lyakama.
12 Tulongese mwakutandela matangwa etu
Mangana tukale na mbunge ya mana.
13 Iluka, obe Yehova! Butenu bwobe bwambata simbu ya kupwa hali?
Zibila bangamba bobe ngozi.
14 Ku mutondo, tumwese cizemo cobe cije kucesi kutenguluka
Mangana tutambeke mu kubwahelela na kulisamba ha matangwa etu oshe.
15 Tulingise tupwe ba kubwahelela kwesekesa na matangwa aunatuyandesa,
Kupwisa hamo na myaka yaingi itunakala mu bukalu.
16 Bangamba bobe bamone bipangi byobe,
Co bana babo ba banalume bamone bulemu bwobe.
17 Ngozi ya Yehova Njambi yetu ikale hali yetu.
Bezikisa bipangi bya maboko etu,
Eyo, bezikisa bipangi bya maboko etu.
91 Woshe uje wakala mu mwela wa bushweke wa Wahakamwa Manene
Akala mu munzinze wa Muka-nzili Yoshe.
2 Njileka Yehova ngwange: “Yobe butewelo bwange na cimpaka cange,
Njambi yange uje injakulahela.”
3 Mwafwa akwamena ku muheto wa muka-kuta tuzila
Na ku mushongo wa kulitambwisa uje unyongesa.
4 Akufwika na mambaba endi,
Co utewela mwisi ya mambaba endi.
Kulongwa kwendi kupwa ngwe ntelo yakama na cibumbe cije cikunyungilila.
5 Kuutewe cuma coshe-coshe butsiki
Nambe kutewa mikili ije ita mutanya,
6 Nambe mushongo wa kulitambwisa uje ulibemba mu lisusulungu
Nambe kunyonga cije cija mutanya-mwelu.
7 Banu 1,000 bakawila kumukulo wobe,
Co banu 10,000 bakawila ku liboko lyobe lya cilyo,
Oloni yobe, ebi byuma kubikashwene kuli yobe.
8 Ukalimwenabyo lika na mesho obe
Na kulimwena banu bababi mubabana kashitiko.
9 Mwafwa wendekele ngwobe: “Yehova ikeye butewelo bwange.”
Unalingisa Wahakamwa Manene apwe mwela wobe wa kukala.*
10 Kukwesi bukalu bukakwizila,
Co kukwesi cuma cacibi cikaija kuyehi na tenti yobe.
11 Mwafwa akashika tungelo bendi
Mangana bakunyungilile mu bingila byobe byoshe.
12 Bakakukabwila mu maboko abo
Mangana limanya keti likapwesule lindi lyobe.
13 Ukalyatangela muna ndumba na lishuko
Na kulyatangela muna ndumba wa kukola na linyoka wakama.
14 Njambi wendekele ngwendi: “Njimwamena mwafwa wanjizema.
Njimunyungilila mwafwa azibuka lizina lyange.
15 Akatambeka kuli yange, co njikamukumbulula.
Njikakala nendi mu simbu ya bukalu,
Njikamwamena na kumwamesa.
16 Njikamulingisa ayoye myaka yaingi
Na kumulingisa amone bilinga byange bya kwobola.”*
Samu. Mwaso wa litangwa lya Sabata.
92 Kwakubwa kukandelela kuli Yehova
Na kwimba myaso ya kushangazala lizina lyobe, obe Wahakamwa Manene,
2 Kwambulula cizemo cobe cije kucesi kutenguluka, ku mutondo
Na kulongwa kwobe ku butsiki,
3 Oku njikwimbila na cisanzi ca mikole 10 na cisanzi cikwabo ca mikole
Na cilumo cacibwa ca kalyalya.
4 Unanjilingisa njibwahelele, obe Yehova, mwafwa ya bilinga byobe,
Njitambeka mu kubwahelela mwafwa ya bipangi bya maboko obe.
5 Bipangi byobe byapwa byakama manene, obe Yehova!
Bisinganyeka byobe byapwa bya kuloba manene!
6 Munu wa kujeneka kuzibisisa kasa kubizibuka,
Co cilema kasa kuzibisisa ebi:
7 Banu bababi bamena ngwe shaku.
Baka-kulinga byuma byabibi, byuma bibendela bwino
Mangana babanyongese, co kubakakalako lalo.
8 Oloni yobe bakuzumbangeya myaka yoshe, obe Yehova.
9 Cili bene, tala bitozi bobe mubabafungulula, obe Yehova,
Tala bitozi bobe mubanyonga.
Baka-kulinga byuma byabibi boshe bakalishandangana.
10 Oloni wamesa nzili* yange ngwe nzili ya ngombe wa nkomba wa mu shwata.
Njononwesa cikanda cange na mazi amabwa.
11 Mesho ange akatala bitozi bange mubabafungulula.
Matwi ange akaziba kulindumuka kwa banu bababi baje bali na kunjilwisa.
12 Oloni banu ba kusungama bakasikima ngwe muti wa mashakabale.
Bakakola na kupwa bakama ngwe muti wa sida wa mu Lebanoni.
13 Banabakunu mu njibo ya Yehova.
Bali na kusikima mu malapa a Njambi yetu.
14 Nameme mu bukulukazi* bwabo anga batwalelelaho kusikima.
Batwalelelaho kukala na nzili na bukangule.
15 Co bambulula ngwabo Yehova wapwa wa kusungama.
Ikeye Limanya lyange, kesi kulinga byuma bya kujeneka kusungama.
93 Yehova napu Mwene!
Nazala bulemu.
Yehova nazala nzili.
Naizala ngwe mwiba.
Lifuti-libu walizamekele.
Kulyasa kushwena.
2 Litanda lyobe walizamekele kusañulu.
Unakalako myaka yoshe.
3 Bindonga bili na kufwinina, obe Yehova.
Bindonga bili na kufwinina na kucuma.
Bindonga bili na kutwalelelaho kufwinina na kungwanjanga.
4 Oloni yobe, obe Yehova, wapwa uwakama manene mwilu
Kutubakana cilumo ca mema amangi.
Wakala na nzili kutubakana mankimba akama a mu kalunga-ndonga.
5 Byanukiso byobe byapwa bya busunga.
Obe Yehova, kujela cinafwiki* njibo yobe simbu yoshe.
94 Obe Yehova Njambi muka-kulinga shambandinga,
Obe Njambi muka-kulinga shambandinga, twa ceke.
2 Katuka, obe Lyaako wa lifuti-libu.
Ilwisila baka-kulyalesa bije binabapande.
3 Obe Yehova, simbu ya kupwa hali,
Simbu ya kupwa hali ibatwalelelaho kulisamba banu bababi?
4 Byendeka byabo binapu bya kukabangela na kulijundula.
Baka-kulinga byuma byabibi boshe bakalishasha bakebo babenya.
5 Batika banu bobe, obe Yehova,
Na kulyatelela buswana bwobe.
6 Batsiya fwile na munu wa ku lifuti lyeka
Na kutsiya banu baje kubesi na baishabo.
7 Bendeka ngwabo: “Jah kamono.
Njambi ya Jakobu kanangukaho cimo.”
8 Zibisiseni ebi byuma eni baka-kujeneka kuzibisisa.
Eni bilema, tangwa lika mukamwesa ngweni mu baka-kuzibisisa?
9 Uje watangele litwi, kuma kazibi ndi?
Uje watangele lisho, kuma kamono ndi?
10 Uje akolola baka-mafuti, kuma kasa kwendekela ndi?
Ikeye akana banu mangana.
11 Yehova azibuka bisinganyeka bya banu
Ngwendi banapu lika muku.
12 Nabwahelela munu iwolola, obe Jah,
Uje iulongesa lishiko lyobe
13 Mangana umwane kwoloka ha litangwa lya bukalu
Kweta noho hakawila mu bwina munu wamubi.
14 Mwafwa Yehova kaseze banu bendi
Nambe kumbila kuti buswana bwendi.
15 Mwafwa kusompa cikapwa lalo ca kusungama,
Co banu boshe ba kusungama mu bimbunge bakacikabangeya.
16 Iya anjikwasa mangana njilwise banu bababi?
Iya anjikwasa mangana njilwise baka-kulinga byuma byabibi?
17 Ngwe Yehova kapwile mukwasi wange
Ngwe njinanyongo laja.*
18 Munjendekele ngwange: “Lindi lyange lili na kusenutuka,”
Cizemo cobe cije kucesi kutenguluka, obe Yehova, catwaleleleleho kunjikwasa.
20 Kuma litanda* lya lizika-kanwa lyasa kulikwatasana nobe
Oku lili na kukatula bukalu mu lizina lya lishiko ndi?
21 Bali na kulwisa manene munu wa kusungama*
Na kusompela munu wa kujeneka mulonga ngwabo bamutsiye.*
22 Oloni Yehova apwa butewelo bwange bwa kukola.
Njambi yange ikeye limanya lyange lya kutewela.
23 Alingisa bilinga byabo byabibi bibelukile.
Apangesa bubi bwabo mu kubanyongesa.*
Yehova Njambi yetu abanyongesa.*
95 Ijeni tutambeke kuli Yehova mu kubwahelelela!
Tutambeke mu kulisamba ku Limanya lyetu lya kutwobola.
2 Tuyeni ku mesho endi* na kukandelela.
Twimbeni na kutambeka kuli ikeye mu kulisamba.
3 Mwafwa Yehova wapwa Njambi wakama,
Mwene wakama kutubakana binjambi boshe.
4 Masima a lifuti-libu ali mu liboko lyendi.
Minkinda yailaha yapwa yendi.
5 Kalunga-ndonga uje yatangele wapwa wendi,
Co maboko endi akewo atangele libu lya kuma.
6 Ijeni tumulemese na kumutsikamena.
Tutsikameni halutwe lwa Yehova uje watutangele.
7 Mwafwa wapwa Njambi yetu,
Co tu banu ba mu bulilo* bwendi.
Tu bimanga baje bakanyungu.*
Lelo nga mutolilila ku lijwi lyendi,
8 Keti mukaluwise bimbunge byeni ngwe mubalingilile bakukulwila beni ku Meliba,*
Ngwe mubalingilile ku Massa* mu mambo,
9 Bakukulwila beni mubanjesekele,
Kubanjitabele nameme bamwene bipangi byange.
10 Ha myaka 40 cije cisemwa cakele na kunjizibisa bunyengwe, co njendekele ngwange:
“Bapwa banu baje bimbunge byabo bikongumuka simbu yoshe.
Kubazibuka bingila byange.”
11 Mukemwo njalisingile mu kulubala ngwange:
“Kubakakobela mu kuhwima kwange.”
96 Imbileni Yehova mwaso wauha.
Imbileni Yehova yeni boshe mwatunga ha lifuti-libu.
2 Imbileni Yehova. Shangazaleni lizina lyendi.
Ambululeni muzimbu waubwa wa kwobola kwendi, litangwa na litangwa.
3 Ambululeni bumpau bwendi mukati ka baka-mafuti.
Ambululeni bipangi byendi bya kukomokesa mukati ka miyati ya banu boshe.
4 Yehova wapwa wakama, co ikeye ibanapande kushangazala manene.
Wapwa wa kutewesa manene kutubakana binjambi boshe.
5 Binjambi boshe ba miyati ya banu bapwa bangoco.
Oloni Yehova ikeye watangele melu.
6 Bukama* na bulemu bili ku mesho endi.
Nzili na bubwa bili mu mwela wendi wa kujela.
7 Aneni Yehova binamupande, eni binaanga bya miyati ya banu.
Aneni Yehova binamupande mwafwa ya bumpau bwendi na nzili yendi.
8 Aneni Yehova bumpau bunapande lizina lyendi.
Neneni bwana na kukobela mu malapa endi.
9 Tsikameneni* Yehova na bizalo bya kujela.*
Jajeni kulutwe lwendi yeni boshe mwatunga ha lifuti-libu.
10 Ambululeni mukati ka baka-mafuti ngweni: “Yehova napu Mwene!
Lifuti-libu nalizameka, kulyasa kushwena.
Akasompa* miyati yoshe ya banu mwamubwa.”
11 Melu abwahelele na lifuti-libu lilisambe.
Kalunga-ndonga atambeke mu kubwahelela na byoshe byakalamo.
12 Mahya na byoshe byakalamo bibwahelele.
Co lalo miti ya mu shwata yoshe itambeke mu kubwahelela
13 Ku mesho a Yehova, mwafwa ali na kwija,*
Ali na kwija na kusompa lifuti-libu.
Akasompa banu ba ha lifuti-libu mu kusungama
Na miyati ya banu mu kulongwa kwendi.
97 Yehova napu Mwene!
Lifuti-libu libwahelele.
Mañanda amangi alisambe.
2 Mashelwa na lisusulungu lyakama binamuzengeleka.
Kusungama na kwakula mwamubwa bikebyo lubula lwa litanda lyendi.
3 Tuhya tunatwama kulutwe lwendi,
Co tunyongesa bitozi bendi ku mitambela yoshe.
4 Mihyato yendi ihyahyata na kuteteka mu lifuti.
Lifuti-libu liimona, co lijaja.
5 Minkinda isangunuka ngwe sela ku mesho a Yehova,
Ku mesho a Mwata wa lifuti-libu lyoshe.
6 Melu ambulula bya kusungama kwendi,
Co miyati yoshe ya banu imona bumpau bwendi.
7 Boshe baje bali na kupangela tumponya ba kushonga bazibe shwamwa,
Baje bakalishashela binjambi babo bangoco.
Mutsikameneni* eni binjambi boshe.
8 Siyone azibako, co abwahelela.
Bimbongi bya* Juda bilisamba
Mwafwa ya kusompa kwobe, obe Yehova.
9 Mwafwa yobe, obe Yehova, wapwa Wahakamwa Manene hasi hoshe.
Wakala helu manene kutubakana binjambi boshe.
10 Yeni mwazema Yehova, zindeni byuma byabibi.
Akanyungu myonyo* ya bakulongwa bendi.
Akabamena mu maboko* a banu bababi.
11 Ceke cinatwila banu ba kusungama,
Co banu ba kusungama mu bimbunge banabwahelela.
12 Bwaheleleni mwafwa ya Yehova eni banu ba kusungama
Na kushangazala lizina lyendi lya kujela.
Mwaso.
98 Imbileni Yehova mwaso wauha
Mwafwa nalingi byuma bya kukomokesa.
Liboko lyendi lya cilyo, liboko lyendi lya kujela linanene kwoboka.*
2 Yehova nalingisa banu bazibuke bilinga byendi bya kwobola.
Nasholwela baka-mafuti kusungama kwendi.
3 Nanuka cikulaheso cendi ca kumwesa cizemo cendi cije kucesi kutenguluka na kulongwa kwendi ku bakunjibo ya Isalele.
Banu ba ha lifuti-libu hoshe banalimwena kwobola* kwa Njambi yetu.
4 Tambekeni mu kulisamba kuli Yehova, yeni boshe mwatunga ha lifuti-libu.
Joleleni na kutambeka mu kubwahelela na kwimba myaso ya kumushangazala.
5 Imbileni Yehova mwaso wa kumushangazala na kalyalya.
Mwimbileni mwaso waubwa na kalyalya.
6 Tambekeni mu kulisamba ku mesho a Mwene, Yehova
Na mapembo na cilumo ca limbinga.
7 Kalunga-ndonga atambeke mu kubwahelela na byoshe byakalamo
Na lifuti-libu na boshe bakalaho.
8 Bindonga bikande maboko abyo.
Minkinda itambeke hamo mu kubwahelela
9 Ku mesho a Yehova, mwafwa ali na kwija* na kusompa lifuti-libu.
Akasompa banu ba ha lifuti-libu mu kusungama
Na kusompa mwamubwa miyati ya banu.
99 Yehova napu Mwene. Miyati yoshe ya banu ijaje.
Natumama ha litanda helu* lya bakerubi. Lifuti-libu liningange.
2 Yehova wapwa wakama mu Siyone,
Co wakala helu lya miyati ya banu boshe.
3 Bashangazale lizina lyobe lyakama
Mwafwa lyapwa lya kutewesa na kujela.
4 Wapwa Mwene wa nzili uje wazema kwakula mwamubwa.
Unazameka byuma bya kusungama.
Unanene kwakula mwamubwa na kusungama kuli Jakobu.
5 Zumbangeyeni Yehova Njambi yetu na kutsikama* ku citwamo ca kulyata mendi endi.
Wapwa wa kujela.
6 Mosesa na Aloni nabo bapwile tupilistu bendi,
Co Samwele wakele hakati ka banu baje bakele na kusana ha lizina lyendi.
Bakele na kutambeka kuli Yehova,
Co wakele na kubakumbulula.
7 Wakele na kwendeka nabo mu lishelwa.*
Banyungile byanukiso byendi na mashiko abanene.
8 Obe Yehova Njambi yetu, wabakumbulwile.
Wakonekelele milonga yabo,
Oloni wabanene kashitiko* mwafwa ya bilinga byabo byabibi.
9 Zumbangeyeni Yehova Njambi yetu
Na kutsikama* ku munkinda wendi wa kujela,
Mwafwa Yehova Njambi yetu wapwa wa kujela.
Mwaso wa kukandelela.
100 Tambekeni kuli Yehova mu kulisamba yeni boshe mwatunga ha lifuti-libu.
2 Pangeleni Yehova mu kubwahelela.
Ijeni ku mesho endi oku mutambeka mu kubwahelela.
3 Zibukeni ngweni Yehova wapwa Njambi.
Ikeye watutangele, co twakundama kuli ikeye.*
Tu banu bendi na bimanga ba mu bulilo* bwendi.
4 Ijeni ku bikolo byendi na kumukandelela.
Ijeni mu malapa endi na kumushangazala.
Mukandeleleni, shangazaleni lizina lyendi.
5 Mwafwa Yehova wapwa wamubwa.
Cizemo cendi cije kucesi kutenguluka cakalako myaka yoshe.
Co kulongwa cendi cakalako ku bisemwa byoshe.
Mwaso wa Devidi. Samu.
101 Njimba bya cizemo cije kucesi kutenguluka na bya kwakula mwamubwa.
Njimba myaso ya kushangazala yobe, obe Yehova.
2 Njilinga byuma mu kunyanyama na mu kujeneka hakunjipayela.*
Tangwa lika wija kuli yange?
Njikwononoka na mbunge yange yoshe mu njibo yange.
3 Kunjitala cuma cangoco.
Njazinda bilinga bya baje batunda mu ngila ya kusungama.
Kunjilikwatasana nabo.
4 Munu uje ali na mbunge ya kupengapenga ali kulako nange.
Kunjitambula* cuma cacibi.
5 Woshe uje abiisa mukwabo lizina ku bushweke
Njimwolwesa.*
Woshe uje ali na mesho a kulyalesa na mbunge ya kulijundula
Kunjimwecelela.
6 Njitala hali bakulongwa ba ha lifuti-libu
Mangana bakale nange.
Uje enda kwa kujeneka hakumupayela,* anjipangela.
7 Kukwesi muka-kukwisa akala mu njibo yange,
Co kukwesi muka-makuli emana ku mesho ange.
8 Mutondo na mutondo, njolwesa* banu bababi boshe ba ha lifuti-libu,
Mangana njinyongese baka-kulinga byuma byabibi boshe mu nganda ya Yehova.
Lilombelo lya munu ibanalyatelela nga nazeye, co aleka Yehova bukalu bwendi bwoshe.
102 Obe Yehova, ziba lilombelo lyange.
Kulila kwange kwa kulomba bukwasi kwete kuli yobe.
2 Keti unjishwekele cihanga cobe mu simbu ya bukalu.
Jendekela litwi lyobe* kuli yange.
Njikumbulule bwasi munjitambeka.
3 Mwafwa matangwa ange ali na kuhwa ngwe bwisi,
Co bitsiya byange bili na kuyekuma ngwe bili mu liko.
4 Mbunge yange inapu ngwe mwila uje unajujwama na kwenya na litanya,
Mwafwa njikebala kulya byakulya.
5 Mwafwa ya kuteta manene,
Bitsiya byange binalikwata na situ yange.
6 Njinapu ngwe limbondo wa mu mambo,
Ngwe kañulumapanda wa mu ngundu.
7 Njili na cilabulabu.*
Njinapu ngwe kazila uje ali likalyendi ha ciluli.
8 Bitozi bange bali na kunjishendumuna litangwa lyoshe lya mutunu.
Baje bali na kunjijola,* bali na kupangesa lizina lyange nga basinga.
9 Lito likelyoni linapu byakulya byange,
Co byakunwa byange binalikumbasana na misozi
10 Mwafwa ya kulubala kwobe na butenu bwobe,
Mwafwa wanjijundwile na kunjumbila kuti.
11 Matangwa ange ali na kuzimuka ngwe munzinzime,
Co njinazeye ngwe mwila wa kujujwama.
12 Oloni yobe ukalako myaka yoshe, obe Yehova,
Co lutsimo* lwobe lukalako ku bisemwa byoshe.
13 Cili bene ukatuka na kutetela Siyone
Mwafwa ei ikeyo simbu ya kuizibila ngozi.
Simbu iunangula inete.
14 Mwafwa bangamba bobe bashaka mamanya a Siyone,
Co bazema bene na likungu lyayo.
15 Baka-mafuti bazibila lyoba lizina lya Yehova,
Co bimyene boshe ba ha lifuti-libu bazibila lyoba bumpau bwobe.
16 Mwafwa Yehova atungulula Siyone.
Asholola bumpau bwendi.
17 Atolilila ku malombelo a baje bali mu bujene bwakama.
Kayengula malombelo abo.
18 Ebi banabisonekela cisemwa ca kulutwe,
Mangana banu baje basemuka bakashangazale Jah.
19 Mwafwa atala hasi oku ali mu mwela wendi wa kujela mwilu,
Yehova atala lifuti-libu oku ali mwilu
20 Mangana azibe binyengo bya lipanditi
Na kupatula baje babanasompela kutsa,
21 Mangana lizina lya Yehova balyambulule mu Siyone
Na kumushangazala mu Jelusalema,
22 Banu ba miyati yoshe na baka-kuyula
Mubalikungulula hamo mangana bapangele Yehova.
23 Nanjinyekele nzili yange oku simbu kanda yete.
Nakehesele matangwa ange.
24 Njendekele ngwange: “Obe Njambi yange,
Keti unjitsiye simbu kanda njikulubale.
Yobe wakalako ku bisemwa byoshe.
25 Kusañulu wajalele lubula lwa lifuti-libu,
Co melu apwa bipangi bya maboko obe.
26 Bikanyonga, oloni yobe utwalelelaho kukalako.
Bikakulubala ngeci mwa cizalo.
Bihwa, co ubingisa ngwe mubakengisa bizalo.
27 Oloni yobe kuukatenguluka, co myaka yobe kuikahu.
28 Bana ba bangamba bobe bakakala mu kwoloka,
Co bana babo bakabazameka ku mesho obe.
Mwaso wa Devidi.
Mubila wange woshe ushangazala lizina lyendi lya kujela.
2 Njishangazala* Yehova.
Keti njibale byuma byoshe byanalingi.
3 Akukonekela milonga yobe yoshe
Na kukukangwisa ku mishongo yobe yoshe.
4 Asokola mwonyo wobe mu bwina*
Na kukumwesa cizemo cendi cije kucesi kutenguluka na kukutetela.
5 Akushubulwisa na byuma byabibwa mu kuyoya kwobe kwoshe
Mangana nzili yobe ipwe yaiha ngwe ya ngonga.
6 Yehova akalingi mu kusungama na kwakula mwamubwa
Boshe baje babanalyatelela.
7 Washolwele bingila byendi kuli Mosesa
Na bilinga byendi ku bana ba Isalele.
8 Yehova wapwa muka-kutetela na mema ku mbunge,*
Kesi kulubala bwasi, co wakala manene na cizemo cije kucesi kutenguluka.
9 Katondesesa tupenga simbu yoshe
Nambe kukala na nkulundundu myaka yoshe.
10 Katulingile kwesekesa na bubi bwetu
Nambe kutwana kashitiko kanatupande kwesekesa na milonga yetu.
11 Ngwe melu muwakala kulako manene na lifuti-libu,
Mukemwo nawa mucapwila cakama cizemo cendi cije kucesi kutenguluka kuli baje bamuzibila lyoba.
12 Ngwe butuhukilo bwa litangwa mubwakela kulako na bulahukilo bwa litangwa
Na milonga yetu mukemwo mwayakela kulako netu.
13 Ngwe cisemi wa munalume mwakatetela bana bendi,
Yehova nendi natetela baje bakamuzibila lyoba.
14 Mwafwa azibuka mwamubwa cifwa cetu,
Akanuka ngwendi tu likungu.
15 Matangwa a munu anapu ngwe matangwa a mwila,
Napu ngwe ntemo ya mu shwata ije itema,
16 Oloni lihunzi mulihuwa kuikalako.
Kupwa lika ngwe na kukala bene kuyakeleko.
17 Oloni cizemo ca Yehova cije kucesi kutenguluka capwa ca myaka yoshe,*
Kuli baje bamuzibila lyoba.
Akamwesa lalo kusungama kwendi ku bana ba bana babo,
18 Kuli baje bali na kunyunga cikumiiyo cendi
Na kuli baje bali na kulinga mwoshe mubasela kunyunga mashiko endi.
19 Yehova nazameka litanda lyendi mwilu,
Co bumwene bwendi buli na kuyula byuma byoshe.
20 Shangazaleni Yehova, eni tungelo bendi boshe, yeni mwakala manene na nzili,
Yeni mukalingi byakendeka na kukabangeya mashiko endi.
21 Shangazaleni Yehova, eni maswalale bendi boshe,
Yeni baka-kumupangela, mukalingi cizango cendi.
22 Shangazaleni Yehova, eni bipangi byendi byoshe,
Mu myela yoshe muje mwakayulu.
Mubila* wange woshe ushangazala Yehova.
104 Njishangazala* Yehova.
Obe Yehova Njambi yange, uwakama manene.
Unazala bukama* na bulemu.
2 Walifwiki ceke ngwe nanga.
Ujangumuna lilu ngwe tenti.
3 Aka mikambo ya milili yendi ya helu mu mema a mwilu,
Apwisa mashelwa litemba lyendi.
Enda ha mambaba a lihunzi.
4 Akalingisa tungelo bendi bapwe ba nzili,*
Baka-kumupangela bapwe tuhya tuje tunyongesa.
5 Nazameka lifuti-libu ha lubula lwalyo.
Kulikatundu mu mwela walyo myaka yoshe.
6 Walifwikile na mema amangi ngwe uje alifwika na nanga.
Mema afwikile minkinda.
7 Muwatenukile, atewele.
Alijujukilile na kutewa muwazibile cilumo ca cililimo cobe.
8 Aile ku mwela kuje kuwawabwaheselele,
Co minkinda yakandukile, binema byanyekamene.
9 Wawakelele nginga ije kuwapandele kujomboka
Mangana keti afwike lalo lifuti-libu.
10 Njambi atuma tubwelubwelu mu binema.
Twita mu minkinda.
11 Twana mema ku tusitu ba mu shwata.
Bimulu ba mu shwata bamaneselamo lihwila lyabo.
12 Tuzila batungila mashwa ku miti ili ku ngenge yotu tubwelubwelu.
Baimba oku bali ku miti ya kuzika.
13 Ali na kutukumwina minkinda oku ali mu milili yendi ya helu.
Lifuti-libu likuta bushuka bwa bipangi byobe.
14 Ali na kumenesa mwila wa bingombe
Na bimena bibapangesa banu
Mangana hasi hakale byakulya
15 Na binyu bije bilingisa mbunge ya munu ibwahelele
Na mazi aje alingisa cihanga ca munu cileleme
Na byakulya bije bikanyamesa mbunge ya munu.
16 Miti ya Yehova inakuta mema,
Miti ya sida yakunine mu Lebanoni,
17 Kuje kubakatungila tuzila mashwa.
Njibo ya kanyangenyange yakala mu miti ya junipa.
18 Minkinda yailaha yapwa minkinda ya bimembe ba ha minkinda.
Mamanya apwa butewelo bwa mashea.
19 Natanga ngonde mangana imwese bisimbu.
Litangwa lizibuka mwamubwa simbu ya kulahuka.
20 Unena lisusulungu, co butsiki bwija.
Ikeyo simbu ibakendangana tusitu ba mu shwata boshe.
21 Bana ba bindumba* babuluma oku bayomba
Batonda byakulya byabo kuli Njambi.
22 Oloni litangwa mulikya,
Beluka ku mena abo na kulala.
23 Munu aya ku bipangi byendi,
Co afwitangana kweta ku mangwezi.
24 Bipangi byobe byapwa byabingi manene, obe Yehova!
Byoshe unabitanga mu ngila ya mana.
Lifuti-libu linashulu byuma biunatanga.
25 Kuli kalunga-ndonga wakama wa kujanjabala
Muje munashulu byuma bya kuyoya byabingi, byakama nebi byabindondo.
26 Mato aketimo,
Co lalo mwakala Leviatani* uje iwatangele ngwobe ehelemo.
27 Byuma byoshe bya kuyoya binabandamena kuli yobe
Mangana ubyane byakulya ha simbu inapande.
28 Bikakungulula byuma byoshe biukana.
Muujangumuna liboko lyobe, bikuta na byuma byabibwa bitundamo.
29 Nga ushweka cihanga cobe bilijujukila.
Nga ubinyeka sipilitu yabyo, bitsa na kwiluka ku likungu.
30 Muutuma sipilitu yobe, byuma bya kuyoya bisholoka,
Co ulingisa byuma byoshe bya ha lifuti-libu bipwe byabiha.
31 Bumpau bwa Yehova bukalako myaka yoshe.
Yehova abwahelela mwafwa ya bipangi byendi.
32 Atala lifuti-libu, co lijaja.
Akwata minkinda, co ikakumuka bwisi.
33 Njimbila Yehova mu kuyoya kwange kwoshe.
Njimbila Njambi yange myaso ya kumushangazala simbu njiciyoya.
34 Bisinganyeka byange bimuzibise kubwaha.*
Njibwahelela mwafwa ya Yehova.
35 Baka-bubi bakazimangana ha lifuti-libu,
Co banu bababi kubakakalako lalo.
Njishangazala* Yehova. Shangazaleni Jah.*
105 Kandeleleni Yehova, saneni ha lizina lyendi,
Ambululeni bilinga byendi ku miyati ya banu.
2 Mwimbileni, mwimbileni myaso ya kumushangazala.
Singanyekeseseni ha* bipangi byendi byoshe bya kukomokesa.
3 Lishasheni mwafwa ya lizina lyendi lya kujela.
Bimbunge bya baje batonda Yehova bibwahelele.
4 Shakezekeni Yehova na nzili yendi.
Tondeni cihanga cendi simbu yoshe.
5 Anukeni bipangi byendi bya kukomokesa byanapanga,
Anukeni bikomokeso byendi na kusompa mu kusungama kwendi,
6 Eni batekulwila* ba Abrahamu ngamba yendi,
Eni bana ba Jakobu baje banangula.
7 Ikeye Yehova Njambi Yetu.
Majwi endi a kusompa anajalakana ha lifuti-libu hoshe.
8 Anuka cikumiiyo cendi myaka yoshe,
Kebala cikulaheso cakulahesele* banu bendi,
9 Cikumiiyo calikumiiye na Abrahamu,
Na kulisinga kwalisingile kuli Isaki,
10 Kuje kwazamekele ngwe lishiko kuli Jakobu,
Ngwe cikumiiyo ca myaka yoshe kuli Isalele.
11 Ngwendi, “Njikwana lifuti lya Kanana
Kupwa buswana bwobe.”
12 Ha simbu ije bapwile babandondo,
Eyo, babandondo manene, co bapwile baka-kwija.
13 Bakele na kuyebangela kutunda mu lifuti limo kuya mu lifuti likwabo
Na kutunda mu bumwene obu kuya mu bumwene bukwabo.
14 Katabesele munu woshe-woshe abalyatelele,
Oloni wendekelele bimyene mwafwa yabo,
15 Ngwendi, “Keti mukwate bakubwabesa bange,
Co keti mulinge cuma cacibi ku tupolofweto bange.”
16 Wanenele njala yakama mu lifuti.
Wakehesele byakulya byabo.
17 Watumine munalume kulutwe lwabo,
Jozefu uje ibalandesele ngwabo akapwe ndungo.
18 Mendi endi bawakutile* na malyenge.
Singo yendi bayakele mu bikubo.
19 Majwi a Yehova amujelesele
Kweta noho hawalishulisilile majwi endi.
20 Mwene washikile ngwendi bamusokole,
Muka-kuyula miyati ya banu wamupatwile.
21 Wamupwisile shukulu ya bakunjibo yendi,
Muka-kutala bufuko bwendi bwoshe
22 Mangana endese* bamyata bendi mwoshe mwashakela
Na kulongesa bakulunu bendi mana.
23 Ngeci, Isalele wezile mu Ijipiti,
Co Jakobu wayoyele ngwe munu wa ku lifuti lyeka mu lifuti lya Hamu.
24 Njambi walingisile banu bendi basemunwine manene.
Wabalingisile bakale manene na nzili kutubakana bitozi babo.
25 Watabesele bitozi babo batengulule bimbunge byabo na kuzinda banu bendi
Na kuyongola bya kulwisa bangamba bendi.
26 Watumine ngamba yendi Mosesa
Na Aloni uje yangwile.
27 Balingile bikomokeso byendi mukati kabo,
Bizibukiso byendi mu lifuti lya Hamu.
28 Wanenele lisusulungu, co mu lifuti mwazibalele.
Kubalwisile majwi endi.
29 Watengulwile mema abo kupwa maninga
Na kutsiya bisi babo.
30 Mu lifuti lyabo mwashulile mambotwe,
Na mu mapela abo mwoshe.
31 Washikile mazimbe bakobele mu lifuti
Na tumbulumbulu bashule mu mitambela yabo yoshe.
32 Watengulwile nyozi yabo kupwa nyozi ya mamanya
Na kutuma mihyato* mu lifuti lyabo.
33 Wabiisile miti yabo ya binyu na mikuyu yabo
Na kubiisa miti yoshe ya mu lifuti lyabo.
34 Washikile ngwendi bimbimba bakobele mu lifuti,
Bana ba bimbimba babangi manene.
35 Balile bimena byoshe bya mu lifuti,
Co balile byuma byoshe bije byamenene hasi.
36 Co watsiile bantwatwa boshe ba mu lifuti lyabo,
Mashangumukilo a nzili yabo ya kukita.
37 Watuhwisile banu bendi mu lifuti na siuva na goldi.
Co naumo wahi hakati kabo watanukile.
38 Banu ba mu Ijipiti babwahelelele, baIsalele mubatuhukile
Mwafwa babazibilile manene lyoba.
39 Wajangumwine lishelwa mangana libazikinine
Na kushwameka tuhya mangana tubatetekele butsiki.
40 Balombele, co wabanenelele makokwa.
Watwaleleleleho kubashuka na byakulya bya mwilu.
41 Watabwile limanya, co mema angongomokele.
Etile mu mambo ngwe ndonga.
42 Mwafwa wanukile cikulaheso ca kujela cakulahesele ngamba yendi Abrahamu.
43 Ngeci watuhwisile banu bendi oku bali na kulisamba,
Watuhwisile banu bendi bangwile oku bali na kulumwina bingunda.
44 Wabanene mitambela ya baka-mafuti.
Baswanene byuma bibondanganene bakwabo,
45 Mangana banyunge mashiko endi
Na kwononoka mashiko endi.
Shangazaleni Jah!*
106 Shangazaleni Jah!*
Kandeleleni Yehova mwafwa wapwa wamubwa,
Cizemo cendi cije kucesi kutenguluka cakalako myaka yoshe.
2 Iya asa kwambulula mu kushula bilinga bya Yehova bya nzili
Nambe kwambulula bilinga byendi byoshe bije bibanapande kushangazala?
3 Banabwahelela baje bakakula mwamubwa,
Baje bakalingi byuma bya kusungama simbu yoshe.
4 Njanuke, obe Yehova, muuzibila ngozi banu bobe.
Njinyunge na bilinga byobe bya kwobola
5 Mangana njilikuwe bubwa bwobe buumwesa baje baunangula,
Mangana njibwahelele hamo na banu bobe,
Njilishashe mwafwa yobe* hamo na buswana bwobe.
6 Tunalingi bubi ngwe mubalingile bakukulwila betu,
Tunabulumuna, tunalingi byuma byabibi.
7 Bakukulwila betu mubakele mu Ijipiti kubakandelelele ku* bipangi byobe bya kukomokesa.
Kubanukile cizemo cobe cakama cije kucesi kutenguluka.
Oloni bakutengulukilile ku kalunga-ndonga, ku Kalunga-ndonga wa Kubenga.
8 Nameme ngoco, wabobwele mwafwa ya lizina lyendi,
Mangana nzili yendi baizibuke.
9 Watenukilile Kalunga-ndonga wa Kubenga, co womine cau.
Wabetisile ha masima a kalunga-ndonga ngwe baje baita mu mambo.
10 Wabobwele mu liboko lya citozi cabo
Na kubapatula mu liboko lya citozi.
11 Mema angumbwile bitozi babo,
Naumo wahi wobokele.*
12 Ngeci, bakulahelele cikulaheso cendi,
Bashangumukile kwimba myaso ya kumushangazala.
13 Oloni bebalele bwasi byalingile,
Kubabandamenene cinangulo cendi.
14 Bakabangeyeye mashungu abo mu mambo,
Besekele Njambi mu mambo.
15 Wabanene bibalombele.
Oloni wabanene mushongo uje wabazeyesele na kubatsiya.
16 Mubakele mu cilombo, bazibilile Mosesa cipululu
Na Aloni, wakujela wa Yehova.
17 Lifuti-libu lyashamene na kulehula Dathani,
Co lyafwikile baje balikungulwile hamo na Abilamu.
18 Tuhya twepukile mukati ka cibunga cabo.
Mulangi wa tuhya watsiile banu bababi.
19 Bamungile muna ngombe mu Holebu
Na kutsikamena kamponya wa cikubo.
20 Banene bumpau bwange
Ku kamponya wa ngombe wa nkomba wa kulya mwila.
21 Bebalele Njambi, Mwobole wabo,
Uje walingile byuma byakama mu Ijipiti,
22 Uje wapangele bipangi bya kukomokesa mu lifuti lya Hamu
Na bilinga bije bizibisa lyoba ku Kalunga-ndonga wa Kubenga.
23 Washakele kubanyongesa,
Oloni Mosesa uje yangwile wamulambelelele
Mangana emike butenu bwendi buje bunyongesa.
24 Bombwanesele lifuti lyalibwa.
Kubakele na likulahelo mu cikulaheso cendi.
25 Batwaleleleleho kutatoka mu bitenti byabo,
Kubatolilile ku lijwi lya Yehova.
26 Ngeci, wemikile liboko lyendi na kulisinga hali bakebo
Ngwendi abanyongesela mu mambo.
27 Wakele na kulingisa batekulwila babo banyongele mukati ka baka-mafuti
Na kubashandwela mu mafuti eka.
29 Bamulubalesele na bilinga byabo,
Co wabanenelele mushongo wa kulitambwisa.
30 Oloni Finihasi mwakatukile na kulingako bimo,
Uje mushongo wemanene.
31 Ngeci, bamumwene ngwabo wa kusungama
Mu bisemwa byoshe, myaka yoshe.
33 Bamulubalesele,
Co wendekele mu kulupwozoka.
34 Kubanyongesele miyati ya banu
Ngwe mwabashikilile Yehova.
35 Oloni balikumbasanene na baka-mafuti
Na kutembwinina bilinga byabo.
36 Batwaleleleleho kupangela tumponya babo,
Co ou wapwile muheto kuli bakebo.
37 Bakele na kwana bana babo ba banalume
Na bana babo ba banakazi ku badimona kupwa mulambu.
38 Batwaleleleleho kwitila maninga a kujeneka mulonga,
Maninga a bana babo ba banalume na ba banakazi
Baje babanene kupwa mulambu ku tumponya ba mu Kanana.
Co lifuti lyoshe lyajwalele mwafwa ya maninga abetilile.
39 Bajwalele mwafwa ya bipangi byabo.
Balingile buhule bwa ku sipilitu mwafwa ya bilinga byabo.
40 Ngeci, butenu bwa Yehova bwepukilile banu bendi,
Wazibilile bunyengwe buswana bwendi.
41 Welukilile-ilukilile kubana mu maboko a baka-mafuti,
Mangana baje babazinda babayule.
42 Bitozi babo babalyatelelele,
Co bakele na kubendesa.
43 Bisimbu byabingi wakele na kubamena,
Oloni bakele na kumutengulukila na kujeneka kumwononoka.
Co bakele na kubakehesa mwafwa ya milonga yabo.
44 Oloni wakele na kumona bukalu bwabo
Na kuziba kulila kwabo kwa kulomba bukwasi.
45 Wakele na kwanuka cikumiiyo cendi mwafwa yabo,
Co cizemo cendi cakama cije kucesi kutenguluka cakele na kumulingisa abazibile ngozi.*
46 Wakele na kulingisa boshe baje banabatwala mu bundungo
Babazibile ngozi.
47 Twobole, obe Yehova Njambi yetu,
Na kutukungulula kutunda ku mafuti eka
Mangana tushangazale lizina lyobe lya kujela
Na kukushangazala mu kulisamba.
48 Yehova Njambi ya Isalele bamushangazale
Myaka yoshe.*
Co banu boshe bendeke ngwabo: “Ameni!”*
Shangazaleni Jah!*
MUKANDA WAMUCITANU
(Bisamu 107-150)
107 Kandeleleni Yehova mwafwa wapwa wamubwa.
Cizemo cendi cije kucesi kutenguluka cakalako myaka yoshe.
3 Baje bakungulwile kutunda mu mafuti eka,
Kutunda ku butuhukilo bwa litangwa na ku bulahukilo bwa litangwa,
4 Bayebangelele mu mambo, mu lifuti lya kujeneka banu.
Kubawanene ngila iya ku nganda kubapandele kukakala.
5 Bazibile njala na lihwila.
Balezumukile mwafwa ya kujuka.
6 Batwaleleleleho kutambeka kuli Yehova mubakele mu bukalu.
Wabamenene mu bukalu bwabo.
7 Wabatwamenenene mu ngila ya kusungama
Mangana baye mu nganda mubapandele kukakala.
8 Banu bakandelele kuli Yehova mwafwa ya cizemo cendi cije kucesi kutenguluka,
Mwafwa ya bipangi byendi bya kukomokesa byanalingila bana ba banu.
9 Mwafwa nana mema uje natsi lihwila
Na kwana uje natsi njala byakulya byabibwa.
10 Bamo bakele na kuyoya mu lisusulungu lyakama manene,
Mapanditi baje bakele na kuyanda, co lalo babakutile mu bikubo.
11 Mwafwa balwisile lijwi lya Njambi,
Kubasingimikile kunangula kwa Wahakamwa Manene.
12 Wabecelelele bayande mangana bimbunge byabo bilikehese.
Batanukile, co kukwakele munu wa kubakwasa.
13 Batambekele kuli Yehova mubakele mu bukalu.
Wabobwele mu bukalu bwabo.
14 Wabatundisile mu lisusulungu lyakama manene
Na kubatozola malyenge abo.
15 Banu bakandelele kuli Yehova mwafwa ya cizemo cendi cije kucesi kutenguluka,
Mwafwa ya bipangi byendi bya kukomokesa byanalingila bana ba banu.
16 Mwafwa napokola bikolo bya kopa
Na kubatula tupateso twa bikubo.
17 Bapwile bilema, co bayandele
Mwafwa ya milonga yabo na kusebuka kwabo.
18 Bakele na lifutu lya kulya* byakulya byoshe-byoshe.
Bashwenene ku bikolo bya kutsa.
19 Bakele na kutambeka kuli Yehova mubakele mu bukalu.
Wakele na kubobola mu bukalu bwabo.
20 Wakele na kutuma lijwi lyendi na kubakangwisa
Na kubamena mu mena mubawililile.
21 Banu bakandelele kuli Yehova mwafwa ya cizemo cendi cije kucesi kutenguluka,
Mwafwa ya bipangi byendi bya kukomokesa byanalingila bana ba banu.
22 Bane milambu ya kukandelela
Na kwambulula bipangi byendi mu kubwahelela.
23 Baje bakende mu mato ha kalunga-ndonga,
Baje bakalingi mingoso yabo ha mema amangi,
24 Banalimwena bipangi bya Yehova
Na bipangi byendi bya kukomokesa bya mu kalunga-ndonga.
25 Banalimwena lijwi lyendi mulikakatwila lihunzi lyakama,
Kukatula mankimba mu kalunga-ndonga.
26 Mankimba abashela mwilu
Na kubatwala ku masima.
Kusimpa kwabo kuhwa mwafwa ya bukalu buje bubezila.
27 Bali na kupelyangela na kutalyangela ngwe uje napende,
Co butongwe bwabo bwoshe bupwa bwangoco.
28 Ngeci, batambeka kuli Yehova mu bukalu bwabo,
Co abamena mu bukalu bwabo.
29 Olwesa lihunzi lyakama.
Mankimba a mu kalunga-ndonga oloka kulu.
30 Babwahelela mubyoloka kulu,
Co abatwamenena ku cikuma cibashaka.
31 Banu bakandelele kuli Yehova mwafwa ya cizemo cendi cije kucesi kutenguluka,
Mwafwa ya bipangi byendi bya kukomokesa byanalingila bana ba banu.
32 Bamuzumbangeye mu cikungulukilo ca banu,
Na kumushangazala mu munga ya* bakulunu.
33 Atengulula bindonga kupwa mambo
Na tubwelubwelu twa mema kupwa libu lya kuma.
34 Atengulula libu lya bwilo kupwa libu lya kushamuka
Mwafwa ya bilinga byabibi bya baje bakalaho.
35 Atengulula mambo kupwa bihongo bya mema.
Na libu lya kuma kupwa tubwelubwelu twa mema.
36 Alingisa baje bali na njala bakalemo
Mangana batunge nganda mubasa kukala.
37 Bakuna miti ya bushuka bwa binyu
Na bimbuto bikwabo bije bima manene.
38 Ababezikisa, co batuma manene
Kecelela bingombe babo batepuluke.
39 Oloni batepuluka lalo na kubazibisa shwamwa
Mwafwa ya kubalyatelelela, na bukalu na busiwa.
40 Alingisa banu ba bulemu bashauke
Na kubalingisa bayebangele mu mambo mwa kujeneka ngila.
41 Oloni anyungilila tuhutu ku kubalyatelela
Na kulingisa binaanga byabo bitume ngwe butanga.
42 Baka-kusungama bamona ebi byuma, co babwahelela.
Oloni baka-kujeneka kusungama boshe bashoka tunwa twabo babenya.
43 Woshe ali na mana anyunga ebi byuma
Na kusinganyekesesa mwamubwa bilinga bya Yehova bya cizemo cije kucesi kutenguluka.
Mwaso. Samu ya Devidi.
108 Mbunge yange inakanyama, obe Njambi,
Njimba myaso na kukushangazala na mwonyo wange woshe.
2 Induka, obe cisanzi ca mikole nobe kalyalya.
Njinduka mutondo-tondo.
3 Njikushangazala mukati ka miyati ya banu, obe Yehova,
Njikwimbila myaso ya kukushangazala mukati ka baka-mafuti.
4 Mwafwa cizemo cobe cije kucesi kutenguluka cakama, cinaketa na mwilu,
Co kulongwa kwobe kunaketa na mu bukambwila.
5 Mwesa bukama bwobe helu lya melu, obe Njambi.
Bumpau bwobe bukale ha lifuti-libu hoshe
6 Mangana wamene banu bobe bawazema.
Twobole na liboko lyobe lya cilyo na kunjikumbulula.
7 Njambi nendeka mwafwa ya kujela kwendi* ngwendi:
“Njibwahelela munjana banu bange Shekemu kupwa buswana bwabo.
Co njitepa Cinema* ca Sukothi.
8 Giliyadi napu wange ngeci mwa Manase,
Co Efremu napu tepa ya ku mutwe wange.
Juda napu mulamu wa kapitau kange.
9 Mowabi ikeye lilonga lyange lya kutanena.
Njasha lisanda lyange hali Edomu.
Njitambeka mu kulisamba hali Filistiya.”
10 Iya anjitwala ku nganda ya kukola?
Iya anjitwamenena kuketa na ku Edomu?
11 Kuma keti yobe, obe Njambi, uje natubyana,
Njambi yetu uje nalikele kuya na maswalale betu ndi?
12 Tukwase mu bukalu bwetu,
Mwafwa kwobola kwa banu kwapwa kwangoco.
13 Njambi atwana nzili,
Co alyatangela bitozi betu.
Kuli muka-kutwamenena. Mwaso wa Devidi.
109 Obe Njambi injikashangazala, keti utwaleleleho kwoloka kulu.
2 Mwafwa banu bababi na baka-makuli bali na kunjilwisa na tunwa twabo.
Bali na kunjibangeya biñanda bya makuli na bindaka byabo.
3 Bananjizengeleka na majwi amabi
Na kunjilwisa kwa kujeneka mulonga.
4 Njili na kubamwesa cizemo, bakebo banjilwisa.
Oloni yange njili na kutwalelelaho kulombela.
5 Munjibalingila byuma byabibwa, bakebo banjilingila byuma byabibi
Munjibazema bakebo banjizinda.
6 Angula munu wamubi amusompese.
Muka-kulwisa* emane ku liboko lyendi lya cilyo.
7 Mubamusompa bamuwane na mulonga.*
Lilombelo lyendi balimone kupwa bubi.
8 Matangwa endi akehe.
Cipangi cendi ca kutwamenena bacipange ku munu weka.
9 Bana bendi* bapwe bisiwa.
Munakazi wendi apwe fwile.
10 Bana bendi* bapwe baka-kulomba baje baya na kuyebangela.
Batunde mu binjibo byabo bya kusiuka baye na kufwatoka kutonda byakulya.
11 Munu yanakolotela amunyeke byoshe byali nabyo,
Co banu baje kazibuka bapukule bufuko bwendi.
12 Keti kukale umo amuzibila ngozi,*
Co keti kukale umo amwesa ngozi bana bendi baje kubesi na ishabo.
13 Batekulwila bendi babanyongese.
Mazina abo bawazimangane mangana cisemwa cinatako keti cibazibuke.
14 Yehova anuke mulonga wa bakukulwila bendi,
Co bubi bwa ina keti babuzimangane.
15 Simbu yoshe, Yehova anuke bibalingile.
Co azimangane mazina abo mangana keti bawanuke ha lifuti-libu.
16 Mwafwa uje munu kamwesele ngozi,*
Oloni watwaleleleleho kusheka munu ibanalyatelela,
Kusheka kahutu uje napokoka mbunge mangana amutsiye.
17 Wazemene kusinga mukemwo cisingo cezile hali ikeye.
Kashakele kubezikisa, mukemwo kawanene cibezikiso.
18 Bamuzikile bisingo kupwa ngwe bizalo byendi
Na kumwitilabyo ha mubila ngwe mema,
Kumwitilabyo mu bitsiya byendi ngwe mazi.
19 Bisingo byendi bipwe ngwe cizalo califwika.
Bipwe ngwe mwiba wazala simbu yoshe.
20 Ei ikeyo fweto yana Yehova kuli munu uje anjilwisa
Na munu uje endeka byuma byabibi hali yange.
21 Oloni yobe, obe Yehova Mwata Wahakamwa ya Byoshe,
Njilwile mwafwa ya lizina lyobe.
Njamene mwafwa cizemo cobe cije kucesi kutenguluka capwa cacibwa.
22 Mwafwa kunjesi nou wa kunjikwasa, co nji kahutu
Co mbunge yange banaitubu.
23 Njili na kuhwa ngwe munzinzime.
Bananjimyanga ngwe mbimba.
24 Mabuli ange ali na kujaja mwafwa ya kulibindika kulya.
Mubila wange unayondwa, co njili na kuhwila.*
25 Njinapu cuma cibashendumuna.
Mubanjimona balipika ku mitwe.
26 Njikwase, obe Yehova Njambi yange.
Njobole na cizemo cobe cije kucesi kutenguluka.
27 Bazibuke ngwabo eci cinalingiwa na liboko lyobe.
Bazibuke ngwabo yobe, obe Yehova, unacilingi.
28 Becele basinge, oloni yobe bezikisa.
Bazibe shwamwa, mubanjikatukila mangana banjilwise.
Oloni ngamba yobe abwahelele.
29 Baje bali na kunjilwisa bazale kushauka.
Babafwike shwamwa yabo ngwe mukanjo.*
30 Kanwa kange kashangazala manene Yehova.
Njimushangazala ku mesho a banu babangi.
31 Mwafwa emana ku liboko lya cilyo lya kahutu
Mangana amwobole kuli baje bamupaya.
Mwaso wa Devidi.
110 Yehova walekele Mwata wange ngwendi:
“Tumama ku liboko lyange lya cilyo
Kweta noho hanjikakela bitozi bobe kupwa ngwe citwamo ca kulyata mendi obe.”
2 Yehova abwezelela mulamu wa nzili yobe kutunda mu Siyone, ngwendi:
“Ya ukafungulule mukati ka bitozi bobe.”
3 Banu bobe bakalyana bakebo babenya ha litangwa liukatwamenena maswalale bobe ku nzita.*
Mu kujela kwakubwa,
Ukakala na cibunga ca bakwenje bobe ngwe mbundu ya mutondo-tondo.
4 Yehova nalisingi, co katengulula bisinganyeka byendi.* Nalisingi ngwendi:
“U kapilistu myaka yoshe
Ngwe mwa Meukizedeki.”
5 Yehova akakala ku liboko lyobe lya cilyo.
Akatika bimyene ha litangwa lya butenu bwendi.
6 Akasompa baka-mafuti.
Akashulisa lifuti na bibimbi.
Akatika ntwama wa lifuti lyakama.*
7 Akanwa* mema a mu muta uje uli kumukulo wa ngila.
Co akandula mutwe wendi.
א [Alefu]
Njishangazala Yehova na mbunge yange yoshe
ב [Bethi]
Mu cibunga ca bakujela na mu cikungulukilo.
ג [Gimeu]
2 Bipangi bya Yehova byapwa byakama.
ד [Dalethi]
Boshe baje babishaka babitondesesa.
ה [He]
3 Bipangi byendi bimwesa bumpau na bulemu,
ו [Wau]
Co kusungama kwendi kwapwa kwa myaka yoshe.
ז [Zayini]
4 Alingisa bipangi byendi bya kukomokesa babyanuke.
ח [Hethi]
Yehova wakala na mema ku mbunge* na kutetela.
ט [Tethi]
5 Ana byakulya baje bamuzibila lyoba.
י [Yodi]
Anuka cikumiiyo cendi myaka yoshe.
כ [Kafu]
6 Nasholwela banu bendi bipangi byendi bya nzili
ל [Lamedi]
Mwanabana buswana bwa baka-mafuti.
מ [Memu]
7 Bipangi bya maboko endi bimwesa busunga bwendi na kwakula mwamubwa.
נ [Nuni]
Mashiko endi oshe apwa a busunga.
ס [Sameki]
8 Twasa kuwakulahela simbu yoshe, ha simbu ino na ku myaka yoshe.
ע [Ayini]
Bawatunga mu busunga na mu kusungama.
פ [Pe]
9 Nasokola banu bendi.
צ [Sade]
Nashikile ngwendi cikumiiyo cendi cikaleko myaka yoshe.
ק [Kofu]
Lizina lyendi lyapwa lya kujela na kutewesa.
ר [Reshi]
10 Kuzibila Yehova lyoba akewo mashangumukilo a mana.
ש [Sini]
Baje bononoka mashiko endi bamwesa kuzibisisa.
ת [Tau]
Bamushangazale myaka yoshe.
112 Shangazaleni Jah!*
א [Alefu]
Nabwahelela munu uje azibila Yehova lyoba,
ב [Bethi]
Uje wazema manene mashiko endi.
ג [Gimeu]
2 Batekulwila bendi bakala na nzili ha lifuti-libu,
ד [Dalethi]
Co cisemwa ca banu ba kusungama bakacibezikisa.
ה [He]
3 Bufuko buli mu njibo yendi,
ו [Wau]
Co kusungama kwendi kutwalelelaho myaka yoshe.
ז [Zayini]
4 Ku banu ba kusungama atwa ceke ngwe ceke citwila mu lisusulungu.
ח [Hethi]
Wakala na mema ku mbunge* na kutetela na kusungama.
ט [Tethi]
5 Byuma byendela mwamubwa munu uje akolotesa bakwabo na mbunge imolika.
י [Yodi]
Akalingi byuma mwamubwa.
כ [Kafu]
6 Kubamuningangesa.
ל [Lamedi]
Banu ba kusungama babanuka myaka yoshe.
מ [Memu]
7 Katewe mizimbu yaibi.
נ [Nuni]
Mbunge yendi inemana mbe. Nakulahela Yehova.
ס [Sameki]
8 Mbunge yendi inasimpi. Kazibi lyoba.
ע [Ayini]
Mamaneselelo akatala bitozi bendi mubabafungulula.
ס [Sameki]
9 Napangela banu babangi byuma byendi. Nanako tuhutu.
צ [Sade]
Kusungama kwendi kutwalelelaho myaka yoshe.
ק [Kofu]
Nzili* yendi bayamesa na bumpau.
ר [Reshi]
10 Munu wamubi alimwena ebi byuma, co alubala.
ש [Shini]
Alishuma ku mayo na kuziluka.
ת [Tau]
Mashungu a munu wamubi akanyonga.
113 Shangazaleni Jah!*
Mushangazaleni eni bangamba ba Yehova.
Shangazaleni lizina lya Yehova.
2 Lizina lya Yehova balishangazale,
Kushwa hano kutwala ku myaka yoshe.
3 Kutunda ku butuhukilo bwa litangwa kuya ku bulahukilo bwalyo,
Lizina lya Yehova balishangazale.
4 Yehova wakala helu lya baka-mafuti boshe.
Bumpau bwendi buli helu lya melu.
5 Iya nafu ngwe Yehova Njambi yetu
Uje wakala* mwilu manene?
6 Akakulama na kutala lilu na lifuti-libu
7 Mangana atundise munu wa kwisi mu likungu.
Atundisa kahutu ha mutumbo wa lito*
8 Mangana amutumbike hamo na banu ba bulemu,
Banu bendi ba bulemu.
9 Ana mumba njibo
Na kumupwisa cisemi wa kubwahelela.
Shangazaleni Jah!*
114 Isalele mwatundile mu Ijipiti,
Bakunjibo ya Jakobu mubatundile ku banu baje bakele na kwendeka ndaka yeka,
2 Juda wapwile mwela wendi wa kujela,
Isalele wapwile bumwene bwendi.
3 Kalunga-ndonga mwabimwene watewele.
Jodani yelukile munima.
4 Minkinda yajombozokele ngwe bimanga ba nkomba.
Malundu ajombozokele ngwe bana ba bimanga.
5 Obe kalunga-ndonga, bika binakutewesa?
Obe Jodani, bika binakwilwisa munima?
6 Eni minkinda, bika bimunajombozokela ngwe bimanga ba nkomba?
Eni malundu, bika bimunajombozokela ngwe bana ba bimanga?
7 Obe lifuti-libu, jaja mwafwa ya Mwata,
Mwafwa ya Njambi ya Jakobu,
8 Uje akatengulula limanya kupwa cihongo ca mema,
Limanya lya kukola kupwa tubwelubwelu twa mema.
115 Obe Yehova, bumpau keti bwije kuli yetu, keti bwije kuli yetu,
Oloni bwije ku lizina lyobe
Mwafwa ya cizemo cobe cije kucesi kutenguluka na kulongwa kwobe.
2 Bika bibendekela baka-mafuti ngwabo:
“Njambi yabo ali kuli?”
3 Njambi yetu ali mwilu.
Akalingi byoshe byashaka.
4 Tumponya babo bapwa ba siuva na goldi,
Bapwa bipangi bya maboko a banu.
5 Bali na tunwa, oloni kubasa kwendeka.
Bali na mesho, oloni kubasa kumona.
6 Bali na matwi, oloni kubasa kuziba.
Bali na majulu, oloni kubasa kuziba bweko.
7 Bali na maboko, oloni kubasa kukwata.
Bali na mendi, oloni kubasa kwenda.
Ha milibu yabo kuhasa kutunda lijwi.
8 Baje bakabapanga bapwa ngwe bakebo
Na baje boshe banakulahela aba tumponya.
9 Eni baIsalele, kulaheleni Yehova.
Ikeye mukwasi weni na ntelo yeni.
10 Eni bakunjibo ya Aloni, kulaheleni Yehova.
Ikeye mukwasi weni na ntelo yeni.
11 Yeni mukazibila Yehova lyoba, kulaheleni Yehova.
Ikeye mukwasi weni na ntelo yeni.
12 Yehova atwanuka, co atubezikisa.
Abezikisa bakunjibo ya Isalele.
Abezikisa bakunjibo ya Aloni.
13 Abezikisa baje bakazibila Yehova lyoba,
Bakama na babandondo.
14 Yehova amitumisa,
Yeni na bana beni.
15 Yehova amibezikise,
Uje watangele lilu na lifuti-libu.
16 Melu apwa a Yehova,
Oloni lifuti-libu nalyana bana ba banu.
17 Batsi kubesi kushangazala Jah
Nambe baje baya mu mwela wa kwoloka kubesi kumushangazala.
18 Oloni yetu tushangazala Jah
Kushwa hano kutwala ku myaka yoshe.
Shangazaleni Jah!*
116 Njazema Yehova
Mwafwa akazibi lijwi lyange,* kulumbununa kulambelela kwange kwa kulomba bukwasi.
3 Mikole ya kutsa yanjizengazengele.
Cihilo canjipalakanyene.
Njakele mu bukalu na busiwa bwakama manene.
4 Oloni njasanene ha lizina lya Yehova ngwange:
“Obe Yehova, njamene!”
5 Yehova wakala na mema ku mbunge* na kusungama.
Njambi yetu wapwa muka-kutetela.
6 Yehova ali na kunyungilila baje kubesi na mana.
Banjikehesele, co wanjobwele.
7 Mwonyo* wange uhwime lalo,
Mwafwa Yehova nanjilingi mwamubwa.
8 Unanjamena ku kutsa,
Unasikumuna misozi yange na kwamena lindi lyange ku kutanuka.
9 Njipangela Yehova ha simbu injili na kuyoya.
10 Njakele na likulahelo mukemwo njendekele.
Banjiyandesele manene.
11 Ngeci mwangeni, njakele mu citanga, co njendekele ngwange:
“Munu woshe wapwa muka-makuli.”
12 Bika binjifweta Yehova
Ha byuma byoshe byabibwa byananjilingila?
13 Njitambula nganja ya kwoboka,
Na kusana ha lizina lya Yehova.
14 Njilinga binjinalikumiiya kuli Yehova
Ku mesho a banu bendi boshe.
15 Kutsa kwa banu ba Yehova ba kulongwa
Kunapu cuma cakama* kuli ikeye.
16 Njikulomba, obe Yehova,
Mwafwa nji ngamba yobe.
Nji ngamba yobe, muna ndungo yobe wa munakazi.
Unanjipatula mu malyenge.
17 Njikwana mulambu wa kukandelela.
Njisana ha lizina lya Yehova.
18 Njilinga binjinalikumiiya kuli Yehova
Ku mesho a banu bendi boshe,
19 Mu malapa a njibo ya Yehova,
Mukati kobe, obe Jelusalema.
Shangazaleni Jah!*
117 Shangazaleni Yehova yeni baka-mafuti boshe.
Mwaneni bumpau yeni banu ba miyati yoshe.
2 Mwafwa cizemo cendi cije kucesi kutenguluka cakatumwesa capwa cakama.
Kulongwa kwa Yehova kukalako myaka yoshe.
Shangazaleni Jah.*
118 Kandeleleni Yehova mwafwa wapwa wamubwa.
Cizemo cendi cije kucesi kutenguluka cakalako myaka yoshe.
2 Isalele endeke ngwendi:
“Cizemo cendi cije kucesi kutenguluka cakalako myaka yoshe.”
3 Bakunjibo ya Aloni bendeke ngwabo:
“Cizemo cendi cije kucesi kutenguluka cakalako myaka yoshe.”
4 Baje bakazibila Yehova lyoba bendeke ngwabo:
“Cizemo cendi cije kucesi kutenguluka cakalako myaka yoshe.”
5 Njatambekele kuli Jah mu bukalu bwange,
Co Jah* wanjikumbulwile na kunjinena mu mwela wa kujeneka bushonde.
6 Yehova ali ku mutamba wange, kunjizibi lyoba.
Munu asa kunjilinga bikajo?
7 Yehova ali ku mutamba wange kupwa mukwasi wange.*
Njikatala baje banjizinda mubabafungulula.
8 Kwakubwa kutewela kuli Yehova
Kutubakana kukulahela banu.
9 Kwakubwa kutewela kuli Yehova
Kutubakana kukulahela bamyata.
10 Baka-mafuti boshe banjizengelekele,
Oloni mu lizina lya Yehova,
Njabanakwile.
11 Banjizengelekele, eyo banjishetwile,
Oloni mu lizina lya Yehova,
Njabanakwile.
12 Banjijemukilile ngwe bimuka,
Oloni bazimine bwasi-bwasi ngwe tuhya twa mu mingonga.
Mu lizina lya Yehova,
Njabanakwile.
13 Banjinakwile* manene mangana njiwe,
Oloni Yehova wanjikwasele.
14 Jah ikeye nzili yange na mwela wange wa kubanda,
Co napu kwoboka kwange.
15 Cilumo ca kubwahelela neci ca kwoboka*
Cili mu bitenti bya banu ba kusungama.
Liboko lya Yehova lya cilyo lili na kumwesa nzili yalyo.
16 Liboko lya Yehova lya cilyo lili na kulijundula likelyo babenya.
Liboko lya Yehova lya cilyo lili na kumwesa nzili yalyo.
17 Kunjitsi embwe, njitwalelelaho kuyoya,
Mangana njambulule bipangi bya Jah.
18 Jah wanjitenukilile manene,
Oloni kanjecelelele njitse.
19 Njishokolweleni bikolo bya kusungama,
Njikobelamo na kushangazala Jah.
20 Eci cikeco cikolo ca Yehova.
Munu wa kusungama akobelamo.
21 Njikushangazala mwafwa wanjikumbulwile
Na kupwa mwobole wange.
23 Yehova ikeye nalingi eci cuma.
Co cinapu ca kukomokesa mu mesho etu.
24 Eli likelyo litangwa lyanabwahesa Yehova.
Tubwahelela na kulisamba ha litangwa eli.
25 Obe Yehova, twobole, shukulu-kambu, tukulomba!
Obe Yehova, tukwase tuhyane, shukulu-kambu!
26 Nabezika uje aija mu lizina lya Yehova.
Tumilombela bibezikiso bya mu njibo ya Yehova.
27 Yehova ikeye Njambi.
Ikeye muka-kutwana ceke.
Kobeleni ha cendo ca baje bali na kuya ku cilika oku banakwata minango mu maboko abo,
Kuketa bene na ku mambinga a mutula.
28 Yobe Njambi, co njikushangazala.
Njambi yange, njikuzumbangeya.
29 Kandeleleni Yehova mwafwa wapwa wamubwa.
Cizemo cendi cije kucesi kutenguluka cakalako myaka yoshe.
א [Alefu]
119 Banabwahelela baje kubesi naha hakubapayela* mu kuyoya kwabo.
Baje benda mu lishiko lya Yehova.
2 Banabwahelela baje banyunga byanukiso byendi,
Baje bamutonda na bimbunge byabo byoshe.
3 Kubesi kulinga byuma bya kujeneka kusungama.
Bakende mu bingila byendi.
4 Unashiki ngwobe
Mashiko obe bawanyunge mwamubwa.
5 Njashaka kwimana mbe*
Mangana njinyunge mashiko obe.
6 Kunjizibi shwamwa
Nga njisinganyekesesa mashiko obe oshe.
7 Njikushangazala na mbunge ya kusungama
Nga njililongesa mashiko obe a kusungama.
8 Njinyunga mashiko obe
Keti unjumbile kuti.
ב [Bethi]
9 Mukwenje asa kunyunga bati ngila yendi ipwe ya kujela?
Nga atwalelelaho kulinyunga kwesekesa na lijwi lyobe.
10 Njili na kukushakezeka na mbunge yange yoshe.
Keti unjecelele njitunde ku mashiko obe.
11 Njitulika majwi obe mu mbunge yange
Mangana keti njilinge bubi ku mesho obe.
12 Bakushangazale, obe Yehova.
Njilongese mashiko obe.
13 Njambulula na kanwa kange
Mashiko obe oshe aunendeka
14 Byanukiso byobe bikanjizibisa kubwaha
Kutubakana byuma byoshe bya seho.
15 Njisinganyekesesa* mashiko obe
Na kutalesa mesho ange ha bingila byobe.
16 Njazema mashiko obe.
Kunjikebala lijwi lyobe.
ג [Gimeu]
17 Linga mwamubwa ngamba yobe
Mangana njiyoye, na kunyunga lijwi lyobe.
18 Tonesa mesho ange mangana njimone mwamubwa
Byuma bya kukomokesa bili mu lishiko lyobe.
19 Nji munu wa kutunda ku lifuti lyeka muno mu lifuti.
Keti unjishwekele mashiko obe.
20 Simbu yoshe njili na cishota mbunge
Ca kushaka kuzibuka mashiko obe.
21 Utenukila banu ba kulyalesa,
Banu ba kusingiwa baje batunda ku mashiko obe.
22 Balingise balikele kunjishendumuna na kunjishaula
Mwafwa njinanyungu byanukiso byobe.
23 Nameme bamyata batumama hamo na kunjendeka mwamubi,
Ngamba yobe asinganyekesesa* mashiko obe.
24 Njazema byanukiso byobe
Bikanjinangula.
ד [Dalethi]
25 Njibulumana mu likungu.
Njinyunge kwesekesa na lijwi lyobe.
26 Njakulekele bingila byange, co wanjikumbulwile.
Njilongese mashiko obe.
27 Njikwase njizibisise biwalumbununa* mashiko obe
Mangana njisinganyekesese ha* bipangi byobe bya kukomokesa.
28 Kunjesi na kumona tulo mwafwa ya busiwa.
Njikanyamese kwesekesa na lijwi lyobe.
29 Njikwase mangana keti njipwe muka-makuli,
Co njizibile ngozi mangana njizibuke lishiko lyobe.
30 Njinangula ngila ya kulongwa.
Njizibuka ngwange mashiko obe a kusungama.
31 Njakakateya ku byanukiso byobe.
Obe Yehova, keti unjecelele banjizibise shwamwa.
ה [He]
33 Obe Yehova, njilongese ngila ya mashiko obe,
Co njiikabangeya kweta na kushongo.
34 Njikwase njipwe muka-kuzibisisa
Mangana njikabe lishiko lyobe
Na kulinyunga na mbunge yange yoshe.
35 Njitwamenene* mu ngila ya mashiko obe
Mwafwa njaishaka.
36 Talesa mbunge yange ku byanukiso byobe,
Keti ku kuwana byuma binjishaka lika yange.*
37 Tundisa mesho ange ku byuma byangoco.
Njinyungilile mu ngila yobe.
39 Njitundise shwamwa ije ili na kunjizibisa lyoba
Mwafwa mashiko obe apwa amabwa.
40 Tala munjashungwiiya mashiko obe.
Njinyungilile kwesekesa na kusungama kwobe.
ו [Wau]
41 Njimwese cizemo cobe cije kucesi kutenguluka, obe Yehova.
Njobole kwesekesa na cikulaheso cobe,*
42 Co njikumbulula uje ali na kunjishendumuna
Mwafwa njakulahela lijwi lyobe.
43 Keti utundisilile lijwi lya busunga mu kanwa kange
Mwafwa njalabelela* kusompa kwobe.
44 Njitwalelelaho kunyunga lishiko lyobe
Myaka yoshe.
45 Co njenda mu mwela wa kujeneka bushonde
Mwafwa njishakezeka mashiko obe.
46 Njendeka bya byanukiso byobe ku mesho a bimyene,
Co kunjizibi shwamwa.
47 Njazema mashiko obe,
Eyo njawazema.
48 Njilombela kuli yobe oku njajundula maboko ange mwafwa ya mashiko obe aje anjazema,
Co njisinganyekesesa mashiko obe.
ז [Zayini]
50 Ebi bikebyo bikanjizembeleka mu kayando kange
Mwafwa biukendeka binanyungilila mwonyo wange.
51 Munu wa kulyalesa ali na kunjishendumuna manene,
Oloni yange kunjitundu ku lishiko lyobe.
52 Njanuka kusompa cobe ca kusañulu, obe Yehova,
Co cinjizembeleka.
53 Njinalubala manene mwafwa ya banu bababi
Baje bakombila lishiko lyobe.
54 Mashiko obe apwa myaso kuli yange
Kwoshe-kwoshe kunjikala.*
55 Ku butsiki njanuka lizina lyobe, obe Yehova,
Mangana njinyunge lishiko lyobe.
56 Omu mukemwo munjikalingi
Mwafwa njinanyungu mashiko obe.
ח [Hethi]
57 Yehova ikeye mutamba wange.
Njinakulahesa kunyunga majwi obe.
58 Njikulambelela* na mbunge yange yoshe.
Njizibile ngozi kwesekesa na cikulaheso cobe.*
59 Njinelula bingila byange
Mangana njilwise lalo mendi ange ku byanukiso byobe.
60 Njizambula kunyunga mashiko obe,
Kunjishwala.
61 Mikole ya banu bababi inanjizengazenga,
Oloni kunjibala lishiko lyobe
62 Mukati ka butsiki njinduka na kukukandelela
Mwafwa ya kusompa kwobe kwa kusungama.
63 Nji kabusamba ka baje boshe bakakuzibila lyoba
Na baje bakanyungu mashiko obe.
64 Obe Yehova, cizemo cobe cije kucesi kutenguluka cashulu ha lifuti-libu.
Njilongese mashiko obe.
ט [Tethi]
65 Obe Yehova, unalingi mwamubwa ngamba yobe,
Kwesekesa na lijwi lyobe.
66 Njilongese mana na mangana
Mwafwa njinakulahela mashiko obe.
67 Simbu kanda njiyande, njakele na kungumuka.*
Oloni hano njili na kunyunga lijwi lyobe.
68 Uwamubwa na bipangi byobe byabibwa.
Njilongese mashiko obe.
69 Banu ba kulyalesa bali na kunjikutiiya biñanda bya makuli,
Oloni yange njinyunga mashiko obe na mbunge yange yoshe.
70 Bimbunge byabo binambumbula,
Oloni yange njazema lishiko lyobe.
71 Cabwaha munjinayanda
Mangana njililongese mashiko obe.
72 Lishiko liunendeka lyalibwa kuli yange
Kutubakana makulukazi a goldi na siuva.
י [Yodi]
73 Maboko obe anjimungile na kunjitanga.
Njikwase njipwe muka-kuzibisisa
Mangana njililongese mashiko obe.
74 Baje bakakuzibila lyoba mubanjimona babwahelela,
Mwafwa lijwi lyobe likelyo lilabelelo lyange.*
75 Obe Yehova, njizibuka ngwange kusompa kwobe kwapwa kwa kusungama,
Co unanjiyandesa mwafwa ya kulongwa kwobe.
76 Shukulu-kambu, cizemo cobe cije kucesi kutenguluka cinjizembeleke
Kwesekesa na cikulaheso* ciwakulahesele ngamba yobe.
77 Njitetele mangana njitwaleleleho kuyoya
Mwafwa njazema lishiko lyobe.
78 Banu ba kulyalesa bazibe shwamwa
Mwafwa bakanjibulumuna kwa kujeneka binjinabalingi.
Oloni yange njisinganyekesesa* mashiko obe.
79 Baje bakakuzibila lyoba beluke kuli yange,
Baje bazibuka byanukiso byobe.
80 Mbunge yange keti ikale naha hakuipayela munjikabangeya mashiko obe
Mangana keti banjizibise shwamwa.
כ [Kafu]
81 Njashungwiya kwobola kwobe
Mwafwa lijwi lyobe likelyo lilabelelo lyange.*
82 Mesho ange anashungwiya biwendeka
Oku njendeka ngwange: “Unjizembeleka tangwa lika?”
83 Mwafwa njinapu ngwe ngonga ya cilambu ibanomisila mu bwisi,
Oloni kunjibala mashiko obe.
84 Ngamba yobe abandamena matangwa angahi?
Tangwa lika usompa baje bali na kunjiyandesa?
85 Banu ba kulyalesa bali na kunjindila mena,
Baje kubesi kwononoka lishiko lyobe.
86 Mashiko obe oshe apwa a busunga.
Banu bali na kunjiyandesa kwa kujeneka binjinabalingi. Njikwase!
87 Hahandende banjinyongese ha lifuti-libu,
Oloni kunjasezele mashiko obe.
88 Njinyungilile mwafwa ya cizemo cobe cije kucesi kutenguluka
Mangana njinyunge byanukiso byobe biunendeka.
ל [Lamedi]
89 Obe Yehova, lijwi lyobe
Litwalelelaho kukala mwilu myaka yoshe.
90 Kulongwa kwobe kukalako ku bisemwa byoshe.
Unazameka lifuti-libu mangana litwaleleleho kukalako.
91 Mwafwa ya kushika kwobe binatwalelelaho* kukalako kwa kweta na lelo lino
Mwafwa byoshe byapwa bangamba bobe.
92 Ngwe kunjazemene lishiko lyobe, ngwe njinanyongo laja
Mwafwa ya kayando kange.
93 Kunjikebala mashiko obe
Mwafwa akewo aunapangesa mu kunjinyungilila.
94 Njinakundama kuli yobe,
Njobole mwafwa njinashakezeka mashiko obe.
95 Banu bababi banabandamena kunjinyongesa,
Oloni njaka mbunge ku byanukiso byobe.
96 Njalimwena ngwange byuma byoshe bya kulumbunuka byakala naha habyasikisila,
Oloni lishiko lyobe kulyakele naha halyasikisila.*
מ [Memu]
98 Lishiko lyobe lili na kunjilingisa njipwe wa kunyanyama kutubakana bitozi bange
Mwafwa lili nange myaka yoshe.
99 Nji munu wa kuzibisisa manene kutubakana balongesi bange boshe
Mwafwa njikasinganyekesesa* ha byanukiso byobe.
100 Njikalingi byuma mu kuzibisisa kutubakana bakulunu
Mwafwa njikanyungu mashiko obe.
101 Njikabyana kwenda mu ngila yoshe-yoshe yaibi
Mangana njinyunge lijwi lyobe.
102 Kunjesi kutunda ku mashiko obe
Mwafwa unanjilongesa.
103 Majwi obe atobala mu ndakwilo yange,
Atobala kutubakana buki mu kanwa kange.
104 Mwafwa ya mashiko obe njikalingi byuma mu kuzibisisa.
Mukemwo njazinda ngila yoshe ya makuli.
נ [Nuni]
105 Lijwi lyobe lyapwa ndeya ku mendi ange
Na ceke mu ngila yange.
106 Njinalisingi ngwange njinyunga mashiko obe a kusungama,
Co njilinga bene ngoco.
107 Bananjiyandesa manene.
Obe Yehova, njinyungilile kwesekesa na lijwi lyobe.
108 Shukulu-kambu, milambu yange ya kukushangazala ya kutundilila kwisi ya mbunge* ikuzibise kubwaha, obe Yehova,
Co njilongese mashiko obe.
109 Mwonyo wange uli mu bushonde simbu yoshe,*
Oloni kunjebalele lishiko lyobe.
110 Banu bababi bananjitela muheto
Oloni kunjatundile ku mashiko obe.
111 Njamona byanukiso byobe kupwa bufuko* bwange bwa myaka yoshe
Mwafwa bikalingisa mbunge yange ibwahelele.
112 Njinalyangwila* kwononoka mashiko obe
Simbu yoshe kweta na ku mamaneselelo a kuyoya kwange.
ס [Sameki]
113 Njazinda banu ba bimbunge bibali,
Oloni njazema lishiko lyobe.
114 Yobe mwela wange wa kubanda na ntelo yange
Mwafwa lijwi lyobe likelyo lilabelelo lyange.*
115 Njishondolokeni eni banu bababi
Mangana njononoke mashiko a Njambi yange.
116 Njikwase ngwe muwanjikulahesele*
Mangana njitwaleleleho kuyoya.
Keti utabese lilabelelo lyange litenguluke kupwa shwamwa.
117 Njikwase mangana njoboke,
Co simbu yoshe njaka mbunge ku mashiko obe.
118 Ubyana boshe baje batunda ku mashiko obe,
Mwafwa bapwa baka-makuli na kukwisa.
119 Umbila banu bababi boshe ba ha lifuti-libu ngwe uje ombila mazilo.
Mukemwo njazema byanukiso byobe.
121 Njalingi byuma byabibwa na byuma bya kusungama.
Keti unjecelele mu maboko a baje bali na kunjilyatelela.
122 Kulahesa ngwobe ngamba yobe akala mwamubwa.
Banu ba kulyalesa keti banjilyatelele.
123 Mesho ange anajuka kubandamena kwobola kwobe
Na cikulaheso* cobe ca kusungama.
124 Mwesa ngamba yobe cizemo cobe cije kucesi kutenguluka
Na kunjilongesa mashiko obe.
125 Nji ngamba yobe. Njikwase njipwe nji munu wa kuzibisisa,
Mangana njizibuke byanukiso byobe.
126 Simbu ya Yehova ya kulingako bimo inete
Mwafwa banapokola lishiko lyobe.
127 Mukemwo njazema mashiko obe
Kutubakana goldi, nameme bene goldi yaibwa manene.*
128 Ngeci, njamona bilongesa* byoshe bya kutunda kuli yobe kupwa byabibwa.
Njazinda ngila yoshe ya makuli.
פ [Pe]
129 Byanukiso byobe byapwa byabibwa.
Mukemwo njinabinyungu.
130 Kujombolola majwi obe kunena ceke.
Kulingisa baka-kujeneka mana bapwe baka-kuzibisisa.
131 Njashama manene mu kanwa kange na kututumwisa,*
Mwafwa ya kushungwiya mashiko obe.
132 Tengulukila kuli yange na kunjizibila ngozi
Kwesekesa nomu muukasompela baje bazema lizina lyobe.
133 Njitwamenene na lijwi lyobe mangana njende mu ngila ya kujeneka bushonde.
Keti kukale cuma cacibi cinjendesa.
134 Njamene* ku baka-kulyatelela,
Co njinyunga mashiko obe.
135 Lingisa cihanga cobe cibyakwile* ngamba yobe
Na kunjilongesa mashiko obe.
136 Misozi ili na kunjululuka mu mesho ange
Mwafwa banu kubesi na kunyunga lishiko lyobe.
צ [Sade]
137 Uwakusungama, obe Yehova,
Co kusompa kwobe kwakubwa.
138 Byanukiso biukaka bya kusungama,
Co banu basa kubikulahela manene.
139 Ntwima yange injilya
Mwafwa bitozi bange banebala majwi obe.
140 Lijwi lyobe linajele manene,
Co ngamba yobe walizema.
141 Nji wamundondo, co bananjombwanesa.
Oloni kunjebalele mashiko obe.
142 Kusungama kwobe kwapwa kusungama kwa myaka yoshe,
Co lishiko lyobe lyapwa busunga.
143 Nameme kayando na bukalu binjizila,
Njitwalelelaho kuzema mashiko obe.
144 Kusungama kwa byanukiso byobe kwapwa kwa myaka yoshe.
Njikwase njipwe nji munu wa kuzibisisa mangana njitwaleleleho kuyoya.
ק [Kofu]
145 Njitambeka kuli yobe na mbunge yange yoshe. Njikumbulule, obe Yehova.
Njinyunga mashiko obe.
146 Njitambeka kuli yobe. Njobole!
Njinyunga byanukiso byobe.
147 Njinenduka simbu kanda kukye* mangana njitambeke na kulomba bukwasi
Mwafwa majwi obe apwa lilabelelo lyange.*
148 Njinyangumuka mukati ka butsiki
Mangana njisinganyekesese* lijwi lyobe.
149 Tolilila ku lijwi lyange mwafwa ya cizemo cobe cije kucesi kutenguluka.
Obe Yehova, njinyungilile kwesekesa nomu muukakwila mwamubwa.
150 Baje bakalingi byuma bya shwamwa bashwena muyehi.
Bali kulako na lishiko lyobe.
151 Obe Yehova, wakala muyehi,
Co mashiko obe oshe apwa busunga.
152 Kusañulu, njalilongesele bya byanukiso byobe.
Njalilongesele ngwange wabizameka mangana bikaleko myaka yoshe.
ר [Reshi]
153 Tala kayando kange na kunjamena
Mwafwa kunjebalele lishiko lyobe.
154 Njilwile na kunjamena.
Njinyungilile kwesekesa na cikulaheso cobe.*
155 Kwoboka kuli kulako na banu bababi
Mwafwa kubashakezekele mashiko obe.
156 Kutetela kwobe kwapwa kwakama, obe Yehova.
Njinyungilile kwesekesa nomu muukakwila mwamubwa.
157 Bakakunjiyandesa na bitozi bange babangi,
Oloni kunjangunukile ku byanukiso byobe.
158 Njikazibi bunyengwe munjikatala baka-kukwisa
Mwafwa kubesi kunyunga lijwi lyobe.
159 Tala munjazemena mashiko obe!
Obe Yehova, njinyungilile mwafwa ya cizemo cobe cije kucesi kutenguluka.
160 Lijwi lyobe lyoshe lyapwa busunga
Co mashiko obe oshe a kusungama akalako myaka yoshe.
ש [Sini] nambe [Shini]
161 Bamyata bali na kunjiyandesa kwa kujeneka binjinabalingi
Oloni mbunge yange izibila majwi obe lyoba.
162 Njibwahelela mwafwa ya lijwi lyobe
Ngwe munu uje napukula byuma byabingi.
163 Njazinda makuli. Njawazinda manene.
Njazema lishiko lyobe.
164 Njikushangazala bisimbu 7 ha litangwa
Mwafwa ya kusompa kwobe kwa kusungama.
165 Baje bazema lishiko lyobe bali mu kwoloka kwakama.
Nacimo cahi casa kubatanwisa.
166 Njilabelela bilinga byobe bya kwobola, obe Yehova,
Na kunyunga mashiko obe.
167 Njikanyungu byanukiso byobe,
Co njabizema manene.
168 Njikanyungu mashiko obe na byanukiso byobe
Mwafwa uzibuka byoshe binjikalingi.
ת [Tau]
169 Kulila kwange kwa kulomba bukwasi kwete kuli yobe, obe Yehova.
Njikwase njipwe nji munu wa kuzibisisa kwesekesa na lijwi lyobe.
170 Kulomba kwange kwa kunjizibila ngozi kwete ku mesho obe.
Njobole ngwe muunakulahesela.*
171 Tunwa twange tukushangazale manene
Mwafwa ukanjilongesa mashiko obe.
172 Ndaka yange imbe bya lijwi lyobe
Mwafwa mashiko obe oshe apwa a kusungama.
173 Liboko lyobe lilibwahesele kunjikwasa
Mwafwa njinalyangwila kwononoka mashiko obe.
174 Njashungwiya kwobola kwobe, obe Yehova,
Co njazema lishiko lyobe.
175 Njitabese njitwaleleleho kuyoya mangana njikushangazale.
Mashiko obe anjikwase.
176 Njili na kuyebangela ngwe manga wa kuzimbala.
Shakezeka ngamba yobe mwafwa kunjebalele mashiko obe.
Mwaso wa Baka-kukanduka.*
120 Njatambekele kuli Yehova mu bukalu bwange,
Co wanjikumbulwile.
2 Obe Yehova, njamene* ku tunwa tuje tukendeka makuli
Na ku ndaka ije ikakwisi.
3 Njambi alinga bika kuli yobe? Akwana kashitiko muka*
Obe ndaka ya makuli?
4 Akwasha mikili ya kubambuka ya liswalale
Na ku kwenyeka na manungu a tuhya a ciputa ca lukombo.
5 Njabindama mwafwa njinayoyo ngwe munu wa ku lifuti lyeka mu Mesheki.
Njakala mukati ka bitenti bya Keda.
6 Njinakala simbu yailaha manene
Na baje bazinda kwoloka.
7 Njazema kwoloka, oloni nga njendeka,
Bakebo bashaka kunjilwisa.
Mwaso wa Baka-kukanduka.
121 Njandwila mesho ange ku minkinda.
Kuli kutunda bukwasi bwange?
2 Bukwasi bwange butunda kuli Yehova,
Uje watangele lilu na lifuti-libu.
3 Katabesa lindi lyobe lisenutuke.*
Uje ali na kukunyunga kakanenguka nalumo lwahi.
4 Taleni! Uje anyunga Isalele nalumo lwahi lwakanenguka,
Nambe kulala.
5 Yehova ali na kukunyunga.
Yehova ikeye munzinze uli ku liboko lyobe lya cilyo.
6 Mutanya, litangwa kulikubabula
Nambe butsiki, ngonde kuikubulumuna.
7 Yehova akunyunga ku bushonde bwoshe.
Anyunga mwonyo* wobe.
8 Yehova akunyunga mu byuma byoshe biulinga*
Kushwa hano kutwala ku myaka yoshe.
Mwaso wa Baka-kukanduka. Mwaso wa Devidi.
122 Njabwahelelele mubanjilekele ngwabo:
“Tuye ku njibo ya Yehova.”
2 Co hano mendi etu anemana
Mu bikolo byobe, obe Jelusalema.
3 Jelusalema banaitungu ngwe nganda
Ibananungasana kumolika.
4 Miyati inakandukako,
Miyati ya Jah,*
Kwesekesa na canukiso cibanaleke Isalele
Mangana bashangazale lizina lya Yehova.
5 Mwafwa kukekwo kubanaka matanda a kusompela,
Matanda a bakunjibo ya Devidi.
6 Lombeni ngweni Jelusalema ikale mu kwoloka.
Baje bakuzema, obe nganda, kubakala mu bushonde.
7 Kwoloka citwaleleleho kukala mukati ka bibumbe byobe bya kukola,
Kwoloka cikale mukati ka tuposhi twobe twa kukola.
8 Mwafwa ya bandolome bange na babusamba bange, njendeka ngwange:
“Muli yobe mukale kwoloka.”
9 Mwafwa ya njibo ya Yehova Njambi yetu,
Njikushungwiya bubwa.
Mwaso wa Baka-kukanduka.
123 Njandwila mesho ange kuli yobe,
Yobe wakala ha litanda mu melu.
2 Ngwe mesho a bangamba muwakatala ku liboko lya shukulu yabo,
Na mesho a ngamba wa munakazi muwakatala ku liboko lya shukulu yendi wa munakazi,
Netu mesho etu atala kuli Yehova Njambi yetu
Kweta noho hakatuzibila ngozi.
3 Tuzibile ngozi, obe Yehova, tuzibile ngozi,
Mwafwa banatushaula manene.
4 Banu ba kulyalesa banatushendumuna manene
Na banu ba kulijundula banatushaula manene.
Mwaso wa Baka-kukanduka. Mwaso wa Devidi.
124 “Ngwe Yehova kakele netu,”
Isalele endeke ngwendi:
2 “Ngwe Yehova kakele netu,
Banu mubakatukilile kutulwisa,
3 Ngwe batulehwile butona
Butenu bwabo mubwatwepukilile.
4 Ngwe mema anatungumuna,
Mema a muta ngwe anatungumbula.*
5 Mema a kutenuka ngwe anatufwiki.*
6 Yehova bamushangazale,
Mwafwa katwanene ku mayo abo mangana batulye.
7 Tunapu ngwe kazila uje nashomoka
Mu muheto wa ciyambi.
Muheto wapokokele,
Co twashomokelemo.
8 Bukwasi bwetu buli mu lizina lya Yehova,
Uje watangele lilu na lifuti-libu.”
Mwaso wa Baka-kukanduka.
125 Baje banakulahela Yehova
Banapu ngwe Munkinda wa Siyone uje kuwasa kuninganga,
Oloni wakalako myaka yoshe.
2 Ngwe minkinda muyazengeleka Jelusalema,
Yehova nendi nazengeleka banu bendi
Kushwa hano kutwala ku myaka yoshe.
3 Mulamu wa bubi kuutwalelelaho kukala mu lifuti libanana banu ba kusungama,
Mangana banu ba kusungama keti batengulukile ku kulinga byuma byabibi.
4 Obe Yehova, lingila banu bababwa byuma byabibwa,
Baje bapwa ba kusungama mu bimbunge.
5 Oloni baje belukila ku bingila byabo bya kupengapenga,
Yehova abanyongesela hamo na baka-kulinga byuma byabibi.
Isalele akale mu kwoloka.
Mwaso wa Baka-kukanduka.
126 Yehova mwelwisile banu ba mu Siyone baje baile mu bundungo,
Twalizibile ngwe tuli na kulota.
2 Ha simbu ije tunwa twetu twashulile na tujolo,
Co bindaka byetu byakele na kutambeka mu kubwahelela.
Ha simbu ije baka-mafuti bakele na kwendeka mukati kabo ngwabo:
“Yehova nabalingila byuma byakama.”
3 Yehova natulingila byuma byakama,
Co twabwahelela manene.
4 Ilwisa bafunge betu, obe Yehova
Ngwe bana ba bindonga ba mu Negebu.
5 Baje bakuna mbuto oku bali na kulila,
Bakateja oku bali na kulumwina bingunda.
6 Uje aya ku mahya nameme ali na kulila
Na ngonga yendi ya mbuto,
Akeluka oku ali na kulumwina bingunda,
Oku nambata byanateje.
Mwaso wa Baka-kukanduka. Mwaso wa Solomoni.
127 Kubanga Yehova atunge njibo,
Keti ngoconi baka-kutunga balisina ngoco kupanga na nzili.
Kubanga Yehova anyunge nganda,
Keti ngoconi baka-kunyunga balisina ngoco kuzwama.
2 Mulisina ngoco kwinduka mutondo-tondo,
Mulisina ngoco kulala mukati ka butsiki,
Mulisina ngoco kuundangana kutonda byakulya,
Mwafwa akana byakulya baje bazema na kubakwasa balale tulo twatubwa.
3 Bana bapwa buswana bwa kutunda kuli Yehova.
Bana ba kutunda mwimo, bapwa bwana bwa kutunda kuli Njambi.
4 Bana ba mu bukwenje,
Bapwa ngwe mikili ya mu liboko lya munalume wa nzili.
5 Nabwahelela munu uje ashulisa ngonga* yendi nei mikili.
Kubakazibi shwamwa
Mwafwa bakendeka na bitozi ha bikolo bya nganda.
Mwaso wa Baka-kukanduka.
128 Nabwahelela munu woshe uje azibila Yehova lyoba,
Uje akende mu bingila byendi.
2 Ulya bimbuto biunondangana na maboko obe.
Ubwahelela na kulikuwa kwoloka.
3 Munakazi wobe apwa ngwe muti wa binyu mu njibo yobe uje wima manene.
Bana bobe bapwa ngwe tuminango twa muti wa olive ku mesa yobe.
4 Taleni! Omu mukemwo mubakabezikisila
Munu uje azibila Yehova lyoba.
5 Yehova akubezikisa oku ali mu Siyone.
Umone byuma mubyenda bwino mu Jelusalema mu kuyoya kwobe kwoshe
6 Na kumona bana ba bana bobe.
Mu Isalele mukale kwoloka.
Mwaso wa Baka-kukanduka.
129 “Kushwa ku bukwenje bwange bananjilwisa kushwa kumo”
Isalele endeke ngwendi:
2 “Kushwa ku bukwenje bwange bananjilwisa kushwa kumo
Oloni kubanjihyanene.
3 Baka-kukekela banakekela mu mwongo wange.
Banalahesa myonzongolo* yabo.”
4 Oloni Yehova wapwa wa kusungama.
Nabatula mikole ya banu bababi.
5 Boshe baje bazinda Siyone bakabazibisa shwamwa,
Co bakeluka munima oku banashauka.
6 Bafwa ngwe mwila uje ukamene ha ciluli
Uje ukajujwama simbu kanda bautukule,
7 Uje kuwasa kushula mu liboko lya muka-kuteja
Nambe kufwa mu maboko a uje akungulula mikuta ya bimbuto.
8 Baje baita, kubakendeka ngwabo:
“Yehova akubezikise.
Tukubezikisa mu lizina lya Yehova.”
Mwaso wa Baka-kukanduka.
130 Obe Yehova, njitambeka kuli yobe ha simbu injinombwa manene.
2 Obe Yehova, ziba lijwi lyange.
Matwi obe atolilile mwamubwa ku kulambelela kwange kwa kulomba bukwasi.
4 Mwafwa yobe ukakonekela mu busunga
Mangana bakuzibile lyoba.
5 Njinalabelela kuli Yehova. Mwonyo* wange woshe unalabelela ikeye.
Njibandamena lijwi lyendi.
6 Njibandamena Yehova na mbunge yange yoshe,
Kutubakana baka-kunyunga mubakabandamena ngwabo kukye,
Eyo, kutubakana baka-kunyunga mubakabandamena ngwabo kukye.
7 Isalele atwaleleleho kubandamena Yehova
Mwafwa Yehova wakala na cizemo cije kucesi kutenguluka,
Co wakala na nzili yakama manene ya kupatula.
8 Apatula Isalele ku milonga yendi yoshe.
Mwaso wa Baka-kukanduka. Mwaso wa Devidi.
131 Obe Yehova, mbunge yange keti ya kulyalesa,
Mesho ange keti a kulyalesa.
Co kunjesi kushungwiya byuma byakama manene,
Nambe byuma bije kunjasa kuwana.
Njinajauka ngwe mwana uje nashumuka.
3 Isalele abandamene Yehova
Kushwa hano kutwala ku myaka yoshe.
Mwaso wa Baka-kukanduka.
132 Obe Yehova, anuka Devidi
Na tuyando twendi twoshe.
2 Anuka mwalisingile kuli Yehova,
Mwalingile cikumiiyo kuli yobe Muka-nzili, Njambi ya Jakobu, ngwendi:
3 “Kunjikobela mu tenti yange, mu njibo yange.
Kunjilala mu citwamo cange,* mu mwela wange.
4 Kunjecelela mesho ange alale
Nambe kufwika mesho ange.
5 Kubanga njawanena Yehova mwela,
Mwela waubwa wa kukala wa* Muka-nzili, Njambi ya Jakobu.
6 Taleni! Twacizibile mu Efrata.
Twaciwanene mu mahya a mu shwata.
7 Tuyeni mu mwela wendi.*
Tutsikameni ku citwamo cendi ca kulyata mendi endi.
8 Katuka, obe Yehova, mangana wije mu mwela wobe wa kuhwimina,
Yobe na cikasha cobe ca nzili.
9 Tupilistu bobe bazale kusungama,
Co bakulongwa bobe batambeke mu kubwahelela.
10 Mwafwa ya Devidi ngamba yobe,
Keti ubyane wakubwabesa wobe.
11 Yehova nalisingi kuli Devidi.
Kakatengulula lijwi lyendi.
Nalisingi ngwendi:
“Njikaka umo wa bana bobe* ha litanda lyobe.
12 Nga bana bobe banyunga cikumiiyo cange
Na byanukiso byange binjibalongesa,
Bana babo nabo
Bakatumama ha litanda lyobe myaka yoshe.”
13 Mwafwa Yehova nangula Siyone.
Naishaka mangana ipwe mwela wendi wa kukala. Nendeka ngwendi:
14 “Ou ukewo mwela wange wa kuhwimina myaka yoshe.
Omu mukemwo munjikala, mwafwa mukemwo munjishakela.
15 Njiubezikisa na byakulya byabingi.
Njana tuhutu balimo byakulya.
16 Tupilistu balimo njibazika kwoboka,
Co bakulongwa balimo batambeka mu kubwahelela.
17 Njikabwezelela ku nzili* ya Devidi.
Njabwahesela wakubwabesa wange ndeya.
18 Njikazika bitozi bendi shwamwa,
Oloni cilongo cendi cikabyakula.
Mwaso wa Baka-kukanduka. Mwaso wa Devidi.
133 Taleni! Kwapwa kwakubwa, co lalo kuzibisa kubwaha
Bandolome kukala hamolika mu kulikwatasana!
2 Kunapu ngwe mazi amabwa abetila mu mutwe.
Aje anjululukila na ku munjezi,
Ku munjezi wa Aloni,
Anjululukila bene na ku kola ya cikobelo cendi.
3 Kunapu ngwe lime lya ha munkinda wa Hemoni
Lije lisikumuka ha minkinda ya Siyone.
Yehova washikile ngwendi kukekwo kubabezikila banu,
Eyo, bakawana kuyoya kwa myaka yoshe.
Mwaso wa Baka-kukanduka.
134 Shangazaleni Yehova,
Yeni bangamba ba Yehova boshe,
Yeni mukemana mu njibo ya Yehova butsiki na butsiki.
2 Jundwileni maboko eni mwilu mu kujela*
Na kushangazala Yehova.
3 Yehova uje watangele lilu na lifuti-libu,
Amibezikise oku ali mu Siyone.
135 Shangazaleni Jah*
Shangazaleni lizina lya Yehova.
Mushangazaleni yeni bangamba ba Yehova,
2 Yeni munemana mu njibo ya Yehova
Mu malapa a njibo ya Njambi yetu.
3 Shangazaleni Jah mwafwa Yehova wapwa wamubwa.
Imbeni myaso ya kushangazala lizina lyendi mwafwa lyapwa lyalibwa.
4 Mwafwa Jah nalyangwila Jakobu,
Nalyangwila baIsalele kupwa banu bendi ba kulitila.*
5 Mwafwa njizibuka bwino ngwange Yehova wapwa wakama,
Mwata wetu wapwa wakama kutubakana binjambi boshe.
6 Yehova akalingi byuma byoshe byashaka kulinga
Mwilu na ha lifuti-libu, mu tulunga-ndonga na ku masima oshe a tulunga-ndonga.
7 Akakatula mashelwa* aye mwilu kutunda ku mamaneselelo a lifuti-libu.
Akatumu mihyato hamo na nyonzi.*
Akanene lihunzi kutunda mu bishete byendi.
8 Watsiile bantwatwa mu Ijipiti,
Banu na tusitu.
9 Obe Ijipiti, wakutuminine bizibukiso na bikomokeso,
Wabituminine Falo na bangamba bendi boshe.
10 Watsiile baka-mafuti babangi
Na kutsiya bimyene ba nzili.
11 Wanyongesele Sihoni mwene wa baAmoli,
Ogi mwene wa Bashani
Na bumwene bwoshe bwa mu Kanana.
12 Wanene lifuti lyabo kupwa buswana
Walyanene banu bendi baIsalele kupwa buswana bwabo.
13 Obe Yehova, lizina lyobe lyakalako myaka yoshe.
Obe Yehova, lutsimo* lwobe lwakalako ku bisemwa byoshe.
15 Tumponya ba baka-mafuti bapwa ba siuva na goldi,
Bapwa bipangi bya maboko a banu.
16 Bali na tunwa, oloni kubasa kwendeka.
Bali na mesho, oloni kubasa kumona.
17 Bali na matwi, oloni kubasa kuziba.
Mu tunwa twabo kumwasa kutunda muku.
18 Baje bakabapanga bapwa ngwe bakebo,
Na baje boshe banakulahela aba tumponya.
19 Eni bakunjibo ya Isalele, shangazaleni Yehova.
Eni bakunjibo ya Aloni, shangazaleni Yehova.
20 Eni bakunjibo ya Levi, shangazaleni Yehova.
Yeni mukazibila Yehova lyoba, shangazaleni Yehova.
21 Yehova bamushangazale mu Siyone
Uje wakala mu Jelusalema,
Shangazaleni Jah!
136 Kandeleleni Yehova mwafwa wapwa wamubwa.
Cizemo cendi cije kucesi kutenguluka cakalako myaka yoshe.
2 Kandeleleni Njambi ya binjambi.
Mwafwa cizemo cendi cije kucesi kutenguluka cakalako myaka yoshe.
3 Kandeleleni Mwata wa bamyata.
Mwafwa cizemo cendi cije kucesi kutenguluka cakalako myaka yoshe.
4 Ikeye lika akalingi byuma byakama bya kukomokesa
Mwafwa cizemo cendi cije kucesi kutenguluka cakalako myaka yoshe.
5 Wapangele melu mu butongwe
Mwafwa cizemo cendi cije kucesi kutenguluka cakalako myaka yoshe.
6 Wajalele lifuti-libu helu lya mema
Mwafwa cizemo cendi cije kucesi kutenguluka cakalako myaka yoshe.
7 Wapangele byeke byakama
Mwafwa cizemo cendi cije kucesi kutenguluka cakalako myaka yoshe,
8 Wapangele litangwa liyule mutanya
Mwafwa cizemo cendi cije kucesi kutenguluka cakalako myaka yoshe.
9 Wapangele ngonde na bingongonosi biyule butsiki
Mwafwa cizemo cendi cije kucesi kutenguluka cakalako myaka yoshe.
10 Watsiile bantwatwa ba mu Ijipiti
Mwafwa cizemo cendi cije kucesi kutenguluka cakalako myaka yoshe.
11 Watundisile baIsalele mukati kabo,
Mwafwa cizemo cendi cije kucesi kutenguluka cakalako myaka yoshe.
12 Wabatundisilemo na liboko lyendi lya nzili lya kwolola
Mwafwa cizemo cendi cije kucesi kutenguluka cakalako myaka yoshe.
13 Watepele Kalunga-ndonga wa Kubenga hakati
Mwafwa cizemo cendi cije kucesi kutenguluka cakalako myaka yoshe.
14 Walingisile baIsalele bete hakati ka Kalunga-ndonga
Mwafwa cizemo cendi cije kucesi kutenguluka cakalako myaka yoshe.
15 Wombilile Falo na maswalale bendi mu Kalunga-ndonga wa Kubenga
Mwafwa cizemo cendi cije kucesi kutenguluka cakalako myaka yoshe.
16 Watwamenenene banu bendi mu mambo
Mwafwa cizemo cendi cije kucesi kutenguluka cakalako myaka yoshe.
17 Watsiile bimyene bakama
Mwafwa cizemo cendi cije kucesi kutenguluka cakalako myaka yoshe.
18 Watsiile bimyene ba nzili
Mwafwa cizemo cendi cije kucesi kutenguluka cakalako myaka yoshe.
19 Watsiile Sihoni mwene wa baAmoli
Mwafwa cizemo cendi cije kucesi kutenguluka cakalako myaka yoshe.
20 Watsiile Ogi mwene wa Bashani
Mwafwa cizemo cendi cije kucesi kutenguluka cakalako myaka yoshe.
21 Wanene banu bendi lifuti lyabo kupwa buswana,
Mwafwa cizemo cendi cije kucesi kutenguluka cakalako myaka yoshe.
22 Kupwa buswana bwa ngamba yendi Isalele,
Mwafwa cizemo cendi cije kucesi kutenguluka cakalako myaka yoshe.
23 Watwanukile mutwazeyele
Mwafwa cizemo cendi cije kucesi kutenguluka cakalako myaka yoshe.
24 Watwaleleleleho kutwamena ku bitozi betu
Mwafwa cizemo cendi cije kucesi kutenguluka cakalako myaka yoshe.
25 Akana byakulya ku byuma byoshe bya kuyoya
Mwafwa cizemo cendi cije kucesi kutenguluka cakalako myaka yoshe.
26 Kandeleleni Njambi wa melu
Mwafwa cizemo cendi cije kucesi kutenguluka cakalako myaka yoshe.
137 Twatumamene ku bindonga bya mu Babiloni.
Twalilile mutwanukile Siyone.
2 Twashukikile tulyalya twetu ku miti ya popula
Ije yakala mukati kayo.*
3 Mwafwa kuje kukekwo kubatulekelele baje batufungulwile ngwabo tubembile mwaso
Baje bakele na kutujola bashakele ngwabo tubalingile byuma bya kujolesa ngwabo:
“Twimbileniko mwaso umo wa ku Siyone.”
4 Twasa kwimba bati mwaso wa Yehova
Mu lifuti lya banu beka?
5 Nga njikwibala, obe Jelusalema,
Liboko lyange lya cilyo nalyo lipwe lya kujeneka seho.*
6 Ndaka yange ikakateye mu ndakwilo yange
Nga kunjikwanuka,
Nga kunjaka Jelusalema helu
Ya byuma byoshe bije bikanjizibisa kubwaha.
7 Obe Yehova, anuka bibakele na kwendeka baka-Edomu
Ha litangwa liyawile Jelusalema ngwabo:
“Ibujule! Ibujule kweta bene na ha lubula lwayo!”
8 Obe nganda ya Babiloni,* yobe ibanyongesa ololo,
Nabwahelela uje akwana fweto
Kwesekesa na kayando kawatumwesele.
9 Nabwahelela uje akwata bana bobe
Na kubandyanga ha mamanya.
Mwaso wa Devidi.
138 Njikushangazala na mbunge yange yoshe.
Njikwimbila myaso ya kukushangazala
Ku mesho a binjambi beka.*
2 Njitsikama oku njinatala ku tempele yobe ya kujela*
Na kushangazala lizina lyobe
Mwafwa ya cizemo cobe cije kucesi kutenguluka na kulongwa kwobe.
Mwafwa unamesa lijwi lyobe na lizina lyobe kutubakana byuma byoshe.*
3 Ha litangwa linjasanene, wanjikumbulwile.
Wanjisimpisile na kunjikanyamesa.
4 Bimyene ba ha lifuti-libu boshe bakakushangazala, obe Yehova,
Mwafwa bakaziba bikulaheso biunakulahesa.
5 Bakaimba bya bingila bya Yehova
Mwafwa bumpau bwa Yehova bwakama.
6 Nameme Yehova wakala hakamwa, akananguka munu wa kulikehesa,
Oloni munu wa kulyalesa amuzibukila lika halako.
7 Nameme njenda mukati ka bushonde, unjinyungilila.
Wolwela liboko lyobe ku butenu bwa bitozi bange,
Liboko lyobe lya cilyo linjobola.
8 Yehova anjilingila byuma byoshe.
Obe Yehova, cizemo cobe cije kucesi kutenguluka cakalako myaka yoshe.
Keti umbile kuti bipangi bya maboko obe.
Kuli muka-kutwamenena. Mwaso wa Devidi.
139 Obe Yehova, unanjilula, co unjizibuka.
2 Uzibuka munjitumama nomu munjimana.
Ukananguka bisinganyeka byange oku uli kulako.
3 Ukanjimono* munjikende nomu munjikalala.
Uzibuka bingila byange byoshe.
4 Obe Yehova, simbu kanda ndaka yange yendeke lijwi nambe limo,
Yobe unalizibuka laja.
5 Unanjizengeleka,
Co unanjikambeka maboko obe.
6 Mangana a cifweci kunjasa kuwazibisisa.*
Ali helu manene, kunjasa kwetaho.*
7 Kuli kunjasa kutewela sipilitu yobe,
Co kuli kunjasa kutewela cihanga cobe?
9 Nambe nga njipulula mu bukambwila bwasi-bwasi ngwe mucikasholoka ceke ca kukya kwa litangwa
Mangana njikakale ku mamaneselelo a kalunga-ndonga,
10 Nameme kuje bene liboko lyobe linjitwamenena,
Co liboko lyobe lya cilyo linjikwata.
11 Nambe nga njendeka ngwange: “Lisusulungu linjishweka.”
Co butsiki buje bunanjifwiki butenguluka kupwa mutanya.
12 Nameme bene lisusulungu, kuli yobe keti lisusulungu,
Oloni butsiki bupwa ceke ngwe mutanya.
Lisusulungu na ceke, kuli yobe byuma bimo.
13 Mwafwa yobe watangele binso byange.
Wanjishwekele* mwimo lya banana.
14 Njikushangazala mwafwa wanjitanga mu ngila ya kukomokesa ije izibisa lyoba.
Bipangi byobe byapwa bya kukomokesa,
Njizibuka mwamubwa ei ñanda.
15 Bitsiya byange kubyalishwekele kuli yobe
Muwakele na kunjitanga ku bushweke,
Muwakele na kunjinungakana ku masima a lifuti-libu.
16 Mesho obe anjimwene munjapwile nji mubishu.
Bilyo byange byoshe wabisonekele mu libulu lyobe,
Wasonekele matangwa abyakele na kulitunga,
Simbu kanda kukale nambe cimo.
17 Ngeci, bisinganyeka byobe byapwa bya seho manene kuli yange.
Obe Njambi, byapwa byabingi manene.
18 Nga njeseka kubitanda, bitubakana mushekesheke ku bwingi.
Nga njinduka anga njitwalelelaho kubitanda.*
19 Obe Njambi, nga utsiya banu bababi,
Co banu ba lwozi* banjijenjuka.
20 Baje bendeka byuma byabibi hali yobe mwafwa ya kukala na biyongola byabibi,*
Banapu bitozi bobe baje bali na kupangesa lizina lyobe mu ngila yaibi.
21 Obe Yehova, kuma kunjazindile baje bakuzinda ndi?
Kuma kunjesi kuzibila bunyengwe baje bakutengulukila ndi?
22 Njabazinda manene.
Banapu bitozi bange bakama.
23 Njilule, obe Njambi, mangana uzibuke mbunge yange.
Njilule mangana uzibuke byuma binjinalishoshomwena.
24 Njitale umone indi muli yange muli ngila yaibi,
Mangana unjitwamenene mu ngila ije ikalako myaka yoshe.
Kuli muka-kutwamenena. Mwaso wa Devidi.
140 Obe Yehova, njamene ku banu bababi.
Njinyungilile ku banu ba lwozi.
2 Baje bakatumbu butumbe bwabubi mu bimbunge byabo
Na kunena lwozi litangwa lyoshe lya mutunu.
3 Botola bindaka byabo ngwe ndaka ya linyoka.
Kwisi ya tunwa twabo kuli bushungu bwa manyoka. (Sela)
4 Obe Yehova, njinyungilile ku maboko a munu wamubi.
Njinyungilile ku banu ba lwozi,
Baje bashaka kunjishendula.
5 Baka-kulyalesa banjitela muheto.
Banapangesa mikole mu kuta bwanda kumukulo wa ngila.
Bananjitela miheto. (Sela)
6 Njileka Yehova ngwange: “Yobe Njambi yange,
Obe Yehova, tolilila ku kulambelela kwange kwa kulomba bukwasi.”
7 Obe Yehova Mwata Wahakamwa ya Byoshe, Mwobole wange wa nzili,
Unyungilila mutwe wange ha litangwa lya nzita.
8 Obe Yehova, keti wane banu bababi byuma bibanashungwiya.
Keti utabese byuma bibanayongola bibwahe mangana keti balijundule. (Sela)
9 Mitwe ya baje bananjizengeleka
Baifwike na byuma byabibi bitunendeka tunwa twabo.
10 Babajukwile manungu a tuhya.
Babombile mu tuhya,
Mu mena a kuloba,* keti batundemo lalo.
11 Muka-kubiisa bakwabo mazina keti akale na mwela ha lifuti-libu.
Bubi busheke banu ba lwozi na kubatsiya.
12 Njizibuka ngwange Yehova alwila banu ba kwisi,
Co akula mwamubwa tuhutu.
13 Cili bene banu ba kusungama bashangazala lizina lyobe.
Banu ba busunga bakala ku mesho obe.
Mwaso wa Devidi.
141 Obe Yehova, njitambeka kuli yobe.
Ija bwasi mangana wakunjikwase.
Tolilila mwamubwa munjitambeka kuli yobe.
2 Lilombelo lyange lipwe ngwe isense ibanabwahesela ku mesho obe.
Maboko ange anjinajundwila mwilu apwe ngwe bwana bwa binona bwa mangwezi.
3 Obe Yehova, njikwase njinyunge kanwa kange.
Njikwase njilibandeke ha byuma binjendeka.
4 Keti wecelele mbunge yange ijendamene ku cuma coshe-coshe cacibi,
Mangana keti njilinge byuma byabibi na banu bababi.
Keti njilye ku byakulya byabo byabibwa.
5 Nga muka-kusungama anjipupa, cipwa kunjimwesa cizemo cije kucesi kutenguluka.
Nga anjendekela cipwa ngwe kunjitila mazi ku mutwe
Aje mutwe wange kuubyana.
Lilombelo lyange litwalelelaho na mu simbu yabo ya bukalu.
6 Nameme maako babo babombila hasi kutunda ha mungenyangenya,*
Banu batolilila ku majwi ange mwafwa amabwa.
7 Ngwe munu mwakakekela na kutabozola libu,
Mukemwo mubanashandanganena bitsiya byetu ku kanwa ka Cihilo.*
8 Oloni mesho ange anatala kuli yobe, obe Yehova Mwata Wahakamwa ya Byoshe.
Njinatewela kuli yobe.
Keti wecelele mwonyo wange unyonge.*
9 Njinyungilile ku nzili ya miheto ibananjitela.
Njinyungilile ku miheto ya baka-kulinga byuma byabibi.
10 Baka-bubi boshe bakawila mu manda abo babenya
Oloni yange njikaita mwamubwa.
Masikiu.* Mwaso wembile Devidi mwakele mu bwina bwa mu limanya. Lilombelo.
142 Njitambeka kuli Yehova na lijwi lyange na kulomba bukwasi.
Njilambelela Yehova na lijwi lyange ngwange anjizibile ngozi.
2 Njimuleka bishoti byange.
Njimuleka bukalu bwange.
3 Nzili* yange muikahu,
Yobe ukanyungu ngila yange.
Bakanjitela muheto
Mu ngila munjiketi.
4 Tala ku liboko lyange lya cilyo mangana umone
Ngwobe naumo wahi wanjaka mbunge.*
Nakumo kwahi kunjitewela.
Naumo wahi wanjaka mbunge.*
5 Obe Yehova, njitambeka kuli yobe na kulomba bukwasi.
Njendeka ngwange: “Yobe butewelo bwange,
Yobe lika injakulahela* mu lifuti lya baka-kuyoya.”
6 Tolilila ku kulila kwange kwa kulomba bukwasi
Mwafwa bananjikehesa manene.
Njamene kuli baje bali na kunjiyandesa
Mwafwa bananjitubakana ku nzili.
7 Njitundise mu kamenga
Mangana njishangazale lizina lyobe.
Banu ba kusungama banjizengeleke
Mwafwa ukanjilingi mwamubwa.
Mwaso wa Devidi.
143 Obe Yehova, ziba lilombelo lyange.
Tolilila ku kulambelela kwange kwa kulomba bukwasi.
Njikumbulule mwafwa ya kulongwa kwobe na kusungama kwobe.
2 Keti usompe ngamba yobe,
Mwafwa kukwesi munu wa kuyoya uje asa kupwa wa kusungama ku mesho obe.
3 Mwafwa citozi ali na kunjisheka.
Natikila mwonyo wange hasi.
Nanjilingisa njikale mu lisusulungu ngwe mwa baje batsa laja.
4 Nzili* yange ili na kuhwa.
Mbunge yange inambumbula.
5 Njanuka matangwa a kunima,
Njisinganyekesesa ha bipangi byobe.
Njisinganyekesesa* manene bipangi bya maboko obe.
6 Njolwela maboko ange kuli yobe.
Njili na lihwila lya kushaka yobe ngwe lifuti lya kuma mulikashungwiya nyozi. (Sela)
7 Njikumbulule bwasi, obe Yehova.
Nzili* yange inahu.
Keti unjishwekele cihanga cobe,
Keti ngoconi njifwa ngwe baje bali na kusikumuka mu bwina.*
8 Ku mutondo, njitabese njizibe bya cizemo cobe cije kucesi kutenguluka
Mwafwa njakulahela yobe.
Njikwase njizibuke ngila injinapande kwenda
Mwafwa njitengulukila kuli yobe.
9 Njamene ku bitozi bange, obe Yehova.
Njitonda unjinyungilile.
10 Njilongese kulinga cizango cobe
Mwafwa yobe Njambi yange.
Sipilitu yobe yapwa yaibwa.
Njitwamenene ha mwela wa kusalama.*
11 Obe Yehova, njinyungilile mwafwa ya lizina lyobe.
Njamene ku bukalu mwafwa ya kusungama kwobe.
12 Manesa* bitozi bange mwafwa ya cizemo cobe cije kucesi kutenguluka.
Nyongesa boshe baje bali na kunjipindisa*
Mwafwa nji ngamba yobe.
Mwaso wa Devidi.
144 Yehova limanya lyange bamushangazale,
Uje akalongesa maboko ange nzita
Na kulongesa minye yange mwakulwila nzita.
2 Ikeye cizemo cange cije kucesi kutenguluka na cimpaka cange,
Butewelo bwange bwa kukola na muka-kunjamena,
Ntelo yange, muli ikeye mukemwo munjinabanda,
Uje akafungulula baka-mafuti na kubaka mwisi yange.
3 Obe Yehova, munu napu iyajo mangana umunanguke,
Muna munu napu iyajo mangana umutolilile?
4 Munu napu ngwe muku.
Matangwa endi anapu ngwe munzinzime uje wita.
5 Obe Yehova, nyekumuna* melu obe mangana usikumuke.
Kwata minkinda mangana ikakumuke bwisi.
6 Lingisa mihyato yobe ibyakule na kushandangana bitozi.
Bashe mikili yobe mangana ubatanganese.
7 Olola maboko obe oku uli mwilu.
Njamene na kunjobola ku mema a cingungumuta*
Na ku liboko lya banu ba ku mafuti eka,
8 Baje bakendeka makuli
Na kwolola maboko abo a cilyo mangana balisinge bya makuli.*
9 Obe Njambi, njikwimbila mwaso wauha.
Njikwimbila mwaso wa kukushangazala, wa kwimba na cisanzi ca mikole 10,
10 Mwafwa ukahyanesa* bimyene,
Ukamena ngamba yobe Devidi ku moko ije itsiya.
11 Njamene na kunjobola ku maboko a banu ba ku mafuti eka,
Baje bakendeka makuli na tunwa twabo
Co bakolola maboko abo a cilyo mangana balisinge byuma bya makuli.
12 Bana betu ba banalume bafwa ngwe bimena bya njobolwezi bije bikola bwasi,
Bana betu ba banakazi bafwa ngwe bingunzi bya kulipela bya mu mbango bibanashongo.
13 Bishete byetu bikashulilila na miyati ya byakulya bya kuliseza-seza.
Matanga etu mu mahya akalibwezelela kupwa bita, makulukazi a makulukazi.
14 Bingombe betu baje banakulisa, kubakakala na bukalu nambe kupulumwisa.
Mu myela ya mbunga kumukakala miteto.
15 Banabwahelela banu baje bali mu cifweci!
Banabwahelela banu baje Njambi yabo napu Yehova!
Mwaso wa Devidi wa kushangazala.
א [Alefu]
145 Njikuzumbangeya, obe Mwene Njambi yange,
Njishangazala lizina lyobe myaka yoshe.
ב [Bethi]
2 Njikushangazala litangwa lyoshe lya mutunu,
Njishangazala lizina lyobe myaka yoshe.
ג [Gimeu]
3 Yehova wapwa wakama, co ikeye ibanapande kushangazala manene.
Bukama bwendi naumo wahi asa kubuzibisisa.
ד [Dalethi]
4 Cisemwa ciliko ha simbu ino na bisemwa bija kulutwe bishangazala bipangi byobe.
Bakendeka bya bipangi byobe bya nzili.
ה [He]
5 Bakendeka bya bumpau bwobe na bukama bwobe,
Co njisinganyekesesa ha bipangi byobe bya kukomokesa.
ו [Wau]
6 Bakendeka bya bilinga byobe bya kutewesa,*
Co njambulula bukama bwobe.
ז [Zayini]
7 Bakendeka na ntwima mubakanuka bubwa bwobe bwakama,
Co bakatambeka mu kubwahelela mwafwa ya kusungama kwobe.
ח [Hethi]
8 Yehova wakala na mema ku mbunge,* wapwa muka-kutetela,
Kesi kulubala bwasi, co wakala na cizemo cakama cije kucesi kutenguluka.
ט [Tethi]
9 Yehova wapwa wamubwa ku banu boshe,
Co kutetela kwendi kukasholoka mu bipangi byendi byoshe.
י [Yodi]
10 Obe Yehova, bipangi byobe byoshe bikwana bumpau,
Co bakulongwa bobe bakushangazala.
כ [Kafu]
11 Bambulula bya bumpau bwa bumwene bwobe
Na kwendeka bya nzili yobe,
ל [Lamedi]
12 Mangana bambulwile banu bilinga bya nzili yobe
Na bumpau bwa bumwene bwobe.
מ [Memu]
13 Bumwene bwobe bwapwa bumwene bwa myaka yoshe,
Co kuyula kwobe kukalako ku bisemwa byoshe.
ס [Sameki]
14 Yehova akakwasa boshe baje bali na kuwa
Na kwandula baje banakulama.
ע [Ayini]
15 Mesho oshe anatala na lilabelelo kuli yobe.
Ukabana byakulya byabo ha simbu inapande.
פ [Pe]
16 Ujangumuna liboko lyobe
Na kwana byuma byoshe bya kuyoya byuma bibishungwiya.
צ [Sade]
17 Yehova wapwa wa kusungama mu bingila byendi byoshe,
Wa kulongwa mu byuma byoshe byakalingi.
ק [Kofu]
18 Yehova ali muyehi na baje boshe bali na kutambeka kuli ikeye,
Baje bali na kutambeka kuli ikeye mu busunga.*
ר [Reshi]
19 Baje bakamuzibila lyoba akabana byuma bibashungwiya.
Akazibi kulila kwabo kwa kulomba bukwasi na kubamena.
ש [Shini]
20 Yehova akanyungu boshe baje bamuzema,
Oloni banu bababi boshe akabanyongesa.
ת [Tau]
21 Kanwa kange kashangazala Yehova.
Cuma coshe ca kuyoya cishangazale lizina lyendi lya kujela myaka yoshe.
146 Shangazaleni Jah!*
Mubila* wange woshe ushangazale Yehova.
2 Njishangazala Yehova mu kuyoya kwange kwoshe.
Njimbila Njambi yange myaso ya kumushangazala simbu njiciyoya.
3 Keti mukulahele bamyata*
Nambe kukulahela muna munu uje kasa kunena kwoboka.
4 Sipilitu yendi* ituhuka, eluka ku likungu,
Ha litangwa lije bene bisinganyeka byendi binyonga.
5 Nabwahelela munu uje Njambi ya Jakobu napu mukwasi wendi,
Uje nalabelela kuli Yehova Njambi yendi,
6 Uje watangele lilu na lifuti-libu,
Kalunga-ndonga na byoshe bilimo,
Uje wapwa wa kulongwa simbu yoshe,
7 Uje akakula mwamubwa baje babanapukula,
Uje akana byakulya baje banatsi njala.
Yehova apatula mapanditi.*
8 Yehova atonesa mesho a tupuputwa.
Yehova andula baje banakulama.
Yehova wazema banu ba kusungama.
9 Yehova ali na kunyungilila banu ba kutunda ku mafuti eka.
Akwasa mwana uje kesi na ishe na fwile,
Oloni atanganesa matumbe a banu bababi.*
10 Yehova apwa Mwene myaka yoshe,
Njambi yobe, obe Siyone, apwa Mwene ku bisemwa byoshe.
Shangazaleni Jah!*
Kwakubwa kwimba myaso ya kushangazala Njambi yetu.
Kwakubwa manene, co kunapande kumushangazala!
2 Yehova ali na kutunga Jelusalema.
Akungulula baIsalele baje babanashandola.
3 Akangwisa baje banapokoka bimbunge,
Akuta ha bimbandu byabo.
4 Azibuka namba ya bingongonosi.
Asana imo na imo ha lizina.
5 Mwata wetu wapwa wakama, co wakala manene na nzili.
Kuzibisisa cendi kucakele na ha hacasikisila.
6 Yehova akatula banu bababotsi,
Oloni banu bababi abandamwina hasi.
7 Imbileni Yehova na kukandelela.
Imbileni Njambi yetu myaso ya kumushangazala ya kwimba na kalyalya,
8 Uje akafwiki melu na mashelwa,
Uje akanyokesa nyonzi ha lifuti-libu,
Uje akalingisa mwila umene ha minkinda.
9 Akana tusitu byakulya
Na bana ba makololo baje bakabililila.
10 Kesi kukomoka nzili ya kabalu,
Nambe kukomoka mendi a munu wa kukanyama.
11 Yehova washaka baje bamuzibila lyoba,
Baje babandamena cizemo cendi cije kucesi kutenguluka.
12 Obe Jelusalema, ana Yehova bumpau.
Obe Siyone, shangazala Njambi yobe.
13 Akanyamesa tupateso twa bikolo bya nganda yobe.
Abezikisa bana bobe baje bali muli yobe.
14 Anena kwoloka mu mutambela wobe.
Akukutisa na tiliku yaibwa manene.
15 Atuma lishiko lyendi ha lifuti-libu.
Lijwi lyendi lishatuka bwasi-bwasi.
16 Anyokesa mema a kukonda ngwe maka a bimanga.
Ashandola mema a kukonda ngwe uje ashandola lito.
17 Anyokesa nyonzi yendi ya mamanya* ngwe bungululu bwa likende.
Iya asa kukolesa ku lisika lyendi?
18 Atuma lijwi lyendi, co mema a kukonda asangunuka.
Alingisa lihunzi lyendi lihuwe, co mema enda.
19 Akaleke Jakobu lijwi lyendi,
Akaleke Isalele mashiko endi na kusompa kwendi.
20 Kalingile ngoco ku miyati yeka.
Kubazibuka mashiko endi.
Shangazaleni Jah!*
148 Shangazaleni Jah!*
Shangazaleni Yehova yeni mwakala mu melu.
Mushangazaleni, yeni mwakala mwilu.
2 Mushangazaleni, eni tungelo bendi boshe.
Mushangazaleni, eni maswalale bendi boshe.
3 Mushangazaleni, eni litangwa na ngonde.
Mushangazaleni, eni bingongonosi byoshe bya kubyakula.
4 Mushangazaleni, eni melu a helu manene*
Neni mema a helu lya melu.
5 Bishangazale lizina lya Yehova
Mwafwa washikile, co byakeleko.
6 Nabizameka myaka yoshe.
Nana lishiko lije kulikahu.
7 Shangazaleni Yehova yeni mwakala ha lifuti-libu,
Yeni byuma byakutanga byakama bya mu kalunga-ndonga neni binzinga byoshe,
8 Yeni mihyato na nyonzi ya mamanya, mema a kukonda na mashelwa a kuzibala,
Yobe lihunzi lyakama, yobe ukanyungu lijwi lyendi,
9 Yeni minkinda na malundu oshe,
Yeni miti ya bushuka na miti yoshe ya sida,
10 Yeni tusitu ba mu shwata neni bimuna boshe,
Yeni byuma bya kukalaba na tuzila,
11 Yeni bimyene ba ha lifuti-libu, neni baka-mafuti boshe,
Yeni bamyata, neni maako boshe ba ha lifuti-libu,
12 Yeni bakwenje na bambanda,
Bakulunu hamolika na banike.
13 Bashangazale lizina lya Yehova
Mwafwa lizina lyendi likelyo lika lili helu manene.
Bukama bwendi bunatubakana lifuti-libu na lilu.
14 Amesa nzili* ya banu bendi
Mangana bashangazale bakulongwa bendi,
Bana ba Isalele, banu baje bakala kuyehi nendi.
Shangazaleni Jah!*
149 Shangazaleni Jah!*
Imbileni Yehova mwaso wauha.
Mushangazaleni mu cikungulukilo ca banu ba kulongwa.
2 BaIsalele babwahelele mwafwa ya Muka-kutanga Wakama uje wabatangele.
Bana ba Siyone babwahelele mwafwa ya Mwene yabo.
3 Bashangazale lizina lyendi oku bakina
Na kumwimbila myaso ya kumushangazala na kangoma na kalyalya.
4 Mwafwa Yehova washaka banu bendi.
Banu bababotsi akabaziki kwoboka.
5 Banu ba kulongwa balisambe mwafwa ya bumpau bwabo.
Batambeke mu kubwahelela oku bali ha myela yabo.*
6 Tunwa twabo twimbe myaso ya kushangazala Njambi,
Bakwate moko ya bubela kubali mu maboko abo,
7 Mangana balinge baka-mafuti shambandinga
Na kwana miyati ya banu kashitiko,
8 Mangana bakute bimyene babo na malyenge
Na kukuta banu babo ba bulemu na malyenge,
9 Mangana babasompese kwesekesa nebi bibanasoneka hali bakebo.
Kasingimiko ka cifweci kanapande banu bendi boshe ba kulongwa.
Shangazaleni Jah!*
150 Shangazaleni Jah!*
Shangazaleni Njambi mu mwela wendi wa kujela.
Mushangazaleni mu bukambwila buje bukasholola* nzili yendi.
2 Mushangazaleni mwafwa ya bipangi byendi bya nzili.
Mushangazaleni mwafwa wakama manene.
3 Mushangazaleni na cilumo ca limbinga.
Mushangazaleni na cisanzi ca mikole ya kalyalya.
4 Mushangazaleni na kangoma na kukina oku muzenguluka.
Mushangazaleni na cisanzi ca mikole na kanamutolilo.
5 Mushangazaleni na bingenjo bya cilumo cacibwa.
Mushangazaleni na bingenjo bije byohya manene.
6 Byuma byoshe bya kuyoya bishangazale Jah.
Shangazaleni Jah!*
Nambe “kusinganyekesesela.”
Nambe “banalizibasana.”
Nambe “Kristu.”
Nambe “kuminangula.”
Lijwi na lijwi “Tsembeni.”
Nambe “ha mwonyo wange.”
Taleni Majwi Abanalumbununa.
Lijwi na lijwi “Njamesele mwela.”
Nambe “ha bulili bweni.”
Taleni Majwi Abanalumbununa.
Nambe “muka-kwitila maninga na muka-makuli.”
Nambe “mwela wobe wa kujela.”
Nambe “Bali na kukwata-kwata banu ha mesho.”
Taleni Majwi Abanalumbununa.
Nambe “njiteteleko.”
Nambe “Mwonyo wange unalishoshomwena.”
Nambe “wakwamene mwonyo wange.”
Nambe “akwanuka.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “Citwamo cange ca sofa.”
Nambe “Anakulubala.”
Nambe “basanyozola mwonyo wange.”
Nambe hamo “nga njinecelela uje ali na kunjilwisa kwa kujeneka bimo binjinamulingi.”
Lijwi na lijwi “Alyatangele kuyoya kwange.”
Nambe “Akoka.”
Taleni Majwi Abanalumbununa.
Nambe hamo “Bulemu bwobe bakabwendeka hakamwa ya melu.”
Nambe “bakulifwa na Njambi.”
Lijwi na lijwi “bikashama ba mu shwata.”
Taleni Majwi Abanalumbununa.
Lijwi na lijwi “bikolo bya muna Siyone wa munakazi.”
Taleni Majwi Abanalumbununa.
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe hamo “Munu wa nuna alibezikisa ikeye babenya.”
Nambe “Kunjipelyangela.”
Nambe “mu byala byendi bya kukola.”
Nambe “muna siwa.”
Nambe “mubakakokela.”
Nambe “lungusa.”
Nambe “lubula lwa kwakula mwamubwa.”
Nambe “akubyakula.”
Nambe hamo “Akanyokesela banu bababi manungu a tuhya.”
Nambe “akabatetela.”
Taleni Majwi Abanalumbununa.
Nambe “Mwonyo wange ukala.”
Nambe “nanjilingi mwamubwa manene.”
Nambe “Banu baje kubesi na mana.”
Nambe “kwa kujeneka kapenga.”
Nambe “kuzibisa shwamwa.”
Nambe “kakapelyangela.”
Taleni Majwi Abanalumbununa.
Nambe “Kubakanjipelyangelesa.”
Nambe “kuukaseze mwonyo wange.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe hamo “abole.”
Nambe “njimone bubwa.”
Nambe “mwizi.”
Nambe “Kulama na kutolilila.”
Nambe “bitozi ba mwonyo wange.”
Nambe “kutundamwina hasi.”
Nambe “amwengelela.”
Nambe “Amena mwonyo wange.”
Nambe “ba mu katumameno ka myaka ino.”
Nambe “kumona cifwa cobe.”
Taleni Majwi Abanalumbununa.
Nambe “mwobole wange wa nzili.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Lijwi na lijwi “mambaba a cakutanga ca sipilitu.”
Nambe “Bingila bya bindonga.”
Kulumbununa hakuloba manene.
Lijwi na lijwi “kwesekesa na kujela.”
Nambe “ba kuyanda.”
Nambe “kukoka.”
Nambe “likanjikanyamesa.”
Nambe “Tusendengele.”
Nambe “Ukanjana myongo ya bitozi bange.”
Lijwi na lijwi “njikolwesa.”
Nambe “bakakala na munjunju.”
Lijwi na lijwi “mbuto yendi.”
Nambe “mwonyo.”
Nambe “kwa kujela.”
Nambe “ibanajelesa.”
Nambe “Na kujeneka kulinga bubi kwa kujeneka kuziba shwamwa.”
Nambe “ibanajelesa.”
Nambe “Kakapelyangela.”
Hamo muyati umo wa cilumo nambe imbisi.
Nambe “kunjishaula.”
Lijwi na lijwi “Bananjumbila hali yobe.”
Nambe “Obola mwonyo wange.”
Lijwi na lijwi “maboko.”
Lijwi na lijwi “mbuto.”
Lijwi na lijwi “mbuto.”
Lijwi na lijwi “Mbunge yeni iyoye.”
Nambe “kuyoya.”
Lijwi na lijwi “Mbuto.”
Nambe hamo “mema a kwoloka.”
Nambe “Akahwimisa mwonyo wange.”
Nambe “binjizembeleka.”
Nambe “ha kuyoya kwange,” kulumbununa kuyoya kwa Yehova kwalisinga nakwo munu.
Nambe “kwakula mwamubwa.”
Nambe “Katukeni.”
Lijwi na lijwi “mbuto.”
Nambe “mwonyo.”
Lijwi na lijwi “patula.”
Lijwi na lijwi “kutumama.”
Nambe “kunjesi kulikwatasana na baka-kulikwisa.”
Lijwi na lijwi “kutumama.”
Nambe “baka-kwitila maninga a banu.”
Lijwi na lijwi “Njipatule.”
Nambe “mwela wendi wa kujela.”
Nambe “cihilo.”
Nambe “Lemeseni.”
Nambe hamo “mwafwa ya bulemu bwa kujela kwendi.”
Cisholoka ngwe ei inapu minkinda ya Lebanoni.
Lijwi na lijwi “likolumuna miti ya mu shwata.”
Nambe “mema amangi a mwilu.”
Nambe “unanjikoko.”
Nambe “unakoko mwonyo wange.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “cihilo.”
Nambe “Kunjikapelyangela.”
Lijwi na lijwi “maninga ange.”
Nambe “cihilo.”
Nambe “Kulama na kutolilila.”
Nambe “wa kulongwa.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Taleni Majwi Abanalumbununa.
Nambe “ibanakonekela.”
Nambe “kulubala kwobe.”
Nambe “cimulu.”
Nambe “muku.”
Kulumbununa mema a kushatuka manene.
Nambe “kunangula.”
Nambe “bisinganyeka.”
Nambe “Binangulo bya.”
Nambe “akuhyanesa.”
Nambe “amene myonyo yabo.”
Nambe “Myonyo yetu inabandamena.”
Nambe “bana ba bindumba ba kukola.”
Nambe “banazeye.”
Nambe “Bukalu.”
Nambe “kuyoya.”
Kulumbununa bintelo byabindondo bibakele na kwambata baka-kwasha na mata a lusipa.
Kulumbununa kangimbu kabakapangesa mu nzita.
Nambe “kuyoya.”
Nambe “Banendila mwonyo wange.”
Nambe “mwonyo wange.”
Nambe “kulingisa mwonyo wange.”
Nambe hamo “bali na kunjishendumuna mwafwa ya tubyakulya twatundondo.”
Nambe “Amena mwonyo wange.”
Nambe “bana ba bindumba ba kukola.”
Nambe “ikanuka.”
Kulumbununa ha kuloba manene.
Nambe “ukobola.”
Nambe “Wana kubwahelela kwakama.”
Lijwi na lijwi “Sindumwina ngila yobe.”
Nambe hamo “Keti ulubale mwafwa kulubala citwala lika ku bushonde.”
Nambe “kukoka.”
Kulumbununa mwela wa kulisila bimuna.
Nambe “akanyamesa.”
Nambe “amukwata na liboko lyendi.”
Lijwi na lijwi “likende.”
Nambe “uje enda mu kulongwa.”
Lijwi na lijwi “Nahamo hahi hanjiziba bwino mu situ yange.”
Lijwi na lijwi “Ku binyonga byange kuli tuhya.”
Nambe “kuyoya.”
Lijwi na lijwi “bali na kuyoya.”
Nambe hamo “Bitozi bange baje banjizinda kwa kujeneka mulonga banatumu.”
Taleni Majwi Abanalumbununa.
Nambe “kulinyenga.”
Lijwi na lijwi “Akalingi kalwa.”
Nambe “muka-kunyunyumana.”
Nambe “njabandamenene kuli Yehova na mbunge imolika.”
Nambe “wakulamene na kutolilila.”
Nambe “baka-kukwisa.”
Nambe “kuwazibilile kubwaha.”
Nambe “Kangwisa mwonyo wange.”
Nambe “Kushwa kwa kujeneka mashangumukilo kuya kwa kujeneka mamaneselelo.”
Taleni Majwi Abanalumbununa.
Nambe “Mwonyo wange.“
Nambe “njitila mwonyo wange.”
Nambe “mwonyo wange unombwela.”
Nambe “mwonyo wange unombwa.”
Nambe “munkinda waundondo.”
Kulumbununa ha kuloba manene.
Nambe hamo “ngwe baje bali na kutika bitsiya byange.”
Nambe “Mwonyo wange unombwela.”
Nambe “Mwonyo wange unombwela.”
Taleni Majwi Abanalumbununa.
Nambe “oboke.”
Lijwi na lijwi “litangwa lyoshe lya mutunu.”
Lijwi na lijwi “Tupatule.”
Taleni Majwi Abanalumbununa.
Nambe “peni.”
Nambe “muka-kusoneka.”
Nambe “kwakula mwamubwa.”
Lijwi na lijwi “njibo.”
Taleni Majwi Abanalumbununa.
Nambe hamo “bintelo.”
Lijwi na lijwi “limbinga,” kulumbununa limbinga lya manga wa nkomba.
Lijwi na lijwi “bintelo.”
Nambe “ku north.”
Nambe “banaliwana ngwe mubalishikilile.”
Lijwi na lijwi “Bana babanakazi.”
Nambe hamo “kweta noho hatutsila.”
Nambe “mu katumameno ka myaka.”
Nambe “kusokola.”
Nambe “kuyoya.”
Nambe “cihilo.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “apatula mwonyo wange.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “azumbangeya mwonyo wendi.”
Nambe “Njambi wa Nzili, Yehova.”
Lijwi na lijwi “bimembe ba nkomba.”
Nambe “kukulongesa.”
Lijwi na lijwi “kumbila majwi ange kunima yobe.”
Nambe hamo “ukalikwatasana nendi.”
Nambe “Ukamubiisa lizina.”
Nambe “mu bisinganyeka byange.”
Lijwi na lijwi “Yobe lika.”
Nambe “Co njapwa nji muka-bubi kutunda habanjimitilile banana.”
Taleni Majwi Abanalumbununa.
Nambe “zimangana.”
Nambe “kuuyengula.“
Taleni Majwi Abanalumbununa.
Nambe “mwela wendi wa kubanda wa kukola.”
Nambe “kubanda mu”
Taleni Majwi Abanalumbununa.
Taleni Majwi Abanalumbununa.
Nambe “Banu baje kubesi na mana.”
Nambe hamo “Bakaziba lyoba kwa kujeneka bya kubazibisa lyoba.”
Lijwi na lijwi “baje banakutungila cilombo mangana bakulwise.”
Taleni Majwi Abanalumbununa.
Nambe “kuyoya.”
Nambe “Kubesi kwaka Njambi halutwe lwabo.”
Lijwi na lijwi “Bolwese.”
Taleni Majwi Abanalumbununa.
Nambe “Keti ulishweke munjilomba bukwasi.”
Nambe “kwangununa ndaka yabo.”
Nambe “yobe munu wa kupwa hamo nange.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Lijwi na lijwi “Anjipatula.”
Nambe “kwana mwonyo wange.”
Kulumbununa kabusamba kendi wa laja yanendeka mu vesi 13 na 14.
Nambe “apelyangele.”
Taleni Majwi Abanalumbununa.
Taleni Majwi Abanalumbununa.
Taleni Majwi Abanalumbununa.
Nambe “ba kulumbuka.”
Lijwi na lijwi “mwimo lya bainabo.”
Nambe “bana ba bindumba ba kukola.”
Taleni Majwi Abanalumbununa.
Nambe “Babwoza.”
Nambe “kumbwata.”
Nambe “Babwoze.”
Taleni Majwi Abanalumbununa.
Nambe hamo “Unana.”
Lijwi na lijwi “buta bwa lusipa.”
Nambe hamo “mu mwela wendi wa kujela.”
Nambe “Cana ca Kunyekama.”
Nambe hamo “nganda ibananyungilila.”
Lijwi na lijwi “Njipwa nji mungenzi.”
Taleni Majwi Abanalumbununa.
Nambe “mwonyo wange ubandamena.”
Nambe “ca bulemu.”
Nambe “Mwonyo wange wajauka.”
Nambe “kunyongesa kuyoya kwange; kunjitsiya.”
Nambe “akalishasha.”
Nambe “Balishongangeya umo na mukwabo kulinga byabibi.”
Nambe “bakalishasha.”
Nambe “Mwela wobe wa kujela.”
Nambe “mifolo.”
Nambe “ha mihanga.”
Kulumbununa mwela wa kulisila bimuna.
Nambe “Akatwana kuyoya.”
Nambe “apelyangele.”
Nambe “bamusingimika.”
Nambe hamo “ha mashelwa.”
“Jah” inapu kubatwila lizina lya Yehova.
Lijwi na lijwi “lyaako wa.”
Nambe “baka-kutengulukila.”
Lijwi na lijwi “buswana.”
Nambe hamo “matanga a bimanga.”
Nambe “Kwafwile lika ngwe mema a kukonda anyokele mu Zaumoni.”
Nambe “munkinda wakama manene.”
Nambe “washungwiya.”
Nambe “kwenda.”
Nambe hamo “kulyatangela.”
Nambe hamo “Miluwa bakaija.”
Lijwi na lijwi “mashelwa.”
Kulumbununa mema a kushatuka manene.
Nambe hamo “Munjalilile na kulibindika kulya.”
Kulumbununa ha kuloba manene.
Kulumbununa mema a kushatuka manene.
Kulumbununa ha kuloba manene.
Nambe “bwina.”
Nambe “co njili hayehi na kuzeya.”
Nambe “cimena ca bushungu.”
Nambe “bukalu.”
Nambe “cilombo ca cibumbe.”
Nambe “libulu lya kuyoya.”
Kulumbununa, lifuti.
Nambe “kuyoya.”
Nambe “Kulama na kutolilila.”
Nambe “bashakezeka mwonyo wange.”
Nambe “balwisa mwonyo wange.”
Nambe “kubitanda.”
Nambe “ha nzinga.”
Nambe “unapatula kuyoya kwange.”
Lijwi na lijwi “muna mwene.”
Lijwi na lijwi “Asompe.”
Nambe “Akayula.”
Kulumbununa, Yufreti.
Nambe “kuyoya.”
Nambe “Akapatula myonyo yabo.”
Nambe “kulishasha.”
Nambe “Bakala na mafu akama.”
Nambe “nekilesi.”
Lijwi na lijwi “Mazi.”
Lijwi na lijwi “uyengula bihanga byabo.”
Lijwi na lijwi “bintso byange.”
Lijwi na lijwi “Ukolwesa.”
Nambe “uje alinga ngwe muka-bupangala.”
Taleni Majwi Abanalumbununa.
Kulumbununa mwela wa kulisila bimuna.
Nambe “Myela yoshe ibali na kulemesela Njambi.”
Taleni Majwi Abanalumbununa.
Nambe “kuyoya.”
Lijwi na lijwi “limbinga.”
Lijwi na lijwi “Keti ujundwile limbinga lyobe mwilu.”
Nambe “ku south.”
Nambe “bisele.”
Lijwi na lijwi “limbinga.”
Lijwi na lijwi “limbinga.”
Nambe “Ceke cinakufwiki.”
Taleni Majwi Abanalumbununa.
Nambe “kuzembeleka mwonyo wange.”
Nambe “Njili na kuziba kubabala ku mbunge.”
Nambe “liboko lyobe.”
Nambe “kupatula.”
Lijwi na lijwi “Na liboko lya.”
Taleni Majwi Abanalumbununa.
Nambe “bilongesa.”
Lijwi na lijwi “kubyalibwaheselele.”
Lijwi na lijwi “likende.”
Lijwi na lijwi “likende.”
Nambe “bya tungelo.”
Nambe “ku south.”
Nambe “Muka-kubalingilako shambandinga.”
Nambe “kufwika.”
Lijwi na lijwi “situ.”
Nambe hamo “Bapwile ngwe sipilitu ije ikai, co kuyesi kwiluka.”
Nambe “Bazibisile kubabala ku mbunge.”
Lijwi na lijwi “liboko lyendi.”
Lijwi na lijwi “lyabapatwile.”
Nambe hamo “lisika-sika.”
Lijwi na lijwi “Co bambanda bendi kubabashangazalele.”
Lijwi na lijwi “kufwika.”
Lijwi na lijwi “liboko.”
Nambe hamo “upatule.”
Kulumbununa, mwela wa kulisila bimuna.
Nambe hamo “mukati.”
Nambe “jombolola ceke cobe.”
Kulumbununa, Yufreti.
Nambe “Nsina ya muti wa binyu.”
Nambe “munango.”
Lijwi na lijwi “butenu bwa cihanga cobe.”
Taleni Majwi Abanalumbununa.
Nambe ”ndaka.”
Lijwi na lijwi “mu mwela wa kulishweka wa cililimo.”
Kulumbununa, “Kulizungisa.”
Lijwi na lijwi “Bendele mu kunangula kwabo babenya.”
Nambe “bakulifwa na Njambi.”
Nambe “Sompeleni.”
Nambe “bakulifwa na Njambi.”
Lijwi na lijwi “banapu liboko lya.”
Nambe “bantwama.”
Taleni Majwi Abanalumbununa.
Nambe “Mubila.”
Nambe “cinema ca biputa bya bakka.”
Nambe hamo “Tala ntelo yetu, obe Njambi.”
Nambe “Wafwikile.”
Nambe “Tukungulule lalo.”
Nambe “Kulama na kutolilila.”
Nambe “kuyoya.”
Nambe “Njane mbunge ya kujeneka kulyangununa.”
Nambe “kuyoya.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “kuyoya.”
Nambe “kubakwakele halutwe lwabo.”
Nambe ”bubwa.”
Nambe ”wakala manene na busunga.”
Nambe “bukaleho.”
Nambe “Kuli yange, yobe nsina ya byuma byoshe.”
Taleni Majwi Abanalumbununa.
Taleni Majwi Abanalumbununa.
Nambe “Kulama na kutolilila.”
Taleni Majwi Abanalumbununa.
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “cihilo.”
Nambe “ngwe munu uje kesi na nzili.”
Taleni Majwi Abanalumbununa.
Nambe “mu Abadoni.”
Nambe “biubyanena mwonyo wange.”
Nambe hamo “ha simbu imolika.”
Taleni Majwi Abanalumbununa.
Nambe “bacitunga.”
Lijwi na lijwi “mbuto.”
Nambe “ku north.”
Nambe “ku south.”
Lijwi na lijwi “limbinga.”
Nambe “nzili yendi.”
Lijwi na lijwi “mbuto.”
Nambe “mwafwa ya kutengulukila.”
Lijwi na lijwi “Mbuto.”
Lijwi na lijwi “Unajundwila mwilu liboko lya cilyo lya bitozi bendi.”
Lijwi na lijwi “liboko lya Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe hamo “mwela wetu wa kukala.”
Nambe “Kushwa ku myaka yoshe kuya ku myaka yoshe.”
Nambe “Uzibuka milonga yetu.”
Nambe “Kuyoya kwetu.”
Nambe “mwela wobe wa kubanda wa kukola; butewelo.”
Nambe “akamone munjikamwobwela.”
Lijwi na lijwi “limbinga.”
Nambe “mu simbu ya kutoka bwele.”
Nambe “cinafwila.”
Lijwi na lijwi “Ngwe njili mu mwela wa kwoloka.”
Nambe “mubyanjilemenene.”
Nambe “baka-kuyula; maako.”
Nambe “mwonyo wa munu wa kusungama.”
Lijwi na lijwi “Na kwana mulonga maninga a munu uje kesi na mulonga.”
Lijwi na lijwi “kubolwesa.”
Lijwi na lijwi “abolwesa.”
Lijwi na lijwi “cihanga cendi.”
Kulumbununa mwela wa kulisila bimuna.
Lijwi na lijwi “ba mu liboko lyendi.”
Kulumbununa “Kulizungisa.”
Kulumbununa “Kweseka; Ceseko.”
Nambe “Kasingimiko.”
Nambe “Lemeseni.”
Nambe hamo “mwafwa ya bulemu bwa kujela kwendi.”
Nambe “Akemanena.”
Nambe “mwafwa naija.”
Nambe “Mulemeseni.”
Lijwi na lijwi “Bana ba banakazi ba.”
Nambe “kuyoya.”
Nambe “ku nzili.“
Nambe “linamulingisa ahyane.”
Nambe “kuhyana.”
Nambe “ mwafwa naija.”
Nambe hamo “mukati.”
Nambe “kumulemesela.”
Mu Cihebelu, “lishelwa lije lyasholokele ngwe ngunzi.”
Lijwi na lijwi “wabalingile shambandinga.”
Nambe “kumulemesela.”
Nambe hamo “keti yetu babenya.”
Kulumbununa mwela wa kulisila bimuna.
Nambe “mu kulongwa.”
Lijwi na lijwi “Kunjizibuka.”
Nambe “Njimunyongesa.”
Nambe “enda mu kulongwa.”
Nambe “njinyongesa.”
Nambe “Kulama na kutolilila.”
Nambe hamo “Njinakwayuluka.”
Nambe “kunjimona bulema.”
Nambe “lizina.”
Nambe “Mwonyo wange ushangazala.”
Nambe “Mwonyo wange ushangazala.”
Nambe “cihilo.”
Nambe “bubwa.”
Nambe “cakalako kutunda kwa kujeneka mashangumukilo kutwala kwa kujeneka mamaneselelo.”
Nambe “Mwonyo.”
Nambe “Mwonyo wange ushangazala.”
Nambe “kasingimiko.”
Liwi na lijwi “bapwe basipilitu.”
Nambe “Bana ba bindumba ba kukola.”
Taleni Majwi Abanalumbununa.
Nambe hamo “Byuma binjisinganyekesesa hali ikeye bipwe byabibwa.”
Nambe “Mwonyo wange ushangazala.”
Nambe “Haleluya!” “Jah” inapu kubatwila lizina lya Yehova.
Nambe hamo “Ambululeni.”
Lijwi na lijwi “mbuto.”
Lijwi na lijwi “Lijwi lyashikile.”
Lijwi na lijwi “bawayandesele.”
Lijwi na lijwi “akute.”
Nambe “milangi ya tuhya.”
Nambe “Haleluya!” “Jah” inapu kubatwila lizina lya Yehova.
Nambe “Haleluya!” “Jah” inapu kubatwila lizina lya Yehova.
Nambe “Njikushangazale mu kulyalesa.”
Nambe “kubazibisisile bibilumbununa.”
Nambe “wasaleleho.”
Nambe “Balikwatasanene na.“
Kulumbununa milambu ibanene ku banu ba kutsa nambe ku tumponya.
Kulumbununa “Kulizungisa.”
Nambe “alibeye.”
Nambe “Kutunda kwa kujeneka mashangumukilo kuya kwa kujeneka mamaneselelo.”
Nambe “Cifwe ngoco.”
Nambe “Haleluya!” “Jah” inapu kubatwila lizina lya Yehova.
Nambe “basokwele.”
Nambe “nzili.”
Nambe “ku north.”
Nambe “ku south.”
Nambe “Mwonyo wabo wazindile.”
Lijwi na lijwi “mu citwamo ca.”
Nambe hamo “mu mwela wendi wa kujela.”
Nambe “Cana ca Kunyekama.”
Nambe “Muka-kubangeya.”
Nambe “bamuwane ngwabo munu wamubi.”
Lijwi na lijwi “Bana bendi ba banalume.”
Lijwi na lijwi “Bana bendi ba banalume.”
Nambe “amumwesa cizemo cije kucesi kutenguluka.”
Nambe “cizemo cije kucesi kutenguluka.”
Lijwi na lijwi “Situ yange inapapula, kuyesi na mazi.”
Nambe “mukanjo wa kujeneka maboko.”
Nambe “ha litangwa libakalikungulula maswalale bobe.”
Nambe “kalibeye.”
Nambe “wa lifuti-libu lyoshe.”
Kulumbununa “Mwata ” ibanendeka mu vesi 1.
Nambe “Haleluya!” “Jah” inapu kubatwila lizina lya Yehova.
Nambe “bubwa.”
Nambe “Haleluya!” “Jah” inapu kubatwila lizina lya Yehova.
Nambe “bubwa.”
Nambe “Limbinga.”
Nambe “Haleluya!” “Jah” inapu kubatwila lizina lya Yehova.
Nambe “natumama ha litanda.”
Nambe “hakumbila mazilo.”
Nambe “Haleluya!” “Jah” inapu kubatwila lizina lya Yehova.
Nambe “Haleluya!” “Jah” inapu kubatwila lizina lya Yehova.
Nambe hamo “Njazema Yehova mwafwa akazibi.”
Nambe “anjikulamena na kunjitolilila.”
Lijwi na lijwi “matangwa ange oshe.”
Nambe “bubwa.”
Taleni Majwi Abanalumbununa.
Lijwi na lijwi “cuma ca seho.”
Nambe “Haleluya!” “Jah” inapu kubatwila lizina lya Yehova.
Nambe “Haleluya!” “Jah” inapu kubatwila lizina lya Yehova.
“Jah” inapu kubatwila lizina lya Yehova.
Nambe hamo “ali hamolika na baje bali na kunjikwasa.”
Nambe hamo “Wanjinakwile.”
Nambe “kuhyana.”
Lijwi na lijwi “linapu mutwe wa mu mbango.”
Nambe “bakulongwa.”
Lijwi na lijwi “Bingila byange bikanyame.”
Nambe “Njililongesa.”
Nambe “alilongesa.”
Lijwi na lijwi “bingila bya.”
Nambe “njililongese.”
Lijwi na lijwi “Njishatuka mu.”
Nambe hamo “walingisa mbunge yange isimpe.”
Nambe ”Njilingise njende.”
Nambe ”ku profiti .”
Nambe “byuma biunendeka.”
Nambe hamo “Cibanabwahesela baje bakuzibila lyoba.”
Nambe “byuma biunendeka.”
Nambe “njabandamena.”
Nambe “cikulaheso.”
Nambe “Lije liwanjilingisile njibandamene.”
Nambe “Mu njibo munjikala ngwe munu wa ku lifuti lyeka.”
Nambe “Njibotsiisa cihanga cobe.”
Nambe “byuma biunendeka.”
Nambe “kulinga bubi kwa kujeneka kuzibuka.”
Nambe “Njibandamena lijwi lyobe.”
Nambe “byuma biunendeka.”
Nambe “njililongesa.”
Nambe “Njibandamena lijwi lyobe.”
Kulumbununa byakutanga byoshe.
Lijwi na lijwi “lyajangumuka manene.”
Nambe “Njikalilongesalyo.”
Nambe “njikalilongesa.”
Lijwi na lijwi “milambu ya mu kanwa kange ya kutundilila kwisi ya mbunge.”
Nambe “Mwonyo wange uli mu liboko lyange simbu yoshe.”
Nambe “buswana.”
Lijwi na lijwi “Njinaka mbunge yange ku.”
Nambe “Njibandamena lijwi lyobe.”
Nambe “Njikwase kwesekesa na byuma biwendekele.”
Lijwi na lijwi “situ.”
Nambe “byendeka.”
Nambe “ibanajelesa.”
Nambe “mashiko.”
Lijwi na lijwi “kuhwimasana.”
Lijwi na lijwi “Njipatule.”
Nambe “cimweswile.”
Nambe “muje njwa.”
Nambe “Njibandamena majwi obe.”
Nambe “njililongese.”
Nambe “byuma biunendeka.”
Nambe “Njobole kwesekesa na byuma biunendeka.”
Taleni Majwi Abanalumbununa.
Nambe “amena mwonyo wange.”
Lijwi na lijwi “abwezelela bika kuli yobe?“
Nambe “lipelyangele.”
Nambe “kuyoya.”
Lijwi na lijwi “muutuhuka nomu muukobela.”
“Jah” inapu kubatwila lizina lya Yehova.
Nambe “ngwe anangumbula myonyo yetu.”
Nambe “ngwe anafwiki myonyo yetu.”
Nambe “lyumato.”
Nambe “mifolo.”
“Jah” inapu kubatwila lizina lya Yehova.
Nambe “ukatulika.”
Nambe “Mubila.”
Nambe “njalyolwesa yange babenya.” Taleni Majwi Abanalumbununa.
Nambe “citwamo cange ca sofa.”
Nambe “Tabanakele yakama ya.”
Nambe “mu tabanakele yendi yakama.”
Lijwi na lijwi “bushuka bwa limo lyobe.”
Lijwi na lijwi “limbinga.”
Nambe hamo “mu mwela wa kujela.”
Nambe “Haleluya!” “Jah” inapu kubatwila lizina lya Yehova.
Nambe “bufuko bwendi bwa seho.”
Nambe “mbundu.”
Nambe hamo “Akazikwila nyonzi bingila.”
Nambe “lizina.”
Nambe “emanena.”
Nambe “alibeyela bangamba bendi.”
Kulumbununa Babiloni.
Nambe hamo “lisekwe.”
Lijwi na lijwi “muna Babiloni wa munakazi.”
Nambe hamo “Njikwimbila myaso mangana njishaule binjambi beka.”
Nambe “mwela wobe wa kujela.”
Nambe hamo “unamesa lijwi lyobe kutubakana lizina lyobe.”
Lijwi na lijwi “Ukanjipeselesa.”
Nambe “kuli yange akomokesa manene.”
Nambe “kunjasa kunanguka hawasikisila.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe hamo “Wanjinungakanenene.”
Lijwi na lijwi “kukala nobe.”
Nambe “baje bali na mulonga wa maninga.”
Nambe “kwesekesa nomu mubalizibila.”
Nambe “mena a mema.”
Nambe “kwa kumbolomoka.”
Nambe “Sheo,” kulumbununa cihilo ca cifwisa ca banu boshe. Taleni Majwi Abanalumbununa.
Nambe “Keti witile kuyoya kwange.”
Taleni Majwi Abanalumbununa.
Lijwi na lijwi “Sipilitu.”
Lijwi na lijwi “naumo wahi anjizibuka.”
Lijwi na lijwi “Naumo wahi waka mbunge mwonyo wange.”
Lijwi na lijwi “mutamba wange.”
Lijwi na lijwi “Sipilitu.”
Nambe “Njililongesa.”
Lijwi na lijwi ”Sipilitu.”
Nambe “cihilo.”
Nambe “kusungama.”
Lijwi na lijwi “Olwesa.”
Nambe “kupindisa mwonyo wange.”
Nambe “jendeka.”
Kulumbununa mema a kushatuka manene.
Lijwi na lijwi “Maboko abo a cilyo apwa maboko a cilyo a makuli.”
Nambe “ukobola.”
Nambe “bya nzili yobe.”
Nambe “bubwa.”
Nambe “kutundilila kwisi ya mbunge.”
Nambe “Haleluya!” “Jah” inapu kubatwila lizina lya Yehova.
Nambe “Mwonyo.”
Nambe “banu ba bulemu.”
Nambe “Muku wendi.”
Lijwi na lijwi “baje babanakutu.”
Nambe “apengapengesa ngila ya banu bababi.”
Nambe “Haleluya!” “Jah” inapu kubatwila lizina lya Yehova.
Nambe “Haleluya!” “Jah” inapu kubatwila lizina lya Yehova.
Nambe “mema a kukonda.”
Nambe “Haleluya!” “Jah” inapu kubatwila lizina lya Yehova.
Nambe “Haleluya” “Jah” inapu kubatwila lizina lya Yehova.
Lijwi na lijwi “melu a melu.”
Lijwi na lijwi “limbinga.”
Nambe “Haleluya” “Jah” inapu kubatwila lizina lya Yehova.
Nambe “Haleluya” “Jah” inapu kubatwila lizina lya Yehova.
Nambe “bulili bwabo.”
Nambe “Haleluya” “Jah” inapu kubatwila lizina lya Yehova.
Nambe “Haleluya” “Jah” inapu kubatwila lizina lya Yehova.
Nambe “mu lilu lije likana bukaleho bwa.”
Nambe “Haleluya” “Jah” inapu kubatwila lizina lya Yehova.