Vavuthamba Va Njambi Vakalingi Vyuma Vyavivwa

Nga muli na kavuthamba keni uje mwashaka nakuthingimika manene, neni lalo mwetheka kumutembunwina. Mbimbiliya yendeka ngwayo: “[Yehova] wapwa wa vushunga na vuvwa.” (Myaso 25:8) Nga tushaka kupwa kavuthamba ka Njambi, tunapande kupwa va vuthunga na vuvwa. Mbimbiliya yendeka ngwayo: “Ngwe omo mwapwa vana va Njambi vamuya ku mbunge, munapande kulifwa nendi. Endeni mu cizemo.” (Efeso 5:1, 2) Mwatha kulifwa na Njambi mu vingila evi:

Kwatheni vakweni. “Tunapande kulingila vuvwa kuli munu na munu.”—Ngalatiya 6:10.

Pweni vaka-kukilikita. “Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya.”—Efeso 4:28.

Lijeletheni ku muvila na mu tumbamethi yeni. “Tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.”—2 Kolinte 7:1.

Thzemeni vaka-nanga yeni nakuvathingimika. “Munalume napande kuzema munakazi wendi ngwe mwalizema ikeye vavenya, co munakazi woshe napande kusingimika munalume wendi. Eni vanike, ononokeni kuli visemi veni.”—Efeso 5:33–6:1.

Thzemeni vakweni. “Tulizemeni umo na mukwavo, omwo cizemo catunda kuli Njambi.”—1 Yowano 4:7.

Kavangeyeni mashiko a mu lifuti. “Munu woshe napande kwononoka [ku fulumende], . . . Fweteni vije vinapu vyavo, vafweteni lisimu lyeni na lisimu lya ku vufuko vweni.”—Loma 13:1, 7.