Naanga
Yehova ikeye wabwahesele ngwendi kukale naanga
Bisemi
Taleni ñanda ya mutwe wa “Bisemi”
Bisemi ba banalume
Taleni ñanda ya mutwe wa “Bisemi ba Banalume”
Bisemi ba banakazi
Taleni ñanda ya mutwe wa “Bisemi ba Banakazi”
Banalume Baje Banambata, Banakazi Baje Banashomboka
Taleni ñanda ya mutwe wa “Bulo”
Bana ba Banalume na Bana ba Banakazi
Bana bali na cipangi muka mu naanga?
Mwafwa bika bana banapande kwononoka bisemi babo?
Myanja ya mu Mbimbiliya ije yasa kumikwasa:
Sm 78:1-8—BaIsalele balekele bana babo bibalingile bakukulwila babo munima ya kubana mashiko kuli Yehova. Balingile ngoco mangana bakwase bana babo kukulahela Yehova
Luk 2:51, 52—Yesu wapwile wa kulumbunuka, oloni watwaleleleleho kwononoka bisemi bendi baje kubapwile ba kulumbunuka
Mwafwa bika bana kunasa kubakaluwila kwononoka bisemi babo?
Njambi akamono bati bana baje kubesi kwononoka bisemi babo?
Myanja ya mu Mbimbiliya ije yasa kumikwasa:
Det 21:18-21—Lishiko lya Mosesa lyamwesele ngwalyo mwana uje wakele na kalingolingo ka kunwa manene bwala na kujeneka kusingimika bisemi bendi bapandele kumutsiya nga shendi kutengulula futisi yendi
2Bi 2:23, 24—Bambeya babali batsiile cibunga ca banike ba bakwenje baje kubasingimikile kapolofweto Elisha uje wakele na kwimanena Njambi
Bisemi banapande kumona bati cipangi ca kulela bana?
Myanja ya mu Mbimbiliya ije yasa kumikwasa:
Lev 26:9—BaIsalele bamwene kukala na bana na kubalela kupwa cibezikiso ca kutunda kuli Yehova
Yom 42:12, 13—Yombi wapwile wa kulongwa nameme wayandele manene, co Yehova wamubezikisile hamolika na munakazi wendi ha kubana bana bakwabo ba kupwa 10
Yehova ashaka ngwendi bana bakale bati na baje babanasemuka nabo mu naanga?
Mwanja wa mu Mbimbiliya uje wasa kumikwasa:
Gen 27:41; 33:1-11—Jakobu walingile mwoshe mwaselele mangana akale mu kwoloka na ndolome yendi Isau, co oku kwalingisile Isau amumwese cizemo
Bana ba kukola banapande kulingila bika bisemi na bakuku yabo?
Myanja ya mu Mbimbiliya ije yasa kumikwasa:
Gen 11:31, 32—Abrahamu mwatundile mu nganda ya Ule, wambatele na ishe Tela. Co wamunyungile mwamubwa kweta noho hatokelele
Mat 15:3-6—Yesu wapangesele Lishiko lya Mosesa mu kumwesa ngwendi bana baje banakolo banapande kukwasa bisemi babo mu byuma bibatonda
Baka-bulo bwa Munu
Taleni ñanda ya mutwe wa “Baka-bulo bwa Munu”
Bakuku ya Munu
Taleni ñanda ya mutwe wa “Bakuku ya Munu”