Kukonekela
Kuma Yehova washaka kukonekela ndi?
Taleni lalo 2Pi 3:9
Myanja ya mu Mbimbiliya ije yasa kumikwasa:
Sm 78:40, 41; 106:36-46—Bubi bubalingile baIsalele kushwa kumo bwazibisile Yehova kubabala ku mbunge, oloni wakele na kubakonekela
Luk 15:11-32—Yesu wapangesele cakumwenako ca cisemi wa munalume uje wakonekelele munendi mwatengulukile na kwecela bubi. Eci cakumwenako cimwesa mwafwila Yehova
Yehova walingile bika mangana akonekele bubi bwetu?
Myanja ya mu Mbimbiliya ije yasa kumikwasa:
Heb 9:22-28—Kapositolo Paulu walumbunwine ngwendi Yehova asa kukonekela bubi bwetu mwafwa ya mulambu wa Yesu
Kuj 7:9, 10, 14, 15—Kapositolo Iwano wasonekele ngwendi Njambi asa kukonekela bubi bwa “mbunga yakama” ya banu mwafwa banamwesa likulahelo mu ndando ya kupatula ya Yesu
Nga tushaka ngwetu Yehova atukonekele, tunapande kulinga bika nga bakwetu batubiisila?
Mat 6:14, 15; Mak 11:25; Luk 17:3, 4; Jms 2:13
Myanja ya mu Mbimbiliya ije yasa kumikwasa:
Yom 42:7-10—Simbu kanda Yehova akangwise Yombi na kumubezikisa, wamulekele ngwendi alombelele babusamba bendi baje kubendekele byuma byabibwa hali ikeye
Mat 18:21-35—Yesu wanene cakumwenako cije camwesele ngwabo tunapande kukonekela bakwetu nga tushaka ngwetu netu batukonekele
Bika kwapwila kwa seho kulitabela bubi na kutenguluka mu busunga?
Myanja ya mu Mbimbiliya ije yasa kumikwasa:
Sm 32:1-5; 51:1, 2, 16, 17—Mwene Devidi walizibile manene kubabala ku mbunge mwafwa ya bubi bwakama bwalingile, co watengulukile mu busunga
Jms 5:14-16—Jemusi walumbunwine ngwendi nga munu nalingi bubi bwakama, napande kuleka bakulunu
Bika bitunapande kutengulula nga tushaka ngwetu Yehova atukonekele?
Myanja ya mu Mbimbiliya ije yasa kumikwasa:
1Bi 21:27-29; 2Ko 18:18-22, 33, 34; 19:1, 2—Mwene Ahabe walikehesele omwo wazibile ngwendi Yehova amwana kashitiko ha bubi bwalingile. Oloni katengulukile mu busunga. Ngeci, Yehova kamukonekelele
2Ko 33:1-16—Mwene Manase walingile bubi bwabwingi manene, oloni Yehova wamukonekelele mwatengulukile na kwecela bubi. Manase wamwesele ngwendi watengulukile mu busunga omwo walwisile bulombelo bwa makuli na kukwasa banu balemese Yehova
Yehova namwesa bati ngwendi asa kukonekela munu uje natenguluka na kwecela bubi?
Sm 103:10-14; Isa 1:18; 38:17; Jel 31:34; Mik 7:19
Mwanja wa mu Mbimbiliya uje wasa kumikwasa:
2Sa 12:13; 24:1; 1Bi 9:4, 5—Yehova wakonekelele Devidi nameme walingile bubi bwakama mwafwa Devidi watengulukile na kwecela bubi. Co Yehova wamumwene ngwendi wapwile munalume wa kulongwa
Yesu wamwesele bati ngwendi Yehova nalibwahesela kukonekela banu?
Myanja ya mu Mbimbiliya ije yasa kumikwasa:
Mat 26:36, 40, 41—Baka-kukabangeya Yesu bamo balalele ha simbu yatondele manene bukwasi bwabo, oloni wabazibisisile mwafwa bajukile
Mat 26:69-75; Luk 24:33, 34; Bil 2:37-41—Pita wabyanene Yesu lutatu, oloni wamukonekelele mwafwa watengulukile. Munima ya kusanguka, Yesu walisholwele kuli Pita, co mu kwita kwa simbu wamupangesele mu kukwasa bikungulukilo
Tuzibuka bati ngwetu Yehova kakonekela banu boshe?
Mat 12:31; Heb 10:26, 27; 1Iw 5:16, 17
Myanja ya mu Mbimbiliya ije yasa kumikwasa:
Mat 23:29-33—Yesu wanangwile baka-kusoneka na Bafalisi ngwendi bakabanyongesa
Iwa 17:12; Mak 14:21—Yesu watumbwile Judasi Isikalioti uje wamwendele bungungu ngwendi “muna kunyonga,” co wendekele lalo ngwendi cinesi kubwaha ngwe Judasi kasemukile