Bimbongo
Mwafwa bika kutwapandele kuzema bimbongo?
Taleni ñanda ya mutwe wa “Kuzema Bufuko”
Mbimbiliya inamwesa bati ngwayo kukwabihile kutonda bimbongo mangana munu anyunge naanga yendi?
Eke 7:12; 10:19; Efe 4:28; 2Te 3:10; 1Ti 5:8, 18
Myanja ya mu Mbimbiliya ije yasa kumikwasa:
Gen 31:38-42—Jakobu wapangele na nzili mangana anyunge naanga yendi, nameme ishemweno Labani wakele na kutengulula fweto yendi. Co Yehova wabezikisile kulifwita kwendi
Luk 19:12, 13, 15-23—Yesu wanene cakumwenako cije cimwesa ngwaco ha simbu yakele hano hasi banu bakele na kupangesa bimbongo mu ngila imo mangana bawaneneho bikwabo
Mbimbiliya yendeka bika ha kukolota na kukolotesa bimbongo?
Mwafwa bika kutwapandele kukolota bimbongo byabingi-bingi?
Myanja ya mu Mbimbiliya ije yasa kumikwasa:
Neh 5:2-8—BaIsalele bamo baje bayoyele mu simbu yayoyele Ngubulu Nehemiya, kubakele na kulinga mwamubwa bakwabo babakolotesele bimbongo
Mat 18:23-25—Cakumwenako canene Yesu citulongesa ngwaco nga kutufwete bikoloti bituli nabyo, twasa kuwana kashitiko
Tunapande kulinga byuma muka simbu kanda twangule kulinga mingoso na mukwetu muka-Kristu, munu uje kakulahelele nambe kabushoko ketu?
Myanja ya mu Mbimbiliya ije yasa kumikwasa:
Gen 23:14-20—Simbu kanda Abrahamu atsinde Sala, walandele lihya na bwina bwa mu limanya buje bwakele muje mu lihya oku kuli na bakaleho, mangana keti kukale umo akalinga nendi bimata kulutwe
Jel 32:9-12—Kapolofweto Jelemiya mwalandele lihya kuli kabushoko kendi, wasonekele lizibasano na kulisononona. Kutundaho, wafwetele bimbongo ha mesho a bakaleho
Mwafwa bika kunapu kwa seho kuzibukila cimweja mumupangesela bimbongo byeni?
Mwafwa bika biñanda bya bikoloti na kulikolotesa bimbongo kubyapandele kunena lyangununo mu cikungulukilo?
Taleni lalo Lom 12:18; 2Ti 2:24