Kulombela
Tuzibuka bati ngwetu Yehova akatolilila ku malombelo na kuwakumbulula?
Taleni lalo Sm 66:19; Bil 10:31; Heb 5:7
Myanja ya mu Mbimbiliya ije yasa kumikwasa:
1Bi 18:36-38—Yehova wakumbulwile mu bwasi-bwasi lilombelo lya kapolofweto Eliya mwakele na kulikanangana na tupolofweto ba Bale ha Lilundu lya Kamele
Mat 7:7-11—Yesu watushongangeyeye kutwalelelaho kulombela, co wendekele ngwendi Tate yetu wa cizemo Yehova akatolilila ku malombelo etu
Kuli iya lika kubanapande kulombela baka-Kristu?
Tunapande kulombela mu lizina lyeya?
Yehova akatolilila ku malombelo a beya?
Yehova kesi kutolilila ku malombelo a beya?
Pro 15:29; 28:9; Isa 1:15; Mik 3:4; Jms 4:3; 1Pi 3:7
Myanja ya mu Mbimbiliya ije yasa kumikwasa:
Jos 24:9, 10—Yehova katolililile ku lilombelo lya Balamu mwafwa kulyalitombwele na cizango cendi
Isa 1:15-17—Yehova katolililile ku malombelo a banu bendi mwafwa bakele na mulonga wa maninga, co lalo bakele na kulikwisa
Bika bitunapande kwendeka kumamaneselelo a malombelo etu, co mwafwa bika?
Kuma Mbimbiliya inamwesa ngwayo tunapande kukala mu cifwa cimo nga tulombela ndi?
1Bi 8:54; Mak 11:25; Luk 22:39, 41; Iwa 11:41
Taleni lalo Jon 2:1
Byuma muka bimo bibanasa kwendeka bangamba ba Yehova mu malombelo abo nga banaliwana hamo mu kulemesa?
Myanja ya mu Mbimbiliya ije yasa kumikwasa:
1Ko 29:10-19—Mwene Devidi wemanenene baIsalele mu lilombelo omwo banene milambu ya kupangesa ku kutunga tempele
Bil 1:12-14—Tupositolo, bandolome ba Yesu, Maliya ina ya Yesu na banakazi bamo ba kulongwa balikungulwilile mu mulili wa kwilu mu Jelusalema, co balombelelele hamo
Mwafwa bika uje alombela kapandele kulyalesa nambe kushaka kulingisa banu bamwane bumpau?
Mwafwa bika tunapande kulombela simbu kanda tulye byakulya?
Mwafwa bika tunapande kutwalelelaho kulombela kuli Yehova?
Lom 12:12; Efe 6:18; 1Te 5:17; 1Pi 4:7
Myanja ya mu Mbimbiliya ije yasa kumikwasa:
Dan 6:6-10—Daniele watwaleleleleho kulombela kuli Yehova kwa kujeneka kulishweka nameme kulinga ngoco kwakele buyoye bwendi mu bushonde
Luk 18:1-8—Mu kushaka kumwesa ngwendi Yehova atolilila ku malombelo etu nga tutwalelelaho kulombela kuli ikeye, Yesu wapangesele cakumwenako ca lyaako uje wakwasele munakazi uje watwaleleleleho kulomba bukwasi kuli ikeye
Mwafwa bika tunapande kukala na bisinganyeka binapande nga tushaka ngwetu Njambi atolilile ku malombelo etu a kulomba likonekelo?
2Ko 7:13, 14
Myanja ya mu Mbimbiliya ije yasa kumikwasa:
2Bi 22:11-13, 18-20—Yehova watetelele Mwene Josiya na kumuzibila ngozi mwafwa walikehesele na kulinga byuma bije byamuzibisile kubwaha
2Ko 33:10-13—Mwene Manase walikehesele na kulomba likonekelo kuli Yehova, co Yehova wamukonekelele na kumwilwisila ha bumwene
Tunapande kulinga bika nga tushaka ngwetu Yehova atukonekele?
Bika kwapwila kwa seho kumwesa mu malombelo etu ngwetu tushaka cizango ca Njambi cilingiwe?
Mwafwa bika malombelo etu anapande kumwesa ngwao twakulahela Tate yetu wa mwilu?
Byuma muka bimo bitwasa kwendeka mu malombelo etu?
Kujelesa lizina lya Njambi
Kulomba ngwetu Bumwene bwa Njambi buyule hano hasi hoshe
Kulomba ngwetu cizango ca Yehova cilingiwe
Kulomba byuma bya kulikwasesa ku mubila
Kulomba kutukonekela bubi bwetu
Kulomba Yehova atukwase nga twaliwana na ceseko
Kukandelela kuli Yehova
Kulomba Njambi mangana atukwase kuzibuka cizango cendi, kumulomba mana na kuzibisisa
Taleni lalo Sm 119:34
Mwanja wa mu Mbimbiliya uje wasa kumikwasa:
1Bi 3:11, 12—Mwene Solomoni walombele Yehova mana, co Yehova wabwahelelele na kumwana mana a kulitila
Kulomba sipilitu ya kujela
Kwaka bandolome na bandokazi betu mu malombelo, kwambateselela na baje bali na kuliwana na mapakeso
Kushangazala Njambi
Myanja ya mu Mbimbiliya ije yasa kumikwasa:
Luk 10:21—Yesu washangazalele Yehova hakati ka mbunga ha kukwasa banu ba kulikehesa kuzibuka busunga
Kuj 4:9-11—Tungelo bakana Yehova bumpau na kasingimiko kaje kanamupande
Kulomba Yehova alingise baka-kuyula batutabese kumulemesa mu kwoloka na kwambulula muzimbu waubwa
Taleni lalo Jel 29:7
Kuma tunapande kulombela ha litangwa libatumbwitika ndi?
Kuma tunapande kwaka baje banazeye ku sipilitu mu malombelo ndi?
Mwafwa bika banalume kubesi kuzala cuma cimo ku mutwe nga balombela, co mwafwa bika banakazi simbu imo banapande kuzala cuma cimo ku mutwe nga balombela?
Byuma muka byamona Njambi kupwa bya seho mu malombelo etu bije bitubakana bulaha bwao nambe mutulizibila?
Bus 3:41; Mat 6:7
Myanja ya mu Mbimbiliya ije yasa kumikwasa:
1Bi 18:25-29, 36-39—Tupolofweto ba Bale mubashakele kumwesa ngwabo njambi yabo ali na nzili munima ya kuziba byabalekele kapolofweto Eliya, balombelele ha simbu yailaha kuli Bale, oloni kabakumbulwile
Bil 19:32-41—Baka-kulemesa tumponya ba mu nganda ya Efeso batambekele mu kushangazala Atemisi, njambi wa munakazi ha maola abali. Oloni byahi byatundilemo. Co muka-kutwamenena nganda wababindikile na kubaleka ngwendi becele kunena liwayanga