Kuvwethzelela ku Vutongwe Vwetu vwa mu Lihya—Mwakukumbulwila Munu Uje Naluvala

Vichapwila cha kulema: Vanu vavangi vatukawana mu lihya vapwa va kulikehetha. Oloni Yesu wendekele ngwendi vanu vamo vakatuthzinda. (Yow. 17:14) Ngechi, kutwapandele kulikomokela nga tuwana munu mu lihya uje navihilila. Nga tuwana munu wa chifwa echi, tunapande kumukumbulula mu ngila yije yithzivitha Yehova kuvwaha. (Lom. 12:17-21; 1 Pet. 3:15) Echi chonowetha vukalu kwamenako. Cho lalo, chikwatha yitwendeka nendi na vanu veka vaje vali na kukenga vamone ngwavo twapwa tu vanu vavavwa. Cho thimbu yeka vanatha kukatolilila ku Vakaleho va Yehova veka vaje vakamwendela.—2 Koli. 6:3.