Yeni Kulutwe mwa va Ngamba va Njambi
1. Mithzimbu muka ya mu likulukathzi lya myaka lyakulivanga ije yisholola ngwavo tunapande kuya kulutwe mwa vangamba va Njambi?
1 Vaka-Kilisitu vanapande kuya kulutwe mwa va ngamba va Njambi. Evi vikevyo Yesu walongethelele vaka-kumukavangeya mangana vapange vwino chipangi chavo cha kwambulula. (Luk. 9:1-5; 10:1-11) Va Akwila na Pilisila navo vambatele Apolo, “nakumunangula mwamuvwa ngila ya Njambi.” (Vil. 18:24-26) Na Paulu nendi wakanyamethele Timateo, muka-kwambulula wakuhya ake mbunge kulongethi yendi mangana vipangi vyendi “visholoke kuli voshe.” (1 Tim. 4:13-15) Nambe tuneshwala manene mu kupangela Shukulu mwa vaka-kwambulula muthzimbu wauvwa, oloni tunapande kwotola vingila vyetu vyakwambulwilamo.
2. Twatha kulilongetha vati ku vakwetu?
2 Kulilongetha ku Vakwetu: Kulilongetha ku vakwetu yinapu ngila yimo yitwatha kuyilamo kulutwe mu chipangi chetu. (Vis. 27:17) Ngechi tunapande kutolilila vakwetu omwo vendeka na munu. Ihuleni vaka-kwambulula vakuhya vamyane vingila vyakwambulwilamo, cho tolilileni vwino vyuma vamileka. (Vis. 1:5) Nga kumutanekeya mwakwilukila ku vanu, na kushangumuka chilongetha cha Mbimbiliya, nambe kupangetha ngila yimo yakwambulwilamo, cho ihuleni kanyungi keni wa mbunga nambe muka-kwambulula wakuhya mangana amilongethe. Anukeni lalo ngweni sipilitu ya Yehova yatha kumikwatha muye kulutwe, ngechi mulombeni Njambi mangana amyaneyo.—Luk. 11:13.
3. Tunapande kulinga vati nga vatuleka vingila vyakwambulwilamo, nambe nga ou natulekevyo kutwamulanyele?
3 Kethi muluvale nga vamileka vyuma vimunapande kulinga mangana muye kulutwe, nambe nga ou namilekevyo kumwamulanyele kulinga ngocho. (Muka-kwa) Vwaheleleni, likehetheni nakukavangeya vivanamileke ngwe muje mwalingile Apolo. Nga mulinga ngocho, cho musholola ngweni muli na mana.—Vis. 12:15.
4. Chuma muka chakama chendekele Yesu chije chitulingitha tuye kulutwe mwa vaka-kwambulula?
4 Kuya Kulutwe Kuthingimika Njambi: Yesu wanene vandongethi vendi chifwitha mangana avakanyamethe vaye kulutwe mu chipangi chavo. Ivenya walyethekele ku muvinyu, cho vandongethi vendi wavethekele ku minango. Wendekele ngwendi Ishe akanongo minango yoshe “mangana ime vushuka vwavungi.” (Yow. 15:2) Ndimi washaka kumona minango ya mivinyo yendi ima vushuka vwavungi, ngechi na Yehova ashaka ngwendi tuye kulutwe na kwima vushuka vwa “tunwa twetu.” (VaHe. 13:15) Vyuma muka vyavivwa vitundamo nga tuya kulutwe mwa vaka-kwambulula? Yesu natukumbulula ngwendi: “Vumpau vwa Tate vusholoka nga mwima vushuka vwavungi.”—Yow. 15:8.