Ambululeni na Ntwima Vuthunga Vuje Vwendeka Hali Yesu

Ntwima yetu yama manene nga tutanekeya mwakwambulwila vuthunga vuje vwendeka hali Yesu kuli vakwetu. Yesu ikeye limanya lya mu mbango haje vatungila likulahelo lya vuthunga. (Efe. 2:20) Kwakujeneka ikeye, ngwe netu kutwatha kukala na chinyangavili chakukovoka. (Vili. 4:12) Ngechi, chivwaha nga vanu voshe vananguka chipangi cha Yesu mukushulithilila chithzango cha Njambi. Vanu vavangi vanavongumuna na vilongetha vya makuli. Chinapu cha vuthiwa manene mwafwa kuvakamono vyuma lyakulahetha Lijwi lya Njambi ku vanu vaje vakulahela Yesu. Kuthzivuka vuthunga kutulingitha tukwathe vanu va vimbunge vyavivwa vathzivuke Yesu, na vushoko vwakala hali ikeye na Njambi, na chipangi chendi mukushulithilila chithzango cha Njambi. Mwambulula na ntwima vuthunga vuje vwendeka hali Yesu mu vingonde vya Chanukitho ndi?