Kuvwethzelela ku Vutongwe Vwetu vwa mu Lihya—Kwatheni Vaje Vamukatwalela Mangazini

Vichapwila cha Kulema: Vanu vavangi vaje vakatanda mangazini etu kuvethi kushaka kulilongetha netu Mbimbiliya. Mpamo vashaka vulombelo vwavo, indi mpamo vakathinganyeka ngwavo kuvethi na thimbu ya kulilongetha. Oloni omwo vatanda mangazini etu thimbu yoshe, vanatha kukala na lihwila lya kulilongetha Lijwi lya Njambi. (1 Pet. 2:2) Chilongetha chimo chinatha kuveta ku mbunge, indi mpamo vyuma vimo vinatha kutenguluka mu vuyoye vwavwo. Kuvendela kushwakumo kuvalingitha vatwithzilile, cho kutukwatha lalo tuthzivuke vyuma vivashaka na vukalu vwavo. Mukwita kwa thimbu, tunatha kushangumuka kulilongetha navo Mbimbiliya.

Mwakulingila:

Waneni thimbu ya kuvatwalela mangazini amaha a Kaposhi ka Kukengela na Toneni! mu ngonde na ngonde. Munatha kuvendela thimbu ikwavo hakati ka ngonde mukashangumune lihwila lya kutanda viñanda vimo vya mu mangazini amunavathethzelele, nambe kuvatwalela mikanda ya kwana mu ngonde ino. Thonekeni mithzimbu yavo.—Kengeni Chipangi Chetu cha Vumwene cha January 2014, cha Silozi ha lipu. 3.
Livwahetheleni ha vungendthzi vumukuta. Keshi muvathethzele lika mangazini, thimutwiyeni navo na kutunga vuthamba mangana mushangumune lihwila.
Waneni vingila vyakushangumukila chilongetha. Nga munu umo imukatwalela mangazini amihula vyuma viyendeka Mbimbiliya ha ñanda imo, mutwaleleni livulu lya kulilongethamo lije linakumbulula chihula chendi na kuthimutwiya nendi. Thimbu kanda mumuthalethe, mwihuleni chihula chije chimukathimutwiya ha vungendthzi vukwavo. Nga muthimutwiya nendi thimbu yoshe kupangetha Mbimbiliya nambe livulu limo lya kulilongethamo, cho muli na kutwamenena chilongetha cha Mbimbiliya. Kuli munu imunana mbuloshuwa ya Muthzimbu Wauvwa na kumuleketha mwakulilongethela Mbimbiliya mu vwihi ndi? Mwamumwethaho laja vindiyo ya Ki Kabakalañi ha lu Swanela ku Ituta Bibele? na Tuto ya Bibele I Eziwanga Cwañi? Nga munu kashakele kulilongetha kunima, vyuma vinatha kutenguluka. Chivwaha nga mwetheka kulilongetha nendi lalo.

Kavangeyeni Vyuma Vino mu Ngonde Ino:

Thonekeni mathzina a vanu vaje munapande kutwalela mangazini. Vaneni mangazini a mu ngonde ino, na kuvaleka ngweni mukavanenela lalo a mu ngonde ijaho.