Mithzimbu ya mu Lihya

Vyuma vinalingiwa mu mwaka: Mu ngonde ya May, kwalingiwile chuma chimo chakama chije kuvakevala vanu va Njambi mu Zambia. Ku Kabompo, mu North-western province kunakele chiwano cha kukundika Ofisi ya Kwalumwina Mikanda. Ha myaka itatu ineti kunima, vanakele na kuyongola mwakutungila eyi ofisi. Vanatunguko maofisi na milili ya kulala vaka-kwalumuna lilimi lya Luvale. Oku ku chipangi, kunakele vandolome na vandokathzi va kupwa 30 va ku mafuti a kupwa 5 na vaka-kukwatha vavangi va muno mu Zambia. Vanapangelele hamo na kumanetha echi chipangi mu vingonde 15.

Tunavwahelela manene lalo kumileka ngwetu mu ngonde vene eyi ya May, vanatuhwile Mbimbiliya yaVisoneka vyaKaye Kakahya. Vandolome na vandokathzi va mu ndaka ya Luvale vanavwahelela manene kukala neyi Mbimbiliya, mwafwa ili na lithzina lya Njambi, cho inapu yayathi kuyithzivithitha na kuyipangetha mu lihya. Tutwaleleniho kupangela hamo lika mu kukwatha “vanu voshe na ku vindaka vyoshe” kuthzivuka Yehova na Vumwene vwendi.—Kuj. 7:9; Mat. 24:14.