Kuma Lijwi lya Njambi Likamikwatha mu Kuyoya Kweni Kwoshe Ndi?

Kutanda Mbimbiliya litangwa na litangwa kwatha kutukwatha mangana “Mithzi yetu isha-lave” na “kupwa vaka-ndthzili manene mu Kuku-lahela kwetu.” (Kol. 2:6, 7) Oloni tunapande kuthinganyeka na kukavangeya vindongi vya mu Lijwi lya Njambi mangana litukwathe mu kuyoya kwetu. (VaHe. 4:12; Yak. 1:22-25) Mukanda wa Yoshwa 1:8 utuleka vingila vitatu vya kutandelamo Mbimbiliya. Utuleka ngwawo tunapande: (1) Kutanda Lijwi lya Njambi “mutanya na vu-thsiki.” (2) Kulitanda “kutambekela,” kulumbununa kulitandela ku mutambela uje ututavetha kulitanda mu ngila ije itulingitha kuthinganyeka na kulithziva ngwe tuli na kumona vyuma vituli na kutanda. (3) Na kupangetha “vyuma vyoshe vije vivanathonekamo.” Nga tulingamo, cho “tu-kavethzika” na “kukala mwamuvwa” mu kuyoya kwetu.