‘Endeni mu Kukulahela, Kethi mu Kumona na Mesho Embwe’

Thimbu kanda maswalale vathzengeleke na kuwitha Yelusalema, kapositolo Paulu wathoneke ngwendi omwo vaka-Killisitu vanapu maswalale va Kilisitu vanapande kuvandamena mapaketho, ngechi kuvapandele kushaka lika kuyoya mwamuvwa thimbu yoshe. (2 Tima. 2:3, 4) Tunapande kukala na likulahelo lya kukanyama na kwa mbunge ku vyuma vya ku sipilitu, mwafwa vanu vaka-kujeneka kukulahela ololo vavanyongetha. (2 Koli. 4:18; 5:7) Yongoleni vindiyo ya ‘Endeni mu Kukulahela, Kethi mu Kumona na Mesho Embwe,’ nangukeni omwo kuthzema manene vufuko kwapwile mweto kuli va Nahame na Avitale. Kutundoho itulukeni mu vihula vili mwithi.

(1) “Chimwetho cha vunyengwe . . . chinemana mu mwela wa kujela” cha mu chita cha myaka cha kulivanga chapwile chika, cho vika vivanapandele kulinga vaka-Kilisitu vakele mu Yelusalema? (Mateo. 24:15, 16) (2) Mwafwa vika kutunda mu nganda kunatondele kukala na likulahelo. (3) Vaje vatundilemo vanapandele kulyana mu vingila muka? (4) Vika vyalingithile va Nahame na Avitale vakwatekwate ku mathinde? (Mateo. 24:17, 18) (5) Likulahelo lya Lakele valyethekele mu ngila muka lalo omwo watundile mu Yelusalema? (Mateo. 10:34-37; Mako 10:29, 30) (6) Etane watwakelele mwanja muka mu kumwetha likulahelo kuli Yehova? (7) Vukalu muka vuvaliwanene navwo vaka-Kilisitu mu Pela? (8) Likulahelo lya Nehame na Avitale lyathzele vati kamandondo-kamandondo? (9) Yehova wakwathele vati vaka–Kilisitu ku Pela? (Mateo. 6:33; 1 Tima. 6:6-8) (10) Twatha kutembwinina vati Avilahama na Sala omwo tuli muyehi na kukotoka kwa futithi yaivi? (Heve. 11:8-10) (11) Va Nehame na Avitale vathinganyekele vika muvelukile ku Yelusalema, cho mwafwa vika vithinganyeka vyavo vyapwile vya kuhenga? (Luka 21:21) (12) Kuyoya kwafwile vati mu Yelusalema omwo va Nehame na Avitale velukilemo? (13) Mwafwa vika tunapande kukanyametha likulahelo lyetu hano vene thimbu kanda futithi iliko inyonge?—Luka 17:31, 32; 21:34-36.

Kwenda mu kukulahela kulumbununa (1) kukulahela kutwamenena kwa Yehova, (2) kumutavetha atutwamenene, na (3) kumwetha ngwetu vyuma vya ku sipilitu vikevyo vya kulema kuli yetu kutuvakana vya ku muvila. Tulyangwileni kwenda mu kukulahela na kutava ngwetu “kaye na vyuma vyoshe vilimo vije vanu vashungwiya vili na kwita, oloni vaje valinga chithzango cha Njambi vakayoya myaka yoshe.”—1 Yowano 2:17