“Vanapandakana Njambi. . . ”

Lishiko lya Mosesa lyamwethele ngwalyo munalume uje ashaka kukondola munakathzi wendi napande kuthoneka mukanda wa kuthsiya vulo. Echi chakwathele vanu vajeneke kuthzambwila kuthsiya malo. Oloni mu thimbu ya Yesu vantwama va mu vulombelo vatavethele vaje vakele mu malo valikondole vwathi. Vanalume vakele na kukondola vanakathzi vavo ha vyuma vyoshe vyoshe. (viñanda vitukwatha kuthzivithitha Mak 10:4, 11 mu nwtsty) Yesu wendekele ngwendi Yehova ikeye washangumukile vulo na kutavetha ngwendi vukaleko. (Mak 10:2-12) Ngechi, munalume na munakathzi va kulyambata vapwa “muvila umo lika,” cho vanapande kutwalelelaho kuyoya hamo. Mu Vithoneka vanatavetha lika kulikondola nga umo ‘nalingi vupangala.’—Mat 19:9.

Ano matangwa vanu vavangi vakamono vulo ngwe muvavumwenenene Vafaliseo, kethi ngwe mwavumwenenene Yesu. Nga mu vulo vwavo muli vukalu, vakathzambwila kulikondola. Oloni vaka-Kilisitu vakevo vakamono vulo kupwa chuma cha theho, cho vakapangetha vinangulo vya mu Mbimbiliya ha kumanetha vukalu vwavo. Hanima ya kukenga vindiyo ya Chithzemo na Kathingimiko Vikakwatathanetha Vinanga, kumbululeni evi vihula:

• 

  Mwatha kupangetha vati mukanda wa Vithimo 15:1 mu vulo vweni, cho vika kwapwila kwa theho kulinga ngocho?

• Kupangetha mukanda wa Vithimo 19:11 kumikwatha vati nga munalithevuka?

• Nga vulo vweni vushaka kuthsa, vihula muka munapande kulihula, mangana mujeneke kuthzambwila kuthsiya vulo vweni?

• Mukanda wa Mateo 7:12 umikwatha vati mukale mwamuvwa mu vulo?