Kaye ‘Kalehwile Mema’

Kushwa lika kusañulu, baka-kuyula bamo banakwasa banu ba Yehova ha bisimbu byabingi. (Ezl 6:1-12; Esi 8:10-13) Ano Matangwa, tucili na kumona “kaye” oku kalehula mema ali na kutunda kuli “canzangombe” nambe ngwetu Satana Liyabolo. Kaye kanapu banu nambe bibunga bya banu baje bali na kwimanena banu ba Njambi. Mema anapu tuyando tubali na kuyandesa banu ba Njambi. (Kuj 12:16) Simbu imo, Yehova uje wapwa ‘Njambi muka-kwamena’ asa kulingisa baka-kuyula bakwase banu bendi.—Mya 68:20; Vis 21:1.

Batico nga banamikutu mwafwa ya likulahelo lyeni? Zibukeni ngweni Yehova ali hamo neni. (Kus 39:21-23; Mya 105:17-20) Zibukeni lalo ngweni Njambi akamyana cikandelela mwafwa ya likulahelo lyeni. Co lalo kulongwa kweni kuli na kutakamesa bandolome beni mu kaye koshe.—Fil 1:12-14; Kuj 2:10.

KENGENI VIDIO YA BANDOLOME BA KU KOREA BANABAPATULA MU KAMENGA, KUTUNDAHO KUMBULULENI BIHULA BINATAKO:

• Bandolome na bandokazi babangi ba ku South Korea babakutilile bika ha myaka yaingi?

• Baka-kuyula basompele bati mangana bandolome betu bapatuke mu kamenga?

• Twasa kukwasa bati bandolome betu mu kaye koshe baje babanakutu mwafwa ya likulahelo lyabo?

• Twasa kupanga bati na nzili nga kutwesi mu kamenga?

• Iya natukwasa tuhyane mu biñanda byoshe bitunakala nabyo mu binkuta?