BISIMPI BYA SEHO BYA MU LIJWI LYA NJAMBI | KUSHANGUMUKA 9-11
‘Banu Boshe ba Hano ha Kaye Bendekele Ndaka Imolika’
Ku babele, Yehova washandwele banu baje kubamwononokele omwo watanganesele ndaka yabo. Ano matangwa, Yehova ali na kukungulula mbunga yakama ya banu ba kutunda ku mafuti oshe na bindaka byoshe. Co nabana ndaka ya kujela mangana basane ha lizina lya Yehova na kumupangela oku banalikwatasana. (Zef 3:9 NWT; Kuj 7:9) Eyi ndaka ya kujela inapu busunga bwa mu Mbimbiliya buje bwendeka bya Yehova na biyongola byendi.
Kulilongesa ndaka yaiha kukwapwile lika kuzibuka majwi amaha a mu ndaka oyo. Munu napande kulilongesa kusinganyeka ngwe mubakasinganyekela babenya ndaka. Mu ngila imo lika, bisinganyeka byetu binapande kutenguluka omwo tulilongesa ndaka ya kujela. (Lom 12:2) Kutwalelelaho kulinga ngoco, kukekwo kuli na kulingisa banu ba Njambi balikwatasane.—1 Ko 1:10