YOYESI YA BAKA-KILISTU

Bingila Bitatu Bitwasa Kumweselamo Ngwetu Twakulahela Yehova

Ndabiti wahyanene Ngolyata mwafwa wakulahelele Yehova. (1 Sa 17:45) Yehova ashaka kumwesa nzili yendi yakwamena bangamba bendi. (2 Mi 16:9) Twasa kumwesa bati ngwetu twakulahela Yehova kutubakana kulikuhela yetu babenya? Tusimutwiyeni ha bingila bitatu:

Lombeleni simbu yoshe. Keti mulombe lika Yehova munima ya kusebuka, oloni mulombeni amyane nzili omwo muliwana na byeseko. (Mat 6:12, 13) Keti mulombe lika ngweni Yehova abezikise byuma bimunangula laja kulinga, oloni munapande kumulomba amikwase kwangula mwamubwa bya kulinga simbu kanda mulinge ngoco.—Yak 1:5
Liziliseni kutanda Mbimbiliya na kulilongesa simbu yoshe. Tandeni Mbimbiliya ha litangwa na litangwa. (Mya 1:2) Singanyekeseseni ha myanja ya mu Mbimbiliya na kupangesa bimulilongesako. (Yak 1:23-25) Libwaheseleni mwamubwa simbu kanda muye na kwambulula nameme mwashwile laja eci cipangi. Libwaheseleni mwamubwa biwano mangana mukalikuwe kukunguluka
Likwatasaneni na munga ya Yehova. Nangukeni bwasi mashiko amaha amu munga ya Yehova na kuwononoka. (Kul 9:17) Ononokeni nga bakulunu bamikwasa na kuminangula.—Hev 13:17

Tupokola bali na kutwala ndolome mu kamenga oku baka-kwambulula mizimbu na bandolome bakwabo bali na kumona bili na kulingiwa.

KENGENI VIDIO YA KUTWAPANDELE KUTEWA MAPAKESO. KUTUNDAHO, KUMBULULENI BIHULA BINATAKO:

• Bika bibalishoshomwenene bandolome na bandokazi batunamono?

• Bika byabakwasele becele kulishoshomwena?