Byuma Bitukwasa Tupangese Mwamubwa Libulu lya Likuweni Kuyoya Myaka Yoshe!

Kuma mukalikuu kupangesa mavidio na bihula bije bishongangeya munu endeke bili ku mbunge yendi, bili mu libulu lya Likuweni Kuyoya Myaka Yoshe! ndi? Mitamba ya kufwa ngwe “Bamo Bakendeka Ngwabo,” “Cilengo,” na “Waneni Bikwabo,” inamikwasa bati? Byuma muka bikwabo bili mu libulu lya Likuweni Kuyoya Myaka Yoshe! bimushaka kupangesa mu cipangi ca kupwisa banu bandongesi?—Mat 28:19, 20.

Mavidio, Majwi Abanarekoda na Biñanda Bikwabo: Nga mushaka kutwamenena cilongesa ca Mbimbiliya kupangesa libulu lya kupulinta, mwasa kuwana bati bwasi mavidio, majwi abanarekoda na biñanda bikwabo? Nga muli na kupangesa libulu lya ha likina, co nyatekeni ha mutamba umushaka ha mitamba iwana yeli libulu. Kwisi ya mukana wa mitwe ya bilongesa byowo mutamba, nyatekeni ha “Mavidio, Majwi Abanarekoda na Biñanda Bikwabo” mangana muwane mavidio oshe na biñanda bikwabo byomwo mu mutamba. (Taleni cikupulo cakulibanga.)

Mwakutengulwila libulu lya ha likina mangana limoneke ngwe lya kupulinta: Nga muli na kulilongesa na munu ali na kupangesa libulu lya kupulinta, yeni oku muli na kupangesa lya ha likina, hamo mushaka ngweni mumone mulimonekela libulu lya kupulinta. Nga munashokolola ha cilongesa, co nyatekeni ha tumadoti tutatu ku cilyo helu ya liputa na kunyateka ha “Printed Edition.” Kulinga ngoco kumikwasa mumone biñanda bimuli na kulilongesa mubinalikwatasanena na mutwe wa cilongesa. Nga mushaka kulitengulula lalo mangana limoneke ngwe mulikamonekela lya ha likina, co yeni lalo ha tumadoti tutatu ku cilyo helu ya liputa na kunyateka ha “Digital Edition.”

“Njalibwaesela Ndi?”: Ebi bipalo bibali bili ku mamaneselelelo a libulu bimwesa byanapande kulinga munu mangana ase kuya na kwambulwila hamo na cikungulukilo na kumumbwitika. (Taleni cikupulo camucibali.)

Biñanda bya Kushongo: Ku biñanda bya kushongo banalumbununako biñanda bimo bya seho. Nga mupangesa libulu lya ha likina, ku mamaneselelo a ñanda na ñanda ya biñanda bya kushongo kuli ha mwasa kunyateka mangana mwiluke lalo ha cilongesa hamunakele. (Taleni cikupulo camucibali.)