SEPTEMBER 15-21

PROVEBIA 31

Mwaso 135 na Lilombelo | Majwi a Kuzimbula (Munu 1)

BISIMPI BYA SEHO BYA MU LIJWI LYA NJAMBI

Cisemi wa munakazi ali na kusimutwiya mwamubwa na munendi wa munakazi oku banatumama mu citwamo.

1. Bitulilongesa ku Binangulo bya Cisemi wa Munakazi

(Minu 10)

Longeseni bana beni bazibuke biyongola bya Yehova ha ñanda ya kulilala na bulo (Pro 31:3, 10; w11 2/1 19 ¶7-8)

Longeseni bana beni bakale na biyongola bya Yehova ha ñanda ya bwala (Pro 31:4-6; ijwhf cilongesa 4 ¶11-13)

Longeseni bana beni bapwe baka-kukwasa banu ngwe mwakalingi Yehova (Pro 31:8, 9; g17.6 9 ¶5)

2. Kutondesesa Bisimpi bya Seho

(Minu 10)

Pro 31:28—Mwafwa bika munalume napande kushangazala munakazi wendi? (w25 01 13¶16)

Cikumbululo ceni
Bisimpi muka bimunawana mu kutanda Mbimbiliya cino calumingo?

Cikumbululo ceni

3. Kutanda Mbimbiliya

(Minu 4) Pro 31:10-31 (th cilongesa 10)

AKENI MBUNGE KU CIPANGI CA KWAMBULULA

4. Kushangumuka Kusimutwiya na Banu

(Minu 3) KWAMBULULA MU KUTULUKWA. Shangumuka kusimutwiya na munu uje nendeka nambe nalingi byabibwa. (lmd cilongesa 5 simpi 3)

5. Kushangumuka Kusimutwiya na Banu

(Minu 4) KWAMBULWILA HA NJIBO NA NJIBO. Simutwiya na munu ha ñanda imo ili ha mutamba wa biñanda bikwabo A wa “Twazema Kulongesa Busunga bwa mu Mbimbiliya” mu broshuwa ya Zemeni Banu. (lmd cilongesa 1 simpi 4)

6. Kwilukilako

(Minu 5) KWAMBULWILA HA NJIBO NA NJIBO. Lanya munu uje natambwile Kaposhi ka Kukengela ka Na. 1 2025 ku ñanda ya kulitila. (lmd cilongesa 7 simpi 4)

YOYESI YA BAKA-KRISTU

Mwaso 121

7. Kwaseni Bana Beni Balikwasese Mwamubwa Makina

(Minu 8) Kusimutwiya.

Kuma mwamonaho laja mwanike azibuka kupangesa ma apu ali ha likina lyendi nambe ha foni yakama ndi? Banike kukabapwila kwakwasi kupangesa makina. Oloni banapande kubalongesa mwakupangesela mwamubwa likina lyabo. Nga mu bisemi, mwasa kukwasa bati muneni apangese mwamubwa likina lyendi?

Cikupulo ca mu vidio ya “Mwakupangesela Mwamubwa Simbu.” Omwo bali kungenge ya Kalunga-ndonga, Sophia natala ha foni yakama, ngeci kamono isi wakama uje ali mu mema oku ali na kweha na bola.

Mwesa VIDIO ya Mwakupangesela Mwamubwa Simbu. Kutundaho, ihula mbunga ebi bihula:

Mwafwa bika kwa seho kwaka simbu itunapande kupangesa makina etu?

Cikumbululo ceni
Tunapande kuwanako simbu ya kulinga byuma muka bikwabo?

Cikumbululo ceni

Nga mutunga mashiko mu naanga yeni, tabeseni binangulo bya mu Mbimbiliya bimitwamenene kutubakana kutembwinina bibakalingi bisemi bakweni. (Gal 6:5) Cakumwenako, lihuleni ngweni:

Kuma munange akamwesa ngwendi asa kwangula mwamubwa byakulinga ndi? Kuma ali na mbunge ya kulibindika mangana ase kupangesa likina lyange nambe lyendi ndi?—1Kr 9:25
Kuma njinapande kutabesa munange apangese likina nga ali likalyendi ndi?—Pro 18:1
Ma apu muka nambe ma webusaiti anjinapande tubesa munange kupangesa, co ali anjinapande kumubindika?—Efe 5:3-5; Flp 4:8, 9
Simbu ya kupwa hali injinapande kumutabesa kupangesa likina mangana ase kuwana simbu ya kulishubulwisa na kulinga byuma bya seho?—Eke 3:1